ابرار شكرا على الموضوع الجميل
والله في ايام الغربة كنت طباخة فاشلة
بالاصح ما كنت احب المطبخ و الله رزقني بصديقة كل مرة تتفنن في اكله
وانا كنت ادفع فلوس المقاضي للاكل هههههههههههههه

بديت اطبخ من بعد ما عيالي كبروا على اكل البيبي فود
و اغلب طبخي برمضان عشان الايام العادية وقت الغدا اكون في الدوام للاسف


عشان جذي اغلب طبخاتي سهلة و خفيفة ... و تنفع للمغتربين و العزابية و الموظفات هههههههههههههههههه



اسهل طبق و كثير يطلبونه مني

باستا بالمكس صوص


اي نوع باستا مسلوقة .. و بعد ما اصفيها من الماي
اذوب عليها ملعقة زبدة عشان ما تتلصق في بعض

الخلطة او الحمسة
بصل مفروم و ثوم احمسهم لحد ما يذوبون
بعدين اضيف مشروم

ممكن وياها دجاج مقطع صغار .. او سجق و ممكن نكتفي بالمشروم

لحد ما يذوب المشروم و ينطبخ الدجاج او السجق

بعدين سر الطبخة
كوب او كوب ونص صلصة بيتزا جاهزة (فيه اكثر من ماركة)
و كوب كريمه حامضة Sour Cream ...
ممكن نحط كوب كريمه طبخ و لكن الكريمه الحامضة تعطيها نكهة حلوة

ونخليهم يطبخون شوي مع بعض

و اخر شي نضيف الباستا او المكرونة المسلوقة
ونخلطها خلطتين على السريع عشان ما تتكسر ويانا
و نضيف عليها موزوريلا


و بالهنا و الشفا



و ان شاء الله قريب احط وصفة كروسون محشي