X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين57الاعجاب
إضافة رد
 
LinkBack أدوات الموضوع انواع عرض الموضوع
قديم 29-08-2015, 08:50 PM   #1

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



Post الحلم يتحقق بدون تخطيط لندن - جلاسجو

















اخيرا قررت اسوي تقرير عن الحب بريطانيا اول روحه لي 2012
وارد لو القليل للمنتدى الغالي الي كان سبب بعد الله في اني اشوف الجزء الاخر من العالم


بعد مشاورات بيني وبين نفسي لمده طويله قررت اني اطرح اول زياره لي الى المملكة المتحدة (لندن)
مواقف طريفه و عفويه وسفريه لشخص اول مره يطلع من ديرته
غطيت فيها اغلب معالم لندن
اذا الموضوع ما كان فيه فائده اتمنى ان يرسم ابتسامه على وجه اي شخص


وقبل لا ابدأ لا تقرأ التقرير الا وانت فاضي ومعك شي تحرك فيه شدوقك
الموضوع احكي فيه عن تجربتي فقط ولكم حرية التسميه تقرير ، قصه ، الخ..
ان غلطت في اي وصف ارجو التصحيح
و ارجو انو تصبرو شوي لين يتحمل كامل الموضوع بيكون ثقيل التصفح

استمتعو





قبل ابدأ احب انوهـ على كم شغله فالسفريه :-


1: لم استخدم الاندرجراوند او الباصات.

2: جميع المعالم السياحيه تم زيارتها عن طريق المشي يعني كعابي ( السبب تعرفونه من الموضوع )
ونقطة انطلاقي كانت الفندق الي موقعه قريب من الهايدبارك ولكم ان تتصورون المسافات الي مشيتها .


3: تم الاستعانه بخرائط الايفون .

4: قبل اي يوم راح يكون فيه خريطه موضح عليها الطريق الي مشيت معه
الاحمر المتقطع خط الروحه ------
الاحمر المتصل خط الرجعه ـــــــــــ


5: كل معلم سياحي يتم ذكره
راح يكون قبله :
*موقعه على الانترنت وحجز التذاكر اونلاين
*اقرب محطة اندرجراوند للمعلم
*اوقات العمل ولا تشمل ايام الويك اند والعطل .

6: السفر كان من 30 نوفمبر 2012 الى 17 ديسمبر 2012







[gdwl]التخطيط والرغبه[/gdwl]


عشق بريطانيا منذ الصغر ليش ما ادري كل واحد وله عشق و احلام متعلقه بمكان ما !!


وراح يكون التقرير على شكل نقاط
الاسعار والميزانيه نسيتها وراح اذكر الي اتذكره
وبسم الله نبدأ

2010 طحت على منتدى العرب المسافرون

بديت اتصفح واتابع تقارير وكنت استمتع فالقراءه ومتابع لكل التقارير فالبوابه البريطانية
كل يوم تقريبا الساعه ٣ الفجر اتكي على المنتدى ومعاي كوب قهوه او شاي
كان معي قلم ودفتر ملاحظات اي شي يعجبني اسجله اي موقع سياحي او مدينه حلوه اسجلها
الاسعار كنت اسجلها
بعد ما تشبعت بالمعلومات وجمعت معلومات وسويت مخطط صغير
بديت بالاستفسارات
وخاصه الاستفسارات المتعلقه بالفيزا
وما قصرو الاخوان هذيك الايام تم الاجابه على جميع استفساراتي

وبعدها جلست اخطط على رواقة الى 2012

بالاصح ما عمري طلعت خارج السعودية حتى الدول الخليجيه ما طلعت فكنت خايف والي زاد الخوف حاجز ضعف اللغة الانجليزية
كانت اللغة عندي ضعيفه ومحد راح يروح معي فخفت اتوهق
فكل مره اقول انتظر شوي









[gdwl]اجرائات استخراج الفيزا[/gdwl]




جاء ذاك اليوم فشهر اكتوبر 2012 وامسك القلم واتابع شرح لتقرير كيف اعبي الابلكيشن للفيزا البريطانيه
وبديت اشتغل واعبي الابلكيشن

قررت طبعا اني اعبي الابلكيشن بنفسي بدون الاستعانه بمكتب
لاني شفت تقارير كثير تقول سهله وما يحتاج مكاتب
وبالفعل كانت سهله ما عادا ان الابلكيشن كان انجليزي فكنت شغال اترجم الفقرات الي فيه

وبعد ما انتهيت الابلكيشن قلت خلني اشوف الطلبات الثانيه من صور وتعريف بالراتب وحجز موعد و و و الخ ،

وبديت حبه حبه لين صارت جميع الطلبات مكتمله

وكان عندي خوف شديد من الروحه لمكتب استخراج التأشيرات الموحد فالرياض
لاني ما شفت اي تقرير يشرح ويتكلم بالتفصيل عن الاجراآت الي داخل المركز
فكنت احسب الشغله ليش رايح وكيف ومين وتعرف مين
ولازم انجليزي وتفتيش و و الخ !
وكنت احسب المركز هو السفاره نفسها !!!



توكلت على الله وكان موعدي 8 الصبح
ومشيت من الساعه 6 لان اول مره وحبيت اسوي اني مجتهد
والحمدلله طلعت خيره لاني رحت موقعهم القديم وبعد لف و دوران دلوني على الموقع الجديد الي هو الحالي فأم الحمام
وبختصر الموضوع لاني كتبت فالمنتدى القديم تقرير عن تجربتي بالتفصيل
ومحد كان كاتب مثله فكل المنتديات
التقرير بالصور وشرح من اول ما تدخل مع الباب الين تخرج
علشان الي بيكون مثل حالتي قبل التقديم يتطمن ويتوكل على الله

وكانت الامور سهالات وطلعت الفيزا خلال 4 ايام






[gdwl]وقت الجد وحجز التذاكر وما قبل السفر [/gdwl]



بديت اول شي اتقضى ملابس لان شهر ديسمبر برد وموسم ثلوج











بعد الملابس جاء وقت اني اشتري كاميرا احترافيه اوثــق فيها سفرتي
وكنت ابحث عن الافضل بسعر معقول
و استقريت واشتريت كانون D650
كاميرا جميله فالصور وانصح فيها فوقتها الحين فيه الافضل
لكن الفيديو حقها ما عرفتله مرات يضبط ومرات يصور على مزاجه













بعد ما خلصت شوبنق واخذت الكاميرا جاء الوقت الي احجز فيه تذكره اي عادي وشفيكم مستغربين





انا من النوع الي ما يحجز تذاكر طيران وفنادق الا قبل السفره بكم يوم

واكون قبلها اشيك والحمدلله تطلع نفس الاسعار وكنت استغرب من الناس الي تقول تحجز بدري ارخص

ممكن يحجزون قبلها ب ٨ شهور واكثر
يمكن مسألة حظ لا احد يصير مثلي ويتوهق



[gdwl]موقف[/gdwl]

كنت عند واحد من اخوياي فالرياض بما اني مو من سكان الرياض كنت عنده والرجال ما قصر جهزلي الشنطه ورتب الشنطه واعطاني نصايح ايش اخذ معي وايش اخلي
لانو ما شاءالله رايح لكل الدول قبلي
وراعي سفريات

بعد ما خلصنا ترتيب الشنطه




طلعت الايباد وفتحت موقع الخطوط السعودية
وقالي تشيك على حجزك قلت لا توني بحجز هههههههه
بغى يصفقني
المهم حجزت اليوم الي بعده رايح جاي بقيمة 2600 ريال على الخطوط السعودية

بعد ما دفعت قيمة التذكره وخلصت الشعور لا يوصف الي هو ما فيه تراجع ورايح رايح الله لا يعوق بشر







[gdwl]المطار ويوم السفر الذي لن ينسى[/gdwl]


[gdwl]
30/11/2012[/gdwl]


كانت رحلتي فالمساء الساعه 11 بتوقيت السعودية

طلعت الى مطار الملك خالد الدولي بالرياض بدري من الساعه 8 مساءً
وخلصت اموري ورحت الراجحي لصرف العملات واخذت من عنده مبلغ صغير كاش بحدود 600 باوند
وهنا بعض ما تبقى من الفلوس ، صوره متأخره





وجلست انتظر موعد صعود الطائره
طبعا ما يحتاج اوصف حماس لشخص اول مره يطلع من ديرته
ومايحتاج اوصف شعور المسافر لاوربا وبالتحديد لبريطانيا
اخيرا الحلم بيتحقق لندن !!



[gdwl]موقف[/gdwl]

من الحماس كنت جالس على الكرسي قدام البوابه وحاط الفلوس الي صرفتها بين رجولي وكنت اطقطق فالجوال
وتم النداء للصعود للطائره ،، وكانت الكلمات لا توصف
رحله رقم ….. المتجهه الى لندن هيثرو ، وااااو شعور عجيب
ما اقدر اوصفه
قمة ونسيت الفلوس على الكرسي ههههههه واتذكر ناس من الجنسيه الهنديه ينادون علي وانا مسوي ثقيل ومتجه للبوابه

اخر شي واحد مسكني مع ايدي وقال فلوسك يالطيب
انا صار وجهي مدري كيف !!
شكرته بقوه وماعاد تفرق معي اهم شي ادخل الطائره




[gdwl]في الطائره[/gdwl]

المهم ركبنا الطياره واقلعت وكانت شبه فاضيه ما كان فيه ناس كثير وكنت ما خذ راحتي للاخر
سرداحي مرداحي مره اتسدح ومره اتشقلب وتاره رجولي طالعه فالمرر

الخطوط السعوديه بعد عدة تجارب بشكل عام فالرحلات الدوليه حلوه ما عليها كلام خصوصا ما فيه ترانزيت

وزعو علينا كرت دخول بريطانيا وعبيته من بدري وارتحت علشان فمطار هيثرو اصف طابور وخلاص
بعض الناس ينسى يطلب الكرت فالطائره وما يعبيه او ما يوزعونه من الاساس، صارت كثير انهم ما يوزعونه ،
او يوزعونه مع الهبوط
او ما يوزعونه نهائي ويلقاء مثله قبل منطقة الجوازات وتعبي ويروح وقتك على الفاضي



الرحله كانت كويسه مع الخطوط السعودية وما فيها ، شي مريحه












[gdwl]الوصول لمطار هيثرو واجرائات الدخول[/gdwl]





بدينا بالهبوط لمطار هيثرو وانا مع شباك الطائره اشوف الطبيعه وابداع الخالق
نقله نوعيه من تراب وطعوس الى غيوم وطبيعه آسف لكنها حقيقه
نزلت للمطار وكنت مثل الاطرش بالزفه الحق وراء الناس لين وصلنا منطقة الجوازات

وصفيت معهم وخلال الانتظار كنت اراجع الاجابات والكلمات الي حفظتها ههههههههههه
يوم جاء دوري نسيت كل شي وخليت الاجتهاد ينطلق من عندي
كانت اسئله خفيفه وسريعه ليش جاي ووين بتروح وتعرف احد ووين بتسكن وكم معك كاش واعطيته الاجوبه وبعدها ويلكوم تو لندن
الكلمه الي خلتني اخق بقوه


رحت اخذ الشنطه وللحين مو مصدق
اخذت الشنطه وطلعت لمنطقة التكاسي
كنت افكر اخذ اندرجراوند بس قلت اخاف اجيب العيد واضيع وما جربته قبل كذا
قلت اختصر الموضوع واخذ تاكسي

اخذت تكسي تقريبا ب ٦٠ باوند

الي فندق ذا بارك غراند لندن بادنغتون والي كتبتة عن تقرير وتقييم على الرابط التالي :

http://www.arabtrvl.com/vb/t2908.html









[gdwl]الوصول الى الفندق و الطريق للهايدبارك و شارع العرب و شريحة الانترنت[/gdwl]






وصلت للفندق قالو ما فيه تسجيل دخول الا 2 الظهر قلت يالله ما عليه
حطيت شنطتي عندهم وما كان فالجوال انترنت ولا مفعل شي
فكان شغلي بدائي سألت الريسبشن عن الهايدبارك والمنطقه المحيطه بالفندق ايش فيها
واحلى شي الشغل البدائي خريطه وتخطيط بالقلم وكل شوي موقف واشيك فالخريطه لها متعه غير
وما قصرو خدومين جدا وضحولي موقعي الحالي والهايدبارك والمنطقة المحيطه
عرفو اني داج ويمكن اجيب العيد
اعطوني كرت الفندق علشان اذا ضيعت اخذ تاكسي ويرجعني
طلعت من الفندق بأتجاه الهايدبارك
مشيت بعد باب الفندق ٢٠ متر ولقيت واحد واقف واسأله الهايدبارك من هنا صح هههههههه ايه علشان ما اضيع وكل ٥٠ متر اسأل وصلت الهايدبارك كان شعور الهيبه حاظر اشجار كبيره عملاقة خضراء مع سماء ملبده بالغيوم وجو بارد وكراسي جميله




جلست اتمشى فالهايدبارك وتقريبا غطيت نصها طبعا متحمس وما فيه اي تعب
اكتشفت بعدها اني ما مشيت شي من كبر الحديقه
بعدها جلست استريح وطلعت الماب الي معي وشفت شارع العرب قريب مو بعيد كثير كنت اسمع عنه كثير وكنت واعد نفسي اني بروحله مره وحده وبعدها خلاص ( ما احب اشوف ربعنا براء ) احس للحين مو فلندن لو شفت احد من ربعنا
والغرض من الروحه علشان اخذ شريحة بيانات
واذا لقيت محل فيه شخص يتكلم عربي باخذ من عنده علشان يفعل لي البيانات الانترنت ويضبط وضعي




دخلت محل والله ناسي اسمه وناسي موقعه بالضبط لكن لقيت وحده بنت حلال متحجبه قلت لها في شريحة جوال قالت ايه قلت وش افضل شي علشان الانترنت قالت الي يريحك معي فودافون وتمام وقلت لها عادي تشتغل فاسكوتلندا هههههه اول مره اروح عادي لازم استفسارات
قالت يب طبعاً المحادثه بالانجليزي

بعدها اتذكر توهقت في كلمة ما عرفت اقولها بالانجليزي وقلت تتكلمين عربي ضكت وقالت ايه
عاد انا ما انعطي وجهه دقيت سوالف بالعربي واستفسر عن اماكن قريبه ولا بعيده وكيف اروح
المهم ما قصرت اعطتني خرايط وكتيب باي باي لندن وكلها ببلاش
واشتغل النت وشكرتها ومشيت

طبعا رجعت لنفس المحل واخذت من عنده شريحه لكن في زياره ثانيه
لحسن اخلاقهم
للاسف ما اعرف اسم المحل اعرف شكله واذا وصلت شارع العرب اعرف اروحله

والرجوع كان بتجاه الهايدبارك وجاء موعد تسجيل الدخول للفندق وراح الوقت وما حسيت
ورجعت للهايدبارك
والمره هذي استلمتها كلها ما خليت شبر فيها الا مريته واترككم مع الصور من جميع ارجاء الهايدبارك Hyde park
و حدائق وقصر كنسينغتون kensington gardens
Kensington Palace






















وهنا تمثال

The Albert Memorial
والي حاب يعرب قصته يتفضل
https://www.royalparks.org.uk/parks/...lbert-memorial

















وهنا
Royal Albert Hall







Kensington Palace


Kensington Palace Official Website - Tickets, Events & History




كانو يجهزون للكريسماس بالشجر والانوار الي فيه














وكملت جولتي وبعض الصور من الجوله





















بعدها قلت ياولد خلني ارجع الفندق خلاص يكفي
لا اضيع




رجعت الفندق على الساعه ٤ او ٥ ما اتذكر بالضبط
مريت سوبرماركت واخذت من عنده عصير و بطاطس ديريتوس
طبعاً اول وجبه لي من اول ما وصلت الى لندن من الفرحه نسيت حتى اشرب


هذا موضوع مستقل عن الفندق وتقييمي له
http://www.arabtrvl.com/vb/t2908.html




ما رحت مطعم لاني خايف من الحلال والحرام وما ادري وش الوجبات
ومن هالامور
ما دريت ان الوضع سهالات
المهم وصلت الفندق
قالو حسبناك سحبت توك تجي هههههههه

اخذت شور ساخن اليم بعد برد اليم
بعدها سبرايت وبطاطس وخريطه لندن





وبديت اخطط لليوم الثاني وش بيكون ووين اروح
عاد الحين شكلي بتصفق من جد
ايه عادي مثل حجز الطيران ما حجزت الا قبل السفره بيوم والحين بدون مخطط
كنت مسوي مخطط بس استغنيت عنه اخر لحظه وقلت اجرب شغل اني اخطط كل نهاية يوم لليوم الجديد
وكنت مسجل اههم الاماكن السياحيه فقط
وعلى الخريطه
اشوف القريبه من بعض واحطها من ضمن مخطط اليوم القادم
كنت استمتع بالشي هذا
بعد ما خلصت حطيت راسي على المخده وما حسيت الا وانا صاحي لليوم الثاني في لندن




 

فارس الجبيل و توبليرون معجبون بهذا.

توقيع : MOHANAD


التعديل الأخير تم بواسطة MOHANAD ; 29-08-2015 الساعة 09:20 PM
MOHANAD غير متواجد حالياً   رد مع اقتباس
قديم 29-08-2015, 08:50 PM   #2

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو





[gdwl]اليوم الثاني[/gdwl]

1 ديسمبر 2012


المخطط كالتالي:-

شراء بطاقة اويستر
ساعه بق بن
لندن آي وركوبها
مشاهده العروض الي تبتدي من لندن آي الى جسر golden jubilee
مشاهدة العروض الي على Westminster bridge
تمشيه بجانب نهر التايمز
ساحة ترافلجار








صحيت الصبح بنشاط وحيوه بدون فطور سيده لمحطه بادنغتون الي كانت قريبه من الفندق
حاولت اخذ بطاقة اويستر من الجهاز الذاتي
لعبة فيه شوي وطلعت تذكرة مدري لوين الزبده انها تذكرة روحه وحده الي تجي ورق
تعرفون الي اخبره عندنا ما فيه الا آله وحده حقت البيبسي ومن زمان عنها
والحين طحت فوحده تطلع بطايق ههههههههههه
الزبده يوم جبت العيد وخسرت باوند علي تذكره
رحت للمكتب الي يبيع تذاكر قلت يالطيب ابغى بطاقة اويستر لزون 1 و 2 بما ان اغلب الاماكن السياحيه في فالزونين
وما اتذكر قيمتها زين اتوقع دفعت 24 باوند










بعدها جاء وقت الجد واتذكر اني قريت مواضيع تشرح كيف تستخدم الاندرجراوند
عرفت في قرارت نفسي اني داج وما بعرف له وديورت ودقيتها رجليه
( يا مهند والـ 24 باوند والبطاقه الي شريتها بالغلط وبطاقة الاويستر ؟؟؟؟ اخرتها كعابي !! )

وبديت مخططي الي ذكرته فوق كعابي
من محطة بادنغتون الى شارع Bayswater
بمحاذات الهايدبارك ومتجه الى ماربل ارش Marble Arch






يوم جاء شارع الاكسفورد فوجهي اخذت يمين وكملت طريقي مع شارع Park Ln
الي فيه يميني الهايدبارك ويساري الحي الراقي الماي فير ومحل اوستن مارتن ( سيارات )
الى ان وصلت لفندق هيلتون لندن وبعده شارع البيكاديلي
وبعدها اقتحمت مع حديقة الجرين بارك Green Park
لين وصلت لحديقة St James's Park
ولفيت من عندها على Birdcage Walk
من اسمه شارع للمشي فقط وفيه ممرات خاصه للدراجات والخيول
الشارع هذا مع الاشجار الشاهقه لحديقة St James's Park
كانت شي خيال التعب راح هنا من المنظر

وتميت ماشي سيده لين شفت الحلم معالم البق بن بدت تظهر
جاني شعور غريب ما ادري وشو لكن كان شعور هيبه عظمه شعور جميل
الي اتذكر اني قلت في نفسي سبحان الله


كملت طريقي لين اتضحت لي البق بن شي يعجز اللسان عن وصفه








بعد ما اخذت حوالي مليون صوره لها
جميع الوضعيات وبعدها مبنى البرلمان













[gdwl]موقف[/gdwl]

كنت احاول اصور نفسي بالكاميرا الي معي كانون وثقيله وكل شوي الصوره مو ظابطه معي
ومبين شكلي اني جايب العيد ومو عارف اتصرف هههههه
جتني وحده كبيره فالعمر مسرعه وتبتسم من بعيد وحطت فجيب الجاكيت نبته صغيره معها شي احمر


وقعدت توسلف معي تقول شكلك مسلم صح !
انا ايه وابتسملها لانه كانت مبتسمه وحبوبه
تقول اعرف مسلمين كثير وعندي اخوياي
وتسأل من وين انت
انا السعودية
تقول اوه قريت عنها كثير وشفتها
بعدها قالت شكلك تبي احد يصورك بس مو عارف
قلت ايه تكفين خذيلي صوره ههههههه
وما قصرت طقتلي صوره
وبعدها جتني وقالت الورده الي اعطيتك علشان جمعيه خيريه وودي انك تتبرع بما تجود به نفسك ومن هالكلام
عاد انا سمعت بسوالف الاستغلال والحراميه
قلت ما عندي كاش ولا سنت هههههه
ومع ذلك ابتسمت وقالت شكرا ومشت
الاخلاق شي جميل ياناس !!






بعد الموقف كملت المشي مع جسر الويستمنستر ورؤية الاحلى والاجمل عين لندن








بعدها قلت اروح من تحت عين لندن شفت زحمة ناس يوم وصلت لقيت واحد واقف يقول تذاكر وخصم قلت ادخل و اشوف
طلع المكتب الي اقص منه تذاكر للاكواريو
قلت ما ابغى بطلع وين الخصم
جت وحده قبل لا اطلع قالت فيه عرض وعليه خصم انك تاخذ اربع تذاكر
للاكواريو
ولندن آي
ومتحف الشمع
وبيت الرعب
التذاكر موضح فيها الاسعار




الي اتذكره قالتلي عن الخصم والسعر الاصلي كان فرق كبير
وقلت توكلت على الله ناخذها وهذي كمان بدون تخطيط
ما كنت مخطط اركب لندن اي ولا اروح الاكواريوم ولا لبيت الرعب ولا مدام توسو
وجت من حظي والحمدلله


طبعا المضحك فالموضوع ان الاكواريو بجنبي والمحل الي كنت فيه هو مكتب مبيعات تذاكر الاكواريوم
لكن ما عرفت الشي هذا الا يوم قررت اروح الاكواريوم ثاني يوم


موقع لندن آي
https://www.londoneye.com/

مواعيد العمل من 10 صباحاً الى 9 ونص مساءً

اقرب محطة اندرجراوند
Westminster

بعدها طلعت ورحت الى لندن آي ومعي التذكره وكاشخ محد قدي
وشفت طابور وناس ماسكين سرا اعوذ بالله
الشي الجميل الاخر كنت بصف سرا
واحد شاف التذاكر معي قال اشوف ما خذها من اكواريوم لندن قلت شف قال ايه يالله روح وقف هناك
ومشيت وكان معي مجموعه مدري كم العدد الزبده اننا ركبنا على طول والطابور فكني الله منه
ما ادري هل بينهم اتفاقيه كأنها تذكرة vip !!
المهم انها جت من حضي

وركبت لندن آي وكانت شي جميل جدا تتحرك ببطئ وكل شوي ترتفع لين تشوف لندن ونهر التايمز والمنطقة التجاريه فلندن
والبق بن ومبنى البرلمان من فوق منظر رائع
ما اتذكر كم استغرقت اللفه

وهنا ختم على اليد على انهم شافو التذكره او علشان اني جاي مع التذاكر من الاكواريوم علشان محد يقول شي ويحسبني داخل عرض
النظام عندهم شي جميل



























مــبــنى فندق Park Plaza Westminster Bridge Road

موقعهم

Hotels - Park Plaza | Hotel Reservations, Hotel Deals










هنا يظهر فالصوره برج شارد وكانت لي زياره له فوقت لاحق


The Shard
The Shard: Inspiring change | The Shard

اقرب محطة اندرجراوند
London Bridge


















بعد ما نزلت كان فيه شوب صغير للندن آي يبيع تذكارات لندن آي ومن هالامور
وطلعت بــ














بعد ما انتهيت كان فيه عروض كثير بجانب لندن آي وكل شوي اوقف واتفرج اول مره اشوف اشياء زي كذا فكنت اوقف واتفرج وانبسط
حتى على اتفه العروض












وبعدها بمسافه كان فيه محلات كثير وبجنب بعض او بالاصح اكشاك
كان فيها اكل وحلويات وملابس كل شي وناس لابسه ملابس الكرسماس






واول مره اشوف بابا نويل قدامي

كانت منطقه حيويه وممتعه التمشيه




وبعدها كملت مشي بجنب نهر التايمز بالتحديد على the Queen’s Walk

لين وصلت لجسر صغير معلق اسمه golden jubilee Bridges





طلعت ومشيت معه للجهه الثانيه الي هي جهة البق بن ومشيت لين وصلت البق بن وقلت لازم كمان اخذ صور لها و للندن آي









لفت نظري شخص اسكتلندي بمزماره
( يعجبني الفلوكور بتاعهم )

جلست اصور فيه فيديو صور يتعب ويستريح ويرجع لى مزماره وانا صامل اصور
ويوم طفشت مشيت وما حطيتله ولاسنت ههههههههه
توني جديد عادي مشوها







وقلت على ساحة ترافلجار الي كنت اسمع فيها واشوفها مربع صغير علي لعبة المنوبولي
رحلتها رجليه رجعت لمحطة Westminster










وخليتها علي يميني تعديتها جاني شارع whitehall ومشيت معه لين وصلت ميدان ترافلجار















من البحرين كانو متظاهرين وامتنع عن قول السبب
حريه










وهنا تمثال Women of World War Two
https://en.wikipedia.org/wiki/Monume...f_World_War_II






وهنا تمثال Earl Haig Memorial
الي حاب يعرف عنه

https://en.wikipedia.org/wiki/Earl_Haig_Memorial






وهنا الناس متجمعه عند Horse Guards Parade

ياخذون صور مع الحرس على الخيل

The HouseHold Cavalry Museum





















وصلت اخيرا لميدان ترافلجار
كان جميل جدا بتماثيله الجميله

























وكان فيه عدد من العروض الجميله فنفس الميدان




























بعد ما استمتعت وكالعاده ما اعطيت اي شخص اي سنت شغلتي اتفرج اصور امشي

رجعت مع نفس الطريق لمحطة Westminster علشان منها للفندق وكان فيه مظاهرات وما قصرت غطيت الحدث لكم
اول مره اشوف ناس تتظاهر والشرطه تفتحلهم الطريق وكان ما فيه سيارات فالشوارع وشي منظم
شكلهم من اول مرتبين وضعهم


































وصلت لمحطة وستمنستر




طبعا اخوكم فالله داج اول مره فحياتي اركب قطار وجبت العيد ضيعت وحست ام الدنيا كل شوي طالع مع مكان

تاره هنا




وتاره هنا




وفجأه واطلع من عند London Dungeon وكان معي تذكره له من ضمن التذاكر الي اخذتها من الاكواريوم
وشف الزحمه والطابور وهونت قلت بكره








اللحظة هذي قلت يا ولد طولت وانا من اندرجراوند للثاني ورحت لأماكن سياحيه غير مجدوله ههههههههههه عندي






لين قررت أخذ تاكسي وارجع للفندق وهذي صورتين لقصر الباكنغهام وانا فالتاكسي ويتضح ان المساء حل علي وضيعت اكثر من ساعتين فالاندرجراوند








بعد اليوم الجميل والموقف الي حصل وما اتذكر كمان اني اكلت شي قضيتها هوتشوكلت ومويه
رحت لمطعم كنتاكي أخذت وجبه تحسفت عليها لاني مدري وش طلبت المتضح فالصوره انها زنجر بس وش داخلها مدري
علشان الحلال والحرام








قلت خلني اشوف شي ثاني لقيت محل بيتزا مكتوب عليه حلال قلت هلا والله وادخل سيده
قلت أعطنا واحد بيتزا ما اذكر وش النكهة اهم شي حلال




اهم شي الله يسلمكم رجعت للفندق و لفيتها لف مع وجبة كنتاكي الي كنت شاك انها حلال او حرام ههههههههه

وهنا ما زلت صامل على كشختي بعد المرمطه والحوسه الي كنت فيها





وبعدها احلى شور ساخن والى النوم،




 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 08:51 PM   #3

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو



[gdwl]اليوم الثالث[/gdwl]

2 ديسمبر 2012

المخطط كالتالي :-

متحف الشمع مدام توسو madame tussauds
حديقة الريجنت بارك The Regent's Park
حديقة الحيوان فلندن London Zoo
رجوع للفندق عشاء من برجر كنق









صحيت اليوم الثالث بنشاط وحيويه
رحت السوبرماركت القريب من الفندق واخذتلي ساندوتش دجاج خفيف مع عصير برتقال
وكان اغلب اكلي زي الساندوتش ( تست ) الي تحت استانست مكتوب حلال ويالله شيل ههههههه





بعدها طلعت الجوال وافتح الخرائط وحدد متحف الشمع وقلت بسم الله
طلعت من الفندق واتجهت لشارع Praed St
الي يقع فيه محطة البادنغتون
مشيت معه لين تقاطع الشارع مع شارع العرب
واخذت يسار ومشيت لين تقاطع شارع العرب مع شارع مارليبون الي فيه المتحف Marylebone Rd

مشيت مسافه لين صار متحف الشمع على يساري ولقيت طابور وصفيت معهم

الموقع الرسمي لمتحف الشمع
madame tussauds
https://www.madametussauds.com/london/

مواعيد العمل من 9 صباحاً الى 7 مساءً

اقرب محطة اندرجراوند Baker Street





صفيت طابور ومرينا على شخص يشيك على التذاكر وبعدها شخص يفتش الشنط
وكان من الجنسيه السودانيه اعتقد
وقالي حيا الله اخواننا العرب كيف عرف ما ادري
كان شخص لطيف
دخلت لمدام توسو الي سمعت عنه الكثير وعن تماثيل الشمع الي كآنها حقيقه لكن ما صدقت الا يوم شفت بنفسي

وكان المتحف فيه عدة اقسام
ممثلين
ولشخصيات سياسية
رياضيين
علماء
موسيقيين
قادة العالم
شخصيات آخرى ومن ضمنها شخصيات كرتونيه



بعد الاقسام هذي يجي ممر طويل مظلم هنا يبدأ الرعب فيه محاكاه لسبل التعذيب والاعدام ايام الثوره الفرنسيه
وفيه قطع روس وحركات تخوف يعني عادي الواحد يخاف



بعدها يجي قسم ركوب سياره صغيره تمشي على قضبان حديد
وراح تمشي وتشوف تماثيل لاهم شخصيات اثناء الثوره الفرنسيه وشخصيات اخرى

للاسف القسمين الي فوق ما صورتها لان كان ظلام وما يبين شي



بعدها نجي للامتع عرض 4D
اول مره بالنسبه لي
عرض عادي 3D
دعاية لاهم معالم لندن الشهيره بشخصيات كرتونيه معروفه
وخلال العرض راح يتفاعل المقعد الي انت جالس فيه بالاهتزاز واخراج الهواء ومرات تطلع ريحه ومرات رذاذ مويه يتفاعل حسب المشهد من الفلم
فبكذا تكون تقنية 4D
جدا مبهره وممتعه بالنسبه لي
كان شي واو واتركمم مع جولتي فالمتحف الي كان فيه ناس كثير وصرت اخذ صور على الماشي





























































































































































































































































بعد ما طلعت ودعوني الثلاثه الحلوين الي فوق

واخذت يسار اول ما طلعت ومشيت شويتين لين اخذت يسار مع شارع york gate
وصارت الريجنت بارك قدامي دخلت مع البوابه وتمشيت فيها وكانت حديقة جميله وكالعاده فيها الي يمشون وفيها الي يلعبون رياضات مختلفه وفيه الي يمشي حيواناته الاليفه
وفيه الي يسترخي كل شي موجود
تمشيت لين وصلت حديقة حيوان لندن
واترككم مع صور من الحديقة






























وصلت لـ London Zoo

قصيت تذكره لشخص واحد بـ 25باوند

واعطوني معها خريطه للحديقة وكم برشور تعريفي للحديقة

والحديقة جدا جدا كبيره راح تاخذ نصف يومكم لو انت شخص واحد واخذتها على السريع لو عائله بتاخذ منهم يوم كامل على ما اعتقد
لانها كبيره وفيها وسائل ترفيه ومطاعم وكافيهات وجدا حلوه لعشاق المشي

موقعهم الرسمي
ZSL London Zoo - Zoo in London - Zoological Society of London (ZSL)

مواعيد العمل من الساعه 10الصبح الى الساعه 6 مساءً
مع ملاحظة انهم يمنعون الدخول للحديقة الساعه ٥ مساءً








































































وبالاخير فيه ساعه حلوه اعجبتني حركتها فيها اشياء كثير تتحرك من الجنب والخلف والامام ما ادري كيف اوصفها بس الي شافها بيعرف








وخلصت جولتي هنا وبديت فطريق الرجعه الي موضح فالخريطه عند بداية اليوم
اخذت شارع prince albert
لين جاء دوار وكملت سيده مع شارع John's Wood Rd
لين تقاطع مع شارع العرب وامسك شارع العرب
لين شارع Praed St الي يقع عليه محطة بادنغتون
ثم الوصول للفندق وكم صوره












نزلت اغراضي وسيده لمطعم برجركنج
وبعدها كم شغله من السوبرماركت














بعدها كالعاده شور ساخن وتخطيط لليوم الي بعده وبعدها نومه


 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 08:51 PM   #4

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو


[gdwl]اليوم الرابع[/gdwl]

3 ديسمبر 2102

المخطط كالتالي :-

اكواريوم لندن
لندن دنجن
جسر البرج
المرور بجانب لندن آي + بق بن
عشاء من كنتاكي
سوبرماركت


صورة المخطط






اليوم الرابع وما زال النشاط مستمر وما زال اصراري على الروحه للمعالم السياحيه مشي
علشان اتفادا موقف الضياع الي صارلي فالاندرجراوند

صحيت الصبح اخذتلي فطور خفيف ساندوتش دجاج مع عصير

وطلعت من الفندق
بأتجاه الهايدبارك
واقتحمت الهايدبارك واحلى تمشيه فيها لين وصلت عند محطة Hyde Park Corner

ومسكت شارع البيكاديلي

لين اخذت يمين مع شارع James's St
وسيده لين قابلني شارع Pall Mall واخذت من عنده يسار

انا حاليا في تخبط مع الخرائط كل شوي كان يطلع مكان وطريق جديد
انا من زود الحرص قلت بمشي معه علشان لا اضيع

وتعديت الوجهه الي كنت بروح لها الي هي الاكواريم

وفجأه طلعت من ميدان ترافلجار

ومسكت شارع Northumberland Ave
متجه لنهر التايمز
وصلت للنهر واطالع يمين واشوف لندن آي والبق بن واخذت لها صوره للحين مامليت من تصويرها


















وما صدقت على الله قلت خلاص انا دليله فلندن
وعبرت مع جسر Golden Jubilee Bridges
للجهه الثانيه من النهر الي فيها الاكواريوم وعين لندن

ومشيت لين وصلت للاكواريوم

وموقعهم ولحجز التذاكر

https://www2.visitsealife.com/london...eneral-tickets

مواعيد العمل من 10 الصبح الى 7 المساء

اقرب محطة اندرجراوند Westminster







للامانه ما استهواني كثير مليت بسرعه حاولت اني اطالع يمين ويسار علشان احلل مبلغ التذكره
واخذت كم صوره لكن اغلب المكان كان ظلام
وانا ما قصرت شغال بالفلاش اتوقع ممنوع التصوير بفلاش لسلامة الاسماك بس انا ولا همني























































بعدها خلصة الجوله وكالعاده تنتهي بمحل فيها اشياء تذكاريه وبصراحه فيه اشياد احسن من الاكواريوم
جلست فالمحل اتفرج نص الوقت الي قضيته داخل الاكواريوم ومع ذالك ما شريت شي
وطلعت من المحل والجو فيه بروده لا يعلمها الا الله جاكيت قفازات دبل ملابس ما ينفع البرد داخل داخل فالعظام


قلت اخذ كم صوره من زاويه جديده للبق بن






الصور هذي بعد جسر Westminster Bridge
رجعت وكملت مع امتداده يعني خليت الجسر وراي ولندن آي يسار وكملت خلف لندن آي الخريطه فوق توضح






كملت مشي لين صار فندق بارك بلازا قدامي





كملت سيده وتعديته وصار خلفي الفندق ومشيت ومشيت بمتعه وبمناظر تنسي الواحد اي تعب وعطش وجوع

وصلت لجسر لندن او لندن بردج وكان على يساري بس قلت اول شي اروح الى London Dungeon
كملت طريقي شوي ووصلتوما كان فيه زحمه وما صدقت على الله سيده دخلت

موقعهم ولحجز التذاكر
The London Dungeon - One of London's Must-See attractions

مواعيد العمل من 10 صباحا الى 5 مساءً
تنبيه الموقع الحالي والي فالمخطط قديم
وضحت فالمخطط الموقع الجديد الي هو بجنب الاكواريوم


اقرب محطة قطارات Westminster










طبعا دخلت وخلوني انتظر لان فيه ناس قدامي فالنظام كان يدخلون مجموعه مجموعه
وانتظرت شوي لين تجمعو ناس معي ودخلونا وللآسف التصوير كان ممنوع لان فيه اشياء دمويه ووسائل تعذيب من القرون الوسطى
عاد انا خربتها مع الاكواريوم والسمك الي اعميته بالفلاش قلت ياولد صوره وحده ما تظر





كان جدا ممتع الجوله فيه نستني الجوع والبرد والتعب
واحلى شي فيه اللعبه الي فالاخير الي تطلع فوق وفجأه بدون سابق انذار تنزل تحت وبقوه كان الواحد طايح من فوق بيت
عاد كان شعور عجيب وناسه وقمطه بنفس الوقت علشان كذا قبل لا تركبونها بيخلونكم تحطون جوالاتكم وشنطكم فمنطقه قبل ادخول للعبه

وطلعت وكالعاده متجر
لفيت فيه فيه اشياء حلوه كثير واخذت لي كم غرض بس يوم شف الصور الحين استحيت ما اقدر انزلها


بعد ما طلعت كان فيه برج اعجبني قلت خلني اروح اصوره

لين وصلت وكان برج شارد الي كان لي زياره له فزياره لاحقه
طبعا كنت اشوفه اقول واو ايش هذا ما كنت اعرف اسمه








رجعت بعدها لجسر البرج Tower Bridge
وكان جميل جدا فالشكل
وكان فيه دخول للجسر والصعود للاعلى لكن للآسف ما كنت ادري عن الشي هذا

موقعهم و لحجز التذاكر
Tower Bridge Exhibition

مواعيد العمل من 10 صباحاً الى 5 ونص مساءً

اقرب محطة قطارات London Bridge





كان فيه بجانب الجسر الججهه المقابله المنطقه التجاريه فلندن الي فيها الابراج واخذت كم صوره لها
طبعا فيه ابراج مبين انها تنبني حاليا خلصت

















وفالجهه المقابله من النهر كانت البارجه بلفاستHMS Belfast والي كان لي زياره لها فروحه ثانيه

موقعهم واسعار التذاكر

HMS Belfast | Imperial War Museums

مواعيد الدخول من 10 صباحا الى 5 مساءً

وانصح فيها وبقوه ممتعه







رجعت من الجسر واخذت يمين متجهه الى مبنى بلدية لندن city Hall
شكل المبنى جميل والمنطقه الي حولها حلوها كلها مباني تجاريه كبيره







وصلت وكان المكان مليان ناس تصور النهر وجسر البرج والمنطقه التجاريه فالجهه المقابله من النهر









جسر لندن ( لندن بردج ) من الجنب





طبعا لقيت كوفي شوب حلو وفيه جلسات جميله اخذت هوت شكولت ورجعت اشوف الناس مستعدين يصورون شي فالنهر مدري وشو رحت مسرع ما ادري وش السالفه
فالحلقه الاخيره اتضح ان الجسر متحرك وينفتح كبوابه للسفن للعبور شي اول مره ادري فيه














اول مره اشوف سفينه عالطبيعه









وحل المساء وبدت اللمبات تولع وكان منظر المساء شي جميل والمنطقه كانت جدا حلوه














وبهنا تنتهي جولتي ورجعت مع نفس الطريق وما كان لي خلق اصور ، حطيت الكاميرا فالشنطه وجالس استمتع والجوع ذبحني
اخذت صوره وحده وبالجوال








وانا فالطريق جالس اقول فنفسي والله لارجع سيده لكنتاكي وبخربها واخذ سطل مليان دجاج هههههههههه مع بوب كورن

عرفتوه صح وهذا صوره له











وبما ان الكاتشب بفلوس وصغير من كنتاكي وما ينفع
قلت اخذ من السوبرماركت واحد كاتشب كبير مع بيبسي افضل








عاد ما يحتاج اقولكم وش صار

بعد الاكل تخطيط لليوم الخامس واحلى شور
وبعدها النوم

 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 08:52 PM   #5

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو


[gdwl]اليوم الخامس [/gdwl]

4 ديسمبر 2012

المخطط كالتالي:-

هايدبارك
جرين بارك
قصر باكنغهام
متحف natural history museum
العوده للفندق








صحيت الصبح وافطرت وقلت بسم الله وكان الجو جميل مشمس الى غائم لكن الصقيع والبرد حاضر

طلعت من الفندق وكانت الوجهه الهايدبارك وكانت نقطة العبور الافضل بما اني رايح لقصر الباكنغهام ، فخليتها تمشيه واستمتاع لين خرجت من الهايدبارك مع شارع Park Ln
قبل فندق The Park Lane Hotel Hilton





خلال المشي فالهايدبارك قابلت السنجاب اللطيف واول مره اشوف واحد قدامي





طبعاً هنا كنت مقرر اصوره فجأه انطلق مع تصويري له قسسم بالله اني مت من الخوف
قلت بس بموت









ونكمل تمشيه و الصوره تتحدث عن الجو





كيف الاحترافيه هنا
فالخلف فيه ملاهي صغيره مو كبيره









تماثيل ونافوره بنفس الوقت





مشيت لين وصلت للميدان الي كله تماثيل Wellington Arch
بعدها اخذت يسار مع البيكاديلي مروراً بفندق Park Lane Hotel


The Park Lane Hotel, London | Sheraton Hotel | Best Rates, Guaranteed.










ودخلت مع احد بوابات حديقة Green Park متجهه لقصر الباكنجهام وطبعا تمشيه خفيفه فالحديقه لين الوصول

لقصر الباكنغهام

موقعهم ولحجز التذاكر للدخول داخل القصر
https://www.royalcollection.org.uk/v...kingham-palace

طبعا فيه تذاكر مختلفه جوله كامله او جوله فالغرفه الملكيه او جوله لاستعراض حراس

اوقات العمل من 9ونص صباحاً الى 4 ونص مساءً
مع الاخذ بعين الاعتبار ان الاوقات تتغير بحسب الاجازات والعطل الرسميه والمواسم
اقرب محطة اندرجراوند فيه كذا محطه قريبه تقريبا نفس المسافه واختر الاقرب لك
Hyde park corner و St. James’s Park و green park




وكانت زحمة ناس واخذت كم صوره وتمعنت شوي وانتظرت العرض حق تغيير الحرس وانتظر وانتظر وما فيه اي شي ومشيت انتظرت من ١٠ صباحاً الى ١٢ الظهر والعرض المفروض ١١ او ١١ ونص
كنت جاي علشان العرض وللاسف ما كان فيه شي هذاك اليوم
























بعدها قلت يالله الى متحف natural history museum التاريخ والطبيعه



رجعت مع نفس طريقي من خلال حديقة Green park وصلت لساحه التماثيل واخذت يسار مع شارع knightsbridge وكان على يميني محطة اندرجراوند hyde park corner
كملت طريقي مع شارع knightsbridge وجتني محطة اندرجراوند knightsbridge وبعدها مشيت مشيت مشيت لين بغيت اكنسل الروحه للمتحف تعب والله بس كملت لخاطر الوناسه ،،، بعد مسافه طويله من المشي ظهرت معالم المتحف على اليمين وقفت استريح واخذ نفس
بعدها للمتحف وكان الدخول مجاني واعجبني
وكان فالمتحف وجميع المتحاف الي زرتها مدارس جايبين الطلاب من جميع الاعمار
شي جميل
الي اعجبني خصوصا كان اغلبه التماثيل متحركه ومحاكاه للواقع ايام زمان والديناصورات تتحرك شي جميل
االمتحف كان كبير جداً


موقعهم الرسمي
Home | Natural History Museum

اوقات العمل من 10 صباحاً الى 5:50 مساءً
اقرب محطة اندرجرواند South kensington London






































بعدها خلصت جولتي فالمتحف


و رجوع للفندق من خلال الهايدبارك والي اخذتها تمشيه ما مليت منها











بعدها وصول للفندق وشور وعشاء الي ما اتذكر ايش كان وبعدها للنوم



 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 08:53 PM   #6

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو


[gdwl]اليوم السادس[/gdwl]

5 ديسمبر 2012

كان يوم راحه
غيرت الفندق الى فندق ادوارد بادينغتون

Hotel Edward Paddington

https://www.booking.com/hotel/gb/hot...feb9e6e;dcid=5






والي ما انصح فيه ابداً الي خلاني اروحله سعره مقاونه بغيره ونفس المستوى


قريب من الفندق الاول وقريب من محطة بادنغتون وقريب من الشارع الحيوي praed St

بعدها قضيتها تمشيه فالمنطقه القريبه من الفندق وقليلا من الهايدبارك وبعدها قضيت اغلب اليوم فالفندق متسدح ومعين خير


استجمام بعد 5 ايام مشي فشوارع لندن

 

فارس الجبيلمعجبون بهذا.

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 08:54 PM   #7

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو


[gdwl]اليوم السابع [/gdwl]





6 ديسمبر الى 13 ديسمبر 2012

المخطط كالتالي :-


الذهاب الى محطة قطارات
London Euston والذهاب من لندن الى جلاسجو
قضى ٧ ايام في جلاسجو




جلاسجو

مدينة بريطانية تقع في جنوب إسكتلندا ويبلغ عدد سكانها 607.192 نسمة هي أكبر مدن إسكتلندا وثالث أكبر مدن المملكة المتحدة.





الساعه ٤ الفجر
قلت امشي لمحطة London Euston
علشان الحق على القطار بدري وامشي بدري واوصل لجلاسجو بدري

مع العلم اني ما حجزت اون لاين ولا شي قلت اروح اقص من محل التذاكر او من الآله
اخذت تاكسي والى محطة London Euston

ما اتذكر كم اخذ اظن ١٥ باوند









[gdwl]موقف[/gdwl]


وصلت والدنيا ظلام اقصد المحطة نزلت واسحب فالشنطه الي يشوفها يشك ان معي مصيبه

شفت لوحة المحطة وراعي التاكسي قالي وين الاقي البوابات للمحطة الي كانت قدامي فعلياً ما يحتاج وصف

رحت اشوف البوابه الدنيا ظلام اخذت لفه على المحطه من الخارج طبعا تركت شنطتي وكل العفش فالجهه الاماميه من المحطه هههههه
صقيع مت من البرد ما عاد فيني اسحب الشنطه
تركتها واخذت لفه ما فيه اي بوابه
طلع فيه ٢٠ الف بوابه بس المحطه نفسها مقفله وما تفتح الا الساعه ٧ او ٧ ونص

والله وكيلكم رجعت للشنطه ولقيتها مكانها مسكت لي زاويه عند محل وحطيت الشنطه من جهه والجدار من جهه علشان البرد وجالس انتظر وانتظر وانتظر
صرت ارتجف مو اي رجفه صرت اهز الي يشوفوني يقول هذا يرقص ههههههه
والله ما امزح

بعد انتظار بدا الناس تجي وبعضهم معاهم زي البطانيات صغيره من البرد
الزبده اكلت هواء بارد لين قلت بس

فتحت المحطه دخلت سيده مو اخذ تذكره جالس ادور كوفي شوب ابغى شي حار
لقيت كوفي شوب اخذت هوت شوكلت ما نفع رجعت اخذ واحد ثاني ما نفع قلت اغير الكوفي شوب لا يقولون هذا انهبل
رحت كوفي شوب ثاني واخذت موكا اسوي تمويه هههههههه

الزبده اني ما زلت بردان وارتجف
حتى اتذكر اني تركت شنطتي وسط المحطه ورحت اركض ابغى شي ساخن من الكوفي شوب
رجعت للشنطه لقيت الحراس الي فالمحطه واقفين قريب منها
يوم شافوني قالو الشنطه لك قلت ايه قالو ليش تاركها هنا
قلت رحت اخذ شي حار
قالو ما تخليها في اي مكان مهما كان ممنوع

انا تآسفت وحاولت اني ما اخذ واعطي كثير خصوصا اني ما زلت ارتجف قلت لا يشكون فيني
اخذت الشنطه وللجهاز حق التذاكر
الي شكله زي هذا




وفيه الثاني حق virgin train






[gdwl]موقف[/gdwl]


يوم جيت اختار جلاسجو طلع لي اكثر من محطه
في السنترال
او المطار
او شارع كوين

انا خفت وقلت لا اجيب العيد واروح مدينه ثاني
كلها فجلاسجو اللهم ان النزول بيكون في مناطق مختلفه
ما كنت اعرف اول مره استخدم قطار
علشان لا اتوهق كان فيه وحده وراي قلت لها ابغى تذكره لجلاسجو بس ما لقيت جلاسجو فالخيارات
ما قلتلها الحقيقه علشان تضبطني
شوي وقالتلي وين تبي تنزل فجلاسجو
وقالتلي نفس الخيارات الي شفتها وتوهقت
انا رديت بكل برآه مدينة جلاسجو
قالت تبغى السنترال قلت ايه
وانا والله ما ادري وش الطبخه
وقالت خلاص ادفع
ودفعت حدود ١٢٥ باوند هذي ضريبه الي ما يحجز بدري

اخذت التذكره ورحت للموظف اسأل وين قطار جلاسجو
ما كنت اعرف ان فيه شاشات وتشوف الوقت ومدينه الوصول وهالامور
علمني الموظف الطريقه ورحت وجلست واقف قدام الشاشات لين لقيت جلاسجو
ومكتوب الوقت واي بلاتفورم
بعدها جاء القطار الي كان من شركة فيرجن




قطارارت فيرجن معروفه انها اقل توقف
فيه خيارات ثانيه لشركات القطارات بس مره متعبه اغلبها فيها تغيير قطار وتوقف كثير

وركبت ورحت مسكت كرسي فيه مدخل للشاحن

والشنطه اول ما دخلت فيه مكان مخصص لها قبل المقاعد حطيت الشنطه فيه

انا اللحظة هذي فيني شعور غريب عجيب ووناسه اول مره اركب قطار
انطلق القطار وسبحان الله مناظر ولا فالخيال طبيعه امطار ثلوج
رحلة ٥ ساعات ونصف بدون تغيير القطار
فقط توقف عند محطات معينه تحميل ركاب وامش
استمتعت بالمناظر
الى ان وصلنا جلاسجو
وهذي مقتطفات من القطار










البيوت عندهم ومنظر القرى شي اليم ودي اعيش هناك




















[gdwl]الوصول الى جلاسجو والمخطط [/gdwl]






فعليا ما كان فيه مخطط خليتها تساهيل وعلى الكيف
خصوصا اني بقابل كم اسكتلندي اعرفهم من مده

والمخطط الي فوق توضيح للاماكن الي مريت عليها



شكل العمله الورقيه لاسكتلندا يختلف عن انجلترا
العملات الورقيه والمعدنيه
لكنها مقبوله في اي جزء من بريطانيا يعني ما تفرق عادي











وصلت جلاسجو اخذت تاكسي من محطة السنترال بـ ٦ باوند والى شقق كنت حاجز فيها


Dreamhouse Apartments Glasgow West End






كتبت تقرير وتقييم عن الشقق الي حاب يشوفه يتفظل

شقق في جلاسكو Dreamhouse Apartments Glasgow West End
http://www.arabtrvl.com/vb/t4032.html





[gdwl]موقف[/gdwl]

كانت تمطر اول ما وصلت والارض كان فيها طبقه جليد

قابلتني صاحبة الشقق اول ما نزلت من التاكسي

وقالت اساعدك فالشنطه قلت لا ثقيله انا بشيلها

قطعة الشارع وجيت بقطع وراها

وصار الي ما كان فالحسبان

ما كنت ادري ان فالارض جليد وقلبتها سكيتنق انا والشنطه

صاحبة الشقق ما قدرت تمسك نفسها ضحكت وقالت تبغى مساعده

انا اعطيتها ابتسامة الي مدرك الوضع وقلت نو نو انا اوكي

والحمدلله وصلت للرصيف الي ما بغيت اوصله

حبيت الطف الجو و ارقع السالفه قلت فيه محل يبيع الجزم مانعه للتزحلق عاد انا من جدي اذا هذس اولها كيف تاليها



دخلنا وسويت تشك ان وعرفتني على الشقه ومشت
وكانت اطلاله الشقه على التقاطع الي زحلقت فيه

وجالس اطالع للناس وابشركم حتى الناس يتزحلقون والي طايح والي ماسك عامود جلست ساعه كامله اضحك واطالع الناس









[gdwl]هنا عاد يبدأ كوكتيل من التمشيات مرات لحالي ومرات بصحبة شباب اسكتلنديين يعني ما فيه اي مخطط معين
راح ابدأ احط الصور للاماكن الي زرتها ونبدا[/gdwl]




احد اهم واجمل الاماكن في جلاسجو نهر كلايد River Clyde الي يقسم جلاسجو الى قسمين

والتمشيه جميله جدا عليه خصوصا ان فيه معالم كثيره تقع على النهر ، وانا كل يوم لازم امر عليه متعه












مباني شكلها غريب










وهنا جسر Squinty Bridge
















ذي الصوره خقيت معها كيف التصوير بس والخلفيه والسياره










الصوره القادمه الي على اليمين مبنى SECC الي على اليسار تحت الانشاء ما ادري ايش بالضبط

















مبنى الــ BBC


















وهنا فندق Crowne Plaza Glasgow

موقعهم
Crowne Plaza Glasgow - Glasgow, United Kingdom



















جسر للعبور للضفه المقابله وفيه جسور كثير















وهنا مبنيين الطويل Glasgow Science Centre مركز العلوم
والثاني المبنى الي كأنه دائري Cineworld Cinemas - Glasgow IMAX at GSC سينما








































صور من بعيد لمنطقة

PARTICK














المبنى القادم هو قلب وروح صناعة السينما و التلفزيون في اسكتلندا




















مبنى العلوم كان فيه زياره من روضه او مدرسه للاطفال




















وهنا صور من زيارتي لمتحف الريفر سايد
Riverside Museum
متحف جميل عن وسائل النقل في بريطانيا ايامم زمان



















































وهنا صور من حديقة Kelvingrove Park الي كان فيها آثار للثلوج































شخص مع نزهه للكلب
وما كان منه الا ان اعطاني ابتسامه ( اشخاص ودودين جدا الاسكتلنديين )


















اول مره اشوف ثلج اعطيته صور فجميع الوضعيات










نهاية الحديقة













صور من جوله في بعض الشوارع
































هنا غيرت من الشقق ورحت فندق Glasgow Pond Hotel






وسويت عنه تقرير كامل مع التقييم الي يحب يشوفه يتفضل

فندق في جلاسكو Glasgow Pond Hotel

http://www.arabtrvl.com/vb/t5254.html






وهنا صور لبركه او بحيره صغيره بجنب الفندق متجمده وجميله جداً

اسمها Bingham's Pond


































































[gdwl] لحظة جميله [/gdwl]

يوم من الايام رجعت للفندق ولقيت عربه وسياره كبيره تنزل خيول استغربت
وجلست اشوف وش السالفه
بالاخير اتضح لي ان فيه حفل زفاف بالفندق والعربه والخيول هذي العروسه راح تركب فيها وتجي للفندق

كان جو جميل واول مره اشوف زفاف اسكتلندي وعربه وخيول












































كان جدا ممتع خصوصا المزمار الاسكتلندي































طبعا للحين ما قد شفت ثلج يتساقط قدامي واسكتلندا معروف عنها ثلوج اكثر من انجلترا
كنت كل يوم اشوف الطقس وانتظر ثلج
لين جاء ذاك اليوم واشوف الثلج يتساقط امامي لاول مره شعور جميل طلعت الساعه ٣ الفجر وتصوير وحبتين مو مصدق


















































متحف الفنون Kelvingrove Art Gallery and Museum
















كان اكلي الشبه يومي
هوت شوكلت مع ساندوتشات صغيره من السوبرماركت مع شوية فواكه ومويه






















حان وقت الرحيل والرجوع الى لندن
جلاسجو مدنيه جدا جميله بالنسبه لي
اعجبتني كثير وتكررت زيارتي لها ٣ او ٤ مرات



اخذت تاكسي والى محطة جلاسجو سنترال و قصيت تذكره الى محطة لندن ايوستن عن طريق فيرجن













المره هذي المناظر فالطريق كانت جدا اليمه ابداع الخالق جميع انواع الطقس مرت علي





























وصلت الى لندن واخذت تاكسي والى الفندق









 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 09:00 PM   #8

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: الحلم يتحقق بدون تخطيط لندن - جلاسجو



[gdwl]اليوم الثالث عشر 13 [/gdwl]

13 ديسمبر الى 17 ديسمبر 2012

المخطط كالتالي:

لم يكن هناك جدول محدد او مخطط
كنت اقوم الصبح كل يوم واطلع من الفندق تمشيه وكانت لي زياره ثانيه لاغلب الاماكن الي رحت لها الايام الاولى







الهايدبارك
نهر التايمز
لندن آي
ساعة بق بن
ساحة ترافلجار وكان فيها احتفالات للكريسماس
Piccadilly Circus

قصر باكنجهام
شارع اكسفورد
شارع البيكاديلي
حديقة Kensington Gardens
حديقة Green Park
حديقة St James's Park
حدائق Buckingham Palace Gardens



السكن في فندق ذا بارك جراند لندن




سويت تقرير وتقييم عنه تفضلو

فندق Park Grand London Hyde Park

http://www.arabtrvl.com/vb/t2775.html












وهنا صور منوعه من الايام الاخيره




ساحة ترافلجار واحتفالات الكريسماس

























صور متفرقة لزياره لندن اي وساعه بق بن ونهر التايمز






































































































































وقررت اني اشتري حق الكريسماس اعجبني شكله







فالقطارات دايم اخذ من الكيك هذا طعمه اليم












واخر يوم كان الوداع 17 ديسمبر واحس اني ما ابغى امشي خلاص انا انتمي هناك شعور اي واحد يحب ديره ثانيه
الزبده ان الرجوع كان غصب
كانت رحلتي الساعه 8 فالليل سويت تشك اوت من الفندق و خليت الشنطه عندهم رحت اتمشى واخذ كم هدية رجعت الفندق اخذت الشنطه والى المطار


لندن هيثرو الى جدة







واصعب شي لمي تشوف الشاشه هذي فالرجعه








انتهـــي التقرير

اتمنى اني وفقت فالطرح كان ودي انزل فديوهات كثير لكن الوقت ما اسعفني وان شاء الله يتم وضعها في وقت لاحق

اي ملاحظات او استفسارات او تصحيح لاي معلومه اتمنى طرحها



the end
MOHANAD



 

توقيع : MOHANAD

MOHANAD غير متواجد حالياً   رد مع اقتباس
قديم 29-08-2015, 10:25 PM   #9

المدير العام

 
 
تاريخ التسجيل :  Dec 2014
رقم العضوية : 15
المشاركات : 15,888



افتراضي رد: الحلم يتحقق بدون تخطيط لندن - جلاسجو


يسعد لي مسائك

كعابي يا رجل كل الرحله

يعجبني صراحتك بالمقدمه
البعض يتخوف أو يتعايب أنه يذكر أنه أول مره سافر

يعجبني اصرارك بالسفر لوحدك

صدقني مسأله حظ ولا تنسي ان وقتك ما كان فيه موسم للسفر

جرب واحجز لتركيا قبل الرحله بأسبوع وشوف الفرق

خخخخخخخخخخخخخخخخخخخخخخخخخخخخخ يا اخي رفعت ضغه انت تجهز شنطه وانت تكت ما قصيت وش ذا

زين طحت بناس أمينه وذكروك بفلوسك

صدقني كرت الفندق أخذ منه دائما أكثر من كرت علشان ما أضيع ما تدري وش من موقف بيواجهك

خخخخخخخخخخخ اجل طفشت الخلق كل شوي تسال عن الهايد بارك
المعامله الحسنه ترغمك أحاينا العوده للمحل

من التعب هالنوم

هي تجربه يا باشا بس تعب مشي وانت شاري بطاقه ليتك سألتك مثل ما سالت عن الهايدبارك كل وقت

والله يا انت مشيت مشي يا شيخ

عاد مغامره روحه بدون تقص تذاكر القطار لجلاسجو

ما الومك من البرد

خخخخخخخخخخخخخخخخخخخخخ تمويه الكوفي قسما ضحكت يا شيخ

زين يا مصرف علي التذكره وخليت البنت تقطعها لك


الحمدلله مو لحالك يتزحلق

بس احلا ما فيك تعلمت كيف تقطع تذكره بعدين وتتصرف ترجع الي لندن

ليش متخوف من الاكل


مهند كل الشكر لك علي ما قدمته وما تقدمه دائما للبوابه

تحياتي لك

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل غير متواجد حالياً   رد مع اقتباس
قديم 29-08-2015, 11:04 PM   #10

مسافر متميز

 
 
تاريخ التسجيل :  Jan 2015
رقم العضوية : 1440
الجنس : ذكر
المشاركات : 107



افتراضي رد: الحلم يتحقق بدون تخطيط لندن - جلاسجو


تقرير رائع وممتع سلمت أناملك

 

المسافر الإقتصادي غير متواجد حالياً   رد مع اقتباس
إضافة رد

الكلمات الدلالية (Tags)
لندن،جلاسجو،بريطانيا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
استفسار بسيط بخصوص المصروف اليومي في لندن .. الى خبراء لندن !! omar1987 اوروبا 7 05-10-2015 09:28 PM
ركبة الجمل وركبة الثعلب توبليرون عام 24 25-08-2015 02:49 AM
تخطيط لرحلة لندن A.s اوروبا 4 17-08-2015 11:22 PM
تركيا ... حلم يتحقق ،،، وشوق يتجدد أبوعهود تركيا 98 15-06-2015 03:26 PM

الساعة الآن 04:15 PM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO