فعلا دخلت اشوف الاسعار خلال فترة العيد و طلعت غالية جدا بل اكثر من اضعاف الاسعار خلال الايام العادية

تخيلوا شيكت على فندق 4 نجوم لقيت سعر الغرفة الثنائية ب 1500 ريال في الليلة بدون الافطار و غيرت التواريخ بعد شهر و طلع لي سعر ب 300 ريال يعني السعر في العيد 5 اضعاف السعر العادي

سافرت الى بلدان من قبل خلال وقت اجازة اعياد الميلاد الكريسمس و راس السنة الميلادية لكني ما شفت تضخم عندهم مثل هالتضخم الي عندنا في دول الخليج كان السعر اذا ارتفع عندهم وصل الى الضعف كحد اقصى

المشكلة اغلب فنادق قطر ادارتها اجانب و يستغلون السياح السعوديين بالذات و الخليجيين بسبب الاجازة و لهذا يرفعون الاسعار علينا بشكل مبالغ جدا

السلبية ايضا في فنادق قطر ما راح تلقى فنادق بغرفة ثلاثية لو عددكم ثلاثة اشخاص ما راح تلقى الا غرفة ثنائية او اجنحة و شقق فندقية باسعار مرتفعة جدا يعني اذا راح بتسافر مع العائلة و عددكم 3 اشخاص او اكثر ما لك الا جناح و السعر بيكون غالي جدا خصوصا فترة الاجازات و الاعياد