X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين25الاعجاب
إضافة رد
 
LinkBack أدوات الموضوع انواع عرض الموضوع
قديم 18-08-2015, 08:14 PM   #1

مسافر متميز

الصورة الرمزية الحتمي
 
تاريخ التسجيل :  Jun 2015
رقم العضوية : 4263
الدولة : أسكن في الشرقية ومغرم بالنمسا
الجنس : ذكر
المشاركات : 336



افتراضي كيف تستلم عفشك من مطار اتاتورك؟؟


مرحبا وحياكم الله داخل هالموضوع القصير اللي اتمنى فائدته تعم على الكل
طبعاً انا ودي انزل تقرير رحلتي الى تركيا لكن انا باقي اتهاوش مع الصور واتهاوش مع برنامج تحميل الصور
لأن برنامج تحميل الصور يطلب حجم مخصص للصورة يعني لازم اصغر الصورة
ومشكلتي الى اللحين في تصغير الصورة يأخذ وقت ويأخرني
يعني هالصورتين طولت على بال ماصغرتهم وقرت احملهم
وانا كل ما صغرت الصورة كل ماضاعت النكهة والإحتراف اللي فيها
خاصة انا مصور محترف مشهور في بيتنا فقط <<< وحتى جيرنا مادورا عن ابداعاتي
المهم فأنا رحت تركيا وكنت متحمس للسفر مو عشان باروح تركيا لا
انا كنت متحمس عشاني رايح شهر عسل والا تركيا عادي حديقة بيتنا احلى منها << خف علينا يازيلامسي
المهم من زود الحماس نسيت البطاقة الإتمانية في الفندق في جدة<< هذي بدايتها
طبعا انا سافرت عن طريق جدة لأني دخلت موقع الخطوط وتفاجأت رحلة من جدة الى اسطنبول ذهاب واياب
999 ريال فقط يعني حنا شخصين بـ 1998
انا هنا ماصدقت وخذيت اشيل الكمبوتر واهزه عشان اتأكد من السعر << بغى يفوتني العرض وانا باقي اتأكد ومسوي حالي منصدم
المهم على طول حجزت ودفعت الحجز من غير اي تردد
والله ودي اتكلم لكم كيف رحت لجدة وسكنت في فندق هيلتون جدة ودي انزل صور له واذكر لكم بعض الاحداث اللي صارت هناك في جدة
لكن يبي لي وقت اللين اتقن تحميل الصور ثم ابشروا
لكن بأختصر لكم وادخلكم في لب الموضوع كيف تستلم عفشك من مطار اتاتورك
طبعاً أنا وصلت مطار اتاتورك الساعة 3 العصر بتوقيتهم
وقبل الهبوط بـ 10 دقايق انا خطفني منظر الجو والمطر والغيم
يعني لدرجة اني فكرت اخبي جوازي وأفاوض السعودية ماعاد ارجع الا ويعطونا جو زي كذا
المهم طلعت من الطيارة ودخلت المطار ورايح أدور مكان قص الفيزة
تعبت وانا امشي وذابحني الجوع
وماخليت سير كهربائي متحرك الا وجلست عليه
وكل شوي اسأل وين مكان قص الفيزة بعضهم يحاول يخدمني بس مايعرف يتكلم انجليز
المهم مشينا سيدة الا المدام تقول هذاك هو المكتب
انا استعجلت في السؤال لأني ماكنت ادري ان المكتب قدامي مايحتاج حوسة
وحسيت العروسة تقول هذي بدايتها مع هالزوج الله يستر
وبصراحة انا تعمدت اترك قص الفيزة من المطار
كان فضول فيني اعرف اجراءات ومشاكلها
لكن بصراحة لقيتها اجراءات جدا سلسة وسهلة وماتأخذ وقت
قصيت لكم قصة حياتي ونسيت الموضوع
المهم عشان تفتك من دفع القيمة اضعاف الإضعاف لأجل استلام عفشك
راح اعطيكم الطريقة
لهناك الخدمة داخل المطار 80 ليرة للعامل اللي يخدمك
مانقدر نقول نصب واحتيال ولكن هذي الاسعار تبي حياك ماتبي دبر حالك
لأن الأغلبيه اذا وصلوا هناك مايلاقون عربات نقل العفش متوفرة في كل مكان مثل مطاراتنا
هناك العربات في مكان مخصص ومترابطة مع بعضها كأنها حلقات سلسلة
فالبعض قد يحتار كيف يستلمها ويظطر على عمال خدمة المطار
فأتمنى ان تكون الصور اللي انزلها هنا والشرح اللي باقوله واضح للكل
وتعم فائدته<<< طبعا أفكر أبيع المعلومة عليكم لكن أخاف فيصل يطردني
طبعا عامل المطار يخدمك بـ 80 ليرة يشيل عفشك من المطار الى بوابة الخروج
بينما اذا خدمة نفسك تفك العربة من السلسة بليرة وحدة فقط
انت اذا طلعت من صالة تختيم الجوازات وبتتوجه الى صالة استلام العفش وهناك راح تشوف العربات متصلة مع بعضها بهذا الشكل






ولو تلاحظون السلاسل مرتبطة مع بعض وفيها حاجة حمراء
وهذه النقطة الحمراء هي اللي تحط فيها الليرة وتفك العربة من اختها اللي مربوطة فيها
وهذي صورة خاصة لمدخل الليرة



أنت مجرد تدخل الليرة في النقطة الحمراء راح تفتك من السلسة
وبعدها تأخذ عربتك وتتوجة الى مسار عفشك وتوفر 79 ليرة
وهذا المبلغ اللي وفرته يوصلك الى الفندق وزيادة
أنا بصراحة ماكنت ادري عن الطريقة
لكن يوم وصلت كلمت السواق اللي ينتظرني ابوعبد الرحمن
سوري محترم وطيب جدا ومع ذلك أعجبتني امانته وراح اذكر الموقف اللي صار لي معه
المهم كلمته وبلغته اني خلصت تختيم الجوازات واللحين باروح استلم عفشي
فقال لي انتبه تخلي عمال خدمة المطار يخدمونك
وذكر لي الطريقة وانا بالفعل رحت كشك اصرف 5 ليرة عشان اخذ ليرة
وانا احوس ادور ليرة الا وزوجتي تأشر لي تعال
جيتها لقيتها فكت وحدة من العربات << قلت في خاطري ثاني محاولة فاشلة قدام العروسة ياعريس
زين زوجتي ماغسلت يدها وقالت خلنا نرجع السعودية أنت شكلك بتضيعنا
سألتها شلون دبرتي ليرة؟
طلعت عائلية مصرية الله يذكرهم بالخير هم اللي عطوها ليرة وفكو لها العربة
المهم استلمت عفشي ورحت للسواق لقيته ينتظرني بلوحة كاتب فيها اسمي
أنا هنا صرت كشخة قدام العروس شوفي اسمي انا انسان مشهور
اخذ الشناط وركبنا السيارة والجو صراحة في البداية كان برد
لأني ماكنت لابس ملابس شتوية
وصلنا الفندق ونزلنا اغراضنا الساعة 5 وربع تقريبا مع اذان المغرب
خلصت الاجراءات 5 ونص ودخلت الفندق صليت مغرب وعشاء
لاتنسون اني جوعان مررررة
اللحين ابي شيء اكله وما أدري وش المطاعم اللي حول الفندق
وابي اخذ الجوال اقرأ المطاعم اللي كتبت عنها مسافرة وبس
الله يذكرها بألف خير
وهي العضو اللي من يوم رجعنا في هالموقع الجديد ماشفت لها اي موضوع
اللي عنده خبر عنها يفيدنا ويطمنا؟
المهم احوس ادور للجوال مالقيته بالمرة
واتذكر يمكن مع السواق او عند الاستقبال
سألت الاستقبال يقول مو عنده أتصلت على السواق من تلفون الاستقبال
يقول انا في الشقة بانزل ادور في السيارة واعطيك خبر
المهم خذيت 5 دقايق رجعت ودقيت عليه
يقول اي جوالك موجود
قلت طيب جيبه لي الفندق
وهنا طبعا لازم استغل الموقف قلت اسمع وانت جاي جيب لي معك عشاء من مطعم مرتب
انا ميت جوع ومشتهي مشاوي
والله يجزاه الف خير رجع الجوال وجاب لي العشاء
وطلب مني 20 ليرة حساب المشوار لكن انا عطيته اكثر
بصراحة يستاهل والف شكر له وألفين شكر لكم عشانكم دخلتم موضوعي

 


التعديل الأخير تم بواسطة الحتمي ; 20-08-2015 الساعة 07:08 AM
الحتمي غير متواجد حالياً   رد مع اقتباس
قديم 18-08-2015, 09:52 PM   #2

خبير تركيا

 
 
تاريخ التسجيل :  Feb 2015
رقم العضوية : 2001
الجنس : ذكر
المشاركات : 2,013



أوسـمـة: hazim b

كل الاوسمة:1 (more»)
افتراضي رد: كيف تستلم عفشك من مطار اتاتورك؟؟


استمتعت بقرائة موضوعك باسلوبه الخفيف المرح
ولكن متى كان موعد رحلتك ؟؟ انا اذكر انك من المنتدى القديم كنت ناوي تتزوج وتروح تركيا ؟؟
يا ليت لو ترتب امورك وتكتبلنه تقرير عن رحلتك.
تحياتي

 

توبليرونمعجبون بهذا.

آخر مواضيع hazim b

hazim b غير متواجد حالياً   رد مع اقتباس
قديم 18-08-2015, 10:08 PM   #3

مسافر متميز

 
 
تاريخ التسجيل :  Jan 2015
رقم العضوية : 1439
الدولة : السعودية - الخبر
الجنس : ذكر
المشاركات : 229



افتراضي رد: كيف تستلم عفشك من مطار اتاتورك؟؟


الحمدلله على السلامة أزيدك من الشعر بيت اذا رجعت العربية وشبكتها مع العربيات تطلع لك العملة الي دخلتها

 

توبليرونمعجبون بهذا.
ابا رواء غير متواجد حالياً   رد مع اقتباس
قديم 19-08-2015, 01:33 AM   #4

المدير العام

 
 
تاريخ التسجيل :  Dec 2014
رقم العضوية : 15
المشاركات : 15,889



افتراضي رد: كيف تستلم عفشك من مطار اتاتورك؟؟


علي البركه يا عريس
ما عاش من يطردك
شكرا علي المعلومه

 

توبليرونمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل غير متواجد حالياً   رد مع اقتباس
قديم 19-08-2015, 03:52 AM   #5

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية _ أبها
الجنس : ذكر
المشاركات : 7,059



أوسـمـة: |القحطاني|

كل الاوسمة:1 (more»)
افتراضي رد: كيف تستلم عفشك من مطار اتاتورك؟؟


ههههههه موضوع جميل

بصراحة توفير رهيب من 79 ليرة إلى ليرة وحدة فقط

وعلى كلام ابو رواء لو رجعت العربية ترجع لك الليرة

والله شيء حلو جدا

الله يعطيك العافية

 

هوايا شمالي و توبليرون معجبون بهذا.

توقيع : |القحطاني|

...

|القحطاني| غير متواجد حالياً   رد مع اقتباس
قديم 19-08-2015, 06:19 AM   #6

مشرفة تركيا

الصورة الرمزية OLGA
 
تاريخ التسجيل :  Jul 2015
رقم العضوية : 4908
الدولة : حبيبتي الكـويت ❥❥
الجنس : انثى
المشاركات : 1,619



أوسـمـة: OLGA

كل الاوسمة:1 (more»)
افتراضي رد: كيف تستلم عفشك من مطار اتاتورك؟؟


مبروك اخونا المعرس ..
ماشاءالله عليها العروسه فهيمه اتعرف ادبر بالسفر ..
ترا الي قالكم الخدمه ٨٠ ليره كان بينصب عليكم اهي ٥٠ ليره انا كل مره اخذها
الحمدالله الله وفقكم بسايق أمين وو خدوم عاد خل رقمه عندك عشان لي رجعتو ع طول معاه
شكرا اخوي ع المعلومه وو ناطرين باقي التقرير ..

 

|القحطاني|معجبون بهذا.

آخر مواضيع OLGA

OLGA غير متواجد حالياً   رد مع اقتباس
قديم 19-08-2015, 08:23 AM   #7

خبير سفر وسياحة

الصورة الرمزية ماجد الفهد
 
تاريخ التسجيل :  Dec 2014
رقم العضوية : 130
الدولة : ELQ
الجنس : ذكر
المشاركات : 1,287



افتراضي رد: كيف تستلم عفشك من مطار اتاتورك؟؟


هلا وغلا بالعريس

أخيرا طلع المستخبي وشفنا شيء يفتح النفس


كمل كمل


وراح نعدل إسم موضوعك

خل نشوف بلاويك ، قصدي موضوعك



وزي ما قالت مدام أولقا ، هي ب 50 ليرة ، تحتاجها بصراحة

لما يكون معاك عائلة

ولما معاك وقت للتنقل إلى المطار الداخلي لـــ اللحاق بالرحلة الداخلية




أكرر شكري الجزيل لحرصك ، وبيض الله وجهك ،

وتذكر إن الليرة ، او الصرف في رحلاتك القادمة مهم ،


أنا بصراحة المعدن ما ينزل من جيبي ، أحطه قبل الجواز





عن إستمتعت

شكرا لك

 

توبليرونمعجبون بهذا.
ماجد الفهد غير متواجد حالياً   رد مع اقتباس
قديم 19-08-2015, 02:22 PM   #8

مشرف البوابة العامة

الصورة الرمزية احمد الحربي
 
تاريخ التسجيل :  Feb 2015
رقم العضوية : 1735
الدولة : السعودية
الجنس : ذكر
المشاركات : 2,776



افتراضي رد: كيف تستلم عفشك من مطار اتاتورك؟؟


واصل يابطل بانتظار القادم


اتوقع بيكون التقرير مميز

 

توبليرونمعجبون بهذا.
احمد الحربي غير متواجد حالياً   رد مع اقتباس
قديم 19-08-2015, 03:11 PM   #9

مسافر متميز

الصورة الرمزية الحتمي
 
تاريخ التسجيل :  Jun 2015
رقم العضوية : 4263
الدولة : أسكن في الشرقية ومغرم بالنمسا
الجنس : ذكر
المشاركات : 336



افتراضي رد: كيف تستلم عفشك من مطار اتاتورك؟؟



استمتعت بقرائة موضوعك باسلوبه الخفيف المرح
ولكن متى كان موعد رحلتك ؟؟ انا اذكر انك من المنتدى القديم كنت ناوي تتزوج وتروح تركيا ؟؟
يا ليت لو ترتب امورك وتكتبلنه تقرير عن رحلتك.
تحياتي
هلا وغلا بأول الواصلين وأول المشاركين موضوعي
حياك الله حازم أي نعم انا من المنتدى القديم
بس انا سافرت شهر العسل وانشغلت عن المنتدى ومكتوب ياهو
استغلوا غيابي وقاموا يلعبون في المنتدى
يعني لو انا باقي موجود كان ياويلهم
وان شاء الله أحاول أرتب اوراقي وأموري وانزل تقرير عن هذه الرحلة
انا كان موعد رحلتي اخر يوم في شهر نوفمبر اللي هو شهر 11
يعني ثاني يوم لي كان تاريخ
M 1/12/2014

 

توبليرون و hazim b معجبون بهذا.
الحتمي غير متواجد حالياً   رد مع اقتباس
قديم 19-08-2015, 07:47 PM   #10

مشرفة سابقة

الصورة الرمزية زهرة نيسان
 
تاريخ التسجيل :  Dec 2014
رقم العضوية : 30
الدولة : الرياض
المشاركات : 3,240



أوسـمـة: زهرة نيسان

كل الاوسمة:1 (more»)
افتراضي رد: كيف تستلم عفشك من مطار اتاتورك؟؟


هلا فيك ياعريس
تسلم على المعلومة والسرد الممتع
على ايش 80 او 50 ليرة !
والله كفو يالعروسة ما شاء الله لازم تتنتبه لنفسك لا تغطي عليك هههههه
ماقلت لنا كيف حليت مشكلة البطاقة
ونطالبك بتقرير والصور ماهي مشكله فيه موضوع طريقة تصغير الصور دفعة وحدة راح احط الرابط لك
وانا(مسافرة وبس) بس غيرت اللبس (:

 

الغردقاوي و توبليرون معجبون بهذا.
زهرة نيسان غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لراحتكم ...قاعات اجنحة الضيافة Lounge Winges .. مطار اتاتورك / صبيحة أبوعبدالله (الاسفار ) تركيا 15 14-06-2018 09:19 PM
مطار المدينة المنورة الجديد ( مطار الامير محمد بن عبد العزيز) نديم الصبر بوابة الحرمين الشريفين 17 27-05-2016 08:52 PM
استفسار عن مطار القاهرة غريق الشوق عالم الطيران 4 23-04-2015 08:10 PM
ما سم مطار مدينة ايبوه yaser.g ماليزيا 3 08-04-2015 11:50 AM

الساعة الآن 10:26 AM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO