قطارات مانشستر - كارديف

وجهات أوروبية · 06-05-2015, 01:52 PM

اقتباس : المشاركة الأصلية كتبت بواسطة منيرة

السلام عليكم و رحمة الله و بركاته

عليكم السلام ورحمه الله وبركاته

عدنا اليكم من جديد

قطر 911 مطلوب

ياهلا ومرحبا مشرفتنا الامريكيه
مطلوب للعداله

و لا يهونون خبراء الارياف الانجليزية

ونعم فيهم والله كلهم فيهم الخير والبركه

تخبر تخطيطي السابق

مانشستر - وينديرمير

ايووووووووه اذكر

بعد التفكير و التدقيق لقيت ان ونديرمير مابتاخذ مني 4 ايام
وشفت ان ريف ويلز احلى لان يجمع بين ووودز و كوستس و هيلز و الفعاليات اكثر هناك

خيار وتغيير ممتاز

فقررت اعيد التقسيم

انزل مطار مانشستر و استقر 4 ليالي و منها يوم بروح ليفربول او بلاكبول يعتمد

ليش تنزلين في مطار مانشستر ليش ماتروحين وتنزلين في محطه بيكاديلي مانشستر !!

و بعدها الى ارياف ويلز و تحديدا Pembrokeshire لاربع ليالي و منها العودة الى لندن

ترا هذي مب مدينه مقاطعه كبيره في ويلز تقريبا ماخذه ربع ويلز من حيث المساحه وشوفي بتنزلين بأي مدينه
تقع جنوب غرب ويلز وفيها الساحل من الجهه الغربيه وساحل من الجهه الجنوبيه

باخذ قطار من مانشستر بيكاديلي الى كارديف سنترال
لانه خط دايركت لكن اكتشفت ان كل سيارات سنترال صغيره و ماعجبتني
فكرت انزل بكارديف ايربورت اسمها Rhoose عشان السيارات هناك متنوعة

فمالقيت خط دايركت لي مطار كارديف و في تبديل قطار يعني مش ستوبس بس و انا معاي 3 شنط !!

فهل في خط من مانشتسر حتى غير بيكاديلي يوصل رهووز دايركت
او حتى لو يمر في سنترال و يواصل لي رهووز بدون ما انزل !!

يعني انتي تبغين تستأجرين سياره !!
شنو نوع السياره تقريبا الي تبغينها
يعني صغيره او كبيره اقتصاديه او راهيه !!

لا مافي قطار دايركت من مانشستر الى Rhoose
نفس ماقلتي فقط للسنترال الدايركت
انزلي في السنترال وروحي الفندق ارتاحي بتكاسي وعقب روحي محطه استلمي سيارتج من محطه Rhoose

وانتي بعد عطيني نوع السياره المطلوبه وانا بشوف لج ان شاء الله وبنحصل

بعدين

برجع الى لندن من كارديف
فاذا سيارتي من روهوز مالهم مكاتب في سنترال
فبضطر ابدل في سنترال مرة ثانية

خلينا نحدد اول من اي شركه بتستأجرين السياره ونشوف فروعها

في حل من رهوز الى اي من لندن تيرمنالز ؟ بادينقتون - ايوستون - سانت بانكارس
المهم عندي ما ابدل و اتشحطط

اذا طلعتي من Rhoose اجباري اتشحططين
واهني مشكله ثانيه اذا استأجرتي سياره من روهوز
الافضل تستأجرين من السنترال لان يطلع منها القطار دايركت الى لندن محطه بانديغتون في لندن
والمسافه ساعتين و4 دقايق الى ساعتين و 7 دقايق

بغيت المعونة في ترتيب القطارات

يالنسبه للمعونه من الله سبحانه وتعالى

نبتدي اول من مانشستر الى ويندرمير
في رحله واحده دايركت الساعه 09:45 صباحا
مده الرحله ساعه و 45 دقيقه
ويطلع من محطه بيكاديلي الى ويندرمير

والعوده من ويندرمير

الاولى الساعه 10:54 صباحا
والثانيه الساعه 06:03 مساء
والثنتين مسافتهم ساعتين و 3 دقايق
ويطلع القطار من ويندرمير الى محطه بيكاديلي

ومن مانشستر الافضل من محطه بيكاديلي الى كارديف سنترال دايركت
مسافتها 3 ساعات و 7 دقايق
وفي رحلات كثيره باليوم

ومن كارديف سنترال الى لندن محطه بانديغتون دايركت وفي رحلات كثيره يوميا
والمسافه بين ساعتين و 8 دقايق الى ساعتين وربع حسب الرحله

هذا رأيي بالنسبه لتخطيط القطارات

شاكرة للجميع مقدما

العفوووو مشرفتنا

الاجابه باللون الازرق فوق
بس اتمنى تعطيني نوع السياره الي في بالج عشان اقدر اساعدج اكثر
وشوفي الي يناسبج وخبريني عشان نعدل ونرتب وتوضح لنا الصوره اكثر

وبالتوفيق ان شاء الله

منيرة · 06-05-2015, 03:21 PM

اقتباس : المشاركة الأصلية كتبت بواسطة qa6ar911

العفوووو مشرفتنا

الاجابه باللون الازرق فوق
بس اتمنى تعطيني نوع السياره الي في بالج عشان اقدر اساعدج اكثر
وشوفي الي يناسبج وخبريني عشان نعدل ونرتب وتوضح لنا الصوره اكثر

وبالتوفيق ان شاء الله

كأنك مافهمتني ؟

ليش تنزلين في مطار مانشستر ليش ماتروحين وتنزلين في محطه بيكاديلي مانشستر !!

انا بوصل مانشستر من ديرتي اول الوصول !!
وبقعد 4 ليالي مثل ماقلت بعدها بطلع كارديف بعدها بطلع لندن

ترا هذي مب مدينه مقاطعه كبيره في ويلز تقريبا ماخذه ربع ويلز من حيث المساحه وشوفي بتنزلين بأي مدينه
تقع جنوب غرب ويلز وفيها الساحل من الجهه الغربيه وساحل من الجهه الجنوبيه

انا قلت مدينة لا سمح الله !!
انا قلت أرياف ويلز وتحديدا بيمبكشاير و بالتحديد على مقربة من سانت ديفيد
بأخذ كوست كوتج بس ليحين مارسيت بالضبط

يعني انتي تبغين تستأجرين سياره !!
شنو نوع السياره تقريبا الي تبغينها
يعني صغيره او كبيره اقتصاديه او راهيه !!
لا مافي قطار دايركت من مانشستر الى Rhoose
نفس ماقلتي فقط للسنترال الدايركت
انزلي في السنترال وروحي الفندق ارتاحي بتكاسي وعقب روحي محطه استلمي سيارتج من محطه Rhoose

وانتي بعد عطيني نوع السياره المطلوبه وانا بشوف لج ان شاء الله وبنحصل

االسيارة اللي عينتها كانت بنز e class من انتربرايز في مطار كارديف عن طريق رينتال كارز
كل السيارات اللي في سنترال ميني وماتصلح لنا
فمن مطار كارديف الى منطقتي مشوار ساعتين بالسيارة
فكرت استبدل فكرة القطارات بطيران ماحصلت دايركت من مانشستر لكارديف ولا من كارديف لي لندن معظمها ترانزيت في دبلن

مابسكن في كارديف

يالنسبه للمعونه من الله سبحانه وتعالى

نبتدي اول من مانشستر الى ويندرمير
في رحله واحده دايركت الساعه 09:45 صباحا
مده الرحله ساعه و 45 دقيقه
ويطلع من محطه بيكاديلي الى ويندرمير

والعوده من ويندرمير

الاولى الساعه 10:54 صباحا
والثانيه الساعه 06:03 مساء
والثنتين مسافتهم ساعتين و 3 دقايق
ويطلع القطار من ويندرمير الى محطه بيكاديلي
ومن مانشستر الافضل من محطه بيكاديلي الى كارديف سنترال دايركت
مسافتها 3 ساعات و 7 دقايق

وفي رحلات كثيره باليوم

ومن كارديف سنترال الى لندن محطه بانديغتون دايركت وفي رحلات كثيره يوميا
والمسافه بين ساعتين و 8 دقايق الى ساعتين وربع حسب الرحله

هذا رأيي بالنسبه لتخطيط القطارات

قلت ألغيت وينديرمير

انا لو احصل طيران داخلي لكارديف تنحل مشاكلي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شــرح قطارات ومحطات ميترو مانيلا (mrt,lrt1,lrt2)	JAKALL	بوابة الفلبين	25	14-05-2019 12:07 AM
شقق في مانشستر Premier Apartments Manchester	MOHANAD	اوروبا	10	26-07-2015 10:38 AM
شقق في مانشستر The City Warehouse Aparthotel	MOHANAD	اوروبا	11	18-06-2015 03:03 AM
شقق في مانشستر Staycity Serviced Apartments	MOHANAD	اوروبا	14	16-03-2015 10:24 AM
خبراء مانشستر و الليك ديستريكت	منيرة	اوروبا	48	27-02-2015 11:04 PM