تجربتي في السفاره اليوم

maawi2004 · 23-04-2024, 08:11 PM

السلام عليكم ورحمته الله وبركاته

اليوم قدمت على الفيزا بالسفاره النمساويه وعندي بعض الامور لازم اوضحها لكم

1- التقديم كان سلس ومتعاونين جدا
2- الابلكيشن تغير الورقه الاولى فقط عطوني ورقه وغيرتها ثم دبسوها مع الورقتين
3- كشف حساب لازم يكون كشف البنك لي عليهالراتب ( انا ذهبت للبنك وطبعت كشف 3 اشهر عدد 100 ورقه ابتلشت فيها جات الموظفه واخذت من كل شهر ورقه يوم 27 عشان الراتب فقط
4- تعريف بالراتب من جهة العمل
5- بالنسبه لتذكرة الطياران لازم تذكره من الناقل فقط يرفضون الوسيط مثل المسافر والمطار ووو ( تقدر تدخل على موقع الناقل وتطبع الحجز )
5- بالنسبه للأولاد تحت 17 سنه فيه ورقه لازم تعبيها الام وتكتب اسماء الاولاد وتصور جواز الام
6- الجوازات لازم تكون موقعه من صاحب الجواز اما الاطفال الاب يوقع عنهم
7- كرت العايله صوروه من دون ترجمه = والهويه الوطنيه اخذو صور كذالك منها
8- مهم جدا إذا عندك فيزا سابقه ارفقها

اخيرا العمليه سهله جدا التقديم وتعبئة البيانات والتبصيم تقدر تسويها بنفسك وتترك جشع المكاتب لعب على الدقون

بن قوت, أبولجيـن فهد و آخـــرفـــرصـــة معجبون بهذا.

alradadi · 23-04-2024, 10:40 PM

فالك الـ 5 سنوات بأذن الله

آخـــرفـــرصـــةمعجبون بهذا.

بن قوت · 24-04-2024, 12:10 AM

مشكور اخي العزيز
على نقل تجربتك الجيدة
والحمد لله تيسرة
كان في السابق اعتبرة اذلال لنا
ومنح على المزاج

آخـــرفـــرصـــةمعجبون بهذا.

أبولجيـن فهد · 25-04-2024, 12:08 AM

المشكله فقرة 4 ... حقت الطيران

يتقلبون كل فتره لهم طريقه

قدمت لعدة اشخاص بحجز طيران وهمي ومشت

آخـــرفـــرصـــة و بن قوت معجبون بهذا.

شــــادى الألحان · 26-04-2024, 05:02 PM

غريبة تذاكر طيران

لو تم رفض الفيزا او تاخرت مشكلة ممكن تروح فلوس التذاكر او تدفع اكثر للتعديل

جالس افكر ازور النمساء لكن اشوف الطلبات كثيرة

maawi2004 · 27-04-2024, 10:30 AM

المشكله الي يستقبلون الاوراق موظفين سعوديين وكلامهم مختلف !!
بعد مارحت للتبصيم عند واحد باكستاني وقام يشيك على الاوراق طلعلي بآشياء ناقصه منها ورقه لحضانة الام لاأطفال مادون 17 سنه وكشف حساب رواتب ونادى وحده سعودية قالتلي انهم مايقبلون وسيط الطيران ( تقدر تدخل على الخطوط الي حجزت منها وتطبع الحجز ولازم اسماء المسافرين مرفقه ) انا سويتها ومشت >>>>>

foshe · 27-04-2024, 02:56 PM

اقتباس : المشاركة الأصلية كتبت بواسطة maawi2004

المشكله الي يستقبلون الاوراق موظفين سعوديين وكلامهم مختلف !!
بعد مارحت للتبصيم عند واحد باكستاني وقام يشيك على الاوراق طلعلي بآشياء ناقصه منها ورقه لحضانة الام لاأطفال مادون 17 سنه وكشف حساب رواتب ونادى وحده سعودية قالتلي انهم مايقبلون وسيط الطيران ( تقدر تدخل على الخطوط الي حجزت منها وتطبع الحجز ولازم اسماء المسافرين مرفقه ) انا سويتها ومشت >>>>>

السنة الماضية قدمنا ع النماساوية بتذاكر طيران وهمي لان مالقينا مواعيد قريبة و خفنا نحجز و ما تطلع الفيزا

الموظفة نفس الشي قالت التذاكر مو مقبولة لانها من وسيط لازم من الموقع الرسمي بس قلنا لها بنقدمها و ننتظر الرد قالت على مسؤوليتكم واحتمال رفض اكيد او السفارة تتواصل معاكم عشان حجز الطيران

قدمناها و الحمد لله بعد 4 ايام و صلت الجوازات مع الفيزا

آخـــرفـــرصـــةمعجبون بهذا.

Hana1987 · 28-04-2024, 05:03 AM

ماشاء الله
انا اجهز اوراق الشنقن النمساوية ومتورطة مااعرف من وين نطلع تعريف بالراتب لان اختي معلمة متقاعدة فما اعرف من اي جهه استخراجها وتختيمها

آخـــرفـــرصـــةمعجبون بهذا.

almezo · 29-04-2024, 08:51 PM

اقتباس : المشاركة الأصلية كتبت بواسطة Hana1987

ماشاء الله
انا اجهز اوراق الشنقن النمساوية ومتورطة مااعرف من وين نطلع تعريف بالراتب لان اختي معلمة متقاعدة فما اعرف من اي جهه استخراجها وتختيمها

المتقاعد يحصل على تعريف بالراتب من خلال ، بوابة المؤسسة العامه للتأينات الاجتماعيه ، بعد ان تم ربطها بالمؤسسة العامة للتقاعد.اون لاين ، لهم تطبيق

آخـــرفـــرصـــةمعجبون بهذا.

نرديـــــن · 07-05-2024, 12:44 AM

هل لابد من حضور الاطفال للمركز عند التقديم
علماً ان الاطفال اعمارهم 11 سنه و3 سنوات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بالتفصيل تجربتي مع السفاره الايطاليه	المغامر	فيزا شنغن	6	25-08-2023 03:36 PM
تجربتي في الحصول على فيزا شنغن من السفاره الالمانيه2021	IbrahimKSA	فيزا شنغن	21	06-11-2021 03:09 AM
تجربتي مع طلبات السفاره الالمانيه 26 ذو الحجه	Mesh3l911	فيزا شنغن	20	02-10-2018 02:15 PM
تجربتي مع السفاره النمساويه	vkh	فيزا	4	20-08-2016 03:33 PM
تجربتي في استخراج الفيزا من السفاره الايطاليه بالدوحه	Mrs. Nancy	فيزا	9	01-06-2015 01:55 PM