Kackar Resort Hotel في ايدر

عناقيد الربيع · 26-04-2015, 12:25 PM

السلام عليكم ورحمة الله وبركاته

رحلتي الى الشمال التركي واسطنبول بالصور والفيديو

حجزت التذاكر ع طيران الاتحاد لشخصين

الذهاب:

يوم الاحد الموافق 12/4/2015

العودة:

يوم الخميس الموافق 23/4/2015

قسمت المدة حيث تكون الفترة الاول في الشمال لمدة 5 ليالي والمدة المتبقية 6 ليالي في اسطنبول

يومان طرابزون

يوم ايدر

يومان اوزونجول

6 ليالي اسطنبول "تقسيم"

الفنادق بعد مشاورة المراقبين والمشرفين تم اختيار الاتي:

Kackar Resort Hotel في ايدر ليلة واحدة بسعر 444 درهم

"نصحني فيه المراقب ماجد الفهد وكانت نصيحته في محلها الفندق رااائع جزاه الله خير"

رابط الفندق في بوكينق

https://www.booking.com/hotel/tr/kackar-resort.ar.html?aid=325250;label=tr-snPcb2WmxH8DwTy%2AgNw3UQS33103478598%3Apl%3Ata%3Ap 110100%3Ap2%3Aac%3Aap1t1%3Aneg;sid=48fda4d69c63a06 f2c302e310515265d;dcid=2

فيصلمعجبون بهذا.

عناقيد الربيع · 02-05-2015, 03:48 PM

السلام عليكم ورحمة الله وبركاته

صباح الخير / مساء الورد

الفندق

بالطابق الاول "اصلا الفندق صغير كله طابقين بس نظيف جدا افضل من نوفوتيل"

وهذي غرفتنا " افضل فندق بالشمال من ناحية النظافة"

دورة المياه الله يعزكم

من اهني خلف الكوخ في طريق مختصر يوديكم ع المطاعم والموتيلات فوق

ودخلت الكوفي شوب راسي بينفجر

شربت هوت شوكليت مكتوب بالمنيو 6 ليرات

لما جابوا الحساب كاتبين 5 ليرات

العودة الى الفندق ..

ظلام دامس ذكرني بصورة حطها فارس لطريق موحش في سفرته الاخيرة

بصراحة خفت اتيي سيارة مسرعة ونطيح هههه

ردينا وقعدنا في الكوفي شوب شويتين شفت شيبان يلعبون طاولة

وهالمطعم تحت

وشوي في اللوبي

و طلعت لغرفتنا

وقعدنا ببلكونتنا شويتين

شكرا ع المتابعة

حاضرين لاي سؤال

واعتذر عن التأخير

دمتم بحفظ الرحمن

عناقيد الربيع · 06-05-2015, 07:39 PM

السلام عليكم ورحمة الله وبركاته

صحينا الساعة 6 ونص وصلينا وتلبسنا

وتأملت المكان لاخر مرة

بنتظار الساعة 8 " وقت الريوق"

وهذي بعض الصور من بوفيه الافطار

اول ما شفته يشيك ع المربى قلت اهلا وش حصل

بما ان الوالد طول وما نزل مشغول ...

قلت خل اسبقه واكل براحتي "اتمزمز"

خيست الدنيا ما عندهم الا شوكة .. المربى لذيذ جدا جدا جدا

ما توقعت اذوق احلى عن مربى كاميرون هايلاند " اختي يابت لي مربى فراولة من مزارعهم شو لزيز"

المهم خلصنا ريوق و راح الوالد ينزل الشنط

وانا اسوي شيك اوت وكانت المفاجأة التالية

مثل ما ذكرت باول جزء حجزت جميع الفنادق عن طريق عمي بوكينق

Kackar Resort Hotel في ايدر ليلة واحدة بسعر 444 درهم

مفروض يكون السعر النهائي

اللي ما سكه الحسابات حرمة " حسبي الله عليها "

قالت حسابكم 624 ليرة ............ نعم يختي ؟!!!

كم ؟

قالت اللي بتدفعينه ادفعيه !!

استغربت كلامها قلت لها كيف مدفوع الحساب اصلا

قال لا مش مدفوع وهذا حسابكم

دفعت وانا مسطله كيف كذا !!

مشيت وقاعدة احسب ياربي كم فرق العملة اختبص مخي

الحساب عندي بالورقة المطبوعة بالدرهم واليورو فقط

فتحت عمي قوقل وحولت من اليورو لليرة طلع الحساب

....... ما يعادل بالاماراتي 444 درهم فقط لا غير

رجعت عندها قلت لها شيكت ع الفيزا انتوا ساحبين المبلغ كااامل قبل وصولي

و اللي باقي 5 ليرات حق الهوت شوكليت

قالت اوه سوري نسيت انتوا حاجزين من بوكينق

هذي فلوسك خذيها بس عطيني 10 ليرات

عطيتها الـ 10 مع انها حرامية بنت الذين ع طول اذكرت اني حاجزة من بوكينق كذا لحالها

نصااابه ما عجبتني من شفتها

وانا لا شيكت ع الفيزا ولا شي قلت بشوفها

المهم طلعناااا

صورة من الخلف للفندق ....... باي باي ايدر

دمتم بحفظ الرحمن]

صالح محمد · 10-06-2015, 09:29 AM

عندي سؤال بخصوص الفندق انا حجزت ليلة وحدة من ٣١ يوليو ١ اغسطس
١٤٧٥ ريال سعودي سويت الحجز طلع لي ٣٥٠ يورو هل المبلغ باليورو صحيح ويساوي المبلغ بالريال ؟

والغرفة الدفع فيها يكون لاحقاً .. يعني متى ادفع اذا وصلت ؟ واخاف اذا وصلت يخلوني ادفع اكثر مثل القصة الي حصلت معك اختب

عناقيد الربيع · 10-06-2015, 10:24 AM

اقتباس : المشاركة الأصلية كتبت بواسطة صالح محمد

عندي سؤال بخصوص الفندق انا حجزت ليلة وحدة من ٣١ يوليو ١ اغسطس
١٤٧٥ ريال سعودي سويت الحجز طلع لي ٣٥٠ يورو هل المبلغ باليورو صحيح ويساوي المبلغ بالريال ؟

والغرفة الدفع فيها يكون لاحقاً .. يعني متى ادفع اذا وصلت ؟ واخاف اذا وصلت يخلوني ادفع اكثر مثل القصة الي حصلت معك اختب

قبل سفري بيوم سحبوا المبلغ كااامل

يعني بتاريخ 12 ابريل ...

اهم حاجة تأكد من البنك

و سعر الصرف يتغير اخوي يومياً ...

الزيادة البسيطة يسحبها البنك تغير عملة ..

ما شاء الله تقاسيم الصباح جاوبتك ما قصرت جزاها الله خير ..

والله يوفقكم

تقـآسيم الصباح · 10-06-2015, 09:49 AM

هلا وسهلا فيك اخوي
شوف حولتها لك من اليورو للريال طلع لي نفس المبلغمع زياده بسيطه
وهذا رابط تحويل العملات تحط اي مبلغ بالريال السعودي لاي عمله تبيها
او العكس بشرط تحط المبلغ الارقام بالانجليزي لان العربي مراح يحول معك

طھط*ظˆظٹظ„ ط§ظ„ظٹظˆط±ظˆ ط§ظ„ظ‰ ط§ظ„ط±ظٹط§ظ„ ط§ظ„ط³ط¹ظˆط¯ظٹ | طھط*ظˆظٹظ„ ط§ظ„ط¹ظ…ظ„ط§طھ EUR/SAR

بالنسبه لسؤالك الثاني اذا حجزك موجود اكيد مراح يخلوك تدفع زياده
لان شروطهم واتفاقياتهم دفع لاحقا بالعكس الخيار ممتاز
والمفروض كل الاعضاء يكون الدفع لاحقا او مبلغ مسترد

بالتوفيق

الغردقاوي · 23-08-2015, 09:00 PM

الفندق جميل ونظيف والموقع رائع رائع في وسط غابة غناء رائقه
حقا الإقامة في مثل تلك الأجواء متعة فريده
مشكوره على التعريف به
يديكي العافيه

فيصل · 24-08-2015, 06:16 PM

شكرا لذكر تجربتك مشرفتنا

|القحطاني| · 19-09-2015, 08:56 PM

فندق رائع .. تقرير رائع .. مناظر تأسر القلب

الله يعطيك العافية

ماجد القطري · 13-10-2015, 10:34 AM

من اجمل الفنادق في ايدر

ماحصلت حجز فيه تمنيت السكن فيه في 2014

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق Dere Hotel في Çamlıhemşin القريبة من ايدر	yarroo	بوابة تركيا	16	21-09-2018 01:47 AM
Kackar Resort Hotel فندق كاجكار (آيدر)	خالة أم معن	تركيا	25	03-06-2016 10:30 PM
Zaya Nurai Island Resort	سوسو الصغيرة	بوابة الامارات	13	15-09-2015 07:17 PM
تقرير عن منتجع Cameron Highlands Resort	Turki1407	ماليزيا	29	28-04-2015 02:06 AM