عزيزي انا اول ما وصلت تركيا وكنت في الاتجاه الى منطقه استلام الحقائب تفاجأت انه العربات الي نحط عليها الشنط غير مجانيه ولازم تحط مبلغ ليره عشلن تاخذ عربانه ومثل ما انت عارف العاده نحن المسافرين ماناخذ او ما نقدر نخصل قطع حديديه من الصرافيين في دولتنا ف صج صج تبهذلنا على ما حصلت عامل يشيل الشنط لي وطبعا خذه مني مبلغ 50 ليره وانسى اي احد يعطيك خرده
ف نصيحه حاول تاخذ معاك عمله ليره حديديه من ديرتك اذا قدرت
الشغله الثانيه انك تاخذ تاكسي خاص فيك افضل لكن الي اكتشفته انه هم ينصب عليك بمعنى يوديك وين ما تبي بس يعدين يقولك والله سعر المصفط كذا وخذا علي كذا وانا نطرتك فتره ويعت ابي اكل ممكن تعطيني فلوس اكل واذا كان المشوار حبه بعيد بيقولك البانزين
القصد: لما تتفق مع سائق خاص اتفق على كلشي من البدايه
وكذلك ونته تتمشى مع الاهل يطلعولك ناس غرب يتكلمون عربي ويقولك انت من وين وفرضا تقوله الكويت بقولك ايي انا بيي الكويت بعد اسبوع ومادري شنو يعني يبي يفتح معاك حوار وانا للامانه اذن من طين واذن من عجيين اعطييه طاف ولا اسال فيه لانه ماادري شنو نهايه كلامه معاي
القصد: لا تثق بأي احد في تركيا.
واخر شي يستحق التنبيه عليه وانا آسف اني اذكره واتمنى من اداره المنتدى ما تمانع الي بقوله لكن نصيحه اي محل يشتغل فيه عرب سواء كان محل او مطعم ابتعد عنه لانه تاكد انه راح ينصب عليك
وخصوصا في تقسيم لما تحاسب عند اي مكان عد اصابعك قبل فلوسك.

كلامك عدل عزيزي لكن بالنسبه للغشيم الي نفسي الي اول مره يروح تركيا ما كنت ادري عن هالمعلومه
وهم وجب التنويه للمسافرين لتركيا لاول مره

اوت لت فيا بورت أنصح الي يروحله يكون في اخر النعار عشان حراره الشمس .. المكان مكشوف وفيه عدد من المحلات التي لا باس فيها .
لكن مصيبته الطريق يعني من اسطنبول من تقسيم تقريبا ياخذ ساعه لكن مع الزحمه والله خذينا 3 ساعات بالضبط عشان نوصل.