هونج كونج حياة أوروبية بين جدران الثقافة الصينية (تقرير) - الصفحة 3

LENA22 · 11-09-2019, 12:42 AM

السلام عليكم ورحمه الله وبركاته

اول تقرير لي في هالمنتدى الجميل ،، اللي ساعدني كثير كثير ب رحلتي الاخيره
من هالمنطلق قررت ارد الجميل ولو ب بتقرير بسيط
والف شكر لكل شخص كتب عن هونج كونج مشيت ع تقريبا كل تقرير وكل تساؤل عشان اخذ فكره
عن المدينه اللي راح اتوجه لها ،، خصوصا ان لاول مره نسافر ب الاطفال
رحلتي كانت بتاريخ 26 jul - الي 8 aug
استمتعو بالتقرير

هونج كونج
HONG KONG

دوله جميله جدا وكآنها قطعه من اوربا من ناحيه البنيان و طريقه معيشتهم بحكم الاستعمار البريطاني
اللي استمر حتي سنه 1997

شعبها جدا راقي ومحترم وفي حاله ، طوال رحلتي ماتعرضت لاي نوع من العنصريه او السب او الشتم
بالعكس بعضهم يبتسم في وجهك بالرغم اني منقبه

العمله
عملتها الدولار الهونج كونجي وحاليا هذي الصوره توضح لكم كم يعادل للريال السعودي

الفيزا من المطار ولم تواجهنا اي تعقيدات في هذا الامر

برضو من المميزات انها تاكس فري

الرحله مدتها 13 يوم
كانت ع متن الخطوط السعوديه الي ماليزيا ومن ماليزيا ع الخطوط الماليزيه ل هونج كونج

اسم هونغ كونغ هو ترجمة صوتيَّة تقريبيَّة للاسم الكانتوني أو الهاكاني «é¦™و¸¯»، الذي يعني «المِيناء العَطِر

تنقلاتنا في هونج كونج
كانت بواسطه اوبر في بدايه الامر ، ولاننا اكثر من 3 اشخاص ف كنا ناخذ السياره الكبيره
ف التكلفه عاليه نوعا ما
بعدها استخدمنا الميترو فرق كبير جدا جدا من ناحيه السعر كنا نروح اماكن بعيده وكلها ماتجي 20 ريال !
صحيح اننا ننزل ونركب من قطار بس اخدناها من جانب ممتع وتجربه جديده
طبعا اهم شي نحفط محطتنا اسمها ورقم المخرج القريب للفندق
بالاضافه اننا حملنا ابلكيشن خاص بالميترو هونج كونج وفادنا كثير مشابه ل قوقل ماب فقط تحط الوجهه
وهو يوريك بالضبط كيف ننتقل لها
التذاكر كنا نشتريها من الالات الموجوده وتحسفنا كثير ع بطاقه الاكتوبس ف انصح بشده بالبطاقه للي متوجه
الي هونج كونج
ايش فايدتها ، تفيد في الميترو في بعض المحلات بدل الدفع بالفيزا فقط تشحن وتستخدم

الاكل في هونج كونج
هالنقطه بالذات تضيق الصدر طبعا جايبه معي مفرحات من السعوديه لكن ك وجبه حاره ف واجهتنا مشكله
بحكم انها دوله ديانتها بوذيه وبعضهم لاديانه له ( ملحد) ف اتجهنا للمطاعم العربيه جربنا واحد وللاسف النظافه فيه معدومه تركي كان ف اتجهنا لمطعم واحد طوال رحلتنا ميرته كان نظيف سعره معقول متنوع بالاكل
ولذيذ جدا والطاقم جدا متعاون وبشوش مطعم Ebeneezer's Kebabs & Pizzeria في منطقه تسيم تشا تسوي هذا موقعهم وعندهم خدمه التوصيل طبعا له فروع كثيره في هونج كونج
نظامنا وجبتين في اليوم فطور من الفندق وعشا او غدا في هالمطعم

http://www.ebeneezers.com/user/login.php

ملاحظه
كل مكان تروحون له مثلا اوشن بارك، سكاي ، ديزني يكون له ابلكيشن فيه خريطه واوقات العروض ومعلومات مفيده او موقع

الجو
الجو وما آدراك ما الجو طبعا حنا متعودين ع درجات عاليه في الرياض توصل 43 ،
لكن عندهم الرطوبه هي اللي تضيق الصدر يعني فوق الحراره تجي الرطوبه
تكمل الناقص لكن بشكل عام مقبول
احيانا تصدف تجي امطار ويطلع الجو خورافي

اللغه
عندهم ثلاث لغات
الكانتونية ، الماندريه ، الانجليزيه

الحمدلله ماواجهتنا اي مشكله في اللغه فالاغلب كان يتكلم انجليزي لو بشكل بسيط

الاماكن السياحيه في هونج كونج كثيره ومتنوعه وميزتها انها تناسب للجميع

يتبع الرجاء عدم كتابه رد حد الانتهاء من التقرير

محب الاسفار عبر العالم, q8ya metnaqla, توبليرون و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شقق هونج كونج	ملاك	بوابة الصين وهونج كونج	12	20-08-2019 01:24 PM
5 ايام في هونج كونج	Abdullah_	بوابة الصين وهونج كونج	6	20-08-2019 01:22 PM
هونج كونج .. السرعة في كل شيء	HOSAM	بوابة الصين وهونج كونج	8	05-12-2017 12:29 PM
اسبوعين في هونج كونج	abdziz	بوابة الصين وهونج كونج	11	07-11-2017 12:56 AM
استفسار عن هونج كونج	hanoo_79	بوابة الصين وهونج كونج	5	21-11-2015 10:01 PM