سلام عليكم
يعطيكم العافية جميعا. لو تكرمتو المساعدة في خطة سياحية لميلان وماحولها لمدة 9 ليال من تاريخ 21 نوفمر
الوصول حيكون من باريس في 21 نوفمبر

احنا عائلة مقيمة في المملكة زوجين وطفلتين صغار اعمارهم 4 سنوات ونصف و8 سنوات
مع الاخذ بعين الاعتبار الملاحظات التالية

تاريخ العودة من ميلان لجدة ب 30 نوفمبر ولا افضل تغيير التاريخ او الوجهة
بتاريخ 26 نوفمبر راح نزور تورينو لمدة ليلة وحدة فقط لمشاهدة مبارة اليوفي والانتر والعودة لميلان بتاريخ 27
تقريبا 80٪ مصمم على استئجار سيارة للتنقل من ميلان الى المدن القريبة وبصراحة بسبب العائلة اشوف جدا صعب التزم بمواعيد القطارات على الدقيقة وبالاخص انه لازم نشتري التذاكر قبل يومين عالاقل عشان ما تغلى الاسعار، وبوجود الاطفال خصوصا ممكن واحد تاخر بالنومة والثاني مرض او شي لا سمح الله فقلت سياره افضل متى ماجهزت امشي. لكن هل السياقة سهلة في ايطاليا؟ ايش في نصايح بشكل عام عن القيادة هناك
والطفلة 4 سنوات ونص لازم كار سيت؟ ولا عادي ما احد يدقق في الموضوع؟

ياريت افضل المقترحات للفنادق بميزانية متوسطة وهل الافضل حجز ال 9 ليالي كاملة في ميلان والتنقل منها ؟ ولا كيف ؟ بالاخذ بعين الاعتبار عدد الشنط اللي تقريبا عددها 4 + 2 سبير لمشتريات العودة
حيكون جدا الصعب التنقل

اخيرا حابب اضيف روما ولو لمدة يوم واحد لكن ماني عارف كيف ومو زابطة معاي لا بسياره ولا بقطار.

بعد الخطة السياحية نجي للاستفسارات العامة لو سمحتوا

1- مواقف السيارات هناك كلها غير مجانية؟ مافي اماكن مجانية؟
2- عند التنقل من مدينة لمدينة كيف يتم الدفع لعبور البوابات؟ هل يجب وضع ملصق او ماشابه
3- محلات البوتيك الصغيرة والسفونيرات هل عندهم دفع الكتروني ولا لازم كاش؟
4- اخلي مبلغ كاش بسيط معي بحدود 200 يورو ولا اخليه بالليرة؟
5- هل هناك امان في ميلان او ايطاليا بشكل عام لو واحد حب يتمشى بالليل بعد الساعه 10
6- كيف مسموعيات مكتب يورب كار ؟ كجودة وتامين ومساعدة علطريق وووو ؟
7- برد ميلان في نوفمبر مقدور عليه ولا شديد؟
8- هل يفضل زيارة كومو او لوغانو في نوفمبر؟ اذا لا، فهل هناك بديل جيد
9- هل يمكن الذهاب لفيرونا يوم واحد والعودة بنفس اليوم او صعب؟
10- استخدام الجوال باليد اثناء القياده مثل جوجل ماب او او هل عليه مخالفة او لا
11- اماكن ترفيهية بسيطة ان وجد للاطفال
12- المطاعم الحلال


بصراحة كل ما قرب وقت السفر زادت الاستفسارات وكونها اول رحلة لي لاوروبا فالاستفسارات كثيرة
معذرة منكم

يعطيكي العافية على الرد ما قصرتي . لكن انا غير مخطط لسويسرا ابدا اولا بسبب البرد الشديد هناك وثانيا الميزانية فسويسيرا اغلى من ايطاليا.

بالنسبة لملاهي جاردا لاند شيكت الموقع حقهم طلعو مقفلين في كامل شهر نوفمبر

وانا اشيك على الخريطة شفت ان فلورنس قريبة نوعا ما بالسيارة حوالي 3 ساعات يعني يقدر الواحد يروح يوم وليلة هناك ويرجع ميلان مرة اخرى وبرضو شفت جنوى قريبة لكن ما شفت اي تقرير عنها

في استفسار جا في بالي بالنسبة لموضوع التسوق واسترداد الضريبة ... اسمع انه في بعض المحلات تسترد لك الضريبة بالحال ؟ كيف تتم هذه العملية ؟ هل لازم جواز السفر يكون موجود ولا كيف بالضبط

وبالنسبة لاستردادها في مطار ميلان هل يتم قبل البوردينغ والوزن وكيف طريقته ؟ هل لازم جميع المشتريات مع فواتيرها تكون بشنطة مستقلة ؟ وهل يتم عرض جميع المشتريات للتاكد من الفواتير ؟ وكم تاخذ وقت ؟ يعني الواحد الافضل يروح قبل 4 ساعات من موعد الاقلاع ؟

مشكورة اختي

مشكورة جدا على الرد
فعلا فكرة فيرنسي مع بيزا لازم احطها في عين الاعتبار
طيب بالنسبة للضريبة سوال اخر لو سمحت.. هل ضريبة القيمة المضافة في اوروبا متساوية؟ بمعنى هل فرنسا نفس ايطاليا؟
ايضا انا حجلس حوالي 6 ايام في باريس وبعدها ميلان. في هذه الحالة استرداد ضريبة مشتريات فرنسا يتم ايضا من ميلانو عند المغادرة؟ او لازم يكون من مطار فرنسي؟
هل عندك علم عن استرداد الضريبة لتذاكر الفعاليات؟ مثلا ديزني، تذكرة مبارة كرة قدم، زيارة متاحف او برج ايڤل الخ هل هذه مستردة؟
شاكر رحابة صدرك وردك