ماقصرو الاخوان خبيرنا وعميدنا جزاهم الله خير

خليني اوضح لج بعض المناطق الي ذكرتيها بالخارطه عشان تكون واضحه لج

العاب

بالنسبه لفينيسا وفيرونا وسيرموني وجاردا لاند وميلانو
سهل التنقل بينهم والمسافات مب كثير

يعني في طلعتكم من ميلانو الى فينيسيا راح تمرون على فيرونا وقريب من سيرموني
والعكس لو طلعتو من فينيسيا يعني ممكن تنزلون في فيرونا او سيرموني للسكن عشان تسهل لكم الذهاب الى ملاهي جاردا حتى لو ليلتين فيهم وبعدها الى فينيس



بالنسبه لبرج بيزا في منطقه بيزا فهي واقعه مابين ميلانو وروما
يعني لو تبغين تزوروين هالمناطق كلها المذكوره مايحتاج تسكنين في فيرونا او سيرموني عشان ماتزيد عليكم التنقلات
ملاهي جاردا ممكن تطلعين لها من فينيسيا او ميلانو وترجعين بنفس اليوم

وبعدها قطار الى بيزا ومنها الى روما

يعني الجدول كالتالي :

الوصول من باريس الى فينيسيا طيران اقتصادي دايركت
ومن فينيسيا الى ميلانو بالقطار المسافه 2:35 ( من ميلانو ممكن تروحون ملاهي جاردا)
اقرب محطه قطارات لمدينه العاب جاردا Peschiera del Garda

الا اذا بخاطركم السكن في فيرونا او سيرموني يختلف الوضع

وبعدها من ميلانو الى بيزا بالقطار المسافه 3:13

ومن بيزا الى روما بالقطار المسافه 3:09

والافضل من هذا كله لو بتروحون كذا منطقه في ايطاليا تستأجرون سياره من فينيسيا وقت المغادره وترجعونها في روما وقت السفر الى فيينا


اما بخصوص كابري يمكن تقصدين جزيره كابري !!!!!
فهي في نابولي جنوب روما ويبغيلها مسافه وانا غير مؤيد تروحون لها سفرتكم لأيطاليا كلها 6 ايام بتضيع بالتنقلات والتعب والارهاق


وبالتوفيق