مرحبا اختي

ماقصر الغالي ابوعبدالرحمن برابط الموضوع

خليني اشرح لج اول شي الاتصالات في فرنسا من واقع خبرتي

بالنسبه لشركه ليبارا :

نعم عندهم شبكه اتصالات وتقدرين تاخذين السيم كارت من اي محل TABAC
وتفعلين الخط بالتلفون تتصلين فيهم وتعطينهم بياناتج ويتفعل
انصحج في حق المكالمات الدوليه فقططططططط
لاتقربينه للأنترنت ضعيف جدا جدا

بالنسبه لشركه سفير SFR
ممتازه جدا جدا جدا للأنتر نت وانصحج بها وشبكتها قويه
اما المكالمات الدوليه غاليه جدا ابعدي عنها
اقرب محل اذا انتو بالشانز بتحصلونه جنب لادوريه ومقابل محل H&M


شركه اورانج
نفس تقريبا شركه سفير من ناحيه النت والاتصالات
ومحلهم قريب قوس النصر جنب محل BOSS
بس مشكلتهم خلال الفتره القادمه راح يتكنسل هذا الفرع وبالتالي حاليا يقدمون خدمات محدود
وماعندهم سيم كارد سابقا فقط كان عندهم
يعني لازم تروحون اقرب فرع لهم وهو بعد قوس النصر تقريبا بــ 300 متر


من رايي تاخذون سفير للأنترنت

بالنسبه للهوائي ماعتقد يشتغل هناك
لان عندي هوائي قطري وخذته معاي دبي اجرب وركبت فيه كرت اماراتي ولا اشتغل



بالنسبه لسويسرا :

يوجد عندهم ليبارا
لاتستخدمين غيره سواء للأنترنت او المكالمات لانه ممتاز ورخيص
ولاتقربين شركه سويس للاتصالات


بالنسبه لأستخدام الكرت في البلدين
بالنسبه للأنتر نت حتى لو كانت مثلا شركه ليبارا في البلدين
ماراح ينفعج

لان ليبارا في كل بلد تختلف عن الثانيه
يعني كرت ليبارا في فرنسا ماله علاقه في كرت ليبارا سويسرا
اخذي بكل بلد كرت منفرد


اتمنى افدتج اختي


وبالتوفيق ان شاء الله