تقريري عن ماليزيا - شهر أبريل 2015 - الصفحة 4

بيبي فيس · 13-05-2015, 08:28 AM

الصور عندي أنا مب طالعة دايماً يصير معاي جذي في الدوام

بس صور آخر حلقة ظهرت مادري ليش!!!

واصل وحنا متابعين إن شاء الله

ابراهيم · 13-05-2015, 05:12 PM

تقرير ممتع بحق ،،،، يعطيك العافية

A.S.H.R.A.F · 13-05-2015, 06:00 PM

تقرير رائع

تصوير مبدع .

واااصل......

تحياتي لك

mustafa_bh · 16-05-2015, 10:53 AM

اقتباس : المشاركة الأصلية كتبت بواسطة A.S.H.R.A.F

تقرير رائع

تصوير مبدع .

واااصل......

تحياتي لك

شكرااا جزييلا من ذووقك

اقتباس : المشاركة الأصلية كتبت بواسطة ابراهيم

تقرير ممتع بحق ،،،، يعطيك العافية

الله يعافييك الغالي

اقتباس : المشاركة الأصلية كتبت بواسطة بيبي فيس

الصور عندي أنا مب طالعة دايماً يصير معاي جذي في الدوام

بس صور آخر حلقة ظهرت مادري ليش!!!

واصل وحنا متابعين إن شاء الله

ههههه اي
بعض الاماكن يحجبون الصور في كمبيوترات الدوام

اقتباس : المشاركة الأصلية كتبت بواسطة طارق عنايات

جزء جميل جداً

رحلة المانغروف رائعة جداً

أظنك تقصد شاطئ تانجونج روه شمال لنكاوي من جهة الشرق

جانب منتجع تانجون روه و الفورسيزون

تابع الى بينانج ونحن معك

اييي احتمال يكون هذا الشاطئ المقصوود

mustafa_bh · 16-05-2015, 11:53 AM

وصلنا مطار بينانغ على الساعه 6 ونصف والحمدلله كانت الاجراءات جدا سلسه
وذهبنا على طوول لمكتب التكاسي لناخذ تكسي يقلنا للفندق
طبعا ارد اكرر خذ التكسي من المكتب اضمن وارخص لك من واقع تجربه وتقدر تجرب بنفسك بعد
..

طبعا الفندق في بينانج كان
parkroyal penang
الحجز فيه كان جراند ديلوكس مع شرفه خاصه مطله على البحر
والحمدلله كان خيار ممتاز جداا الاطلاله جميله جدا والشرفه الجلسه فيها عجيبه مع شرب الكوفي والشاي
..

العصير الترحيبي كان الكاس طريقته حلوه

الشرفه الخاصه المطله على البحر

بعدها ارتحنا شوي وطلعنا الليل نتجول في السوق الليلي
طبعا من مميزات الفندق ان السوق الليلي بجنب الفندق وطبعا في الليل مافيه اماكن سياحيه فاتحه
فما لك الا السوق الليلي
..

صحينا يوم ثاني وكانت النيه التوجه الى هضبه بينانغ الرااائعه

الشروق من شرفه الغرفه

والاول طبعا فطرنا
كان مكان الفطور جميل يطل على حديقه الفندق الرائعه

وبعدها اخذنا لنا جوله في الحديقه وارجاء الفندق

وبعدها انطلقنا الى هضبه بينانغ

القطار الجبلي الذي ينقلك الى الاعلى وتشاهد مناظر جمييله في الارتفاع والنزول

طبعا الجو في الاعلى معتدل وفيه كذا فعاليه تقدر تعملها في الاعلى
نصيحه انك تركب هذا الشي

كنت في البدايه مابركب لاني افكر المكان صغير واقدر اشوفه كله بالمشي
بس الحمدلله ركبت لان طلع يوديك اماكن بعيده وفيها صعود ونزول ويشرح لك معالم المكان وهيك
بس ان شاء الله تتوفق بسائق متعاون مثل الي توفقت فيه علمنا في المكان وعطانه الضوء الاخضر في التوقف والتصوير وكان طويل بال
لاني قريت ان ناس ركبوا مع سواق نصابين دقيقتين ويرجعهم
..

في طريق النزول

للاسف بس هذي الصور عندي للهضبه لان كان اغلب التصوير شخصي وفيديو
الهضبه في نظري اهم مكان يستحق الزياره في بينانغ جمييله جدا
..

بعدها ذهبنا لمحلات الكوفي والشوكولاته واخذنا منهم هدايا
الكووفي كان لذييذ ومميز وعندهم انواع كثييره الي يحب الكوفي والشوكولاته لايفوت الرووحه
ورجعنا للفندق
..

نشووووفكم في الحلقه القادمه
.
..
...
....
.....

......

ترف · 17-05-2015, 01:53 PM

يعطيكم الف عافيه اخوي ع التقرير الجميل ويشوق لزيارة زيززززززززا

لكن عندي ملاحظه للجميع واتمنى تاخذونها بصدر رحب

التقارير لم تعد كالتقارير السابقه غنيه بالفائده كما كانت

ياليت تكون كل شي بالاسعار الفنادق والتكاسي والاكل وكل شي
وتكون الصور اكثر سواء عن الفنادق او الاماكن وحتى المواصلا

ويعطيك الف عافيه

Haksa77 · 17-05-2015, 02:51 PM

جزء رائع
متاابع ووياك يالغالي

mustafa_bh · 19-05-2015, 10:59 PM

اقتباس : المشاركة الأصلية كتبت بواسطة ترف

يعطيكم الف عافيه اخوي ع التقرير الجميل ويشوق لزيارة زيززززززززا

لكن عندي ملاحظه للجميع واتمنى تاخذونها بصدر رحب

التقارير لم تعد كالتقارير السابقه غنيه بالفائده كما كانت

ياليت تكون كل شي بالاسعار الفنادق والتكاسي والاكل وكل شي
وتكون الصور اكثر سواء عن الفنادق او الاماكن وحتى المواصلا

ويعطيك الف عافيه

الله يعافيك الغالي
بالضبط تقارير السابق كانت مفصله اكثر من الان
مشاغل الناس ولاتاخد علي اول تقرير لي

اقتباس : المشاركة الأصلية كتبت بواسطة Haksa77

جزء رائع
متاابع ووياك يالغالي

حياكـ الله الغالي

قصة حب · 20-05-2015, 02:45 PM

عساك على القوة

بارت جميل جدا

والبارك رويال ايهبل لي ذكريات جميله فيه 3 سنوات متتالية

عليكم بالف عافيه

اما الهضبه اتصدق ما شفت هالعربات ولا أدري ان فيها اماكن نوصل لها

حسافه

شكرا لك واصل متابعينك ،،،،،،،،،

mustafa_bh · 20-05-2015, 05:18 PM

بعد مارجعنا من رحله الهضبه وشراء الكوفي والشوكولاته
ذهبنا بالقرب من برج كومتار لنحجز تذاكر الباص للذهاب الى مرتفعات الكاميرون
وحجزنا كان سعر التذكره 45 رينجت

وبعدها رجعنا الفندق

وكالعاده قعدنا في شرفه الغرفه

..

والليل ذهبنا لنتسوق في السوق الصيني وحجزت من المكاتب الموجوده بجنب السوق
لرحله جزيرة القرود لليوم التالي
الرحله تشمل التوصيل من والى الفندق وصيد سمك والتوقف في جزيرة القرود ويوجد بها غداء مجاني تبع الرحله
كان سعر الرحله 250 رينجت ل 4 ساعات

..

استيقظنا اليوم التالي للذهاب لرحله جزيرة القرود
وعلى الفطووور

وصلنا الشاطئ لنركب القارب

توقفنا لصيد السمك
وحصيله الصيد

للاسف تيار المياه كان جدا قوي كنا نتمنى نجلس نصيد سمك وقت اكثر

وصلنا للجزيره

اول شي عملناه ركبنا دباب بس للاسف لاتوجد عندي صور
كان سعر الدباب غالي استغلال السياح لانك في جزيرة
بس اول مره قلنا نجرب
15 دقيقه تاخد لفه على الجزيره
..

صور متفرقه للجزيره

ثمر في احدى اشجار الجزيره

بعدها اتوا بالغداء وكان لايشجع على الاكل حتى ماصورناه خخخخ
في جلسات بدائيه

واتوا الحراميه

صور اخرى من الجزيرة

رجعنا للشاطئ وكان السائق ينتظرنا ورجعنا الفندق
..

تقييمي لرحله جزيرة القرود 5\10
الجزيره كانت مهموله والجلسات الي فيها بدائيه جدا والاكل يخوف
افضل شيء في الرحله صيد السمك لاننا نحب الصيد
وبعض المناظر في الجزيره كانت حلوه فقط

..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سيتي سكيب جدة 2015 في الفترة 5-7 أبريل،	وليد عنبه	بوابة السعودية	16	02-05-2015 08:09 PM