X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين132الاعجاب
إضافة رد
 
LinkBack أدوات الموضوع انواع عرض الموضوع
قديم 07-07-2018, 11:46 PM   #1

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي شيكاغو يونيو 2018 Chicago


السلام عليكم ورحمة الله


اليوم بأذن الله بكتب لكم تقرير رحلتي الأمريكية الكندية، ولكن قبل لا ابتدي في تقرير الرحلة الكندية بتكون البداية في امريكا و بالتحديد في مدينة شيكاغو بولاية الينويز تاريخ 8 يونيو، وكان يصادف نهاية شهر رمضان الكريم، سبب الزيارة في هالوقت ماكان باختياري، السبب هوه حضور حفل التخريج في شيكاغو الي يقام كل سنة في تاريخ 10 يونيو للجامعة الي درست فيها، و بفضل الله اكملت دراسة الماجستير في هذي الجامعة الأمريكية الي لها فرع عندنا في البحرين، ومقرها الأم في شيكاغو. وللطلبة المتخرجين في البحرين وحابين يحضرون حفل التخريج مع الخريجين من شيكاغو بامكانهم حضور الحفل هناك.


كان التخطيط المبدئي انهي تكون فقط رحلة امريكية، شيكاغو و سياتل وسان دييغو و ميامي و اورلاندو، لكن تغيرت الخطة الى كندا، لاحقا بذكر كل تفاصيل الرحلة الكندية ان شاءالله في بداية تقرير الرحلة الكندية بعد انتهاء تقرير رحلة شيكاغو

طبعا كالعادة المرافق زوجتي العزيزة

تفاصيل الرحلة

الخطوط الناقلة للرحلة:



خط سير الرحلة للطيران الدولي : البحرين > لندن (هيثرو) > شيكاغو

خط سير رحلة العودة: مونتريال > نيويورك (جون كينيدي) > (لندن هيثرو) > البحرين


سعر التذكرة 327 دينار بحريني للشخص


السكن : Swissotel Chicago

السعر 390 دينار بحريني (4 ليالي)

تم حجزه من موقع بوكنق



رابط الفندق
V
V

http://www.booking.com/Share-wZR1fz


يتبع....

 

ali pontiac غير متواجد حالياً   رد مع اقتباس
قديم 08-07-2018, 01:11 AM   #2

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


يوم المغادرة ودعنا الأهل و وتوجهنا الى مطار البحرين، والحمدلله كانت الرحلة على الوقت على متن الطائرة بوينق 222-777، وصلنا مطار هيثرو الساعة 6:15 صباحا، اول مره انزل هذي المطار، نظيف و مرتب لكن حسيت روحي في الهند 80 بالمئة من المسافرين هنود، 80 بالمئة موظفين المطار ايضا هنود !!


اعتقد اعتقد انه توجهنا حق تيرمنال 3 بالباص وهوه ترمنال الرحلات للولايات المتحدة الأمريكية

واقلعت الطائرة في وقتها بدون تأخير كانت من نوع بوينق 787








شيكاغو
اليوم الأول (يوم الوصول)





وصلنا مطار شيكاغو O'hare على الوقت 11:15 صباحا وكملنا اجراءات الدخول على جهاز kiosk

رحنا قاعة استلام الشنط وتأخرو الشنط تقريبا 50 دقيقة !! لكل الركاب


وانفرجت بعد وصول الشنط، استلمناهم وعلى طول خرجنا برع المطار واخذنا تاكسي الى الفندق

سعر التوصيلة 49.28 دولار امريكي


دخلنا الفندق وسوينا Check in وعلى طول للغرفة، صلينا وعلى طوووول نزلنا وسألت موظف الفندق عن اقرب محل AT&T حق شريحة التلفون، في رحلتي السابقة لأمريكا خذت شريحة T-Mobile بس هالمره قلت اجرب AT&T

الفندق موقعه جدا ممتاز

قريب من الـ Millennium park وشارع التسوق North Michigan الي اهوه معروف بأسم Magnificent Mile


خرجنا من الفندق و على طول الـ Millennium Park حق اصور اشهر معالم شيكاغو واهوه الـ Cloud gate او مثل ما يسمونه الأمريكان The bean

وبعدها دخلنه محل AT&T واخذت شريحة تلفون، بيانات غير محدودة (اهم شي) لمدة شهر وتستخدم لأمريكا وكندا و المكسيك، وبصراحة ماندمت الأنترنت سريع و تغطية في كل مكان طول الرحلة في كل اماكن كندا ايضا

سعر الشريحة 101.49 دولار امريكي




اخليكم مع الصور














برج ترامب

في سنة 2001 اعلن دونالد ترمب انه بيبني اطول برج في العالم في شيكاغو، ولكن بعد احداث 11 سبتمبر غير كلامه، بدأ مشروع البرج في 2005 وانتهى في 2009

شيكاغو معروفة بالببيتزا الشهيره مالتهم Chicago deep dish pizza واشهر مطعم يتقنها اسمها Giordano's وله 6 فروع في شيكاغو (الداون تاون)

شكلها صغير ولكن تشبع شخصين، انه خذت البيتزا وزوجتي طلبت باستا، الحساب 47.83 دولار






تمشينة شوي في المدينة

مبنى The Wrigley Building









تقريبا بداية شارع ماقنفسنت مايل




وبعد هذي الجولة البسيطة قلنه خلاص نرجع الفندق ونام حق اليوم الثاني




يتبع.....

 

ali pontiac غير متواجد حالياً   رد مع اقتباس
قديم 08-07-2018, 04:28 AM   #3

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,300



افتراضي


مبروك التخرج وعقبال الدكتوراه
صحيح مطار هيثرو كثير هنود بريطانيين



بداية جميلة جدا
الله على جمال شيكاغو وكلاود شيكاغو
اول مرة اشوف البيتزا هذي احس اكلها صعب
تعجبني اللي تكون رقيقة ومقرمشة
بس مبين ما شاء الله لذيذة بالعافية عليكم


يا سلام على تصويرك يا علي
زوايا جميلة دايم مبدع


متابعين

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 08-07-2018, 04:35 AM   #4

مراقب العرب المسافرون

الصورة الرمزية Abu Muataz
 
تاريخ التسجيل :  May 2016
رقم العضوية : 9529
الدولة : المملكة العربية السعودية
الجنس : ذكر
المشاركات : 15,350



افتراضي


السلام عليكم و رحمة الله و بركاته .....

يا سلام .... تقرير في وقته .... انا حاليا في شيكاغو و يصراحة المدينة جميلة و تستحق الزيارة
Cloud Gate من احمل المواقع بصراحة .....

 

Abu Muataz غير متواجد حالياً   رد مع اقتباس
قديم 08-07-2018, 08:40 AM   #5

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,400



أوسـمـة: q8ya metnaqla

كل الاوسمة:2 (more»)
افتراضي


مبروك التخرج علي ومنها للأعلى ان شاءالله
مطار هيثرو وبريطانيا بكبرها استعمار هنود ��
ماشاءالله فندقكم سويس وايد حلو وكنت شايفه كذا واحد منهم في دول مختلفه حلوين صراحه فنادقهم ممتازه
الله وايد تأخروا جناطكم 50 دقيقه شنو السبب
ياسلااام جميله شيكاغو و الكل يمدح فيها ان شاءالله ازورها
والتصوير ما شاءالله لا يعلى عليه

قواك الله متابعين معاك
واللهم زِد وبارك في التقارير الامريكية

 

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 08-07-2018, 10:16 AM   #6

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 12,540



أوسـمـة: الايمان

كل الاوسمة:1 (more»)
افتراضي


مبروك التخرج وعقبال الدكتوراه
موقع الفندق رائع جدا
اول مرة اشوف هالبيتزا شكلها لذيذ عليكم بالعافية
بانتظار باقي التقرير

 

الايمان غير متواجد حالياً   رد مع اقتباس
قديم 08-07-2018, 08:35 PM   #7

عميد العرب المسافرون

الصورة الرمزية مقدام
 
تاريخ التسجيل :  Dec 2014
رقم العضوية : 129
الدولة : الامارات
الجنس : ذكر
المشاركات : 2,034



أوسـمـة: مقدام

كل الاوسمة:1 (more»)
افتراضي


مبروك التخرج

AT&T زين يوم سووا بيانات غير محدودة اذكر اخر مرة استخدمتها كانوا يعطون 5 جيجا بس
وارسالها افضل من تي موبايل

البيتزا شكلها لذيذ

شيكاغو هذي المدينة اللي أتمنى ازورها برغم زياراتي العديدة الى أمريكا وزرت اغلب المدن والأماكن السياحية اللا اني شيكاغو ما زرتها

سجلني من المتابعين

 

مقدام غير متواجد حالياً   رد مع اقتباس
قديم 08-07-2018, 09:07 PM   #8

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي



مبروك التخرج وعقبال الدكتوراه
صحيح مطار هيثرو كثير هنود بريطانيين



بداية جميلة جدا
الله على جمال شيكاغو وكلاود شيكاغو
اول مرة اشوف البيتزا هذي احس اكلها صعب
تعجبني اللي تكون رقيقة ومقرمشة
بس مبين ما شاء الله لذيذة بالعافية عليكم


يا سلام على تصويرك يا علي
زوايا جميلة دايم مبدع


متابعين

الله يبارك فيك بوغسان
اكلها مب صعب بس تشبع بسرعه منها



السلام عليكم و رحمة الله و بركاته .....

يا سلام .... تقرير في وقته .... انا حاليا في شيكاغو و يصراحة المدينة جميلة و تستحق الزيارة
Cloud Gate من احمل المواقع بصراحة .....
شاكر لك مرورك عزيزي


مبروك التخرج علي ومنها للأعلى ان شاءالله
مطار هيثرو وبريطانيا بكبرها استعمار هنود ��
ماشاءالله فندقكم سويس وايد حلو وكنت شايفه كذا واحد منهم في دول مختلفه حلوين صراحه فنادقهم ممتازه
الله وايد تأخروا جناطكم 50 دقيقه شنو السبب
ياسلااام جميله شيكاغو و الكل يمدح فيها ان شاءالله ازورها
والتصوير ما شاءالله لا يعلى عليه

قواك الله متابعين معاك
واللهم زِد وبارك في التقارير الامريكية

الله يبارك فيج اختي
اي والله الفندق ممتاز وسعره كان جدا مناسب مقارنة بالفنادق القديمة الي حصلتها في بوكنق

والله ماعرف شنو كان سبب تأخير الشنط



مبروك التخرج وعقبال الدكتوراه
موقع الفندق رائع جدا
اول مرة اشوف هالبيتزا شكلها لذيذ عليكم بالعافية
بانتظار باقي التقرير
الله يبارك فيج اختي شكرا على مرورج



مبروك التخرج

AT&T زين يوم سووا بيانات غير محدودة اذكر اخر مرة استخدمتها كانوا يعطون 5 جيجا بس
وارسالها افضل من تي موبايل

البيتزا شكلها لذيذ

شيكاغو هذي المدينة اللي أتمنى ازورها برغم زياراتي العديدة الى أمريكا وزرت اغلب المدن والأماكن السياحية اللا اني شيكاغو ما زرتها

سجلني من المتابعين

اهلا بيك استاذي

اي والله شي طيب من AT&t واعتقد الحين T MOBILE عندهم نفس الباقة بالضبط

شيكاغو حلوه حق فتره بسيطة مثل 3 ايام ممتازه جدا

 

ali pontiac غير متواجد حالياً   رد مع اقتباس
قديم 08-07-2018, 10:22 PM   #9

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


شيكاغو
اليوم الثاني





اليوم الثاني كانت الخطة ان نفطر في احد المطاعم او المقاهي القريبة من الفندق، وبعدها نتوجه الى Wintrust arena لإستلام روب/ثوب التخرج

والعصر نتوجه حق الـ Navy pier.........المخطط اليومي مجهز من البحرين للرحلة كلها


المقهى الي نبي نروحه للفطور اسمه Wildberry Pancakes & Cafe بعد ماصحينه وصلينه و تجهزنه شفنه انه الجو ممطر و اخذنا المظلة ونزلنا نتمشى للمقهى

وصلنا عنده بس كان مزحووم بشكل غير طبيعي فتحتنا برنامج yelp و قوقل ماب نبحث عن شي حلو وقريب، وشفنه مطعم اسمه Eggys قريب من الفندق وتوجهنه له، وطلع شي مضبووط طلبت قهوة وبوريتو، وزوجتي بيض بالجبن مع شاي،
السعر 27.76 دولار





خلصنا من الفطور ورجعنه للفندق بما انه المطعم صاير خلف الفندق حق نرجع المظلة لأنه وقف المطر و مابغي احملها معاي




هذي الدرج يوصل الى خلف الفندق










وهذي الفندق




المسافة بين الفندق و الـ Wintrust arena تقريبا 55 دقيقة مشي، اخذنا Uber وتوجهنا هناك
سعر التوصيلة 16.68 دولار


Wintrust arena اهوه الملعب الخاص لفريق كرة السلة للجامعة الي يسمونه Blue Demons، و اهوه المكان الي سوف يقام فيه حفل التخرج



وصلنا واستلمت روب التخرج و حبينه نرجع مشي هالمره حق نزور نافورة Buckingham Fountain في حديقة Grant park










وهذي اهيه نافورة Buckingham Fountain استرحنا شوي عند النافورة واخذنا عصير مثلج، السعر 7.8 دولار






واصلنا المشي للفندق واخذنا قسط من الراحة

وهذي الإطلالة من غرفة الفندق لو تلاحظون نزل الضباب من جهة البحر و تغير الجو شوي




وهذي حديقة Lake Shore East Park الي خلف الفندق ومقابلها مطعم eggys الي تفطرنا منها



وهذي اهوه Eggys





بعد قسط من الراحة كان بالبرنامج زيارة الـ Navy pier ويبعد تقريبا عن الفندق 20 دقيقه مشي




طبعا المكان مقاهي و مطاعم ومحلات هدايا تذكارية










وعقب المشي في الـ Navy pier طلعنا واشتد الضباب






حسينه بالجوع واحنه نتمشه وشفنه مطعم برجر على الطريق، بس ماعجبني اعطيه 2 من 5
السعر 30.55 دولار




لفت انتباهي هذي البيت الحلو و والبسيط وسط العمارات




وصلنا ال Magnificent mile وقالت زوجتي بتدخل بعض المحلات، وانه قلت لها بكون على الشارع اخذ بعض الصور

















بعد شارع ماقنفسنت كنت ابي ازور مسرح شيكاغو Chicago theatre حق اخذ له بعض الصور، وهوه احد الأشياء المشهورة في المدينة والي انفتح عام 1921







وانتهى ثاني يوم بمرورنه بال Cloud gate و تصوير مسائي للحديقة











يتبع.....


 

ali pontiac غير متواجد حالياً   رد مع اقتباس
قديم 08-07-2018, 11:59 PM   #10

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


شيكاغو
اليوم الثالث







اليوم الثالث هوه يوم جفل التخرج، صحينه من الصباح الباكر مع انه الحفل يبتدي الساعة 1:00 الضهر


نفس يوم امس رحنه حق مقهى Wildberry وكالعاده كان زحمة لأنه عطلة وقلنه اليوم الي بعده اذا مزحوم بننتظر، بس اليوم نبقي نكسب وقت ورحنه فطرنه عند Eggys مره ثانية بس ماصورت اليوم سعر الفطور :26.65 دولار

ورجعنه للفندق و تجهزنه لحفل التخرج وصورت في الـ Cloud gate بالروب التخرج للذكره

واخذنه Uber للـ Wintrusr Arena بسعر 19.95 دولار, سعر الـ Uber شي بسيط مرتفع لأني خذت Uber X خاص للمشوار تفاديا للزحمة، العاده اخذ Uber pool الي يكون معانه ناس او ياخذ ناس على دربه للتوصيل.



وصلنه هناك واخذت المدام الكاميرا معاها وانه دخلت واتفقنه نتلاقه عند فندق Marriot Marquis مقابل الصالة بعد انتهاء الحفلة

صور الحفل























و بعد انتهاء الحفل رجعنه ايضا بالـ Uber للفندق بسعر 11.34 دولار



ارتاحينه في الفندق وطلعنا العصر نتمشى و واكلنا في مطعم مكسيكي







المطعم كان لا بأس فيه، السعر28.18 دولار


و تمشينه شوي في الجزء الغربي واحنه داخلين على الماقنفسنت مايل وارجعين للفندق













وقبل لا نرجع الفندق اكلنا آيسكريم عند Ghirardelli بسعر 13.23 دولار




فندق Hyatt قريب من فندقنا وموقعه ممتاز




الفيرمونت على اليمين و الراديسون على اليسار ايضا مواقعهم جدا جدا ممتازه






و هذي نهاية اليوم الثالث



يتبع......

 

ali pontiac غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتي الزوجية إلى مدينة كييف - جمهورية أوكرانيا - يونيو 2018 almubarakalis بوابة الدول الاخرى 39 25-06-2020 01:08 AM
مطار شيكاغو nasoore بوابة امريكا 9 27-12-2018 11:42 PM
اقتراحاتكم لرحلة من 12 يونيو الى 29 يونيو امريكا طلال الفدعاني بوابة امريكا 2 22-05-2018 08:48 PM
السياحة في شيكاغو روح الامارات بوابة امريكا 4 26-04-2015 07:51 AM
رايكم بحجزى الى شيكاغو وردة مكه بوابة امريكا 3 08-03-2015 09:50 AM

الساعة الآن 07:01 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO