ما سويت الا الواجب اخوي وانا اكتب جدول يناسب قرب الاماكن من بعض بحيث تستفيد من الوقت وتستمتع واراعي ان وقت الظهيره تكون بمجمعات بعيد عن الشمس وبما انك وسط دبي ممكن تستغني عن السياره في مشوار او اثنين ترتاح من زحمه دبي وبنف الوق العائله تجرب شي جديد يعني ممكن تروح الامارات مول بالمترو تجربه حلوه او ممكن تروح دبي مول بالمترو وللعلم ان محطه دبي مول اذا وصلتها لازم تنزل وتمشي مسافه وتمر في بوليفرد الشيخ محمد ويعتبر من افخم شورع العالم يعني مممكن تمشي 10 د على الاقدام

نرجع لليوم الرابع اذا حابيت تستمتعون بالسباحه ممكن تروح وندرلاند وهي عباره عن العاب مائيه والعاب كهربائيه فترة الصبح او الظهريه وبعدين تتوجه لقرية اليوم ملاصقه للملاهي وتستمتع بالغدا في مطعمها او تتغدلى في سفينه وسط الخور
انت وامكانيتك واللي تحب

:: Al Boom Tourist Village ::

هذا موقع القريه علشان تستفسر او تحجز قبل ماتروح
وبعد كذا في خديقه الخور بعد ملاسقه لمدينه الملاهي وفيها تلفريك ممكن تركبه وفيها عروض للدلافين ممكن تحجز من النت وتحضرها وهذا موقع الكتروني فيه رحلات وعروض ممكن تتصفحه او تاخذ الرقم وتتصل افضل

http://wonderbusdubai.net/arToursAnd...aspx?TourId=34


وبكذا ما راح ازيد لان اليوم فيه فعاليات وممكن تاخذون لكم عشا سفاري وترتاحون


اليوم الخامس ممكن تختار مجمع تتغدا فيه او مطعم يطل على شاطئ الجميره وتتوجه بعدها للمجمع التنين (السوق الصيني ) طبعا غني عن التعريف وممكن اذا خلصت وطبعا راح ياخذ وقت طوييل ممكن بعد ماتخلص منه تتوجه سوق نايف اذا حاب تكمل تسوق او تروح للكورنيش القريب من سوق نايف وتتمشى فيه وتلقى مطاعم كثير اختار واحد او ممكن تروح فيستفال سيتي لانه اقرب مجمع من الشوق الصيني هذا اليوم راح تكون المشاوير بالسياره طويله لان السوق الصيني بعيد شوي

اليوم سادس راح اخليه يوم مفتوح اذا تحب تعيد زيارة مكان اعجبك او تبي تروح مكان انا مذكرته
واليوم السابع راح يكون المغادره للوطن

طبعا يوجد في دبي مدينه مائيه هي الوايلد وادي جميله وممتازه قيبه من برج العرب وانا ماذكرته واخترت الثانيه لان عندها اكثر من فعاليه قراب من بعض
وممكن تقضي يوم كامل بفندق اتلانتس وفيها حوض سمك كبير ومدينه مائيه ومطاعم لان تحتاج ميزانيه كبيره فيها شاطئ مجاني ممكن تزوره ويوجد شاطئ الجميره المفتوح شاطئ عادي للمشي والسباحه وركوب الدراجات توجد مطاعم مطله عليه اطلالتها حلوه الشاطئ احس انه داخلي يعني ماعرفت اوصله بسرعه هههه كانه مختبئ قريب من مسجد الجميره
يوجد حديقه حيوان لكن للاسف لاتليق بمدينه دبي جدا عاديه واقل من عاديه وهذا الشي المحتاج لتطوير
من المجمعات الموجوده في دبي وماذكرتهم مجمع مرديف سيتي سنتر ومركز ميركاتو على الطيراز الايطالي فيه سينما ومطاعم هادي ورايق ممكن يكون محطه للغدا قريب من سوق الجميره
ودبي اوت ليت مول بعيد عن دبي 15 دقيقه يوجد به مركز العاب للاطفال شكس شيز وهو قريب القريه العالميه

وللعل في هذه الفتره القريه العالميه وحديقة الزهور مغلقه لذالك لم يتم ذكرها

اتمنى ان اكون ساعدتك ان اصبت فهذا من فضل ربي وان اخطأت فمني فعذرا اخي واي استفسار فانا بالخدمه وممكن تغير الجدول حسب ميزانيتك وعدد اطفالك واعمارهم ورحله موفقه باذن الله ويحفظكم المولى