السلام عليكم ورحمة الله و بركاته
الاخوة و الاخوات

بعد البحث و التخطيط للسفر لألمانيا و عملت خط السير و مدن السكن والاماكن السياحية انصدمت من ان كأس امم اوروبا راح تستضيفه ألمانيا بكل مدنها الرئيسية. مع الوقت اللي كنت اتمنى اسافر فيه اللي اهو اخر اسبوعين يونيو الى اول اسبوعين يوليو . فضلت هالوقت عشان ألحق على شوية براد اوروبا و ابتعد عن زحمة موسم السفر .

حاليا محتارة و هذي اول سفرة مع كل اولادي الثلاث و ابوهم ﻷوربا ممكن نأجلها السنة الجاية؟ او اغير الوقت واجازف بالحر؟ متوقعة مع الكاس بصير فوضى و سكارى و زحمة وارتفاع أسعار . الميزانية شوي محدودة عشان هالسبب فضلت ألمانيا لانخفاض سعرها عن المناطق الاخرى.
ممكن أحول لدولة أخرى يفضل فيها ملاهي و متاحف و مناطق طبيعة. شرايكم هولندا؟ لغيت اسبانيا و ايطاليا من الحر اروح ﻷنطاليا افضل.

وعليكم السلام

ممكن تنزلوا في ميونخ
استئجار سيارة
ومن هناك على ستراسبورغ الفرنسية
تزوروا مدينة الالعاب يورب بارك في رست الألمانية
وبعدها على زيورخ ومنها على المزارات المعروفة
ثم العودة الى ميونخ

فيه خيارات كثيرة للزيارة في المخطط