وبدينا فقرة إلى المجهول
بدينا نمشي من الساعة 2:10 عشان نطلع ونوصل المواقف ..



ونمشي



فيديو واحنا ضايعين في الغابة

https://www.youtube.com/shorts/S93LPAh1_Zo

مرينا على اشخاص بالجيش و علمونا الطريج بس للأسف غلط و بعيد عن الطلعة.





مافي اي شخص نسأله وين الطلعة





وبعد ساعة ونص ضايعين وصلنا المخرج هذا غير البوابة اللي نزل عندها ..



وقفنا اهني ننطر التاكسي ولما وصل انصدم يقول انتوا شيايبكم اهني هالمكان ما يزورونه سواح .. قلت وأنا اسوي سيرج على الاماكن طلع لي تري توب وقلت اشوفه.. واحنا داخلين أصلا كان في سواح بس عددهم بسيط و خالصين من الجسر ..

قال أول مره اخذ سواح من هالمكان .. قلت نصيبك تاخذنا ..



بصراحة ما أغبي عليكم و أقول اني ما خفت لا والله خفت خصوصاً ان أنا واختي من اصحاب الامراض المزمنة انا ربو واختي سكر .. انا خفت عليها وايد لأني حسيتها خافت وايد وبدت تتعب وموتعودة على الهايك وايد .. وبدا ابليس يلعب في مخي من افكار و احاتي لو صار شي لا سمح الله ماعندي ماي ولا أكل حق اختي .. افلام في مخي ما لها والي

بس الحمدلله قدرت أبين لها ان الوضع عادي وبنطلع ولا تحاتين وما من خوف..

عقب قال لنا السايق عقب التعب اللي حاشكم بقترح عليكم مطعم وأكله حلو و أنا كله أكل في و حلال (يحليله من غير ما نقوله نبي مطعم حلال) .. قلنا أوك اخذنا له ..

ووصلنا المطعم و ماقصر وطلع خوش مطعم .

وهذا مطعمنا

الاسود بالزاوية













ميتيين من العطش



اول الواصلين