X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





إضافة رد
 
LinkBack أدوات الموضوع انواع عرض الموضوع
قديم 10-05-2015, 04:11 PM   #1

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي و هكذا خاب ظني في الخطوط الاماراتية


بسم الله الرحمن الرحيم
مساء / صباح الخير جميعاً
طبعاً ... الكل يمدح الخطوط الاماراتية .. مو بس في المنتدى .. الا حتى في الواقع
حتى في الاستطلاعات و التقييمات العالمية ... دايما الاماراتية تحصل اعلى المستويات و اوائل المراكز
و ابدا ما صادف إني أحجز عليها ... الا في الاجازة اللي فاتت ..... و للأسف خاب الظن و خابت كل التوقعات
نبدا من أول خطوة .. صار عندي سفر سريع لدبي لمدة 3 أيام
أنا و عيالي ... ولدي 6 سنوات و بنتي سنتين الله يحفظهم
زوجي هناك كان عنده شغل و قلنا نروح له نغير جو بالويكند الطويل
دورت على ال Gulf Air و كانت كل الرحلات فل ... لاني يوم ادور الحجز كان يوم الثلاثاء بالليل و الرحلة اللي ابيها او الخمبس بالليل او الجمعة الصبح
قلت فرصة اشوف الاماراتية و اشبع فضولي و اخيرا اركب طيارتهم و استمتع بخدمتهم
كان سعر التذاكر لنا ثلاثتنا
الذهاب الجمعة الصباح الساعة 9.50 بتوقيت البحرين
و العودة الأحد بالليل الساعة 8.55 بتوقيت الامارات
356.800 دينار بحريني
سويت الجيك ان يوم الخمبس ... و اخترت الكراسي اللي بالنص على اساس ان معاي اطفال
و الدريشة اخر همي وقتها .. لان المسؤولية اللي عندي اهم
ليلتها ما نمت لاني تاخرت بتجهز الشناط و الساعه 6 ونص الصبح بديت اتجهز و اجهز العيال
و ولدي الصغير مع الشغالة وديتهم عند امي و رحت المطار
وصلنا تقريبا الساعة 8 المطار و طبعا كان زحمة عشان الويكند الطويل
مثل كل مرة البحرينين يدورون الاجازة عشان يسافرون
خلصنا الاجراءات بسرعة ما عندنا الا شنطة و عربة بنتي الله يحفظها و بسرعة على البوابة
المفروض 8.50 تفتح البوابة عشان الدخول للطيارة لكن لحد الساعة 9 ما اشوف احد واقف حتى عندها
لما وصل الموظف سألته هذي بوابة الاماراتية رحلة دبي ... قال اي .. بس الطيارة للحين ما وصلت من دبي
و حتى اذا وصلت بنحتاج ننظفها قبل لا ندخلكم ... قلت له شلون يعني ... ابتسم و واضح ما بيده شي و قال ان شاء الله ما نتأخر وايد !!!
قلت في سري .. أفا يالاماراتية ... هذا اولها ... يلا العوض بعدين خل نركب الطيارة و نشوف
وركبنا الطيارة تقريبا الساعة 9 ونص .. و مع لوية اليهال ما حطيت بالي الساعة جم بالضبط طرنا بس أكيد تاخرنا عن الوقت الاصلي
طلبت ماي لولدي .... قالت لي المضيفة اوكي .. و مشت و ما رجعت لي
صواني الريوق كانت تقريبا تنرمي على صينية الكرسي ... و كنت انا بهدوء اعصاب مع ان داخلي ينفجر ارتب الاكل فيها لاولادي
بس ما اكلوا منه الا التفاح .. فطور سيء و الاكل باااااااااااااااااااااااااااارد ... اغلب المسافرين اللي حولي يشتكون من خيارات الفطور
مثلا روب بالمشمش ... من ياكله اصلا ... استغفر الله اهوه اكيد نعمة ... بس على الاقل يختارون شي يناسب اذواق الناس المختلفة
و بالاخير وقت الشاي وزعوا الشاي على نص المسافرين و الباقي لا !!!!
المهم وصلنا دبي بسلام ... و مع الوقت و الايام و الطلعات و الروحات و الجيات نسيت ارتب الكراسي للرجعة
و ما تذكرت الا في يوم السفر الصبح
الطيارة فل على الاخر
و ما لقيت لنا كراسي يم بعض ... قلت ما عليه .. نروح المطار شوي من وقت عشان ارتب مع الكاونتر
وصلت قبل موعد الرحلة ب ساعتين و ربع و رحت للكاونتر و شرحت للموظفة وضعي و قالت اصلا اللي واضح عندي كراسيكم يم بعض
قلت يلا الظاهر انا ما انتبهت و رحنا عشيت العيال و بعدين على البوابة
عند باب الطيارة المسافرة اللي جدامنا اغمى عليها و اضطروا يسكرون ممر دخول ال economy و دخلوا باقي المسافرين من ممر دخول ال بيزنس
ولما دخلنا الطيارة ما شفت و لا مضيف او مضيفة مبتمسين طول الرحلة ... انا فاهمة ان الطيارة تاخرت حول الساعة تقريبا و السبب اغماء المسافرة و تنزيل شنطها
بس المفروض احنا المعصبين مو اهم .. الطيارة كانت قذرة .. و ما ابالغ بالوصف .. فيه بقايا اكل في الممر .. فيه كيس اكل تحت كرسي ولدي ..
و تحت كرسي بنتي كان فيه ملعقة / قفشة / خاشوقة .. معدن مو بلاستيك .. ما قدرت اخلي شنطتي على الارض .. خليتها على كرسي بنتي يمي
المضيف المسؤول عن المنطقة عند كراسينا كان جدا سيء .. اول شي مثل ما شفت الكراسي ما كانوا يم بعض .. قلت له قال لي الطيارة فل
ما اقدر اسوي لج شي ... و يكلمني بنفس خاااايسة
كلمت مرة والله يجزاها خير تنازلت عن كرسيها و كرسي زوجها و قعدت أنا يم عيالي ... وراحت اهيه على الكرسي اللي كان المفروض يكون لي
عند الدريشة .. اتمنى تكون تهنت فيه ... و الله يسعدها دنيا و اخرة
بعدين جا الاكل ... مثل اول مرة ... بااااااارد و بلا طعم ... اكل المستشفيات احلى !!!
كنت منقرفة و متضايقة و مزعوجة طول الرحلة
و ان شاء الله ما اعود اكررها ابدا .... لا للاماراتية
مافي التزام بالوقت .. مافي حتى اعتذار على التأخير
الطاقم في الرحلتين - الذهاب و العودة كان اسوأ ما يمكن
الهبوط في مطار دبي فاااااااشل
اعتقد كثر ما جربت .. مافي على القطرية
و كل شي في الدنيا له مساوئ ... لكن تبقى احسن طيراان جربته في حياتي
و الله يرزقنا وياكم بسفر قريب ... آجل غير عاجل

 

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
قديم 10-05-2015, 04:35 PM   #2

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي رد: و هكذا خاب ظني في الخطوط الاماراتية


لولا الاذواق لبارت السلع
ولولا الظروف فالكل مرتاح
مادري عن وضع الطيارة برحلتكم
انا جربتها كذا مره
دايما كنا مرتاحين فيها والمضيفين ممتازين
وكان عندي ولدي شوي سمين فكانوا دايما يسألونه عن اذا كان مرتاح والا لأ
وكانت نفسيتهم حلوووة

الله لا يراويج عيل مضيفين الطيران التركي والا البقاسوس ههههه نفسية بجد ودج تكفخينهم

الأكل بالأماراتيه صح بارد وساعات الاطباق مو حلووه

وان شاءالله تجربينهم في رحلات ثانية تغير نظرتج لهم
شكراا لذكر تجربتج يام ريمه

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 10-05-2015, 05:05 PM   #3

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية
الجنس : ذكر
المشاركات : 7,228



أوسـمـة: |القحطاني|

كل الاوسمة:1 (more»)
افتراضي رد: و هكذا خاب ظني في الخطوط الاماراتية


غريبة والله من خطوط مصنفة إنها من أفضل خطوط الطيران في العالم

عموما مشكورة على ذكرك هذي التجربة وإن شاء الله ما تواجهينها مستقبلا

ولو إن أغلب تقارير الأعضاء اللي سافروا عن طريق الخطوط الإماراتية كان مبسوطين

الله يعطيك العافية

 

توقيع : |القحطاني|

...

|القحطاني| غير متواجد حالياً   رد مع اقتباس
قديم 10-05-2015, 06:15 PM   #4

عضو قدير

الصورة الرمزية شارلوك هولمز
 
تاريخ التسجيل :  Dec 2014
رقم العضوية : 31
الدولة : ♥ الممـلكـة العـربـيـة السعـوديـة ♥
الجنس : ذكر
المشاركات : 7,063



أوسـمـة: شارلوك هولمز

كل الاوسمة:1 (more»)
افتراضي رد: و هكذا خاب ظني في الخطوط الاماراتية




الله يعوضك .. جربتي طيران الخليج او الطيران السعودي ؟؟

انا جربت القطرية السعودية افضل كرائي شخصي

شكرا على ذكر تجربتك

هولمز

 

توقيع : شارلوك هولمز

" وكن في الطريق عفيف الخطى ،
شريف السماع ، كريم النظر
وكن شخصا إن أتوا بعده يقولون: مر وهذا الأثر "

" سبـحآن الله وبحمده سبحآن الله العظيم "

شارلوك هولمز غير متواجد حالياً   رد مع اقتباس
قديم 10-05-2015, 06:30 PM   #5

عضو قدير ( محصّن )

الصورة الرمزية الغردقاوي
 
تاريخ التسجيل :  Dec 2014
رقم العضوية : 123
الدولة : أرض الكنانه - البحرالأحمر
الجنس : ذكر
المشاركات : 10,845



أوسـمـة: الغردقاوي

كل الاوسمة:1 (more»)
افتراضي رد: و هكذا خاب ظني في الخطوط الاماراتية


تجربه رغم صعوبتها الا أنها مفيده
أعتقد أغلب شركات الطيران لا يولون الاهتمام الازم بالرحلات القصيره

مشكوره أختنا على ذكر تجربتك

 

توقيع : الغردقاوي

ومما زادني شرفا وتيها
وكدت بأخمصي أطأ الثريا
دخولي تحت قولك يا عبادي
وأن صيرت أحمد لي نبيا
الغردقاوي غير متواجد حالياً   رد مع اقتباس
قديم 10-05-2015, 08:02 PM   #6

مسافر متألق

الصورة الرمزية blue@sky
 
تاريخ التسجيل :  Feb 2015
رقم العضوية : 1956
الدولة : freedom of mind
الجنس : ذكر
المشاركات : 637



افتراضي رد: و هكذا خاب ظني في الخطوط الاماراتية


تجربة قاسية وان شاء الله ما تمرون بمثلها وهناك خطوط افضل منها.,,

كنت اسافر عن طريق الامارتية والامور كانت ماشية حلوة وكل شي تمام
حتى حصلت مشكلة لي مع عامل من الجنسية البنقالية او الهندية يعمل بمطار دبي

كنا راجعين من جنييف باخر الليل وارهاق سفر وننظر الصعود الى الطيارة المتجهه
للرياض واغلب الناس الي معنا مرهقين من السفر ..
العامل البنقالي السي الاخلاق نادى مرتين يعلن عن صعود الركاب الى الطائرة
النداء الاؤل ما احد ركز عليه لان لغته الانجليزية غير واضحة لكن الندى الثاني تكلم وقال
انتم بقر ما تسمعون يالله الطيارة راح بتطير بصراحة عصبت ورحت اتفاهم معاه ليش تتكلم بهالاسلوب
ما تجاوب معي وحط الغلط علي وحاول يستفزني علشان اضربه ومعاه المضيفة تساعده على الغلط من الجنسية النيبالية او حولها
الركاب كلهم دخلو الى الطيارة الا انا واهلي اصريت اننا نتوجه الى اقرب محكمة بدبي علشان يتادب ويحترم الجنسية السعودية
لانه شكله حاقد بمعنى الكلمة ....
دقايق معدودة وحضر المشرف التركي رجال محترم اخلاقه عاليه وضحت له المشكلة وانه البنقالي غلط على الجميع و تعامله سي بمعنى الكلمة
دخلنا الطيارة واتجهنا الى مقاعدنا والى اليوم هاذا حذفت الخطوط الامارتية بكل انواعها ليس كره لاهل الامارات لكن للتعامل القذر الفردي من بعض العمالة
الموجودة هناك ......

تبقى القطرية بنظري رقم واحد
تعامل راقي والناس لها نظرة بمى تحب

 

توقيع : blue@sky

رحمكِ الله يآامي واسكنك فسيح جناته والمسلمين أجمعين
سبحان الله وبحمده ...سبحان الله العظيم

سبحان الله والحمد لله ولا إله إلا الله والله اكبر



التعديل الأخير تم بواسطة blue@sky ; 10-05-2015 الساعة 08:08 PM
blue@sky غير متواجد حالياً   رد مع اقتباس
قديم 11-05-2015, 12:05 AM   #7

خبير سفر وسياحة

الصورة الرمزية وجهات أوروبية
 
تاريخ التسجيل :  Jan 2015
رقم العضوية : 931
الدولة : قطر
الجنس : ذكر
المشاركات : 4,537



أوسـمـة: وجهات أوروبية

كل الاوسمة:1 (more»)
افتراضي رد: و هكذا خاب ظني في الخطوط الاماراتية


اول شي الحمدلله على سلامتكم اختي

والله يكون بعونج معاج حق بالقي فلتيه تجربه صعبه وخاصه انها اول مره على الاماراتيه
ودايما الانطباع الاول يدوم فتره طويله

بس ترا ها الامور ممكن تصير بجميع الشركات
والخطوط الاماراتيه معروفه من احلى وارقى شركات الطيارات العالميه
واستغربت بصراحه من الي صار فيكم


وان شاء الله سفراتكم القادمه تكون كلها مريحه وجميله

تحياتي

 

توقيع : وجهات أوروبية

نقره لعرض الصورة في صفحة مستقلة العاب

وجهات أوروبية غير متواجد حالياً   رد مع اقتباس
قديم 11-05-2015, 01:04 AM   #8

عضو قدير

الصورة الرمزية MOBARKI
 
تاريخ التسجيل :  Dec 2014
رقم العضوية : 177
المشاركات : 5,125



أوسـمـة: MOBARKI

كل الاوسمة:1 (more»)
افتراضي رد: و هكذا خاب ظني في الخطوط الاماراتية


شكرا لذكر تجربتك الغير جيدة

معوضه خير بسفرة اجمل وطائرة وتعامل افضل


يعطيك العافية

 

توقيع : MOBARKI

MOBARKI غير متواجد حالياً   رد مع اقتباس
قديم 11-05-2015, 01:21 AM   #9

مشرف سابق

الصورة الرمزية Haksa77
 
تاريخ التسجيل :  Dec 2014
رقم العضوية : 395
الدولة : K.S.A
الجنس : ذكر
المشاركات : 6,916



أوسـمـة: Haksa77

كل الاوسمة:1 (more»)
افتراضي رد: و هكذا خاب ظني في الخطوط الاماراتية


شكرا ع ذكر تجربتك
معوضين خير في السفرات القادمة

 

توقيع : Haksa77

يلومني فيك ي المغرب
من لا عذرنا ولا شافك
جاهل ومسكين مستغرب
محروم من روعة أطيافك

نقره لعرض الصورة في صفحة مستقلة
Haksa77 غير متواجد حالياً   رد مع اقتباس
قديم 11-05-2015, 08:07 AM   #10

مشرفة سابقة

 
 
تاريخ التسجيل :  Dec 2014
رقم العضوية : 76
الدولة : مملكة البحرين
الجنس : انثى
المشاركات : 719



افتراضي رد: و هكذا خاب ظني في الخطوط الاماراتية



لولا الاذواق لبارت السلع
ولولا الظروف فالكل مرتاح
مادري عن وضع الطيارة برحلتكم
انا جربتها كذا مره
دايما كنا مرتاحين فيها والمضيفين ممتازين
وكان عندي ولدي شوي سمين فكانوا دايما يسألونه عن اذا كان مرتاح والا لأ
وكانت نفسيتهم حلوووة

الله لا يراويج عيل مضيفين الطيران التركي والا البقاسوس ههههه نفسية بجد ودج تكفخينهم

الأكل بالأماراتيه صح بارد وساعات الاطباق مو حلووه

وان شاءالله تجربينهم في رحلات ثانية تغير نظرتج لهم
شكراا لذكر تجربتج يام ريمه
تصدقين يا ام حسين جربت الطيران التركي مرتين لما رحنا لتركيا ... تعاملهم جميل و طياراتهم جديدة

للحين مو مصدقة قذارة الطيارة .. ملعب مو طيارة

 

توقيع : أم ريمه

سبحان الله و بحمده .. سبحان الله العظيم
أم ريمه غير متواجد حالياً   رد مع اقتباس
إضافة رد

الكلمات الدلالية (Tags)
الاماراتية, الخطوط, حاب, عند, في, هكذا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
كامــــيرون هايـــــلاند ..* هولنـــدا الشـرق *.. هكذا أسميـــها ( رحلتي في آب 2013 ) A.Alsubhi ماليزيا 17 19-08-2015 08:53 AM
هكذا نفوز بأنفسنا عناقيد الربيع عام 24 30-04-2015 11:50 AM
درجات الحرارة في اهم المدن الاماراتية عامر بوابة الامارات 11 17-01-2015 07:23 PM

الساعة الآن 03:29 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO