X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين63الاعجاب
إضافة رد
 
LinkBack أدوات الموضوع انواع عرض الموضوع
قديم 09-05-2015, 04:56 PM   #1

مميزة العرب المسافرون

الصورة الرمزية هداوه
 
تاريخ التسجيل :  Dec 2014
رقم العضوية : 398
الدولة : الامارات
الجنس : انثى
المشاركات : 781



أوسـمـة: هداوه

كل الاوسمة:1 (more»)
Thumbs up رحلتي الجميله لطوكيو 2015



السلام عليكم ورحمة الله وبركاته






مقدمه

يسعدني صباحكم ومساكم

أشكركم ع اهتمامكم بتقاريري واشكر كل من سأل عن تقرير اليابان

والسموحه اني تأخرت في تنزيله والله غصبن عني

واليوم قلت خلني أبدأ وادبس عمري ههههه عن أهون وما أنزله

ابا تشجيعكم عشان الحق اخلصه قبل ارمضان


اليابان

أخيرا تحقق الحلم بزيارة اليابان

السنه اللي طافت اقترحت ع شباب العائله من اخواني وخواتي وعيالهم

برحله جماعيه لليابان

ما أدري يتني هفه اودي عيالي وعيالهم الشباب

ورتبت كل شي وحجزت الفنادق

ولكن مرور أخويي وعياله بظروف صعبه بفقدان امهم ووجود اسماء في المستشفى

خلانا نلغي الرحله مراعاة لمشاعرهم

ولكن ظل الحلم يراودني أنا وبناتي

وقررنا السنه نقوم بهاي الرحله بروحنا

ورتبت لهاي الرحله من شهور طويله بديتها أول شي في الفنادق

مابتصدقون لو قلتلكم اني حجزت الفنادق قبل سفرنا بسنه تقريبا

لأنه الوقت اللي قررنا نسافر فيه يعتبر موسم وممكن مانحصل الاسعار والفنادق اللي نباها


وحجزت وقتها في الهليتون طوكيو اللي في شينجكو


Hilton Tokyo Hotel


وهيلتون طوكيو باي القريب من مدن الالعاب


Hilton Tokyo Bay

وفي بيست ويسترن شينجكو

ولكن بعد شهور غيرت كل الفنادق وغيرت خطة السكن من ناحية الاماكن

والسبب اني حصلت فنادق أفضل في السعر والموقع

بتعرفون أكثر من خلال التقرير


تفاصيل رحلتنا




تاريخ الرحله

من 3 /4 /2015 الى 14 / 4 / 2015


المسافرون

انا وبوعيسى وبناتي



عبادي الله يحفظه رفض يسافر ويانا متعقد من أيام كوريا ويلس بيت أخويي

والصراحه أفضل لما مايا ويانا كان وايد بيتعب من المشاوير


الطيران المعتمد





انا وبوعيسى ع البزنس

وحصلت البزنس في السيره بس


وفي العوده حصلتها في آخر لحظه وماحصلنا حق العيال للاسف

الاسعار تختلف بحسب الشهر اللي تحجزون فيه يعني السعر متغير


ساعات الطيران


من دبي الى مطار هانيدا

9.45 ساعات

في العوده من مطار هانيدا الى دبي 11.15 ساعه

اخترت مطار هانيدا لأنه هو الاقرب ع فندقنا ولأنه هو اللي حصلت فيه كرسي ع البزنس


الفيزا


الصراحه ماعندي أي تفاصيل عنها لأنه مقر عمل بوعيسى هم خلصونا هالموضوع



المواصلات

اعتمدنا هناك أكثر شي ع الاندرجراوند والقطارات والباص

أما التاكسي يمكن مرتين بس استخدمناه كان وايد غالي


أفضل تاخذون وحده من هالبطاقتين حق استخدام الميترو والقطار والباص وتتعبى متى مافضت





الاتصالات


الصراحه هالموضوع مافهمته لا في كوريا ولا في اليابان

لما وصل بوعيسى المطار سأل محل للاتصالات اسمه

Mobile Communication Service Counter



موقعهم ع النت وفيه كل التفاصيل تقدرون تحجزون عن طريقهم

www.gsm-rentafone.co.jp/e/mobilecom/lineup_dm/index.html


سألهم عن بطاقات السيم كارت حق آي فوناتنا بس قالوله

انه السيم كارت مانقدر نستخدمه لاتصالاتنا انما فقط لخدمة الداتا

واذا نبا الاتصالات لازم نأجر تلفونات من عندهم

قام بوعيسى وأجر 4 تلفونات منهم

كل فون ببطاقته وفيه ايجار يومي ع المكالمات الصراحه ما أعرف التفاصيل

بس لما عرفت انه بوعيسى أجر التلفونات وحسبت الاجمالي طلع ع المده كلها بيكلفنا 1500 درهم



قلتله مافي داعي الأهم انه يكون عندنا نت اما الاتصال بيننا مابنحتاجه الا قليل

وفي هاي الحاله بنستخدم موبايلاتنا ومايكلف كثر هالمبلغ

وكنت أباه يأجر جهاز نشبك فيه نحن كلنا حق النت

ولكن لما سألهم عنه قالوا خلص


ومن قبل السفر باسبوعين وانا أطلب من بوعيسى انه يأجر من

الشركه عن طريق النت ونستلمه هناك

بس ماكان مقتنع ويقول مافي داعي وبناخذه من هناك

وكله يقوللي : هاي اليابان



وانا أقوله

أنا أعرف أكثر عنك من تقارير الناس وتجاربهم

وهو راسه يابس وممقتنع

وطلعت اليابان خرطي هههههههههه

في الأخير ظلينا بدون نت الا اذا حصلنا واي فاي

وهناك قلتله شفت ماسمعت كلامي

قال ماتوقعت

عموما ماكانت بالنسبه لنا مشكله أحس أفضل يوم تمينا بدون نت

كنا دايما مع بعض ومحد منشغل بفونه


هاي شركه بعد ممكن تحجزون عن طريقها


http://www.jalabc.com/english/index3.html


العمله

عملتهم تسمى الين و1000 ين تعادل 30 درهم تقريبا






مستوى المعيشه عندهم

بلد مستواها مثلنا ومثل اوروبا ومافيها الغلا المبالغ فيه


الجو

في الوقت اللي سافرنا فيه يعتبر شتوي ربيعي

والحراره كانت تتراوح في الوقت اللي زرناها مابين 3 درجات و13

فيه أيام كانت جدا بارده


وبعض الايام كانت ممطره وأغلب الايام مغيمه



الكهرباء في اليابان


في البدايه كنت متوتره عسب هالموضوع لأنه الفولت عندهم

100 ونحن اجهزتنا 220 - 240


ولكن الحمدالله بالنسبه لجراجات الفون كانت الامور طيبه بس

للجدر الكهربائي واجهتني مشكله عقب بخبركم عنها

وقبل لا أسافر اشتريت محولين اظن اسمه دابتر اللي يحول

الكهرباء من 220 الى 100 واول ما استعملته حرقته زين ماحرقت جدري والسبب

اني ركبته بالغلط ههههههههههه

بالنسبه للبلكات المطلوب أكثر في فيشاتهم هو بلك بو راسين
شرات هذا




































وبعد الفندق يوفرلكم البلكات لو احتجتوا


الأكل في اليابان


يعتبر مشكله وممشكله

أول شي لأنها بلد ديانتها البوذيه فمايجوز ناكل من لحومهم وديايهم

بس الحلو في اليابان انه فيها الكثير من المطاعم المتنوعه

والكافيهات في كل مكان وممكن تختارون بعض الاطعمه المناسبه

بالاضافه لوجود مطاعم حلال متنوعه ومنتشره في مناطق معينه


اللغه

طبعا هم لغتهم اليابانيه ولكن تفاجأت انه الكثير يتكلمون الانجليزي

ولو مايعرفون الانجليزي بعد يساعدون


المرشد السياحي وشركات السياحه

في اليابان ممكن تتفسحون فيها وتتعرفون عليها بعدة طرق

باعتمادكم ع نفسكم والفندق بيساعدكم كيف توصلون لأي وجهه

وممكن عن طريق شركات السياحه

واللي يكون لها برامج معينه وممكن تحجزون منهم قبل سفركم أو عن طريق فندقكم

وعادة تكون هاي الشركات أسعارها مكلفه خصوصا اذا عائله

لأنهم يحاسبونكم ع كل الشخص فالاجمالي بيكون غالي

وأخيرا ممكن يكون عن طريق مرشد سياحي

وهذا صعب تحصلونه وماأدري اذا أصلا متوفر

ولكن أنا حصلت مرشده سياحيه يابانيه رائعه وايد فادتنا واستوت صديقتنا

وهاي قصتها قصه بخبركم عنها عقب


مقارنه بين اليابان وكوريا من وجهة نظري


اليابان أجمل بوايد من كوريا من عدة نواحي

أولا : اليابان أشرح وفيها كثير من الانشطه والاماكن السياحيه المتنوعه غير عن كوريا

ثانيا: تنوع المطاعم والكوفيهات ووفرتها في اليابان أكثر من كوريا


ثالثا : الشعب الياباني أكثر طيب وخدوم من الكوري

رابعا : اليابان أنظف من كوريا وماتشمون الروائح الخايسه فيها مثل اللي كنا نشمها في كوريا

خامسا : اليابان أجمل من كوريا عموما

سادسا : كوريا تتميز عن اليابان انها أرخص من ناحية التكاسي وكن نعتمد عليها أكثر

بينما اليابان فأكثر شي نعتمد ع المواصلات العامه القطارات والباصات

سابعا : الجو تقريبا متشابه بينهم

ثامنا : اليابان أفضل السوق فيها من كوريا بس عموما ماعجبني التسوق في الاثنين





تاااابعوني


 

الايمانمعجبون بهذا.

توقيع : هداوه


حياكم الله في كل تقاريري


نقره لعرض الصورة في صفحة مستقلة



التعديل الأخير تم بواسطة هداوه ; 09-05-2015 الساعة 05:01 PM
هداوه غير متواجد حالياً   رد مع اقتباس
قديم 09-05-2015, 05:17 PM   #2

مسافر جديد

 
 
تاريخ التسجيل :  Feb 2015
رقم العضوية : 1843
الجنس : انثى
المشاركات : 5



افتراضي رد: رحلتي الجميله لطوكيو 2015


أتمنى أنها كانت رحلة جميلة و استانستي فيها أنتي و العيال يأ أم عيسى
نترياج على أحر من الجمر

 

آخر مواضيع أنفاس

أنفاس غير متواجد حالياً   رد مع اقتباس
قديم 09-05-2015, 05:30 PM   #3

عضو قدير

الصورة الرمزية oceanus
 
تاريخ التسجيل :  Dec 2014
رقم العضوية : 22
الدولة : مكة المكرمة
الجنس : ذكر
المشاركات : 784



افتراضي رد: رحلتي الجميله لطوكيو 2015


ياجماعة هداوه وصلت

يالله حي ام عيسى .. الف مرحبا ومسهلا



تقاريرك دائما كامله ومكمله.. وما تسمح لنا الا بالمشاهده ..


أهم شي كيف اللغة ،، وخاصة في الاماكن السياحية والباصات ؟؟



متاااابع

 

توقيع : oceanus

اﻟﻨﺎﺱ ﻟﻠﻨﺎﺱ ﻣﺎﺩﺍﻡ الوفاء بهم
والعسر واليسر أوقات و ساعات
و أكرم الناس ما بين الورى رجل
تقضى على يده للناس حاجات
oceanus غير متواجد حالياً   رد مع اقتباس
قديم 09-05-2015, 05:33 PM   #4

مشرف سابق

الصورة الرمزية Haksa77
 
تاريخ التسجيل :  Dec 2014
رقم العضوية : 395
الدولة : K.S.A
الجنس : ذكر
المشاركات : 6,916



أوسـمـة: Haksa77

كل الاوسمة:1 (more»)
افتراضي رد: رحلتي الجميله لطوكيو 2015


بداية موفقة ورائعة
متااابع وياااك يالغالية
شكرا لك أم عيسى

 

توقيع : Haksa77

يلومني فيك ي المغرب
من لا عذرنا ولا شافك
جاهل ومسكين مستغرب
محروم من روعة أطيافك

نقره لعرض الصورة في صفحة مستقلة
Haksa77 غير متواجد حالياً   رد مع اقتباس
قديم 09-05-2015, 05:39 PM   #5

Banned

 
 
تاريخ التسجيل :  Dec 2014
رقم العضوية : 46
الدولة : المملكة العربية السعودية
الجنس : ذكر
المشاركات : 5,546



افتراضي رد: رحلتي الجميله لطوكيو 2015


متاااابع

متاااابع

ياهلا الله يعطيك العافيه والسعاده

 

وليد عنبه غير متواجد حالياً   رد مع اقتباس
قديم 09-05-2015, 05:39 PM   #6

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: رحلتي الجميله لطوكيو 2015


تسلمين ام عيسي
ان شاءالله تخلصين قبل رمضان واعتقد حق نيس وكان شارف علي الانتهاء
متابعين دوما لتقاريرك

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 09-05-2015, 08:12 PM   #7

خبير سفر وسياحة

الصورة الرمزية وجهات أوروبية
 
تاريخ التسجيل :  Jan 2015
رقم العضوية : 931
الدولة : قطر
الجنس : ذكر
المشاركات : 4,537



أوسـمـة: وجهات أوروبية

كل الاوسمة:1 (more»)
افتراضي رد: رحلتي الجميله لطوكيو 2015


مااااشاء الله ملكه التقارير ام عيسى
ابشرو بالتقرير الي يشرح الخاطر

ماشاء الله تفاصيل مهمه ودقيقه

واااصلي متابعينج عن قرب

 

توقيع : وجهات أوروبية

نقره لعرض الصورة في صفحة مستقلة العاب

وجهات أوروبية غير متواجد حالياً   رد مع اقتباس
قديم 09-05-2015, 10:45 PM   #8

عميد العرب المسافرون

الصورة الرمزية مقدام
 
تاريخ التسجيل :  Dec 2014
رقم العضوية : 129
الدولة : الامارات
الجنس : ذكر
المشاركات : 2,034



أوسـمـة: مقدام

كل الاوسمة:1 (more»)
افتراضي رد: رحلتي الجميله لطوكيو 2015


بداية رائعه مميزتنا ام عيسى


ما ادري ليش مش مقتنع بالسفر لهذي الدول
ممكن تقريرج يقنعني واشوف فيها اشياء مميزه تستاهل السفر لها

سجليني من المتابعين

 

مقدام غير متواجد حالياً   رد مع اقتباس
قديم 09-05-2015, 10:56 PM   #9

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,317



افتراضي رد: رحلتي الجميله لطوكيو 2015


حي الله أم عيسى

مقارنة رائعة بين كوريا و اليابان

دايم أسمع أن اليابان غالية و ان شاء الله نتعرف عليها أكثر من تقريرك

بداية رائعة و مشوقة

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 10-05-2015, 12:03 AM   #10

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية
الجنس : ذكر
المشاركات : 7,228



أوسـمـة: |القحطاني|

كل الاوسمة:1 (more»)
افتراضي رد: رحلتي الجميله لطوكيو 2015


صدقتي أما في ريحة الكوريين لأني أشتغلت معهم فترة كانوا عندنا 3 رؤوساء وأقل راتب فيه 80 ألف لأنهم يشتغلون في شركتين

ولا تكلف واحد منهم وأشترا له عطر وحتى لو أشتروا عليهم أكلات أعوذ بالله أقسم بالله كنت أطلع له وأنا متلثم وكا ما سألني قلت مزكوم

ههههه كان يسميني آيدووووووووووووووه ما أدري من فين جاب لي هالإسم

أنا مستغرب جدا من قضية النت لأن أسرع دولتين في العالم وأرخصهم كوريا الجنوبية و اليابان

وأنا جدا متحمس أتابع هالتقرير علشان أشوف النت وش سالفته .. ودائما أسمع عن الغلاء في اليابان وانتي تقولين غير هالشيء

نقاط مهمة جدا وأكيد إنه التقرير بيكون رهيييييييييب .. الله يعطيك العافية >> متاااابع

 

توقيع : |القحطاني|

...

|القحطاني| غير متواجد حالياً   رد مع اقتباس
إضافة رد

الكلمات الدلالية (Tags)
2015, لطوكيو, الجميله, رحلتي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي الى جورجيا يونيو 2015 Fahad Mandi بوابة جورجيا و اذربيجان 115 11-07-2018 12:02 PM
الطيور الجميله أبوهمس بوابة اثيوبيا 8 16-07-2015 11:11 PM
رحلتي إلى تركيا 2015 ( #اليوم_الثاني ) المصور أحمد المعراج تركيا 12 08-06-2015 10:49 AM
مقتطفات من رحلتي قطر يناير 2015 Fahad Mandi بوابة قطر 31 28-05-2015 10:14 AM

الساعة الآن 02:17 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO