يوم أمس, 09:23 AM
|
#1 |
مسافر جديد
تاريخ التسجيل : Jun 2024 رقم العضوية : 50887 الجنس : ذكر المشاركات : 14
|  (انتبه تساعد احد وتورط )
السلام عليكم ورحمة الله وبركاته صباح الخير ع الجميع بدون استثناء ماعدا الشايب اللي صارت معه السالفه😆
بالبدايه ب شهر يناير 2017 قلنا انا وخويي يلا على اندونيسا حجزنا وخلصنا كل شي وتوكلنا على الله
ويلا على جاكرتا رحنا للمطار من القصيم الحبيبه للرياض الحبيبه وصلنا للمطار قصينا البوردنق وجلسنا نحتسي القهوه
مادرينا الا ذا الولد ومعاه الشايب وقال الله يعافيكم وصلو ابوي لمقعده وخلاص تنتهي مهمتكم قلنا يالله ماعليه حسبة الوالد الله يرحمه ونخدمه من عيوننا المهم نادو على الرحله دخلنا الطياره محدثكم جلس الشايب بمقعده ومعاه شنطه قديمه اللي فيها رموز
اصفار 😂 وفوق مقعده الحقائب فل ناديت ع المضيف وحطها بالخلف بالظبط حطيتها وقلت للشايب ياعم هذي حقيبتك وراك
قال تمام الله يعافيك انتهت مهمتك وصلنا جاكرتا نزلنا المطار انا وخويي جينا بنختم جوازاتنا الا فيه صوت يشق الاذاني شق
الا هذا الشايب يقول هذا هو هذا هو الحرامي اللي مايخاف الله قلت يالله صباح الخير جاء الامن لعندي واخذني ورحت افهمهم
ساعه وجاء من طاقم الطائره واحد الله يجزاه خير وفهمته السالفه وتواصل مع الملاحين انا بذي اللحظه اقول يالله يارب تخارجني من هالادمي اللي بلاني بلوى واخذنا شوي الا المضيف قالي حصلوها حصلوها طرت من الفرحه انا والله وقتها قلت بيتبلاني
ويعكر جو السفره حصلوها وجابوها له وجلس يعتذر مني ساعه وانا الصراحه منصدم من الموقف اللي اتمنى مايحصل ل احد
انا بصراحه حاليا اساعد بلساني فقط لكن انك تتدخل وتشيل وتنزل مستحيل
ودمتم بخير واسف ع الاطاله♥ |
|  |
4الاعجاب
العرض الشجري
المواضيع المتشابهه 
