وش اقول وش اخلي.. ماشاءالله عليك .. ترتيب وتنسيق وتتهنى بهالرحلة يارب فوق ماتتصور.

اولا خط السير على اروع مايكون..
ثاني شي تقسيم الايام جميل جدا مع اني اقول كثير في كوالا 7ايام.
ثالثا اختيارات الفنادق جميلة جدا ومناسبة.

الملاحظات اذا سمحت لي ياعزيزي..
التنقل بالطيران قد يكون اريح لكم وللطفل لانه يستغرق تقريبا 50دقيقة افضل من 4ساعات او5.
فندق رويال شولان ذكرووا الاعضائ بالمنتدى ان عليه ملحظات بالفترة الاخيرة. فعندك امبيانا وجراند.
وبعدين شارع القذارة والمفروض اسمه شارع الغرب. البعد عنه ازين. لانه مافيه شي زين الا الاسواق والمطاعم والبدائل متوفرة
وباقي الاشياء في هالشارع سيئة من مساج او مراقص او قهاوي او سرقات اوحفريات وزحام .
اقتراحي لك ياانك تحجز بمنطقتين مختلفتين مثلا واحده بجانب البرجين وواحده قريبه من التايم سكوير او من شارع العرب اذا تبيه مثل رويال.
او هذا الذي اميل اليه 3 في فندق و3 في فندق اخر وليلة ختامية في بورت ديكسون قريب من المطار وفله بمسبح خاص واحلى ختام.

التنقلات الداخلية مثل السواقين والتكاسي فمايحتاج حجز مسبق لان التكاسي متوفرة وتطبيق ماي تاكسي يريحك والارقام بالمنتدة متوفره.
وباذن الله غدا ينفك الحجب عن تقريري بعد ان تم تعديلة وستجد فيه مجموعة ارقام.

ارجوا لك رحلة موفقه. كازامي