بلاكبول ( رأيي بصراحة )

AHMEDOOV · 09-09-2015, 12:02 PM

اقتباس : المشاركة الأصلية كتبت بواسطة ابو عبدالله

حياك الله ... فعلا الحماس الزايد مشكلة وانا اخاف اني اثرت حفيظة عشاق بلاكبول ...
ويندرمير اذا انت من اللي يحبون الطبيعة وراعي كشتات ومشي فعز الله انك تبي تنبسط مررره ... وبالنسبة للبرد فانا يوم اروح الاسبوع الماضي كان جوها حلو مره ولابسين صيفي ... بتنبسط من المناظر ومن الريحه والهواء المنعش ...بس الله يرزقكم جوا حلو ومايكون هوا .. واذا انت متردد تروح او لا فهي ترا مشوار ساعه ونص تقريبا بالسيارة من مانشستر وفيها محطة قطارات ( تروح اول النهار وترجع اخره ) بس انصح يكون معك سيارة لانها ماتصلح بدون سيارة عشان تتمشى زين وتوقف بالطريق لان فيه اماكن كثيرة تستحق التوقف لوجود اطلالات رائعه وجدا مميزة وان كان يعيب الطرق هنا عدم وجود مواقف عند هذه الاماكن بس مجرد انك تقفل القارمن هناك وتمشي بلا وجهة محددة هو نعيم واحساس جدا حلو فالجمال لايفارقك مقرونا بالنظافة ... انا رحت تمشيت بدون احداثيات او توصيات وعقدت النية على العودة لها لوحدها - بس ترا لازلت اؤكد ان المنطقة ريفية يعني من الساعه خمس العصر( قبل المغرب بثلاث ساعات يمكن ) يبدون يقفلون محلاتهم ...المنطقه جميله مررره ( بالنسبة لي من جنان الارض ) وحسافه اللي يروح قريب منها مايمر عليها

الف شكر لجميل حضوركم ومشاركتكم ... واعتذر كاني زودتها شوي
بس الموضوع ماخذ طابع هجوم ودفاع بس بشكل ودي

الله يجزاك خير و ماقصرت ،،
مابيكون عندي سياره ، هل يوكد هناك مطاعم و كوفي شوب حول البحيره ؟ و هل باستطاعتي الذهاب لمحطه القطار مشي ؟
و بيض الله وجهك ،

Sent from my iPhone using Tapatalk