رحلتي القصيره للكويت الحبيبه 2014 - الصفحة 9

abu renad · 14-02-2015, 10:40 AM

ماشالله تقرير رائع

كتكات783 · 14-02-2015, 02:26 PM

الله عليك أم عيسى ..
المطعم غاااااااية في الروعة ..
جالس اتأمل ( صحونهم ومواعينهم وسفرتهم ) والله العبق الخليجي له نكهة ومذاق
إن الله كتب لي عمر ... سيكون تقريرك دليلي لمطاعم وكافيهات الكويت
واصلي أم عيسى ( لا توقفين )

اسماء ام احمد · 14-02-2015, 04:22 PM

ماشاء الله عليج يا هداوه التقرير عجيب اقرا ولا كأني كنت وياج لحظه بلحظه كأني اول مره اقرأ لج أسلوب غريب في عرض المعلومات وسردها

هداوه · 14-02-2015, 11:25 PM

اقتباس:
المشاركة الأصلية كتبت بواسطة الغردقاوي

ما شاء الله صور الأطباق وما تحتويه من أكلات يفتح النفس
الحمد لله متغدى بشكل أعتقد معه أني عايزلي يومين لحد ما يتهضم
وإلا ما كنت أدري ما أفعل بعد صورك هذه ههه
يعطيكي العافيه ومستمر متابع تقريرك الغذائي

بالعافيه عليك ههههه ماشاءالله شو مآكل
واهم شي انه أطباقي سوتلكم أغراء

اقتباس:
المشاركة الأصلية كتبت بواسطة هاوية الاسفار
بالعافيه عليكم
المطعم عجييييييييييب و ديكوراته رهيبه و الاطباق ما عليها كلام وايد حبيت الطاولات السحارة و التنكة
منتظرين النهاية

الحمدالله انحلت مشكلتج
الله يعافيج
حتى أنا وايد حبيت السحاره والتنكه ، ياختي أفكارهم فناتق
قربت النهايه ولكن

اقتباس:
المشاركة الأصلية كتبت بواسطة ام ميلاد
ماشاء الله خوش مطعم
توقعت الاكل كله شعبي.. طلع المنيو متنوع

الصور تجيب الجوع .. واااصلي متابعينك

هو صح متنوع بس اغلبه شعبي
وماشاءالله أكلهم حلو

اقتباس:
المشاركة الأصلية كتبت بواسطة الإماراتي

تسلمين اختي العزيزه هدواه تقرير رائع ودسم وشكل الفندق مريح ويشرح النفس خصوصا انه

يطل على الخليج العربي .

حياالله ولد بلادي
والله يسلمك يارب
الكويت بكبرها تفتح النفس

اقتباس:
المشاركة الأصلية كتبت بواسطة فيصل
مطاعم الكويت والله زاكيه
علي قولة أخواننا الأردنيين
شكرا لك

زاكيه كتير كتير

هداوه · 14-02-2015, 11:50 PM

اقتباس:
المشاركة الأصلية كتبت بواسطة q8ya metnaqla

عووووووووافي ام عيسى

وكاشونه البيت ماعليه كلاااام

ياسلام خوش اطباق مربين وزبيدي ومجبوس دياي

هنهم

الله يعاااااافيج ياااااارب
ومعاهم قبوط من البك يحبو

اقتباس:
المشاركة الأصلية كتبت بواسطة abu renad
ماشالله تقرير رائع

حياك الله بيننا

اقتباس:
المشاركة الأصلية كتبت بواسطة كتكات783
الله عليك أم عيسى ..
المطعم غاااااااية في الروعة ..
جالس اتأمل ( صحونهم ومواعينهم وسفرتهم ) والله العبق الخليجي له نكهة ومذاق
إن الله كتب لي عمر ... سيكون تقريرك دليلي لمطاعم وكافيهات الكويت
واصلي أم عيسى ( لا توقفين )

الله يعطيك طولة العمر والصحه والعافيه
وتزور الكويت وكل البلدان اللي في خاطرك

اقتباس:
المشاركة الأصلية كتبت بواسطة اسماء ام احمد
ماشاء الله عليج يا هداوه التقرير عجيب اقرا ولا كأني كنت وياج لحظه بلحظه كأني اول مره اقرأ لج أسلوب غريب في عرض المعلومات وسردها

حبيبتي والله
أهم شي انه عجبج

هداوه · 15-02-2015, 12:33 AM

مطعمنا اليوم هو ...

B+F Open Flam Kitchen

عنوانهم ..

Address: 360 Mall King Abdullah Road, Zahra, Kuwait
Phone:+965 2530 9990
Hours:

Open today · 12:30 – 11:00 pm

موقعه الاكتروني ..

Open Flame Kitchen

انطباعي عنه

امممممممممممم

الصراحه ماعجبني وايد رغم اني اشوفه محبوب من الكثيرين

أول شي ماحبيت أجواء وديكورات المطعم

والاطباق نص ونص

وأعتبره أقل مستوى من المطاعم اللي زرتها وما أفكر أكرره

ولكن طبعا مب شرط اللي ماعجبني مايعجب غيري

صورنا في هاليوم

كراب سلط

بطاطس بالجبنه

شكلي مغري بس بصراحه حسيته ثجيل ع المعده

ولانوع من أنواع الهامبورغرات عجبتني أو حسيتها وااااو

لأني تذوقت من الجميع

شوفي أنا بطبعي احب الشي بأصله

مثلا ما أحب آكل اليحه الصفرا احبها الحمراء مثل الأصل

ونفس الشي الهامبورغ مايعجبني الملون أحب الأصلي

دياناميت الروبيان

الصراحه هذا الطبق الوحيد اللي تجننت عليه وكان لذيذ

يعني ممكن أمر عليهم وآخذ تيك أوي

انتظروني في

ختام تقريري والمطعم الأخير والعجيب

هاوية الاسفار · 15-02-2015, 03:30 AM

بطاطس بالجبنه كأنه صحن كشري
متابعين

الغردقاوي · 15-02-2015, 04:44 AM

مطعم Open Flam Kitchen شكل تقديمهم لأطباقهم غريب وعجيب
لكن ديناميت الروبيان شكله ديناميت فعلا وأخاف ينفجر بالداخل ههههه

يعطيكي العافيه متابع

ام ميلاد · 15-02-2015, 08:13 AM

طبعا حنا نثق في ذوقك

بس حتى لو ماقلتي انه ماعجبك.. من الصور حسيت انه دسم

في اكلات كثيره دسمه مع ذلك نحبها.. بس من الصور حسيت انه اكلهم يغث

يمكن هالمطعم من طقه تشليز وفرايديز..وانا هالمطاعم ماتستهويني.. ممكن اجرب مره وخلاص

اخر صوره للبرقر..بيبي برقر هي اللي حسيتها لذيذه

واصلي متابعين

الايمان · 15-02-2015, 09:18 AM

هذا المطعم لمحبي الهمبورجر
فعلا اكله دسم لانه كله صلصات لكنه لذيييييييييييييييذ
متابعينج يا ام عيسى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي إلى الفلبين .. سبتمبر 2014	Abu Rakan	بوابة الفلبين	24	15-04-2019 09:56 AM
خطة رحلتي 2014	ابن حنتوش	بوابة جنوب افريقيا	23	09-07-2017 06:58 PM
رحلتي القصيره لقطر الحبيبه 2015	هداوه	بوابة قطر	131	27-04-2016 04:51 PM