| | |||||||
مـواضـيـع مـمـيــزة
179الاعجاب |
| | LinkBack  | أدوات الموضوع | انواع عرض الموضوع |
| |
28-03-2025, 02:21 AM
| #1 |
| مسافر متميز   تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |  KYOTO
 KYOTO 8 يوليو (الوصول إلى كيوتو - Nishiki Market - Fushimi Inari Taisha - Nidec The Kyoto Tower) خواتي في الرياض قالوا نبي نروح لكيوتو هالمرة سيارة، ماجربنا نمسك لها خط قبل! .gif "(41)") فحجزت من KLOOK مسبقاً، وحتى التاكسي يوصّل لكيوتو من كثر ماهي قريبة .. طبعاً عادي ماتحتاج الروحة لها حجز مسبق في القطار العادي، أي وقت متاحة! بس تروحون للمكاتب الموجودة في المحطة و تحجزون و تحجزون مقاعد إذا ودّكم.gif "(39)") ولكــــن أفضل تجربة ممكن تجربونها سواء للذهاب لكيوتو أو نارا أو أوساكا من هالمدينتين هي تجربة قطار Sightseeing Limited Express "AONIYOSHI" (أوساكا ونارا وكيوتو) أو Sightseeing Limited Express "Blue Symphony" (أوساكا ونارا) مرة مختلفات وعالم مختلف، والمقاعد والأوقات محدودة جداً، تحتاج تحجزونها من بدري مرة، هالليميتيد اكسبريس يربط أوساكا وكيوتو ونارا، وفيه أنواع ثانية بس هذولي المختلفات صراحةً، كنبات و حركات (لها مكاتب بيع في المحطات). وهذا موقع الحجز: https://www.ticket.kintetsu.co.jp/vs/en/e-ticket/ المهم سوينا التشيك آوت متأخر .gif "(155)") ، وصديقنا الخامس أصر يجرّب مطعم رامن يقول إن ChatGPT يقول إنه الأفضل بلا منازع ! رحت معه لحالنا لأنه الباقين رفضوا  ! صفينا لاين وطلبنا طلبين، الأول رامن والثاني ستيك لحم واقيو مقلي.. طبعاً أكلنا اللحم والرامن كرّم الله النعمة   رجعنا للفندق لأن السيارة اللي بتآخذنا لكيوتو وصلت .gif "(34)") .   وصلنا لكيوتو ولله الحمد، الطريق أقل من ساعة تقريباً، ودخلنا فندقنا  فندق KYOTO: - اسم الفندق: Mercure Kyoto Station – 4 نجوم 3 ليال (8 يوليو – 11 يوليو) تم الحجز عن طريق موقع ALL ACCOR - الغرف: Superior Room With 1 king bed – غرفة Superior Room With 2 zip beds - غرفة (النظافة: ممتاز). (الموقع: ممتاز، وفيه أفضل، بس هذا أشوفه مناسب لنا وهادئ وارتحنا فيه حقيقةً). - السعر الإجمالي للغرفتين: (2644 ريال سعودي).           و هذا مطل الغرفة الأولى   و هذي الثانية   حطينا أغراضنا وعلى طول توجهنا إلى Nishiki Market، [عبارة عن عبارة عن رواق مغطى للمشاة يقع في وسط المدينة ويصطف على جانبيه 135 متجرًا بواجهة مفتوحة لبيع المأكولات البحرية والمنتجات والهدايا التذكارية والمصنوعات الحرفية والوجبات الخفيفة اليابانية]         هنا الواحد عاد يآخذ راحته ووقته .gif "(3)") ، يتمشى ويتقهوى ويجرب أكلات مختلفة إذا لقى حلال.. و أغلب اللي جربناها مأكولات بحرية ، و ارجعوا أكدّوا عليهم بإن حتى الصوصات اللي يستعملونها يتأكدون مافيها كحول أو شيء ثاني             ضيفنا حلّى عليها ويقول ممتاز  الدارك تشوكليت أفضل من الميلك تشوكليت دونات مالحة مع عسل و بطاطا حلوة و كريمة كانت لذيذة و المحل اللي يبيعها يبيع الحلاوة اللي زي هالأيقونة (  ) لذييذة بعد و هذا محل عنده عسل بنكهات لذيذة جداً يسوونه عصير و يذوقونكم كل الأنواع  ممتاز إذا حابين تآخذون منه هدايا  و عنده آيسكريم بالعسل     و لازم نمر عليه   أختي جربته تقول شوي كرّم الله النعمة مقزز  جاملت اللي تشتغل و بلعته  هالحلاوة كانت هبّة بتيك توك يجربونها الأجانب ، غريبة ، ما آكلها مرة ثانية بس مرة مهم تجربونها ، ملمسها غريب  و شكل ثاني بس ماجربته   كعك السمك الكوري .gif "(90)")  و أشياء أخرى ...      فيه محل مرة حلو ويصلح للهدايا؛ اللي هو محل خاص فقط لأعواد الأكل "التشوب ستيكس" بمئات الأشكال، ويحفرون عليها اللي تبون، وعندهم علب أو أقمشة للتغليف، مرة حلوووو، ورخيص  المحل ما أعرف اسمه، و لكن هو الوحيد اللي موجود في المكان اللي فيه الأكل + الوحيد اللي يبيع تشوب ستيكس بدون أشياء أخرى بعدها أنا و خواتي قررنا نروح مقهى ، قهوته سيئة جداً جداً جداً جداً ، و الدونات عادية، بس يمكن ما اخترنا شيء زين .gif "(7)")       طلعناه يغيّر جو عن الكرتونة  و أخذنا عشان نتقهوى عليه في الليل   و الوالدة و المسافر الآخر راحوا مطعم هندي حلال ، جربته مسباقاً ، لذيذ، و أغلب المطاعم الحلال يوفرون غرف للصلاة و الوضوء  اسمه MABRUR HALAL DINING حول هذا الماركت كثير براندات في الشارع و فيه مقاهي و مطاعم  ، حلوة للتمشّي .. وبعدها رحنا لمحل آيسكريم والصدق أعتبره معلم سياحي مو محل آيسكريم عادي اسمـه THISIS) SHIZEN) و فيه فرع ثاني اسمه THISIS) NATURE)المنيو كل كم شهر يضيفون و يشيلون نوع ،حسب المواسم ، و ممكن تختارون أنتم اللي تبون  ) المنيو هذا قديم ، لرحلة سابقة ) و كذا مجهزين بعضهم عشان أسهل للتجهيز   و أخذنا 2 ، واحد جديد و الثاني دائماً موجود .gif "(35)") ، الورود طعمها أقل من عادي ، الآيسكريم عادي ، بس الصدق شكلهم يحمّــــس و كل مرة يبدعون بالشكل .gif "(50)")   بعدها رحنا لـ Fushimi Inari Taisha، [ضريح فوشيمي إيناري تايشا، مع صفوفه التي لا نهاية لها من بوابات توري الحمراء النابضة بالحياة التي تشق طريقها إلى جبل إناري والتي يقدر عددها بأكثر من 10000 بوابة، يعد هذا الضريح كنز ثقافي وحلم المصورين والسائحين] ( الدخول مجاني ) بس قبلها أخذنا من محل فواكه مسكّرة مقابل المكان ، و كلها لذييييذة ، أنا أخذت موتشي بالبرتقال كانت لذيذة مرررررة و منعششششة            فنانييين   ولله الحمد والمنّة أول مرة أشوفه فاضي  ، وصورنا فيه إلين شبعنا.gif "(95)") ، دائماً زحمة..         وبالمناسبـة ماقد قدرنا نوصل للنهاية، جداً طويل الطريق، وحاطّين تحذير من القرود اللي ممكن يطلعون لكم فوق! فهذا سبب آخر إنّي ما أجرب أرقى زيادة .. و نزلنا خلاص      و فيه آلة آيسكريم موجودة عند المدخل، شكل الآيسكريم نفس المكان .gif "(60)")     و تمشينا شوي بالمنطقة      ومحطة المترو مقابلة له تماماً ، و فيه ماركت بعد     لما رجعنا ووصلنا محطتنا اللي هي كيوتو ستيشن، قررنا نروح لـ Nidec The Kyoto Tower، [أطول مبنى في كيوتو بارتفاع 131 متراً]، مقابل للمحطة مباشرة ، ( سعر الدخول 22 ريال سعودي )، في الحقيقة لايستحق الزيارة، حسيته كئيب! بس قلنا نجربه بما إنه طلع بوجيهنا! ما حمّسني المكان الصدق ، فما صورته أبداً ، بس جبت لكم صور من النت فيه تليسكوب عشان تشوف المناظر السياحية في كيوتو ، بس العالم ( و حنّا طبعاً ) يتفرجون على السكّان في بيوتهم الصدق كانت أفضل فعالية في المكان   و بكذا انتهى يومنا و رجعنا للفندق  !
|
|  |
|
28-03-2025, 07:13 AM
| #2 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |
9 يوليو (Arashiyama bamboo forest - Toei Kyoto Studio Park - Gion - Ninenzaka and Sannenzak) رحنا الصباح لأقرب فرع 7-eleven نآخذ منهم مخبوزات سريع سريع  ونتقهوى في المقهى اللي قدّاهم، يعتبر من أفضل مقاهي كيوتو، وصاحبها مآخذ جوائز كثيرة  ، وغالباً يصير موجود، وفروع المقهى حتى خارج اليابان موجودة، اسم المقهى Kurasu Kyoto Stand .   بعد ماتقهوينا أخذنا تاكسي إلى Arashiyama bamboo forest [غابة الخيزران أو بستان الخيزران أراشياما أو غابة ساجانو الخيزران هي غابة خيزران طبيعية في أراشياما ، كيوتو. يتكون في الغالب من خيزران موسو (Phyllostachys edulis) وله العديد من المسارات للسياح والزوار، تعتبره وزارة البيئة جزءاً من المشهد الصوتي لليابان]، يبعد تقريباً 35 دقيقة، الدنيا مطر، وزيارته أخذت وقت طويل لأنه فعلاً المكان كبير، ( الدخول مجاني ).              بعدها توجهنا إلى Toei Kyoto Studio Park [يمكنك مشاهدة تصوير الأعمال الدرامية (أفلام jidaigeki)، ويمكنك التجول بحرية حول مجموعة أفلام TOEI Kyoto Studio، تصور هذه المجموعة شارعا من فترة إيدو، وتستخدم لتصوير أكثر من 200 فيلم سنويا، استمتع بأجواء اليابان القديمة من خلال الاستمتاع بعرض النينجا، وربما حتى ارتداء ملابس الجيشا أو الساموراي]، وكنّا حاجزين التذاكر مسبقاً من موقعهم، وكنّا متأخرين عن الوقت ومع ذلك دخلونا ( سعر التذكرة 50 ريال سعودي ).  وتفاجأت إنه مافيه إلا حنّا و عائلتين بس ! أتوقع لأن ثلاث أرباع المكان كان مغلق وكانوا كاتبين في الموقع قبل نحجز، بس قلنا بنروح عادي.gif "(22)") .. دخلنا والبنات راحوا يستأجرون لبس كيمونو "يوفرون جميع مقاسات وأشكال وأنواع الملابس اليابانية التقليدية للنساء والرجال"، والسعر شامل التصوير، وتصويرهم يجنننننننننن صدق ويعطونكم الصور مطبوعة.gif "(148)") ، وحتّى يعلمونكم كيف المسكة الصح للمظلة الورقية وكيف توقفون صح، وعارفين كيف يضبطون اللبس مع الحجاب بعد..  بعدها طلعنا نتمشى في الإستديو       كيوتة كانت تشرح لنا عن المكان  وجاء وقت عرض النينجا  والحمدلله دخلوا العائلتين معنا، العرض حلوو ولطيف ، يشبه عروضهم التلفزيونية الكوميدية ، و طبعاً ممنوع التصوير، بعدها طلعوا الممثلين برّا المسرح عشان اللي حاب يصوّر معهم..  و جالسيـن حنّا و العائلتين قدام و بعد المسرحية يخلّون الجمهور يشارك   بعد ماخلصنا تمشّي في الأستديو رحنا لمحل السنفونير نآخذ منها كم شيء    فيه دور ثاني مناسب للأطفال، ألعاب و ملاهي صغيرة وأشياء أخرى بس ماجلسنا فيها .gif "(37)") بس صورت لكم الدرج المؤدّي للمكان و قبل نطلع صلينا في المصلى ، و ممنوع التصوير داخل ، بس كان كبير جداً     بعدها توجهنا إلى Ninenzaka and Sannenzaka [شوارع التسوق التقليدية للمشاة في هيغاشياما وتقع الشوارع اليابانية التقليدية في منطقة هيغاشياما التاريخية في شرق كيوتو، تربط أزقة المشاة المرصوفة بالحصى بين معابد الأحياء، وتصطف المطاعم ومحلات بيع التذكارات على طول سلالم حجرية كبيرة، وهو المكان المثالي للقاء اليابانيين الذين يرتدون الكيمونو أو اليوكاتا]، المكان مرة مرة مرة جميل .gif "(114)") ويآخذ وقت طويييييل جداً.gif "(57)") ، خاصة إذا حبيتوا تجربون تتقهون في ستاربكس فرع Ninenzaka صعب تلقون محل!              الشخصية المفضلة عند أختي            قهوتهم الأسوأ بلا منازع كرّم الله النعمة      و هالمحل أتوقع المفضل لثلاث أرباع العالم  محل تبع شخصيات أستديو جبلي      محل لرسم الوجه   أسعارهم غالية ، الأفضل شرائه من طوكيو و حتى الجودة مش ولابد   ونتمشى حول المنطقة     لما خلصنا متمشين انقسمنا ، قسم رجع لستاربكس ، و الآخر يبي يتغدى .gif "(89)") فاخترنا مطعم قريب لـحي Gion [أشهر منطقة جيشا في كيوتو، مليء بالمتاجر والمطاعم،يجذب جيون السياح بتركيزه العالي من منازل تجار ماشيا الخشبية التقليدية]، هالحي فيه كذا شارع ممكن هه تلقون فيهم الجيشا، الأول واللي يعتبر أكثر شهرة للسياح هو Hanami-koji Street وَ الثاني و يعتبر الأجمل و الأروق وممكن فعلاً يطلعون فيه الجيشا هو Shirakawa area ، بالنسبة للـ geiko or maiko " السياح يسمونهم جيشا كلهم" اللي أشوفهم ما أعرف هل فعلاً حقيقيين أو متنكرين! وغالباً أشوف الظهر أو بعد الظهر.gif "(158)") و الصور اللي صورتها للمكان كلها شخصيّة نوعاً ما إن شاء الله أحطها لكم في سفرة ثانية مرينا بضريح ياساكا في نفس الحي، دخلت للضريح آخذ كم صورة و ما يسوى تزورونه نهائياً ، بس دخلته لأن العالم اللي فيه كلهم لابسين اللبس الياباني  وكملنا الطريق لمطعمنا     وصلنا و طبعاً فيه مصلى  و هذا طلبنا ، ماراح أحط اسم المطعم لأنه عادي ، فيه أفضل منّه وراح أحطه في الأيام الجاية إن شاء الله    بعدها رجعنا للفندق ننام، ومنهدين أساساً من أول مشوار 
|
|
| |
|
28-03-2025, 08:16 PM
| #3 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,907 |
|
| |
|
20-05-2025, 05:39 AM
| #4 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |
فعلاً كيوتو كيوت  الرامن سبَّب صدمة  أما بالنسبة للقهوة فاليابان الأفضل بعد السعودية 
|
|
| |
|
31-03-2025, 05:23 PM
| #5 |
| مسافر متميز تاريخ التسجيل : Jul 2021 رقم العضوية : 45160 الجنس : ذكر المشاركات : 103 |
|
|
| |
|
20-05-2025, 05:47 AM
| #6 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |
شكراً جزيلاً  الرامن فيه ريحة كرّم الله النعمة مو طبيعية  حاولنا ، و في النهاية أعجبني واحد في طوكيو فقط لأنه كان مخصص للنباتيين  المحامص في طوكيو غالباً يبلغوننا قبل نطلب إذا مناسبة لنا أو لا ، باقي المدن حنّا نسأل قبل نطلب ، و الصدق ماكان عشان الحلال و الحرام ؛ كان عشان نتأكد إذا مغسول أو مجفف ، و الأسئلة الباقية الطويلة و مع أجوبتهم يعترفون هو بكحول أو لا و في النهاية أنا آخذ أثيوبي و اللي معي ينوعون عشان يقيمون المحصول .gif "(101)") 
|
|
| |
|
07-04-2025, 07:26 PM
| #7 |
| خبيرة سفر تاريخ التسجيل : Sep 2019 رقم العضوية : 28329 الدولة : Saudi Arabia الجنس : انثى المشاركات : 392 |
رحله جميله يعطيك العافيه .. الاكل مشكله خصوصا للي يحب يتذوق الاكل ولا يعجبه اي شي احنا جربنا مطعم مكتبه السوشي اظن اسمه كذا ما عجبنا واحنا بالرياض كيف هناك مع اني من محبي اكل شرق اسيا  اول مره اشوف تقرير ياباني مفصل مره شكرا 
|
|
| |
|
20-05-2025, 05:50 AM
| #8 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |
الله يعافيك الصدق نتقبل الأكل الياباني مو مشكلة ، بس أحياناً خلاص تحتاج تآكل أكلكم و أحياناً الأكل تبعهم اللي يكون فيه سوائل حارة ، تكون الريحة قوية ، و المعدة ما تتقبله  شكراً جزيلاً
|
|
| |
|
20-05-2025, 05:53 AM
| #10 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 313 |
حبيبتي ، الحمدلله على السلامة  ياختي أنا زيارات مكررة و أحس إني ماغطيتها للحين .gif "(38)")  حيّاك ربي 
|
|
| |
|
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رِحلَة كُوريَا الجَنوبيَّة - ( سِيئُول + جيجُو ) - يُوليُو 2022 | Boarding Pass | بوابة كوريا الجنوبية | 71 | 20-05-2025 06:26 AM |
| تركيا صيف 2024 | mona.alnaqbi | بوابة تركيا | 7 | 27-06-2024 04:39 PM |
| رِحلَة عُيون الجوَاء - يُوليُو 2023 | Boarding Pass | بوابة السعودية | 28 | 17-11-2023 02:49 PM |
| رحلة امريكا 07/2024 | abo.battal | بوابة امريكا | 8 | 23-08-2023 09:25 AM |
| رِحلَة لَندَن - مَارِس 2023 | Boarding Pass | بوابة بريطانيا | 68 | 27-07-2023 03:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
