وصلت امريكا وحضرت مباراة الهلال

ابوسلمان · 02-07-2025, 07:02 PM

السلام عليكم ورحمة الله وبركاته
السلام عليكم ورحمة الله وبركاته
الحمد لله وصلت امريكا الجمعه الماضيه على رحلة الرياض واشنطن وكان وقت اقلاعها 9 الصبح يعني بعد ضمان تأهل الهلال لدور ال16 ومن المطار دخلت موقع الفيفا واشتريت تذاكر المباراة وياليت ما اشتريتها !! لاني وصلت امريكا وبلغوني الشباب ان الملحقيه تعطي تذاكر مجاناً اون لاين عن طريق الموقع والايميل ،،،
المهم ماعلينا اقلعنا من الرياض وكانت الطائره فل وازعاج واطفال وعوائل …
للاسف حظي لكم عليه لاني حاجز المقعدين اللي جنب مقعدي وادفع حقها علشان انام لكن من الحظ الطيب كانت اليدات بين المقاعد ماترتفع بس للصف اللي انا فيه هههههههههه .. المهم حاولوا يغيرون مكاني والجميع رفض التبديل والله الحسد والرخامه من البعض مع انها ماتفرق معهم بس تفرق معي ،،،،
المهم ماعلينا نزلنا واشنطن على الوقت تقريباً 3:30 بعد الظهر وجلسنا في سرا الجوازات ساعتين الله لايوفقهم زحمه مررره ومازودوا الموظفين وماعليهم منكم وراك رحله ثانيه او معك اطفال ماعليهم منك …
المهم جاء دورنا وكان معي واحد من الشباب كان مبتعث قبل 13 سنه وبالنسبه لي ابد اخذ صوره مع بصمة العين وهطاني جوازي ولا سالني عن اي شي اما رفيقي كثر عليه الاسئله بصراحه وللامانه الولد ايام ابتعاثه اعتقد عنده مخالفات مروريه او شي من هالقبيل هذا اللي فهمته لكن اخر خروج له من امريكا كان قبل 12 سنه تقريباً …المهم مشى الحال وعطانا جوازاتنا وطلعنا واخذنا الشنط وعلى طول على شركة alamo تاجير السياره كنت حاجز من عندهم من 4 شهور سياره كشف اليوم ب80$ تامين شامل لكن غيرناها حسينا انها صغيره واخذنا مرسيدس 250 موديل 2025 بنفس السعر …
طلعنا وكنت حاجز فندق جنب المطار ليله وحده وكنت حاجز البرنامج كامل بالفنادق والمدن اللي بزورها وكانت المفاجأة والفرصه السعيده ان الهلال بيلعب مع مانشتر ستي في اورلاندو وفي هذا التاريخ برنامجنا كان في اورلاند ومثل ماقلت لكم قبل الاقلاع اشتريت التذاكر لاني عارف وين بيلعب ،،،
قمنا ثاني يوم وشدينا الرحال الى اورلاندو وبما ان المسافه 1400كيلو تقريباً فكنت مخطط ابات في سافانا في جورجيا بعد تقريباً 900كيلو من واشنطن وفعلاً اول ماوصلنا سافانا الا حنا خلاص ودنا ننام نرتاح ودخلنا بوكنق حجزنا فندق ودخلنا ونمنا …
ثاني يوم واصلنا الى معشوقتي اورلاندو ودخلنا الفندق اللي انا حاجزه 5 ليالي وحضرنا المباراة وكانت ليلة تاريخيه بكل المقاييس ،،،
باقي من خط الرحله ليلتين في ميامي وليلتين في ديتونا بيتش وليله اعتقد بتكون في روكي ماونتن وحنا زاحعين ل واشنطن وليلتين في واشنطن قبل الاقلاع علماً ان رحلتنا كلها اسبوعين وحنا اثنتين شباب ف سهالات …
بالنسبه للخطوط السعوديه اول مانزلت رفعت شكوى اني مشتري المقاعد وما استفدت منها واليوم الحمد لله رجعوا المبلغ في حسابي اللهم لك الحمد على نعمة الامير محمد بن سلمان الحين ناخذنا حقنا من اي جهه والله العظيم اتذكر قبل 22 سنه مشتري تذكره درجه اولى كاش من كوالالمبور الى الرياض وكان المقعد مايتحرك والشاشه خربانه والطياره فل يعني ما اقدر اغير مقعدي المهم وصلت وارفع شكاوي وايميلات وخرابيط والله ماكان احد يعبرك ولا يعيرك لكن الان سبحان الله بالجوال وحقك يجيك والله يعز دولتنا وحكامنا والله العظيم ان حنا في نعمه …
اتمنى اني ما اطلت عليكم وحاولت اذكر اهم التفاصيل بالنسبه لاسعار الفنادق معقوله اغلاها ميامي تقريباً الليله ب700 ريال الباقيه في حدود 500 ريال الليله اما اورلاندو رخيصه بحدود 300 ريال الليله …
البنزين رخيص الجاولون بحدود 3$
التولز معي جهاز من زمان واشحنه واحطه على الزجاج الامام اسمه ايزي باس لونه بنفسجي،،،
دعواتكم لنا بالسلامه وللجميع وان يجنبنا وعثاء السفر ومصادفات الايام

آخـــرفـــرصـــة, الشعباوي و بن قوت معجبون بهذا.

آخـــرفـــرصـــة · 03-07-2025, 10:52 AM

1000 مبروك فوز الهلال
استمتعنا بالمباراة كثير
وفوزه فوز للدوري السعودي
ودليل على أن المخطط ناجح 100%
من يتوقع أن الهلال يفوز على مانشستر سيتي
شفت بعض البرامج يعتبرون المباراة تحصيل حاصل لمانشستر
وبعد المباراة كلهم في صدمة

الجوازات فعلاً زحمة والمفروض كل شيء
يتم بسرعة مع الجوازات الالكترونية الجديدة

تخطيط ممتاز لكن كنت أفضل طيران الى اورلاندو
وهناك تستلمون السيارة لأن المسافة ما هي سهلة

كيف انطباع الجماهير هناك ؟
الهلال كسب جماهير كثيرة بعد هذا الفوز
و ديما بونو

ابوسلمان و بن قوت معجبون بهذا.

ابوسلمان · 03-07-2025, 06:07 PM

اقتباس : المشاركة الأصلية كتبت بواسطة آخـــرفـــرصـــة

1000 مبروك فوز الهلال
استمتعنا بالمباراة كثير
وفوزه فوز للدوري السعودي
ودليل على أن المخطط ناجح 100%
من يتوقع أن الهلال يفوز على مانشستر سيتي
شفت بعض البرامج يعتبرون المباراة تحصيل حاصل لمانشستر
وبعد المباراة كلهم في صدمة

الجوازات فعلاً زحمة والمفروض كل شيء
يتم بسرعة مع الجوازات الالكترونية الجديدة

تخطيط ممتاز لكن كنت أفضل طيران الى اورلاندو
وهناك تستلمون السيارة لأن المسافة ما هي سهلة

كيف انطباع الجماهير هناك ؟
الهلال كسب جماهير كثيرة بعد هذا الفوز
و ديما بونو

هلا هلا
بالغالي ربي يحفظك وشرفني مرورك ورد لك مني كل الود

آخـــرفـــرصـــةمعجبون بهذا.

الشعباوي · 08-07-2025, 11:32 PM

عليكم السلام بو سلمان .. رحلة ممتعة دائمآ معك الى امريكا

و تستاهل سلامة الوصول و مبروك فوز الهلال على المان سيتي و هاردلك عقب جدام الفلومينينسي

الاهم ان الهلال شرف بلده والخليج والعرب و اسيا ..

والحمد لله انك قدرت ترجع فلوس المقاعد من شركة الطيران والله يحفظ الامير محمد بن سلمان

والله يعز المملكة .. بس مب كان الافضل انك اطير على اورلاندو مباشرة ..

والصراحة الاسعار جدآ مشجعة في اورلاندو و ميامي وخاصة ميامي

ورحلة ممتعة في ربوع امريكا

بن قوتمعجبون بهذا.

بن قوت · 09-07-2025, 02:03 PM

رحلة سعيدة ان شاء الله
ومبروك الفوز اولا
والخروج المشرف

كان بالامكان احسن لاكن هذي الكرة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موضوع متعدد : قروب الموج الأزرق ودعم الهلال في USA	Makntosh	بوابة امريكا	9	11-05-2025 01:16 AM
رحلتي الى اذربيجان وحضوري مباراة الارسنال وغاراباج الاذري	Gunner10	بوابة جورجيا و اذربيجان	32	30-07-2019 03:17 PM
الحمدلله وصلت دبي	نون التوكيد	بوابة الامارات	3	17-08-2016 07:12 PM
مباراة السوبر	wesam	تركيا	3	17-08-2015 07:29 AM