وعليكم السلام ورحمة الله وبركاته

بخصوص زيلامسي اقترح تسكن في كابرون وراح تلاقي فلل تعجبك ان شاء الله

اقترح تسوي بعض التعديلات على الخط ممكن تخلي قارمش على النهاية. في منطقة بين زيلامسي وانترلاكن اسمها باخ اظن وانا هذا اللي سويته توجهت من زيلامسي الى باخ ومن ثم الى انترلاكن. عاد تصدق جدولك كان مشابه نوعا ما لخط السير اللي اخذته في احدى السنوات كان عندي شهر والهدف زيارة اكثر عدد ممكن😂 كنت اسوق بمعدل ٧ ساعات في اليوم. اهم شي لما تاخذ السيارة تتأكد ان فيها ستكر. انا استأجرت من يورب كار كانت كل الدول شاملة المانيا وايطاليا واللي حواليها بس سويسرا تحتاج توقف قبل الدخول وتشتري ستكر من احد المحطات. انصحك لاتاخذ السيارة في فيينا ماراح تحتاجها لان ويمكن تتوهق بها احسب حسابك تستلمها في اليوم اللي بتمشي فيه

زيلامسي قمة كابرون و شلالات كريميل وبحيرة سيلامسي خصص لها 3 ايام ) واطلع من زيلامسي الى انترلاكن استمتع في الطريق حاول تخصص يوم لقرية ابتزل او سانت قالن ابحث عنها في قوقل وانسخ الاسم وحطه بقوقل ماب اما انترلاكن افضل قريه واشهر قريه سياحيه جريندلوالد خصص لها يومين ومن انترلاكن الى ميونخ لاتنسى تمر قرية لينداو على بحيرة بودسني بقية الايام اجعلها في ميونخ وأكتشف المدينة هناك استخدم تطبيق Hotellook او Agoda او البديل الارخص Airbnb وكل مكان توصله أكتشف التفاصيل فيه والنهار هو افضل اكتشاف وافضل فسحه حتى الغروب اجعل التمشيات في النهار من الصباح الباكر هذه التوصيات حسب تجارب العرب المسافرون الى اوروربا

ولاتنسانا من التقرير التفصيلي حول رحلتك