03-10-2015, 06:14 PM
|
#1 |
عميد العرب المسافرون
تاريخ التسجيل : Dec 2014 رقم العضوية : 129 الدولة : الامارات الجنس : ذكر المشاركات : 2,034
| أوسـمـة: مقدام |
كل الاوسمة:1 (more»)
| | 
اليوم التاسع .. الجمعه 28 أغسطس 2015
عملنا تشيك اوت من الفندق وقبل مغادرة سان فراسيسكو قلنا لازم نمر على زيارة شارع لومبارد الشهير شارع لومبارد Lombard St شارع جميل ينزل من الهضبة الى الأسفل عبر منحنبات مزينة بالاشجار والازهار وهو من المعالم السياحية الشهيرة في سان فراسيسكو  وهذي صورة من بداية النزول في شارع لومبارد وتشوفون من بعيد برج النهضة التذكاري
غادرنا سان فرانسيسكو وبدون ما نحجز فندق لهذا اليوم وقلنا وين ماتغيب الشمس علينا بنشوف اقرب منطقة او فندق وبنحجز فيه وهذا مخطط سيرنا 1- ممشى وشاطي Santa Cruz Beach Boardwalk N 36° 57.870 W122° 01.137
2- محمية Point Lobos State Natural
N 36° 30.953 W121° 56.273
3- جسر Bixby Bridge
N 36° 22.285 W121° 54.103
4- شلال McWay Falls N 36° 09.492 W121° 40.220 5- قرية مورو باي Morro Bay N 35° 22.119 W120° 51.239 خريطة لخط سيرنا
بعد ما طلعنا من سان فرانسيسكو وقفنا نتريق في ستاربكس واللي كان على الطريق قرب مطار سان فراسيسكو
وصلنا لممشى وشاطي سانتا كروز واللي يبعد عن سان فراسيسكو 76 ميل حوالي ساعه و 20 دقيقة
وما كان عندنا معلومات عنه وسمعت عنه من واحد امريكي من اهل نيويورك كان راكب معانا في جولة الباص
السياحي بالأمس وقال لنا شاطي حلو وفيه حديقة العاب على البحر .. ووضعناه في المخطط
الممشى حلو وفيه مجموعه من الألعاب على الشاطي
وهذي بعض الصور
بعد جولة في الممشى وعلى الشاطي وركوب بعض الألعاب
واصلنا سيرنا وفي الطريق شفنا بعض السيارات المتوقفة في المزارع وفي اكثر من مكان
كل ما نمشي شوي نشوف مجموعه من السيارات موقفة
قلنا بنشوف شو عندهم ( تذكرت مزارع سويسرا اللي فيها قطف التوت والفراولة )
احداثيات المزرعه N 36° 50.293 W121° 46.141
قربنا منهم ووقفنا السيارة ونزلنا نمشي واشوف المزرعه كلها فراولة  
وصلنا عندهم واشوفهم كلهم مكسيكان .gif "(57)") 
نكلمهم انجليزي وما حد يفهم  كت سترابيري او باي سترابيري ( نقدر نقص فراولة او نشتريها )
اشروا على واحد المسؤول ونفس الشي ما يفهم
اشرت على كرتون الفراولة واقوله 10 دولار ؟؟ قال اوكي عطيته 10 دولار واخذت كرتون الفراولة ومشينا 
والكرتون مثل ما تشوفون فيه 8 صناديق ( ممكن لو عرضت عليه 5 دولار يوافق ) هههه 
الظاهر انهم يتبعون لشركة يقصون الفراولة وينظفونها ويعلبونها مقابل مبلغ بسيط  واصلنا طريقنا وشفنا محل لبيع الخضروات على طريقنا قلنا بنمر عله وبنشوف سعر الفراولة عندهم
وبعد نشوف شو يبيعون   تفاجأنا سعر الصندوق الواحد من الفراولة 16 دولار ونحن اشترينا 8 صناديق بسعر 10 دولار ؟
صندوقه كان اكبر شوي ويعادل صندوق ونص من اللي عندنا ( مساكين المكسيكان قلت يمكن قصوا علينا ) .gif "(41)") 
عسل محلي من المزارع القريبة  كملنا طريقنا وهذي بعض الصور رملة قرب الشاطي
 
وفي الطريق تغدينا في مطعم تشيبوتلي المكسيكي Chipotle Mexican Grill في مدينة Monterey  يتبع >> تكملة اليوم التاسع
|
|  |
117الاعجاب
العرض المتطور
المواضيع المتشابهه 
