قرية كوخيم الالمانيه وماحواليها - الصفحة 3

مسافر وبس · 07-01-2015, 12:32 AM

ماشاء الله تقرير ممتع ومتعوب عليه
بارك الله فيك

هداوه · 08-01-2015, 12:02 PM

اقتباس : المشاركة الأصلية كتبت بواسطة فتاة الدمى

هلا والله بالمميزة دائما هداوة
انبسطت جدا لما شفت التقرير
متابعة معك هالصور اللي تفتح النفس وشكل القرية والجو فيها رائع
يعطيكي ألف عافية يارب

هلا وغلا
وانا افرح أكثر لما أشوفكم في تقريري وفي المنتدى
الله يعافيكم يارب

اقتباس : المشاركة الأصلية كتبت بواسطة مسافر وبس
ماشاء الله تقرير ممتع ومتعوب عليه
بارك الله فيك

شكرا لك وخليك متابعني

هداوه · 08-01-2015, 12:11 PM

كولن

اليوم بآخذكم لمدينة جميله وايد حبيناها وتمنينا لو سكنا فيها ، وهي

كولن

في البدايه بعطيكم المعلومات اللي جمعتها قبل السفر من تقارير الاعضاء (( جزاهم الله الف خير عنا ))

في داخل كولون هناك الكتاتدرئية او كنيسة كولون العملاقة

والتي تتربع وسط المدينة والتي يطلق عليها دوم Dom

وهذه الكنيسة تعتبر أكبر كنيسة في غرب أوربا على الانطلاق

بدأ بنيانها في عام1248 ميلادية وانتهى في 1880 أي ما يقارب 630 سنة

وهي تحتل مساحة تقارب 8000 مترمربع

وتحتوى على برجين بارتفاع 157 مترا وهي مطلية باللون الأسود

و تنطلق منها جميع شوارع كولون

بجانبها يوجد ايضا متحف روماني بالاضافة الي الاسواق علي الجانبيين

الساحه المقابله للكاتدرائية كلها مهرجين ونشاطات فنية

وفيها قطار يدور فيك كولن

وهذا مركز كبير جداًاسمه Globetrotter وهو مختص بجميع لوازم الرحلات

ومن المعالم السياحيه في كولن

الذهاب الي التفريك وعنوانه

Kölner Seilbahn-Gesellschaft mbH
Riehler Straße 180
50735 Köln

وبجانبه يوجد حديقة الحيوان والجانب الاخر حديقة النباتات والزهور

وعندكم متحف الشيكولاته

ويعتبر هذا المصنع اوالمتحف chocolatemuseum

من الوجهات السياحيه التييقصدها سياح كولون في كل عام

وهذا رابط المتحف

Schokoladenmuseum Kأ¶ln: Aktuelle Nachricht

من منتجعنا لين كولن ساعتين الاربع

زرناها مرتين

مره زرنا مصنع الشوكليت والاسواق

ومره زرناها للتسوق بس وتمشينا ندور سوبرماركت تركي ومطاعم تركيه

والحين نشوف صور جولتنا

هاي الكاتدرائيه

مادخلناها لأنه الوقت ضيق ، واصلا ماندري اذا نقدر ندخلها

تصورنا وايد في الساحه اللي مجابلتنها

والتمشي واليلسه في هاي الساحه حلوه

وهاي الكنيسه تذكرني بوحده مثلها شفتها في برشلونه / اسبانيا وأتقد أسمها فاميليا

وهاي صورتهم اللي في برشلونه واللي في كولن

وهاي المحطه الرئيسيه للقطارات عدال الكنيسه

ومن هالشوارع الفرعيه اللي تدخلونا من ساحة الكنيسه وتوديكم ع الاسواق

فرحنا يوم شفنا انه عندهم محل بريمارك ، ورغم انه كبير بس اللي في لندن أحلى

وهذا السوبرماركت التركي اللي سرناله بس كان مسكر

عقب سرنا مطعم تركي وتغدينا فيه

هذا الميني فلفل دايما يكون رفيقي في شنطتي حق المطاعم

كنا طالبين عدة أطباق بس هذا الطبق الوحيد اللي لقيت صورته

تابعوني في جولتنا اليايه في

مصنع الشوكليت

فتاة الدمى · 08-01-2015, 12:50 PM

جزء خفيف وجميل وياعيني على الأكل التركي لا يقاوم خصوصا اللحم بعجين اممممممممم
صحتين وعافية يارب
وبانتظار مصنع الشوكلت لا طولي علينا

mohamed_abdullh · 08-01-2015, 03:16 PM

رحله ممتعه و رائعه ,,
ننتظر القادم ,,

شكراً لك يا عزيزتي

mbsa · 08-01-2015, 04:56 PM

يا سلام عليچ ياهداوه تقاريرچ جداً ممتعا ودائما نحفظها في المفضلة
الجميل اسلوبچ البسيط و الممتع
ألاحظ ان المنطقة بعيدة شوي عن المدن الاخرى مشوار ساعة ونص او ساعتين.

متابعين ومستمتعين
شكرًا لكِ

هداوه · 09-01-2015, 12:53 AM

اقتباس : المشاركة الأصلية كتبت بواسطة فتاة الدمى

جزء خفيف وجميل وياعيني على الأكل التركي لا يقاوم خصوصا اللحم بعجين اممممممممم
صحتين وعافية يارب
وبانتظار مصنع الشوكلت لا طولي علينا

الله يعافيج حبيبتي
فعلا الاكل التركي لذيذ وخصوصا في اوروبا والمانيا بالتحديد

اقتباس : المشاركة الأصلية كتبت بواسطة mohamed_abdullh
رحله ممتعه و رائعه ,,
ننتظر القادم ,,

شكراً لك يا عزيزتي

والقادم أجمل

اقتباس : المشاركة الأصلية كتبت بواسطة mbsa
يا سلام عليچ ياهداوه تقاريرچ جداً ممتعا ودائما نحفظها في المفضلة
الجميل اسلوبچ البسيط و الممتع
ألاحظ ان المنطقة بعيدة شوي عن المدن الاخرى مشوار ساعة ونص او ساعتين.

متابعين ومستمتعين
شكرًا لكِ

أشكرك وانا سعيده انه تقاريري تعجبكم
فعلا هذا عيبها انها بعيده عن المدن بس نحن عشنا أيام حلوه الحمدالله

هداوه · 09-01-2015, 01:16 AM

مصنع الشوكليت في كولن

رابط متحف الشوكليت

Schokoladenmuseum Kأ¶ln: Start

انطباعي عنه

هو حلو وكبير وفيه وايد تفاصيل

واليهال بيعيبهم

بس بيني وبينكم

قلت لو دخلت المحل واشتريت الشوكليت اللي اباه وسرت سنتر

كولن جان أفضل وماضيعت وقتي ، والسبب

انه نحن تشبعنا من زيارة متاحف أو مصانع الشوكليت

تفاصيل زيارتنا للمتحف

أول ماوصلنا بركنا صوب النهر

وسرنا نمشي في اتجاه المتحف
وعبرنا جسر من فوق النهر يودينا ع طول للمتحف اللي كان في ويهنا

دخلنا المتحف وقطعنا التذاكر وما أتذكر كم السعر
بس ممكن تعرفون الاسعار من موقعهم

أحلى جزء عندنا يوم نتذوق

حلوه يلسة الكوفي اللي في القلعه

هنيه ممكن يسوولكم شوكليت بالطلب وتستلمونه بعد نص ساعه أو قأل نسيت بصراحه

النكهات اللي تختارون منها

وهنيه يوزنون الشوكليت اللي طلبتوه وع أساسه تدفعون قيمته
الصراحه أنا أحس انه مافي داعي محلهم يكفي ويزيد

وأختم رحلتنا لمتحف الشوكليت بصورة روح قلبي
عبادي ربي يحفظه

تابعوني ورحلتنا اليايه بتكون في ...

الاكسمبورغ

اوروبا عشقي · 09-01-2015, 02:16 AM

فدييييييييييييت ام عيسى وفديت تقاريرها واخيرا بنكمل تقريرج حبيبتي والله ياهدهد
حيااااتي المنيني فلفل مادري ليش حسيته بنتي الصغيره واي مت عليه
وكولون مادري ليش احسها من اغبى مدن المانيا لحد الان انا مانسيت بشنو منورين شوارعها بالليتات الطوال مالت المعاصر والله انج ماتشوفين الارض من الظلام اسم ليت امي مرتين راحت هناك علاج وسنتين ورا بعض شفتها والصدفه كلها في الشتا ماحبيتها كثير حتى سنترها سخييييف مافيه زحمه وحياه ميت ومب حلو اقدر قول مكان سكني ينفع اكثر من انه سياحي والناس اذواق هذا رايي فيها ينفع للسكن بحكم الهدوء فرق بين دوسلدورف وبينه دوسلدورف سياحيه اكثر وسوقها يجنن وحبيت اخن سنترها حلوووو صغيرون تحسين قريه على مدينه والقرى الهولنديه القريبه وايد حلوه خصوصا امسترخت

وفدييييييييييييييييييييييت عبادي الله يحفظه لج يارب اعشق الصبيان الصغار اموت عليهم واحسه يشبه ولدي فديت رووحه الله يحفظه ويبلغج فيه

متابعه معاج احلى تقرير

هدوء العالم · 09-01-2015, 04:05 AM

واااااااااو
فدييييتج هداوتنا أشوف ليه مالي خلق أصور بسفرتنا والكاميرا كله في الشقة
أثاري هداوة معاي نفس المناطق والاماكن تقريبا وتسوي لنا تقرير ممتع كالعادة
ياليت من شافج بس اكيد شفنا بعض بالمطار
احنا 18 أغسطس
قمت اتذكر المواقف والذكريات عند كل صورة بالذات نافورة الأوت لت هولندا وبنت اخوي تلعب عندها ومصنع الكاكاو فديييتها

وكنا ساكنين في كولن 19 يوم جميلة وعن الكنيسة مسموح بالدخول لها دخلوها اهلي
عقب سكنا في بون شهرين

متاااااابعين معاج احلى كاتبة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أماكن سياحيه قريبه من أنترلاكن وماحواليها	هداوه	بوابة سويسرا	73	12-08-2019 06:04 PM
( new) منتجع يديد في قرية كوخيم cochem الالمانيه .. لايفوتكم	هداوه	بوابة المانيا	29	11-08-2018 12:14 PM
تجربتي في الفيزا الالمانيه اليوم 29/4/2015	الشهري	فيزا	20	08-05-2015 04:14 PM
هوكسي قرية صينية جميع سكانها أثرياء بالصور , هوكسي افخم قرية صينية بالصور	عامر	بوابة الصين وهونج كونج	15	25-04-2015 07:23 PM