| | |||||||
مـواضـيـع مـمـيــزة
163الاعجاب |
| | LinkBack  | أدوات الموضوع | انواع عرض الموضوع |
| |
13-03-2025, 06:37 AM
| #1 |
| مسافر متميز   تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |  رِحلَة اليَابَان - ( أُوسَاكا + نَارَا + كُيُوتُو + طُوكيُو + فُوجي ) - يُوليُو 2024
 أهلاً وَ سهلاً أخذت بريك من العمل لمدة غير معلومة  ؛ فقررت أسافر لكذا وجهة بهدوء وبدون ضغط من الدوام أو ارتباط في أحد !وأحد الوجهات كانت اليابان، اليابان زرناها كثير ومن الدول اللي لا نمل زيارتها أبداً أبداً أبداً .gif "(125)") ، ودائماً راح تكتشف فيها منطقة جديدة وشيء جديد، مريحة، مختلفة..وما كنت متوقعة إنّي بنزل عنها تقرير لأني ما عاد أروح للمدن الرئيسية تبعها إلا فقط عشان المطارات فما أحس بيستفيد أحد .gif "(59)") ! ولــــكن هالمرة أحد المرافقين كانت هي الزيارة الأولى له ، فَوجَب زيارة المدن الرئيسية عشانه .. فكانت فرصة لتقرير هادئ لطيف، جيّد للي حاب يزور اليابان لأول مرة.gif "(39)") ..الوجهة: دولة اليابان (أوساكا – نارا – كيوتو – طوكيو – فوجي) عدد المسافرين: الفعلي 5 أشخاص، ولكن المصاريف اللي بذكرها بتكون لـ 4 أشخاص فقط. العملة وطرق الدفع: - بطاقة فيزا:  1 ريال = 41 ين ياباني، هذا سعر الصرف في البنك السعودي للاستثمار "بطاقة السفر".بطاقة بنك D360 التابع لصندوق الاستثمارات العامة وشركة دراية المالية، كان سعرها أفضل، بس الإشكال فيها ما تطلع لك سعر الصرف لمّا تحول المبلغ، بس كانت أفضل سعر من الاستثمار.هذا الشهر رحت مرة ثانية لليابان واستعملت بطاقة برق، أفضل من D360، وعندهم كاش باك.- كاش: الكاش مهم جداً  ، أخذت كاش مبلغ ممتاز من شركة التبديل المالية للصرافة، لهم فروع في الرياض والشرقية، وفروا لي نفس التقسيمة اللي أحتاجها .. لأن اليابانيين مازالوا يتعاملون بالكاش، والأكشاك الصغيرة أغلبها تستعمل كاش فقط. الطيران: China Eastern Airlines خطوط شرق الصين الجويّة في نهاية شهر أبريل من عام 2024 كانت أول رحلات طيران China Eastern Airlines من الرياض إلى شنغهاي مباشر، والرحلات فقط يوم الإثنين والخميس والسبت ومازالت فقط 3 رحلات أسبوعياً، فقررنا نجربها وتكون رحلتنا لليابان عن طريق هالطيران .gif "(41)") ، لأنه فعلاً رخيص جداً جداً ومدة الترانزيت في شنغهاي قليلة جداً وكذلك فيه رحلات لأوساكا وهذا مهم عندي، فكان عز الطلب! مع إني كنت متوترة شوي لأن محد من اللي أعرفهم جربها.gif "(88)") ! تذاكر الطيران: - سعر التذكرة لثلاثة أشخاص في الدرجة السياحية، ذهاب وإياب، وشامل كذلك (الضريبة + اختيار مقعد لجميع الرحلات): 5733 ريال سعودي لثلاثة أشخاص، الشخص الواحد 1911 ريال سعودي. - سعر التذكرة لشخص في الدرجة الأولى، ذهاب وإياب، وشامل كذلك (الضريبة + اختيار مقعد لجميع الرحلات): 6891 ريال سعودي (وحجزناها للوالدة لأن المدة طويلة). الرحلات: - رحلة الذهاب (بتوقيت كل دولة): تاريخ: 01/07/2024 الإقلاع: مطار الملك خالد الدولي في الرياض (الساعة 20:50). الوصول: مطار بودونج الدولي في شنغهاي (الساعة 11:20). (ترانزيت ثلاث ساعات وخمسة وعشرون دقيقة، ويالله كفّت لأن إجراءات شنغهاي متعبة جداً وتآخذ وقت والمطار زحمة، يعني على بال ما نزلنا وخلصنا تفتيش ووصلنا كان باقي تقريباً ساعة وشيء). الإقلاع: مطار بودونج الدولي في شنغهاي (الساعة 14:45). الوصول: مطار كانساي الدولي في أوساكا (الساعة 18:00). - رحلة العودة (بتوقيت كل دولة): تاريخ: 29/07/2024 الإقلاع: مطار هونج كونج الدولي (الساعة 7:30). الوصول: مطار بودونج الدولي في شنغهاي (الساعة 10:15). (ترانزيت ساعتين وخمسة دقائق، وكانت قليلة نوعاً ما، والحمدالله الرحلة تأجلت ساعة زيادة). الإقلاع: مطار بودونج الدولي في شنغهاي (الساعة 12:20). الوصول: مطار الملك خالد الدولي في الرياض (الساعة 17:50). متطلبات الدخول إلى دولة اليابان: تأشيرة إلكترونية، تأشيرة دخول لمرة واحدة للإقامة لمدة تصل إلى 90 يومًا وصالحة لمدة 3 أشهر من تاريخ الإصدار، وقيمتها (83 ريال سعودي)، وتآخذ 5 أيام عمل (في حال كان فيه أي إجازة مثل الأعياد والمناسبات الوطنية ما راح يرسلون الموافقة إلا بعد ما تخلص الإجازة، واحسب بعدها 5 أيام عمل). والمعلومات والملفات اللي ترفقونها في الأبلكيشن لااااااااازم تكون صحيحة مئة بالمئة  ، أو راح يرفضونها، فعلياً يبون الجدول اليومي بعدد الأيام.gif "(90)") ، والأماكن اللي راح تزورونها، والتذاكر، وحجوزات الفنادق، أي شيء تقدمه لازم يكون صحيح.gif "(55)") .ومهم تطبع التأشيرة، بعض خطوط الطيران مثل الطيران القطري يطلبونها مطبوعة، لأن توّي جاية مرة ثانية من اليابان وطلبوها مني  .وهذا الموقع الإلكتروني اللي تقدمون منه التأشيرة الإلكترونية https://www.evisa.mofa.go.jp/index وفيه خبر جديد بالموقع تبعهم: اعتبارًا من 4 ديسمبر 2023م، سيصبح مواطنو المملكة العربية السعودية الذين يستوفون متطلبات مالية معينة مؤهلين للحصول على تأشيرات دخول متعددة للإقامة قصيرة الأجل لأغراض السياحة أو العمل أو زيارة الأقارب / الأصدقاء، وما إلى ذلك (مدة الإقامة 90 يومًا لكل زيارة، صلاحية التأشيرة 3 سنوات). و هذا رابط من اليوتيوب، شرح لطريقة طلب التأشيرة الإلكترونية شرائح الجوال: - تفعيل خدمة تجوال، شريحة جوّي من STC ، بـ 350 ريال، لمدة شهر كامل وَ 30 جيجا. - شريحة إلكترونية من شبكة اتصالات Moshi Moshi بـ 75 ريال، لمدة شهر كامل وَ 20 جيجا، فعلناها قبل الإقلاع، واشتغلت أول ما وصلنا اليابان، وفيه كثير برامج و شركات ولكن مهم التأكد من إن الجوال يدعم الشرائح الإلكترونية. برامج مهمة جداً في اليابان: 1 – برنامج المواصلات Uber ويعتبر غالي نوعاً ما، وكذلك متوفر Uber Eats ورخيص جداً لتوصيل الطعام، ومتوفر فيه قسم كامل للأكل الحلال. 2 – برنامج المواصلات GO، ما يحتاج رقم ياباني (وهو الأرخص). 3 – برنامج بطاقة SUICA، بالنسبة لي هذا أهم برنامج، أول شيء أحمل الأبلكيشن، وبعدها أشتري البطاقة من الأبلكيشن وأضيفها في محفظة أبل، وأعبيها من الأبل باي متى ما بغيت، أستعملها لأي عملية دفع في اليابان، في المول والسوبر ماركت والمواصلات وآلات البيع الذاتية، كل شيء كل شيء فعلياً، وما تنتهي مدتها إلا بعد 10 سنوات الله يحيينا حياة طيبة. 4 – برنامج خرائط google map. 5 – برنامج trip advisor. 6 – برنامج KLOOK، متوفر فيه تذاكر دخول للأماكن السياحية، وحتى متوفر فيه سيارات للتوصيل من وإلى المطار، ورحلات يوم كامل إلى مناطق قريبة لبعض، وهالمرة أنا استعملته للسيارات الخاصة للمدة الطويلة، رخيص جداً نسبة لباقي البرامج. 7- برنامج Trip.com، نفس برنامج Klook ويستعملونه كثير بعد. 8- برنامج Japan travel، تذاكر دخول أماكن سياحية كذلك، وفيه تذاكر للقطارات، ولكن نصيحة والأفضل فعلاً بعد تجربة طرق كثيرة لحجز القطارات؛ حجزها من المكاتب الخاصة في المحطة، ممكن حتى تحديد المقاعد، وحجز مكان خاص للشنط الكبيرة في حال نقلتوها معكم في الرحلة.. متوفر كثيييييييييييير رحلات. 9 – برنامج لحجز المطاعم Table Check، فيه برامج كثيرة لحجز المطاعم، ممكن تلقونها في قوقل ماب إذا حابين تحجزون مطعم معين، وغالباً المطعم يوفر موقع خاص فيه للحجز. 10 – برنامج ecbo cloak، هي خدمة تربط بين الأشخاص اللي حابين يخزنون أغراضهم، والمتاجر والأشخاص اللي عندهم مساحة لتخزين الأمتعة سواء كانت الأمتعة صغيرة أو كبيرة جداً، لأن بعض المخازن اللي تكون موجودة في محطات المترو تكون صغيرة أو غير متوفرة، أو ممكن تكون محدودة في زمن معيّن.. ممكن أنت توصل لهم العفش وممكن هم يجون يآخذونها منك، وسعرهم مناسب. وأغلب الأماكن السياحية لها أبلكيشن خاص، راح أذكر هالشيء إن شاء الله.   .gif "(114)") وَ بسم الله نبدَأ 1 يوليو ( يوم السفر إلى اليابان ) حاولت قبل السفر بكم يوم إني أقص البوردينق، لعل الموضوع ما ضبط أبداً  ، ولكن قدرت أختار المقاعد وهذا مريح بالنسبة لي ، تواصلت معهم في منصة X، وبلغوني لأنهم لسّى طيران جديد في السعودية؛ راح يكون قص البوردينق في المطار على الكاونتر فقط.gif "(49)") .وكالعادة رحنا للمطار بدري "رحمة من ربّي إن محد يعارض من المرافقين! "، افتتحنا الكاونتر، وكنّا أول المسافرين لهالرحلة، الموظف كان سعودي، خلص إجراءاتنا بسرعة، وجاء المدير وكان صيني جلس يتكلم مع الموظف شوي! ورجع الموظف وقالنا إنهم حابّين يسوون لوحدة مننا ترقية للدرجة الأولى، هه كنوع من الترحيب، لفتَة حلوة! وخلّوها لي لأني الكبيرة.gif "(35)") .رحنا ننتظر في اللاونج، اللي دخل بالماستر كارد واللي دخل بتذكرة الدرجة الأولى ! المكان كان زحمة مو طبيعية، خانقة، قلنا نطلع نتمشى شوي.gif "(22)") .أعلنوا عن فتح البوابة، والوضع الحمدلله كان مستتب .gif "(60)") . دخلنا و جلسنا في مقاعدنا، الصدق كان مريح جداً جداً، والخدمة مو طبيعية، ولكنّي أتوقع إنّي متعلقّة في المقعد الأخير في الدرجة السياحية .gif "(5)") (أكثر المقاعد أمان بعد) ! والنوم في السياحية أريح! قدّموا لنا الـويلكم درينك أول شيء   وهالشنطة الصغيرة موجودة للجميع، فيها الأشياء اللي ممكن المسافر يحتاجها في الرحلة الطويلة   بعدها قدموا لنا العشاء، وبدوا في الأبتايزر  وكانت ألذ فقرة   أنا اخترت نودلز بس كانت حارة جداً جداً جداً   و أمي صيادية وتقول حلوة .gif "(148)")  و في النهاية فواكه وحلى و آيسكريم   قررت أرجع شوي عند خواتي اللي بالسياحي ..  ذكرت قول ميسون الكلبية:لبيت تخفق الأرواح فيه أحب إليّ من قصر منيفِ! وهالصورة من السياحي   عشاء السياحية   وبعد ما أزعجتهم رجعت مكاني الغريب عنّي .gif "(33)") و جابوا لي كوب قهوة  و جت وجبة الفطور   و فطور السياحي   و المنظر من شبّاك البنات، لأن حنّا جالسين في النصف بدون شبابيك   و فيه شيء غريب الصدق لاحظته ولاحظوه خواتي في السياحية، احترام المضيفات للعرب مرعب يجنن .gif "(50)") و ينافخون على الصينيين بشكل مو طبيعي الصدق .gif "(150)") ، أحسب بس اللي عندنا كذا، طلع حتى في السياحي  ومشى الوقت الحمدلله وهبطنا بالسلامة لشنغهاي، والإجراءات شديدة في مطارهم وطوّلت، من تفتيش وغيره، بعدها رحنا لبوابتنا، وصلينا عندها، لأن كل اللي عند البوابة سعوديين وقاموا يصلّون فصلينا معهم ، بعدها يا دوب أخذنا لنا قهوة، ودخلنا الطيارة.gif "(89)") !بالنسبة لوجبات الطيارة كلها مو حلال بس الوالدة أخذت لها غفوة ولما قامت لقت الأكل حاطينه، وصورته، و طلبت منهم قهوة.gif "(95)")   وعاد هنا أنا رجّعوني للسياحية الحمدلله، الدرجة الأولى كانت فقط من الرياض لشنغهاي، وأخذت لي أطلق وأعمق وأحلى نومة .gif "(34)") ، ما قمت إلا يوم وصلنا الأرض، والحمدلله وصلنا آوساكا.gif "(149)") . 2 يوليو (الوصول إلى أوساكا - Dotombori District) طيب نجي للجد اللحين ، هالمطار مو أول مرة أجي منه، وما قد جربت الدخول من مطارات طوكيو عشان أكون صريحة، الإجراءات شوي طويلة والمطار زحمة بس الطوابير تمشي! فيه ورقة لازم كل شخص يعبيها، هذا قبل الختم ، والموظفات لما يشوفونكم طولتوا تكتبون يجون يساعدونكم! ولااااااااااازم تكتبون كل شيء صحيح وبدون اختصارات يعني أختي لما كتبت اسم الفندق، ما كتبت OSAKA لأنها تقول هو بديهي إنه في OSAKA! جلس الموظف يبحث ويبحث ويبحث عن الفندق ودخل في حالة توتر لأنه ما لقى الفندق! لمّا نادوني ورحت لها وقلت لهم إنها ما تدري إنه في كلمة OSAKA باسم الفندق، خلّوها تعبّي الورقة من جديد والنظام نظام.بعد الختم رحنا نستلم الشنط، ولقيناهم كالعادة صافينها بشكل مرتب ، عشان في رحلات ثانية ويحتاجون السير، جلسنا نعبّي ورقة ثانية، وهالورقة عاد واحدة للجميع، وممكن تعبيها قبل توصل المطار عن طريق الأبلكيشن، وتفتك من الزحمة.طبعاً الموظفين لما تستلم الشنط تبعك، يكون معهم لوحة فيها صورة الأكل الممنوع، ويقعدون يأشرون عليها مليون مرة، عشان في حال قلت لا ولقوا معك من الأشياء الممنوعة، يصير عاد ما لك عذر، وبتدفع غرامة يحبها قلبك !طلعنا الحمدلله من المطار ولقينا السواق اللي حاجزينه من Klook، والسعر كان من مطار كانساي إلى فندق Mercure Tokyu Stay Osaka Namba (300 ريال سعودي)، يبعد المطار عن الفندق ساعة، سيارة تكفي 6 أشخاص وَ6 شنط.    فندق OSAKA: - اسم الفندق: Mercure Tokyu Stay Osaka Namba – 4 نجوم 6 ليال (2 يوليو – 8 يوليو) تم الحجز عن طريق موقع ALL ACCOR - الغرف: Superior Twin With Washing Machine – غرفتين (النظافة: جيد جداً). (الموقع: ممتاز ممتاز ممتاز ممتاز، هالفندق عُصارة خبرتي بفنادق أوساكا واللي صملت عليه).- السعر الإجمالي للغرفتين: (7678 ريال سعودي). وصلنا وهذا الشارع الفرعي اللي عند الفندق   وسوينا التشيك إن    و أغلب الفنادق في اليابان تكون الأشياء اللي يستهلكها النزيل موجودة في اللوبي وتآخذ منها اللي تحتاج قبل تروح للغرفة، وحتى متاحة في أي وقت .gif "(37)")  وسريع سريع ودينا أغراضنا للغرفة    عندي مشكلة مع الفنادق اللي تكون مغاسلها خارج دورة المياه وأنتم بكرامة   دورة المياه مساحة المكان تبعها صغير، و لكن الحلو في الموضوع إن مكان الشاور و البانيو منفصل عنه و كبير ، بس نسيت أصوره   وطيران على أطلق مطعم واقيو حلال فيكي يا أوساكا ، طبعاً ميزة اليابان مطاعمها الحلال منتشرة بشكل مو طبيعي، مو محكور في منطقة معينة فقط! ومتنوعة، يعني أي كوزين حابّينه راح تلقون له مطعم حلال.وصلنا مطعمنا وكان باقي 45 دقيقة ويقفل، يبعد عن الفندق 3 دقائق مشـي، اسمه OSAKA PANGA ، ممكن فيه أفضل كثيــــــر بس هالمطعم من العادات والتقاليد .. طلبنا كان 2 من الـ A5 Wagyu Pair Set و يجي معهم سلطة ورز ،و 4 كولا وكان السعر بـ (618 ريال سعودي).       طلعنا بس قبل مانروح وجهتنا الأولى، مرينا على أهم محل و دورين بعد      و هاذي حصيلة اليوم الأول  و فتحنا وحدة من الحصيلة حقّت اليوم الأول في المحل .gif "(141)")  بعدها تمشينا في منطقة Dotombori District، ويبعد عن الفندق 6 دقائق، موجود فيها Namba وجسر Ebisu وفيه شارع التسوق Ebisubashi-suji وهالمكان لها امتدادات كثييييرة ويآخذ وقت .gif "(58)")     ورجعنا للفندق عشان نريّح لليوم اللي بعده. 
|
|  |
|
13-03-2025, 09:32 AM
| #2 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |  OSAKA
3 يوليو (Detective Conan bronze statue- Osaka Castle) نزلنا الصباح بدري نتمشى قبل نروح للمكان اللي يبونه البنات    خواتي كانوا يبـون محل ماتشا  معروف جداً ولـه فروع كثيرة، اسمه Maccha House، وصلنا له وكان موجود في محطة المترو، وأغلب المحطات فيها متاجر حلوة مرة  .. نرجع للماتشا أنا أبداً ما قدرت أستسيغه.. ولكن التيراميسو مرة لذيذ، بس اطلبوا يشيلون الماتشا اللي فوق!   التيراميسو بشكل أقرب .gif "(47)")  و هذا اللي كأنه آيسكريم، فيه طبقة تحت فاصوليا حمراء  جلسوا يتمشون أهلي بالمحطة، فيه محلات ملابس كثيـــــــــرة .gif "(127)") ، وجلست أنا وأختي في ستاربكس ننتظرهم ونخلّص لن كم حلقة من Vinland Saga. فيه شيء حلو يعجبني عندهم في ستاربكس ، لمّا أطلب حليب غير بقري ، يعطوني ورقة بنوع الحليب اللي طلبته، عشان وقت أروح أستلم الطلب وأعطي الموظف الورقة يأكد لي إنه نفس اللي طلبت، وفي حال أخطى، على طول يغيره، يعني يكون نوع من أنواع التذكير والتنبيه للموظف! و لقيت لي أحد المحلات المهمة  طلعنا نتمشى في Dotombori، فيها جزء كلهاااااااا ستريت فود ومطاعم ، مـرة مـرة حلوة، جلسنا نجرب بعضهم      و أخذنا ميتراشي دانغو [كرات من دقيق الأرز ، تُشوى على النار ثم تغطى بصوص حلو ولزج مصنوع من صلصة الصويا والسكر والنشا]  و لازم نآخذ لنا تاكوياكي [زلابية يابانية على شكل كرة، مصنوعة من العجين والمطهوة في مقلاة تاكوياكي خاصة بها، وعادة ما يتم حشوه بشرائح لحم الأخطبوط ومكعبات التمبورا، ويقدم مع الزنجبيل المخلل والبصل الأخضر] و مهم تجربونها في أوساكا    محل حلو للـ souvenir     وبعدها أختي وأمي والضيف الخامس قرروا يرجعون للفندق ويآخذون قيلولة ، لأنهم فعلاً طوّلوا في المحلات، والمشوار اللي مقرره أروح له مو مهم لهم صراحة !أما أنا و أختي مشوارنا كان y tv، محطة إذاعة و تلفزيـون! اللي أبيه منها تماثيل أنمي المحقق كونان  ، كبيرة، بحجم الإنسان، وأبغى ندخل داخل المحطة لأنها متاحة للزوار و الدخول لها مجاني "فقط الدور الأرضي"، وكذا حلقة من أنمي كونان تكون القصة موجودة في هالمكانرحنا طبعاً بالمترو     و استعماله جداً جداً جداً سهل  ، هذا رابط فيديو في اليوتيوب شرح لكيفية استعمال مترو اليابان شرحه ممتاز !  تمشينا شوي في المنطقة، مرة رهيبـة  المبنى من برّا    و أهم شيء   ظِل الإنسان الوحيد اللي يخوّف    داخل المكان .. و حاطيـن كذا شخصية بعد     فيه Cafe دعنون داخل     أخذت وحدة عن نفسي  بعد ما خلصنا كلمنا اللي بالفندق وقلنا لهم يجون عندنا، لأنهم يبغون قلعة أوساكا [هي قلعة على الطراز الياباني، تعتبر من أشهر القلاع في اليابان، ولعبت دور هام في توحيد اليابان في القرن السادس عشر في فترة أزوتشي-موموياما، القلعة مفتوحة للزيارة العامة، حيث يوفد إليها العديد من الزوار على مدار السنة، خاصة في فترة الهانامي (تفتح أزهار الكرز)]، وهي موجودة مقابل محطة التلفزيون، والقلعة والمحطة حول المترو! جلسنا نتمشى في الحديقة والممشى اللي عند القلعة، وبعدها وجهنا لها، وفيه كميـة مشي حليلة، و رقيات ونزلات ، جلسنا في أعلى منطقة نتفرج على المنظر، وهالمرة ما دخلنا داخل القلعة؛ حنّا دخلناه مسبقاً، والعضو الخامس غير مهتم ! و تكلفة التذكرة تقريباً ( 16 ريال سعودي ).              الدنيا بدأت تظلّم    و هنا فيه مطعم و مقهى، أتوقع إنه كان كنيسة مسبقاً .gif "(57)")    و نزلنا ، لأن خلاص بنرجع للفندق، ورانا اليوم الثاني مشوار مهم       رجعنا لمنطقتنا، ودخلنا مقهى في المحطة ومع الأسف مانتوب! سيء يارب لك الحمد  له فروع كثير بس يشفع له جلساته    ووجّهنا للمنقذ والأفضل بلا منازع في أوساكا مقهى Lilo محمصة ممتازة جداً وقهوتهم لذيذة، محاصيلهم كثيرة بشكل! و عندهم هالسينابون بَن لذييييييييييييييذة   إذا شفتوا هالباريستا، ازهلوا قهوتكم " صاحب المحمصة "، جبت لكم صورته من حساب المحمصة بعدها رجعنا ننام لأن ورانا قومـة الصبح بدري 
|
|
| |
|
13-03-2025, 12:39 PM
| #3 |
| مسافر متميز تاريخ التسجيل : Apr 2018 رقم العضوية : 18619 الدولة : السعودية الجنس : ذكر المشاركات : 287 |
واضح اننا على موعد مع تقرير من الوزن الثقيل الاسلوب جميل وشيق وفكاهي والسرد مشوق ومتميز مما شدني ارجع واقرا لتقرير كوريا الجنوبيه العضو الخامس واضح انه محمول مكفول وش رايك باليابان مع وجود اطفال 10-7-1 مستمتع بالمتابعه
|
|
| |
|
13-03-2025, 05:17 PM
| #4 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
شكراً جزيلاً  والله يستاهل يصير محفول مكفول بس الصدق العضو الخامس مصاريفه مُختلفة و ما أعرفها و إلا كان علمتكم فيها و بالنسبة لليابان والأطفال الصدق هي اللي تنفع لهم ، غالباً عمر سنة بيكون في عربية، المترو دائماً يكون فيه أماكن مخصصة في العربات لعربيات الأطفال ، و موجود مصاعد في كل مكان، كذلك كل مكان في الأسواق و حتى المحطات فيه أماكن مخصصة للأم اللي عندها أطفال بهالعمر، لو بتوكله أو بتغيير له أو أي شيء، ما يصعب عليها شيء، ومجانية ..أما للأعمار اللي أكبر فعندك في أوساكا يونيفيرسال ستيديو، و في طوكيو فيه ديزني لاند وديزني سي الوحيد بالعالم ، و كذلك ليقو موجود ، غير البارك عندهم كثيييير أماكن للأطفال ممتعة جداً جداً راح أذكرها في نهاية التقرير للفائدة فقط ، و إلا مازرناها صراحة حيّاك الله 
|
|
| |
|
13-03-2025, 01:11 PM
| #5 |
| مسافر جديد تاريخ التسجيل : Mar 2024 رقم العضوية : 50311 الدولة : السعودية ( الرياض - جدة ) الجنس : ذكر المشاركات : 5 |
|
|
| |
|
13-03-2025, 05:19 PM
| #6 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
شكراً جزيلاً  وَ حيّاك الله ..
|
|
| |
|
13-03-2025, 02:53 PM
| #7 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,647 |
|
|
| |
|
13-03-2025, 05:25 PM
| #8 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 |
فعلاً في سنة 2024 كنت ماركو بولو بس خلاص اللحين عاد Back to reality من الظلم إن السياحي يدخل في مقارنة مع درجة أخرى أساساً .gif "(2)") أما الصينيين فهم فعلاً متعبيييييين بالمطار بس ماهي مشكلة لو الترانزيت مدته مناسبة  حيّاك الله
|
|
| |
|
14-03-2025, 05:24 AM
| #9 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 | OSAKA
4 يوليو (Japan Universal Studios) التذاكر: - عن طريق موقعهم الرسمي الإلكتروني: https://www.usj.co.jp/web/en/us - سعر تذكرة الدخول العادية (210 ريال سعودي). - تذكرة دخول البارك مختلفة عن تذكرة دخول منطقتين THE WIZARDING WORLD OF HARRY POTTER وَSUPER NINTENDO WORLD، لكل منطقة تذكرة خاصة. - الـ EXPRESS PASSES ليست للبارك كاملة، فقط ألعاب معينة، وبوقت محدد، وفيه بعد لعروض معيّنة. - التذاكر تُباع بسرعة رهيبة، وتذاكر THE WIZARDING WORLD OF HARRY POTTER وَSUPER NINTENDO WORLD كميتها محدودة جداً هم والـ EXPRESS PASSES. - غالباً يجي بكج كامل لدخول البارك ودخول المناطق الأخرى والـ EXPRESS PASSES، ويكون أوفر. - فرضاً كانت تذاكر البارك متوفرة، ولكن المناطق الأخرى لا! يمديكم تروحون للمنطقة أول ما تدخلون البارك بدري جداً، ويعطونكم بطاقة فيها وقت معيّن تجون فيه مجانيّة، وتدخلون، بس يصير الوقت بعيد + والعدد محدود. - عن طريق مواقع أخرى مثل Klook وَtrip advisor وَtrip.com، ومواقع أخرى، ولكن السعر نار في بعضها ومو دائماً متوفرة! - عن طريق شبّاك التذاكر، والكمية محدودة كذلك، وبنفس سعر الموقع. - مهم تحميل الأبلكيشن الخاص، فيه خريطة ، وفيها كل الخدمات الموجودة ، و المطاعم اللي توفر خيار مناسب للمسلمين، و أوقات العروض. صحينا الصباح بدري جداً ، عشان نتقهوى قبل نحرّك،و أكيد وقع الإختيار على محمصة ليلو  وهالمرة ما كان لي خلق زحمة المترو لأنه وقت دوامات  ، قلت هه نتدلّع ونروح بتاكسي، خلينا أختي تطلب التاكسي لأنه أول مشوار لها عن طريق GO فكان مجاني "العرض مو دائماً موجود"، والطريق كان نصف ساعة.وصلنا والطابور طويـــــــل بس كالعادة يمشي بسرعة       و دخلنا لأجمل مكان بالعالم     أعجبتني لطيفة  التذاكر تبع المناطق اللي دخولها لحال كانت مؤقتة بتوقيت معيّن، وحتى الألعاب، فضبطنا المنبهات عشان ما ننسى و جاء وقتنا في سوبر نيتيندو وورلد منطقة سوبر ماريو، فعلاً ضابطينها أكثر شيء، لدرجة إنّي أحس إني فعلاً داخل اللعبة! ولكنّي مو فانز لماريو، فما كانت مهمّة، بس دخلتها عشان نكون مع الجماعة!     تعبانين عليه بشكل مو طبيعي       و فيه عربات تبيع هالساعات، تقدرون تجمعون فيها نقاط   و جاء وقت اللعبة اللي كذلك لها وقت معيّن  عربة تتحرك بمسار معيّن و نظارة 3D ، و نتسابق مين يصيد سلاحف أكثر  ، لمّا ندخل يكون كأنه متحف قبل نوصل للعبة      و فيه متجر حلو بعد بس ماصورت منه غير هذا !   لمّا جعنا قررنا نروح لمطعم شكله لذيذ مرة ، كاري ورز، لمّا وصلنا بلغونا إنه مو حلال وفيه قائمة خاصة للمسلمين والنباتيين فيها نوع واحد فقط ! ولكــن لازم السوبر فايزر هي اللي تآخذ الطلب وهي اللي تشرف عليه، وراح يطبخونه من أول وجديد، وبيآخذ وقت، انتظرنا تقريباً نصف ساعة، وجاء الأكل، كأنه شوي طبخ بيت، لطيف الحمدلله.  و مشروب غريب شوي  نتمشى في الحديقة شوي لمّا يجي الوقت لهاري بوتر      سيارة عائلة ويزلي  دايغون آلـــي .gif "(1)")       و أخذنا من هنا تشوروز أخذنا تشوروز غريفندور و الثاني هافلباف  و في المسرح اللي عند التشوروز كان فيه عرض بس شوي غريب، لأن مخّي ما استوعب إنهم يتكلمون ياباني و المفترض إنجليزي حتى نطق الأسماء غريب رحت و تركت العرض    و لابُد من البتر بير   هوجورتس من بعيد  و نقرّب شوي لهوجورتس  و نقرب بعد شوي  وصلنا هوجوروتس و اللعبة موجودة داخل، وكذلك فيه متحف حلو ، وومنوع التصوير طبعاً داخل القصر  طبعاً نصيحة نصيحة نصيحة اللي يزورها لازم يلعب لعبة هاري بوتر اللي تكون داخل القصر! مو لأني بوتر هيدز ! بس أفضل لعبـة لعبتها في حياتي، الإتقان مرعـب مرعب مرعب مرعب، لدرجة دخلتها كم مرة من الجمال اللي فيها، وبشكل عام منطقة هاري بوتر كلها جميلة.أحد المحلات الموجودة   و هذا محل الحلويات      و خلّصت رحلتنا في هوجورتس   و قلنا نتمشى في البارك بدون وجهة محددة         و جزء من العرض   و المينيينز مكانه ممتع و لطيييييف، و أغلبه للصغار         و جعنا ورحنا محل بيتزا قريب للمينيينز     أكثر شيء أحبه عندهم في يونيفرسال اليابان إنهم كل شهر يسوون تعاون مع أحد مسلسلات الأنمي ، ويكون له عرض خاص، ومكان خاص، وحتى فود ستيشن خاصة، بوقتنا كان أنمي ديمون سلاير.. وكونان يكون دائماً موجود، فيه لعبة حلوة خاصة بأنمي كونان، كأنها سيكرت روم وفيه عرض لطيف بعد كايتو كيد شخصياً      و المحل الخاص بكونان مرة حلو      هالبَن تبع سنوبي الضيف الخامس يقول لذيييييييذ جداً  طلعنا ورحنا للـسيتي ووك نشوف وش فيه .gif "(92)")     رجعنا بالمترو، وتكلفة المترو للشخص (10 ريال سعودي). هذا مكتب الاستعلامات اللي قريب للمحطة، و فيه مصلي دعنون داخل    وبعدها تمشينا شوي في Namba     و هذا المحل فتنة اللي يدخله ما يطلع أبداً ، بس مسكت نفسي لأني أحب فرع طوكيو و الدوائر الحمراء اللي داير مدار المحل يمديكم تقصّون لها تذكرة و تجربون تركبونها  و مريت محلي قبل الفندق  ورجعنا لأننا منهدّيـن بشكل !
|
|
| |
|
14-03-2025, 06:54 AM
| #10 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 303 | OSAKA
5 يوليو (Cup Noodles Museum Osaka Ikeda) قمنا هالصباح متأخر بعد تعب أمس ورحنا لمقهى ومحمصة Maze ، فطورهم حلووو ، البودينق حقّهم رهيب ، وحتى قهوتهم لطيفة، و الهوت تشوكليت ممتاز   و أخذت منه هالمحصول لأن الباكيجينق أعجبني .gif "(158)") كأنه كتاب .gif "(3)")   عشوائية في الطلبات مو طبيعية !     بعدها رحنا بالقطار الإكسبريس لمتحف النودلز، فيه فرعين، واحد قريب لطوكيو والثاني قريب لأوساكا، اخترنا هذا هالمرة !  لما طلعنا من المحطة كان فيه لوحات إرشادية عشان نوصل للمكان و شفنا المتحف   بشحمه ولحمه  وصلنا بالسلامة ، و كانت تذكرة دخول المتحف بـ(20 ريال سعودي)، و سعر كوب النودلز اللي راح نشتغل عليه (15 ريال سعودي) ،و كلّه غير حلال.. النودلز مطبوخة بمرق دجاج، والدجاج واللحم ومنتجاتهم كلها غير حلال لأنهم مو من أهل الكتاب، بس أخذناها فعالية ، و المتحف يعتبر متحف تفاعلي نوعاً ما ! و فيه معلومات مهمة ، قصة أول مخترع للنودلز، و أول شكل لآلة بيع النودلز ، و أول مرة أرسلوا للفضاء نودلز مع مدري مين ! حلو والله      بعدها صفينا لاين عشان نسوّي النودلز تبعنا .gif "(157)") وأول شيء أخذنا كوب فاضي من الجهاز  بعدها أخذوه مننا و عقموه و سكرّوه ورجعوه لنا و قالوا يالله طلعوا إبداعكم   عِــــزْ  و رحنا نختار الإضافات و الصدق حطّينا كل شيء لأننا ماراح نآكلهم ، ولازم تكتب اسمك عشان ينادونك وقت التعبئة ، وتاريخ اليوم عشان يقولون لك متى تنتهي ! وغلفوه تغليف حراري، بعدها نحطها في كيسة كأنها بالون و ننفخها   تراااااااااا  جدارية نودلز  و طلعنا نكمل الجزء الثاني من المتحف و المحل تبعهم بعد موجود فيه أشياء لطيفة     و من هُنا بدأ   وغير فقرة النودلز، عندهم صنع الرامن (30 ريال سعودي) ، من A to Z، من العجن إلى التغليف، تحتاج حجز مسبق عن طريق الموقع، بس النودلز دائماً متاحة.. الصدق حلوة للي معهم أطفال، حنّا مالنا خلق نعجن ، و هذا الموقع الإلكتروني تبعهم :https://www.cupnoodles-museum.jp/en/osaka_ikeda/ لمّا خلصنا جلسنا نتمشى بالمكان اللي حوله، لأنه منطقة بعيدة عن منطقتنا، وشوي ضيّعنا في الرجعة، لأن القطار اللي رجعنا فيه تعطّل، وقوقل ماب شوي قام يلخبط لأنه ما استوعب العباطة اللي صارت! فتأخرنا بالرجعة! بس كان ممتع . و النودلز وهو في البالونة بلشة  بلشنا فيهم و حنّا ضايعين  لما رجعنا دخلنا مطعم رامن حلال، دائماً زحمة ما شاء الله ، وكثير مشاهير يصورونه جربوه ومدحوه! ولكن حنّا لما نروح له مانقرّب نهائياً للرامن لأنه مو حلو أبداً كرم الله النعمة وغير مستساغ فاختصاراً اللي بيزورونه خوذوا كاري أو أشياء أخرى بس مو رامن ! المسافر الخامس اللي معنا يحسبنا نبالغ وطلب الرامن، لمّا ذاقه ترك أكله وأكل معنا        بعد هالغداء عشاء  ، راحوا خواتي وكالعادة في أي سَفرة لنا مكان في العالم لمقهى قطط ، وحنّا رجعنا للفندق ونريّح لليوم الثاني لأن ورانا سفرة لنارا
|
|
| |
|
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رِحلَة كُوريَا الجَنوبيَّة - ( سِيئُول + جيجُو ) - يُوليُو 2022 | Boarding Pass | بوابة كوريا الجنوبية | 71 | 20-05-2025 06:26 AM |
| تركيا صيف 2024 | mona.alnaqbi | بوابة تركيا | 7 | 27-06-2024 04:39 PM |
| رِحلَة عُيون الجوَاء - يُوليُو 2023 | Boarding Pass | بوابة السعودية | 28 | 17-11-2023 02:49 PM |
| رحلة امريكا 07/2024 | abo.battal | بوابة امريكا | 8 | 23-08-2023 09:25 AM |
| رِحلَة لَندَن - مَارِس 2023 | Boarding Pass | بوابة بريطانيا | 68 | 27-07-2023 03:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
