مبروك الزواج

بالنسبه لكرت الدخول انا صار لي أسبوع جاي من اندونيسيا ولاطلبو علينا كرت ولا شي لكن انتبه ترى قيمة الفيزا صارت 35 دولار بدل ماكانت 25 دوﻻر
بالنسبه للسكن اخوي بما انك عريس نصيحه لوجه الله بدل ماتضيع لياليك الجميله في سيروني3 على سوء النظافة وعدم الإهتمام بالزبون وعدم جودة المطعم وعدم وجود التكييف

انصحك نصيحة محب احجز في بيسونا علم فندق مجدد مطعم رائع ونادي رياضي وتكييف ومطل على مزاجك

انا اول ليله خذيت سيروني3 والله لايوريك من أول ساعه وانا اناقز مع هالجدران اطرد في البراعصي والعمال اذا قدموا لك خدمه يتشحدونك بعكس بيسونا علم

هذا ماعندي وحبيت انبهك دامك عريس لاتفكر تأخذ فلل أبد ابد الفلل بالليل موحشه وغير كذا الحشرات بالكوم

طبعا اخوي الناس أذواق وانا صراحه استغرب من الإخوان اللي يثنون على سيروني3 ولايذكرون بيسونا علم ولكن يمكن ماقد جربوه وللمعلوميه الفندق مجدد صار له 8 شهور واناعرفته عن طريق اختنا أم صهيب الله يسعدها

ماقصروا معاك ( كتكات - كنت احبسبك )

الحقيقة كلامهم مليء بالفوائد وبالنصائح المفيدة ..


انا وجهة نظري ايضا .. بالي لاتصلح للعوائل .. وكذلك يوم الذهاب ويوم العوده لاتحسبها ابد لانها راح تضيع بالرحله التجهيز والذهاب للمطار وفي اغلب الاوقات الرحلات تتأخر مابين نص ساعه الى ساعتين ووقت الرحله ساعه ونص تقريبا وبالي متقدمه بساعه .. راح اليوم كله

يعني راح تضيع يومين في السفر

الترتيب الي حطيته لك حلو .. وبالنسبه لرأي كتكات في جاكرتا .. الحقيقة جاكرتا جوها ماهو مثل جو باندونق وبونشاك . جوها حار ورطب قليلا .. ولكن لو لاحظت ترتيبي لها
يوم الوصول هذا لابد من الراحه لانك راح توصل اخر الليل .. واخر يومين على طلبك تبي يومين للتسوق انا خليته لك يوم واحد
ويوم لزيارة المنطقة الرائعه انشول وكل اماكن التنزه الي حطيتها لك قريبة جدا من بعضها داخل منطقة انشول الترفيهية . وبالنسبه لو كان الجو حار يومها مدينة الالعاب فيها مراوح وترش رذاذ الماء الي يرطب الاجواء ويخليها حلوه ..

-----------------------------------------------------

بالنسبه للفلوس :
انا الطريقة الي اعتمدها دائما في سفراتي كالتالي:

حجوزات الفنادق وحجوزات السيارات لو حصل والتسوق ( اخليها في الفيزا ) ولو تاخذ معك بطاقة فيزا احتياط افضل بعد .. وتقريبا كل الاسواق وكل المطاعم تتعامل بالفيزا .. وحتى البقالات .. الا القليل منهم

بالنسبه للمصروفات اليومية والتنزه اخذها معي كاش .. واطبق الطريقة التالية:

اقسم المبلغ على الايام .. وحسبة كل يوم اخليها لوحدها في ظرف مثلا .. واحاول اخلي صرفية يومي ماتتعدى المبلغ الي انا مخصصه لهذا اليوم
وطبعا يوم راح تزيد الصرفية ويوم راح تنقص .. فتعوض للناقص من الفايض وهكذا

وبالنسبه للفنادق .. اغلب الفنادق يطلبون تأمين اذا مو كلهم .. التأمين ادفعه كاش لا تدفعه بالفيزا ابد .. عشان تستلمه اول ماتخرج مايتأخر عليك


،،،،،،،،،،،،،،،،،،،،،،،،،،،،،،،،،،،،

بالنسبه لفندق سيروني3 .. اقرا تقارير عنه .. اذا ماعجبك .. عندك اكثر من اختيار .. وفيه فندق قراند هيل بعد قريب من سيروني وممتاز
واقرا عن بيسونا علم بعد وانت قرر الافضل من رؤية الاعضاء وتقاريرهم


،،،،،،،،،،،،،،،،،،،،،،،،،،،،،،،،،،،،

وبالنسبه للقطار اذا حاب تجرب .. فهو ممتاز والمناظر الخارجية وقت الرحله ممتازة بعد .. يصير اول ماتصحى الصباح تفطر ووتجه على محطة قامبر وتشوف اوقات الرحلات وتختار المناسبه لك وتاخذها .. وافضل المقاعد الدرجة الاولى وماهي غاليه

وبالنسبه للفندق الاول في جاكرتا دام انك راح توصل اخر الليل فمن الافضل انك ماتحجز في شيبوترا الي حطيته لك انا لانه غالي وحرام تاخذه فقط للنوم
ابحث في تقارير الاعضاء في بوابة اندونيسيا عن فندق يكون نظيف ورخيص وخذه



هذا ماعندي
واي شي تحتاجه احنا بالخدمة بأي وقت

اخوي ابيك تعرف شئ مهم أن المنطقه ريفيه وكلها أشجار والحشرات هناك بكثره فتجد فله رائعه بمعنى الكلمة لكن تنذهل من وجود أنواع الحشرات والنمل فيها هم مايكافحونها فتكثر وبالنسبه لنا احنا ياشباب عادي نام والبريعصي فوق رأسك لكن البنات الله لايوريك تلاقيها مثل الجني ماتنام لين يطلع هههههههههه

لكن اذا كان ولابد تبي تأخذ فله فخذها على نظرك انت واهلك والفلل هناك كثيره

بالنسبه للأمان الحمد لله الأمن هناك على أعلى درجاته لكن خلك حريص ومنتبه بكل ماحولك وابتعد عن السكن في المجمعات واحرص أن خرو
جك فقط من الصباح الى المغرب بعده تكون في السكن

أهلا أبو خالد ..

لست ضليع خبرة بفنادق جاكرتا ..

كانت لي تجربة مع فندق أكماني بشارع وحيد هاشم ( تجربة جميلة )
وأذكر من الفنادق التي كانت من ضمن الخيارات ويثنون الأعضاء عليها
فنادق ( منهاتن ،، مارلين بارك ) .. حاولت أضع لك روابطها من بوكينق .. للأسف لم أستطع ..
للعلم هذه المعلومات من آخر زيارة سنة ٢٠١٢ .. ممكن الوضع تغير سلبا أو إيجابا ..

بالنسبة للجبل ( البونشاك ) .. أغلب الأعضاء لم يعطوا إشارات إيجابية لسيروني ..
بعكس فندق بيسونا علم .. وخير دليل تجربة حبيبنا ( كنت أحبسبك ) وأيضا ( أم صهيب )

كانت أيضا لي تجربة جميلة بفيلا صغيرة ومرتبة ونظيفة اسمها ( فيلا ريو )
لها حارس شخصي والإبتسامة لاتفارقه ..

دمت مسدداً مباركاً

بالتوفيق يالغالي الاخوان ماقصرو وحبيت ازيد نقطة حاول تقلل التمشيات يوم السبت والاحد