السلام عليكم ورحمة الله وبركاته :

هناك خيارين :


الاول :

على حسب علمي المناسب لكم اليورويل سيليكت ..لأربع دول ..ممكن تخلوها ايطاليا سويسرا فرنسا المانيا ..لمدة ستة ايام ...او خمسة ايام اذا كنتم بتروحو باريس بالطائرة .

لمدة ستة ايام
الشباب ب 296 يورو درجة ثانية
الكبار 26 سنة واكثر 452 يورو درجة اولى

لمدة خمسة ايام :
الشباب ب 271 يورو درجة ثانية
الكبار 413 يورو . درجة اولى


(مشكلة الكبار لا يوجد لديهم درجة ثانية )


الثاني :



بينما لو اخذتم كل دولة على حدة :
ايطاليا لمدة اربعة ايام بـ
174 دولار
213 دولار

سويسرا ثلاثة ايام
179 فرنك
210 فرنك

================================

لو افترضنا شخصين شباب وشخصين كبار :

باستعمال اليوريل باس لأربع دول لمدة ستة ايام :
2488 + 3800 = 6288 ريال



باستعمال كل باس على حدة ايطاليا سويسرا :
1304 + 1596 + 1374 + 1614 = 5888 ريال .


*الاسعار مع التحويل الى الريال السعودي ..بتاريخ اليوم


==============================

تقريبا الاسعار متقاربة ..لكن ..توجد ميزة في اختيار الخيار الثاني وهي ..ان الباس السويسري يغطي التنقل الداخلي للمدن ...بينما الباس للدول الاخرى لا يشمل ..حتى الباس الايطالي لا يشمل داخل المدن ..فقط قطارات .


ولكم حرية الاختيار ...وانتبهوا على شغلة ان اليورو باس ما تشتروه من اوروبا ..عن طريق النت او عن طريق وكيل .



وبالتوفيق

الله يسعدك اخوي وين مارحت ..
انا كلمت مكتب السياحه الرميزان الظاهر اسمه
وقاللي الهندي باس ايطاليا يشمل التنقل الداخلي ��؟ ..

الداخلي اش اخذ تاكسي او مترو. احنا صرنا 5 اشخاص
3تحت 26
و. 2 فوق 26
تتقريبا كم يطيح علي لو نستاجر سياره
الصدق اني حاطه استاجر السياره اخر خيار ..ماودي ماعرف كيف سواقتهم في ايطاليا خصوص ا

وياكم يا رب .

لو انا منكم استأجر سيارة مافيها كلام ..أوفر ..ولكم حرية التنقل بالوقت اللي تشوفوه مناسب لكم .
والسواقة أبدا لا تشيلون هم ..نفس اللي عندنا ..مافي اي اختلاف ..بس تعرفو كيف نظام المواقف ونظام الدفع بالبوابات في ايطاليا ...وستكر الخطوط السريعة في سويسرا ...وخلاص .
طلبات الاستئجار ..رخصة محلية + دولية + بطاقة فيزا ائتمانية .
وعندكم شركات كثيرة ومنها سيكست وهيرتز وبدجت ويوروب كار .



على العموم ..شبكة التنقل داخل المدن اللي راح تزوروها تراها قوية ..اما باصات او ترام او ميترو .
اما معلومة ان اليوريل باس ما يشمل التنقل الداخلي هذه انا اخذتها من مواقع اليورويل باس ...والعلم عند الله .
اذا مكتب السفر يضمن لكم هذه ..عاد فيها كلام ثاني ..لكن بصراحة انا ما جربتها .

============

بالنسبة لايجار السيارة ..شيكت على موقع سيكست لقيت السعر ب 2000 ريال تقريبا شامل اقل تغطية تأمينية .
لمدة عشرة ايام
استلام السيارة من لوقانو ..والتسليم في مطار زيورخ .


لو استلمتم السيارة من ميلان ورجعتوها في زيورخ ..السعر راح يزيد كثير ..لأن الاستلام والتسليم في دول مختلفة .
لكن تطلعو الى لوقانو ..تبعد 75 كم عن ميلان شمالا ..وتستأجرو السيارة ومنها الى سويسرا .


ادخلو على مواقع الايجار وحطو تواريخ سفركم والسيارة المناسبة وشوفو كم يطلع السعر معاكم .

وبالتوفيق