ساعدوني الله يسعدكم

BUTEERFLY · 06-08-2015, 02:32 AM

بسم الله الرحمن الرحيم
اخواتي اخواني كيف حالكم وان شاء الله كلكم بخير وسعاده وهنا وفرح ��
العرب المسافرون نخيتكم لا تردوني وتساعدوني �� كيف بس نخيتكم ��علوم قبايل يجي مني ��

طبعا انتو عارفين قدمت على الفيزا البريطانيا وما اتقبلت واترفضت مرتين والحمدلله خيره من الله
دحين قرر زوجي نسافر فرنسا وبلجيكازوجي نفسو يروح بروكسل ونا قلت له نزيد سويسرا والمانيا او النمسا

واسال الله العظيم انو ننبسط في رحلتنا دي ويسهلها لنا ويبعد عنا السوء والحسد والضر والعين انا وانتم وجميع المسلمين
فياليت تساعدوني بمخطط حلوو وكيف التنقل بين الدول وهل ضروري استئجار سياره ولا كيف افيدوني
قسمو لي الايام وفين اروح وفين اسكن طبعا بكتب انا بس حابه رائيكم كمان
وعلما روحت باريس قبل كدا وجلست فيها 8 أيام
وروحت قصر فرساي وهضبة المونمارت وبرج ايفل ودزني لاند ومتحف اللوفر ورحلة نهر السين وساحة اللادفانس اتوقع كدا اسمها وفي كم مكان ماروحتو وبزوره فالمره دي
نصايحكم بالله

fanda · 06-08-2015, 07:51 AM

وعليكم السلام

اول شي قبل لا نبدى التخطيط والترتيب
١- هل حصلتوا فيزا شنقن او للحين ؟!
٢- متى ناوين السفر وكم المدة؟!
٣-هل حجزتوا طيران ؟!
٤- كم عدد أفراد الرحلة ؟! معاكم أطفال ؟!

fanda · 06-08-2015, 08:05 AM

شوفي هالمواضيع ممكن تساعدك للتخطيط المبدئي

http://www.arabtrvl.com/vb/t752.html

http://www.arabtrvl.com/vb/t8570.html

فيصل · 06-08-2015, 04:08 PM

مع أم ريم ما هنا مستحيل بإذن الله
جاوبي علي أسئلتها وراح تلقين الرد اللي ينور بإذن الله رحلتكم

BUTEERFLY · 06-08-2015, 09:13 PM

اقتباس : المشاركة الأصلية كتبت بواسطة fanda

وعليكم السلام

اول شي قبل لا نبدى التخطيط والترتيب
1- هل حصلتوا فيزا شنقن او للحين ؟!
2- متى ناوين السفر وكم المدة؟!
3-هل حجزتوا طيران ؟!
4- كم عدد أفراد الرحلة ؟! معاكم أطفال ؟!

هلا حياكي ام ريم يسعدك ربي ويحفظ لك ريم وكل غالي جوازاتنا اعطيناها المكتب وقال في حدود اسبوع الى اسبوعين وقال ما يحتاج تبصيم لان بصمنا قبل كدا
ولسا ما طلعت لا تشككيني يارب تطلع على خير يارب
المده من 15 الى 20 يوم واطفالي عند الوالده باذن ربي
انا وزوجي فقط لا ما حجزنا لا طيران ولا فنادق قلت نشوف الترتيب من بدري ونرتب باذن الله ناويين على بداية السنه الميلاديه باذن ربي قلت اسمع نصايحكم ومن بدري ارتب باذن الله
لان افكاري ما رتبتها ولا عارفه فين اروح احب استمتع بالطبيعه وبروده الجو والاسواق اكيدد

BUTEERFLY · 06-08-2015, 09:17 PM

اقتباس : المشاركة الأصلية كتبت بواسطة فيصل

مع أم ريم ما هنا مستحيل بإذن الله
جاوبي علي أسئلتها وراح تلقين الرد اللي ينور بإذن الله رحلتكم

اخ فيصل اكيددد ناسي انت فالمنتدى الاول ساعدتني كثير نصايحك في نجاح رحلتي الى فرنسا وشاكره لك ودعيت لك والله ربي يسعدك ويسعد قلبك زي ما ساعدتني وانبسطت في رحلتي
انت وفي اخ نسيت اسمه واخت من قطر نصايحكم فادتني كثيررر جزاكم الله خير يارب

فيصل500600 · 07-08-2015, 01:30 AM

السلام عليكم ....لو سمحتي كم كلفتك الميزانية في باريس لمدة 8 أيام ؟

وشكراً....

BUTEERFLY · 07-08-2015, 03:18 AM

اقتباس : المشاركة الأصلية كتبت بواسطة فيصل500600

السلام عليكم ....لو سمحتي كم كلفتك الميزانية في باريس لمدة 8 أيام ؟

وشكراً....

والله يا اخي الكريم مو فاكره بس في نوته مع زوجي مسجل فيها كم المبالغ حشوفها واكتب لك بس اللي هلكني المشتروات احلى شي كانت بس بقولك شي والله ولله الحمد لله والشكر له حتى يرضى انبسطت مره مره الحمدلله

fanda · 07-08-2015, 08:24 AM

ان شاء الله تطلع الفيزا على خير وتحصلون ٤ سنوات
وتطمني راح نساعدك بالي نقدر عليه عندك وقت كافي للتخطيط والترتيب

نجي لأول نقطه وهي توقيت السفر
بداية السنة الميلادية اجواء بارده جدا جدا في أوروبا
ثلوج وامطار وحراره توصل لتحت الصفر في كثير دول أوروبية
وانتي تبين الطبيعه وبهالتوقيت للأسف ما راح تلقين شي
الجبال ثلوج ، البحيرات متجمدة ، الشجر بدون أوراق
يعني الألوان الطبيعية الي الواحد يبحث عنها ما راح يلقاها
طبعا كلامي عن أوروبا عموما مو بس فرنسا

اذا الجو يناسبكم وما عندك مشكله راح نواصل الترتيب

BUTEERFLY · 07-08-2015, 03:08 PM

قلت لزوجي قال نهاية شهر ٣ ميلادي يعني ٢٥ تقريبا زي كدا انا روحت فرنسا و٢ تحت الصفر و٥ تحت الصفر والحمدللع انبسطت مررره مررره ايش نصيحتك انتي انا عادي عندي مو مشكله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندي مشكله واحتاج الرد بأسرع وقت الله يسعدكم	Adwaa	فيزا بريطانيا	3	05-07-2015 02:24 AM
الله يسعدكم استشارة ع السريع ..	nora	بوابة النمسا	5	04-06-2015 07:46 AM
الله يسعدكم رشحو لي فندقين بالسلطان احمد	متفائله	تركيا	17	04-05-2015 01:47 PM
فزعتكم الله يسعدكم	متفائله	بوابة النمسا	23	07-03-2015 07:17 AM