انتهينا من ملاكا وغادرنا الى بورت ديكسون
دائما كنت اضع بالجدول ان اصل للفندق بالوقت المحدد للدخول
وايضا يكون الطريق غير مجهد بدنيا ونفسيا
لهذا السبب اخترت التوقف ببورت ديكسون ليوم واحد ومن ثم المواصلة بالرحلة الى ايبوة
كان لدي خيار اما التوقف في كوالا او بورت ديكسون
استبعدت كوالا لاني لا احبهاودائما تكون
محطة البداية والنهاية

المسافة بين فندق هوليدي ان ملاكا وقراند لكيسس
اقل من ساعتين

وصلنا الفندق بالوقت المناسب قبل الثانية ظهرا





مدخل الفندق





الطاقم يغلب علية العمالة الهندية
هنا صار موقف لي مع الهندي ابو نظرات هذا
لعب علي واعطاني حجز غير اللي حاجزة
اعطاني حجز غرفة اقل من اللي حاجزها
ولكن بالأخير رد الله كيدة





القصة يااخوان
ان حجزي كان نوعين من الفيلا
واحد كان فيلا

Grand Pool Villa
بسعر 734.58 رنقت ( بدون ضرائب )

والثانية

Premium Pool Villa
بسعر 944.46 رنقت ( بدون ضرائب )

ايش سوا ابو الشباب
قال ابعطيك شالية حلو
طبعا انا قلت له يكونوا قريبين من بعض
هو استغل ذي الكلمة
قال ايش رايك اعطيك بجنب بعض
انا انبسطت منه وقلت ممتاز
توكلنا على الله
قبل الخصم طلبت منه انه ياخذ فقط قيمة الحجز بدون
تأمين قال طبعا طبعا بخصم بس قيمة الحجز
اخذ البطاقة وشوي تجيني خصم بقيمة 2000 رنقت
واطير بوجهه انا قايل لك خذ بس قيمة الحجز التامين
ابعطيك كاش المبلغ اللي تبية
انلخم وقال لا بس هذا حجز للمبلغ
وانا اسب والعن فية من داخل نفسي
رحت للفيلا واشوفها
الفيلا ممتازة وبجنب بعض
وام مشاري تقول كويس عيالنا بجنبنا وانا اقول
لها ماني مرتاح حاسس ان الشغلة فيها شي

الشباب يبون
كلمة المرور للنت قلت بروح اطلبها منهم
رجعت واحصل ابو الشباب مسوي مشكلة
مع واحد سعودي هو وزوجتة والضعيف ماهو عارف
يتواصل معه
واشوف معه حجز ويشرح له وهو يقول له لا هذا السعر
اللي فهمته ان السعر مختلفين علية
اخذت الشغلة اللي ابيها ورجعت للفيلا

بعد ساعتين طلبت من ام مشاري تجيب لي اوراق الحجز بحكم انها هي
المسؤوله عن اوراق الحجوزات
اقول حجزي غير اللي هذا ومتاكد من هالشيء
ولما شفت الحجز
واقول يابن الـ...........
تلعب علي ايه هين
واخذ اوراق الحجز واروح للمكتب وين ابو رفق وين ابو هنود
يبي يستذكي علي
طبعا صار يتهرب مني ويروح لزباين ثانين واطلب السوبرفايزر
جاتني حرمة من الداخل
واقولها ابي حجزي هذا واللي اخذته يختلف
اختبصت وقالت حجزك صحيح هذا كيف يعطونك غيره
وتعال انت يابوهنود عطني الحجز اللي انا حاجزه
قالي تراها بعيده عن اولادك
واقوله مو شغلك عطني الفيلا وانت ساكت
طبعا الحرمة طلبت تاخذ اوراق الحجز
قلت لها لأ هذه تخصني ماراح تاخذينها
تبين صوره منها خذي
اخذت منها صوره
وعند المغادرة الله طيحني بواحد صيني سريع بالتشيك اوت
سألني اخذت شي اقوله لأ
وطبع لي الفاتورة وانااااااااظر صارت القيمة اقل من سعر
الحجز اللي انا ماخذها
سعر الفيلا اللي ماخذها فوق 900 رنقت
واللي حسبها لي فوق 800 رنقت
وقلت له فك الحجز على مبلغ الـ2000 رنقت وخذ مبلغك بس
وبالفعل والحمد لله صار مثل ماطلبت لاني خفت انهم
يعرفون خطا فوق السعر وعندهم تامين وياخذون منه
بطريقتي هذه صار ما يقدرون ياخذون شي
وبعد ما رجعت السعودية اشيك مع كشوفات البنك
والحمد صرت انا اللي انتصرت
ورد الله كيد ابوهنود في نحره

صورة توضيحية لكروكي الفلل التى على البحر
ومنها تشوفون وين موقع الفيلا



الفيلا التي اخذناها بالبداية





الفيلا تاخذ اربع شخاص بالراحة ولكن بالحجز يقولوا اثنين فقط
وراح تلاحظون ان الاسرة كبيره جدا
السرير الواحد ياخذ نفرين





الثلاجة هنا افتح الابواب وتشوفها



























































مثل ما لاحظتم الفيلا متكاملة ما تحتاج شي
جيب اغراضك والمطبخ موجود