07-02-2025, 04:37 AM
|
#22 |
مسافر جديد
تاريخ التسجيل : Nov 2023 رقم العضوية : 49804 الدولة : السعودية الجنس : ذكر المشاركات : 69
| 
 |
الف شكر على التقرير المرتب والمنظم ومتابعين معاك
بصراحة كمية معلومات كبيرة وقيمة جدا جدا اشكرك على مشاركتها
بصراحة عندي كثير من الاستفسارات لو وقتك او وقت احد الخبراء يسمح🫣
الجميع يتعاون لخدمة الجميع, ان شاء الله
ذكرت ان معظم المنتجعات ياخدو مبلغ للخدمات داخل المنتجع طيب كم هذا المبلغ؟ وهل هو مبلغ مقطوع ؟ ولا يحسب بحسب عدد الافراد والايام ؟
هذا المبلغ غير مبلغ التامين ؟ ولا هو نفسه ؟ هل يقبل يدفع التامين كاش لسرعة الاسترداد ولا لازم كريدت؟
مبلغ التامين يكون عادة هو مبلغ ضريبة المدينة ؟ ولا غيره
- مبلغ خدمات المنتجع (غير مسترجع), ومتغير حسب عدد الايام, وكل منتجع ياخذ مبلغ يفرق عن الاخر.
- مبلغ الضريبة (غير مسترجع), وثابت لكل المنتجعات بنسبة مئوية.
- مبلغ الضريبة والخدمات يضاف الى (+) مبلغ حجز المنتجع.
- مبلغ التأمين يختلف عن مبلغ الضريبة والخدمات.
- مبلغ التأمين (مسترجع عند تسليم الغرفة) بفاتورة منفصلة برقم الغرفة (لكل غرفة مبلغ تأمين منفصل).
- (حط تحت الكلام 1000 خط) جميع الفنادق اللي تعاملت معاها تطلب بطاقة كريديت لميلغ التأمين, ولا تقبل بطاقات الشحن (الديبت) حنى لو كانت مليانة فلوس.
مثال : جربت احط نفس الفندق على بوكينغ لمدة 8 ليال كتجربة طلع لي السعر 4,140 ريال وتحتها مكتوب 1998 ضرائب ورسوم
بهالحالة كم المبلغ الاجمالي اللي حيندفع؟ هل هو 6140 وخلاص ولا لسا حيزيد عليه التامين وضريبة المدينة ورسوم خدمات المنتجع؟ ارجو توضيح هالنقطة المهمة جدا لانها تفرق جدا في البدجت
اجابة للمثال اللي ذكرتة,
قيمة حجز الغرفة 8 ايام (4140) + قيمة الضرايب للغرفة (1998) = 6138, هذا المبلغ حق الغرفة وضريبة المدينة, ورسوم خدمات المنتجع.
ولسا حيزيد, (+) بتدفع مبلغ اخر حق التامين (مسترجع عند تسليم الغرفة).
قلت انك دفعت على مضض لحديقة يونيفرسال ادفنشر ؟ ليش بكم الاسعار فيها وليش هي اغلا من غيرها؟
السعر اللي دفعته حق مكانين, لحديقة يونيفيرسال استوديو, ولحديقة يونيفيرسال ادفنشر, علشان كذا طلع السعر مرتفع.
هل يجب شراء تذاكر يونيفيرسال ادفنشر لاتمكن من دخول السيتي ووك ؟ ولا هذه مالها دخل بهذه ؟
السيتي ووك منطقة مفتوحة تدخلها بدون تذاكر
بالنسبة لعروض الدلافين هيا في عالم البحار ولا في الحديقة الثانية ؟
عروض الدلافين موجود في عالم البحار
كيف الاسعار بالاوتليت او المولات بشكل عام . هل هي اغلى ولا ارخص من اوتليتات اوروبا ؟ وهل تستاهل او لا
اسعار المولات غالية,
اسعار الاوتليت رخيصة, لانها تعيد بيع منتجات الشركة التابعه لها (البضائع المسترجعه من المصانع).
لكن لاعلم عن الفرق بالاسعار من اوتليت اللي باوروبا, اخر زيارة لي لاوروبا الغربية 2018
اخر استفسار : ذكرت انك مريت على اكبر مطعم ماك واكلت في مطعم red robin ، هل عندهم قسم للحوم الحلال؟
وبالنسبة كمان لموضوع الفود تراكز زي الهوت دوغز وغيرها هل في منها حلال ؟ في حال ماكان حاط لوحة انه حلال هل نساله عن اللحوم اذا حلال او لا ؟ ولا خلاص ندور غيره على ممن يضع لافتة ؟
انا فقط زرت هالمكانين (اكبر مطعم لماك بالعالم, ومطعم ريد روبين) ولكن ماكلت فيهم.
مطاعم ان اند اوت (برجر دجاج) اكثرها حلال حسب البحث اللي سويته, واكلها لذيذ. لكن للاسف ماحطيت له اي صورة بالتقرير.
شفت كثير من عربات الفود ترك اصحابها مسلمين عرب.
ان شاء الله اجاباتي واضحة,
| |
الله يعطيك الف عافية على تجاوبك وردك يابو عبد الهادي ونشالله انك استمتعت في اجازتك ، اي نعم الاجابات واضحة جدا فقط جزئية الفندق
معناها الغرفة + رسوم خدمات المنتجع + الضرايب = 6138 ريال صحيح؟
اللي يزيد علي عند التشيك ان فقط رسوم التامين
يعني عند التشيك ان ما راح اتفاجا بمبلغ اخر عن 6138 الا مبلغ التامين المسترد
لكن ما قلتلي كم تقريبا قيمة التامين هل هي 100 ولا 200 ولا 400 ولا كم بالضبط
وعادة كم اخذت معك وقت حتى رجعت لحسابك ؟ |
|  |
147الاعجاب
العرض الشجري
المواضيع المتشابهه 
