X سُعداء بتواجدكم بيننا ونتمنى لكم قضاء وقت ممتع ،نأمل منكم زيارة صفحة شروط الإستخدام ،تفضلوا مشكورين بالتسجيل لإثراء الجميع بخبراتكم السياحية
Loading...







عدد المعجبين319الاعجاب
إضافة رد
LinkBack أدوات الموضوع انواع عرض الموضوع
غير مقروء 12-07-2018, 01:05 AM   #1

مسافر متميز

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 341



افتراضي 2018 فانكوفر تورونتو أوتاوا كويبيك مونتريال


السلام عليكم و رحمة الله



تكتمل رحلتي من بعد شيكاغو الى كندا، الي حاب يقرأ من بداية الرحلة في شيكاغو هذي الرابط
V
V
V
https://www.arabtrvl.com/vb/t35763.html



التخطيط لكندا ماكان على بالي، الخطة انه تكون جولة امريكية ثانية للمدن الي ماشفتها مثل سياتل و سان دييغو و غيرهم، الي خلاني افكر في كندا زميل الدراسة معاي كان دائما يحدثني عن مونتريال الي درس فيها فترة الباكلريوس، وشوي شوي صرت اقرأ عن كندا واشوف اهم المدن والأماكن السياحية، وحسبت الموضوع مره ومرتين وثلاث ومشاورات مع مع المدام الى ان توكلنا على الله و اتفقنا على كندا

في البحرين عندنا قنصلية كندية ولكن ماعندنا سفارة، اتصلت فيهم وسألتهم عن الفيزا، وعطوني الموقع اونلاين للفيزا، التقديم سهل، انشاء حساب في الموقع وتلبية الطلبات ورفع المستندات مثل شهادة راتب و عقد زواج و نسخ من الجواز الخ الخ، عند اكتمال رفع كل المستندات المطلوبة تدفع مبلغ 50 دولار كندي للشخص، وبعدها بفتره جاتني رسالة اني ارسل الجوازات الى السفارة الكندية في ابوظبي، رحت حق ارامكس وشحنت الجوازات وخلال 5 ايام فقط اتصلو فيني ارامكس وقالو لي تعال استلم الجواز، وحصلت الفيزا صالحة لغاية انتهاء تاريخ الجواز !
بخصوص موقع الفيزا مالهم فيه خلل فني كل ماتدخل كلمة السر والبريد الألكتروني يرجعك الموقع للصفحة الرئيسية لازم تحاول اكثر من مره لي ماتطفش تالي يدخل !!



في تاريخ 12 يونيو سوينه الـ Check out من الفندق في شيكاغو و توجهنا للمطار وكانت رحلتنا الى فانكوفر على طيران AIR CANADA وصلنا المطار وزحمة على الكاونتر مال الكندية وفقط موظفين الي يشتغلون تقريبا وقفنا 45 دقيقه لي ماوصلنا للكاونتر، الطياره كانت من نوع Bombardier crj 900


الغريب في الطيران الكندي ياخذون على الشنطة 25 دولار ! المرطبات والمشوربات مجانية بس الوجبات غير مجانية، مع ذلك سعر التذكره اذكر كان ارخص او مقارب لأمريكان ايرلاين، لكن وقت الرحلة كان انسب على الكندية

مدة الرحلة تقريبا 5 ساعات اذا ماخانتني الذاكرة


السكن في فانكوفر

في هالرحلة اسعار الفنادق كانت مرتفعة خصوصا فانكوفر وشيكاغو، وشفت بديل آخر واهوه AIRBNB وماحجزت منه من قبل وكنت شوي متخوف ومتردد، بحثت فيه شفت خيارات حلوه و متنوعة واسعار معقولة

وحصلت شقة على شكل Loft وشكلها حلو وتقييمها ممتاز و الكل مادح الموقع مالها، راسلت صاحب الشقة اتأكد اذا متوفرة في التواريخ الي بنزور فيها المدينة وقالي متوفرة وحجزتها، بسعر 844.10 دولا امريكي واتفق معاي انه يلاقيني يوم الوصول عند الشقة


وهذي اهيه الشقة
V
V
V
https://www.airbnb.com/rooms/22672328


اليوم الي قبل الأخير في شيكاغو راسلته من تطبيق AIRBNB وقلت له اني بوصل تقريبا على الساعة 12 الظهر و اذا ماتمانع ابقي بس ادخل الشنط، وقال ماعنده مشكله ( مع العلم انه ذاكر هالشي في الموقع انه يسمح للضيوف الي يوصلون قبل وقت الـ check in يخليهم ينزلون شنطهم او الي رحلتهم وقتها متأخر بأمكانهم يخلون شنطهم ويسوون Check out)



وصلنا مطار فانكوفر و ماشاءالله المطار كله آسيويين من الصين وكوريا و هونج كونغ وسوينا اجراءات الوصول على جهاز الـ Kiosk استلمت شنطتي و لكن مافي اثر حق شنطة زوجتي، تأخرت الشنطة وانتظرنا وقت وايد، رحنه لمكتب الكندية وقالو لنه الشنطة في شيكاغو تأخرت و بتوصل على اقرب رحلة، تعكر مزاجها مسكينة، ملينه استمارة حق توصيل الشنطة، انهينا كل اجراءات المطار واخذنا تاكسي، سعر التوصيلة 35 دولار كندي




فانكوفر
اليوم الأول




وصلنا عند الشقة تقريبا الساعة 12:15 الظهر (وقت الجيك ان 3 العصر) وراسلت صاحبها Bob كتبت له اني وصلت، قالي انه داخل الشقة, طرقت الباب، وفتح الباب ورحب فينه، شكله كان مستعجل احسه كان ينظف الشقة وخلاني ادخل الشنط وسألته اذا الساعة 3 بتكون الشقة جاهزه؟ قالي عقب ساعه حياكم.


هذي صورة حق فانكوفر من قوقل ماب، دائما قبل السفر اجلس واشوف المدن والأماكن وشكل الشارع والمحلات القريبة


الدائرة الحمرة الصغيره مكان الشقة صايرة على شارع Seymour street
المنطقة المحددة بالأسود Yale town خطوات من السكن منطقه راقية فيها و مقاهي و مطاعم
الخط الأزرق Granville road اهم شوارع فانكوفر
الخط البرتقالي الفاصل بين الداون تاون و الويست اند
الخط البنفسجي Robson street من بدايته الى نهايته مطاعم
المنطقة المحددة بالأخضر Gastown منطقة قديمة حلوه وتصير جنبها Chinatown
السهم بالأسود يشير الى جزيرة Granville الي فيها السوق المحلي





مكان الشقة جدا ممتاز،صاحبنا بوب ما اخطأ يوم كان كاتب Steps from everything


اخليكم مع الصور والتمشي في المدينة


هذي الشارع الي قدام الشقة، مدخل الشقة دايركت على الشارع براويكم صورها في اليوم الثاني














كندا تشتهر بشي اسمه Poutine عباره بطاطس وجبن والمكونات الباقية كل محل ويتفنن فيها واصل هذي الوجبة من منطقة كويبيك، بس اكثرها يكون فيها زيت الخنزير اكرمكم الله، لازم الواحد يتأكد منهم

صورة من قوقل



و شفت محل يبيعه و اخذت لي تصبيره بس ماصورته السعر 7.24 دولار كندي


تمشينه شوي في شارع Robson ودخلنا مطعم هندي، اسمه India gate اكله كان ممتاز بس مب حار ! السعر 27.25 دولار كندي










شارع Granville





Robson Sqaure































Canada Place هذي المبنى على شكل سفينة تم افتتاحه في سنة 1986 حق الـ Expo الي صار عندهم، والمبنى اهوه ارض مؤتمرات وفندق ومركز فانوفكر العالمي للتجارة، (الملعومات من ويكيبيديا)




رحلات جوية بالطيارة البحرية














تمشينة الى ان وصلنا Gastwon المنطقة وايد وايد حلوه






















هذي الساعة البخارية كل ربع ساعة تطلع نغمة من البخار المضغوط داخلها، واكثر شي يصورونه السياح في gastown











هذي تمثال John Deighton او الملقب Gassy Jack، المنطقة هذي قاز تاون على اسمه، الصينيين انسى يعطونك فرصة حق تصور







نهاية اليوم الأول

يتبع.....

 


ali pontiac غير متواجد حالياً   رد مع اقتباس
غير مقروء 12-07-2018, 02:00 AM   #2

مراقب العرب المسافرون

الصورة الرمزية فارس من خيال
 
تاريخ التسجيل :  Dec 2014
رقم العضوية : 54
الدولة : K.s.a - الرياض
الجنس : ذكر
المشاركات : 3,699



أوسـمـة: فارس من خيال
وسام الحضور المميز


مـجـمـوع الأوسـمـة:1 (الـمـزيـد»)
افتراضي

الحمد لله على السلامة ياعلي

بداية جميلة للتقرير ومعلومات رائعه عن فانكوفر والصور ماشاء الله تحفه

كندا الحلم هههههههههه ان شاء الله يكتب لنا زياره لها

كنت اتابعك واشوف الصور ع الانستا مبدع دائما بس ابي اسألك دائم اشوف عندك هوس لتصوير السيارات ليش ههههههههه


مبروك التخرج وعقبال الدراسات العليا ان شاء الله



متشوق لمشاهدة كندا من عدستك المميزه .... متابع للاخر

 

فارس من خيال غير متواجد حالياً   رد مع اقتباس
غير مقروء 12-07-2018, 05:55 AM   #3

مسافر متميز

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 341



افتراضي


الحمد لله على السلامة ياعلي

بداية جميلة للتقرير ومعلومات رائعه عن فانكوفر والصور ماشاء الله تحفه

كندا الحلم هههههههههه ان شاء الله يكتب لنا زياره لها

كنت اتابعك واشوف الصور ع الانستا مبدع دائما بس ابي اسألك دائم اشوف عندك هوس لتصوير السيارات ليش ههههههههه


مبروك التخرج وعقبال الدراسات العليا ان شاء الله



متشوق لمشاهدة كندا من عدستك المميزه .... متابع للاخر

هلا بيك عزيزي بوراكان

ان شاءالله ربي يكتب لك زيارتها و زيارة الي احلى منها

السيارات و السباقات غرامي و عشقي و هوايتي، اي شي يتعلق بالسيارات احبه، الشي الوحيد الي يلهيني عن التفكير في السيارات السفر و التخطيط له


تشرفني متابعتك لي عزيزي

 

ali pontiac غير متواجد حالياً   رد مع اقتباس
غير مقروء 12-07-2018, 08:18 AM   #4

مسافر متميز

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 341



افتراضي

فانكوفر
اليوم الثاني




اليوم الثاني صحينه الصبح وصلينه و تجهزنا، خذيت طله من النافذه شفت الجو ممطر، جهزنا المظلة كانت موجوده في الشقه بحثنا عن شي حلو و قريب، من عدة خيارات في قوقل ماب اخترنه محل اسمه Breka وتمشينه تحت المطر

المكان كان شوي مزدحم من داخل ويبين عليه مفضل من اهل المنطقة




طلبت تيراميسو السويت المفضل عندي، دونت و كوفي موكا، و زوجتي شاي اخضر وتوست الجبن، 4.53 دولار كندي




طلعنا واشتد المطر كانت الخطة نروح Granville island بس شفنه الوضع مايشجع مع المطر



شارع Granville







الحل الوحيد ندخل مجمع و عجبوني الأكياس عند مدخل المجمع حق المظلات الرطبة







محل ديزني








مدخل فندق Four season على المجمع من داخل



خذينا جولة في المجمع



انتظرنا المطر شوي يتوقف










شفتهم يبيعون سندويتش ام الربيان



19 دولار




كانت جولة صباحية خفيفه و شفنا المطر رجع نزل رجعنه للشقة




الحين اراويكم صور الستوديو/شقة....(اسهل لي اكتب شقة) يوم كنت اصور الشقة تذكرت اني نسيت اخذ صور لغرفة فندق شيكاغو، هذي السفره وايد اشيه مرت علي وما صورتها

تجربة AIRBNB عجبتني وايد، في مدينة تورونتو ايضا السكن حجزته من AIRBNB لكن فرق الشقة هذي غير تحس نفسك من اهل الديره
















عزكم الله الحمام الي تحت



و عزكم الله الحمام الي فوق وفيه الشاور






اكثر سرير راحة في الرحلة




طبعا من الصبح واحنا نتمشى كنى مع اتصال بالمطار ونشوف الشنطة وين وصلت، ومتى بيوصلونها


اتصالات كثيره وكل مره كلام، قلت لهم طيب انه بستلمها من المطار، قالو الموضوع عند السايق الي بوصل لكم الشنطة... قصة طويلة وعريضة المهم انهم وصلوها لكن ضاع ربع اليوم واحنا ننتظر، اشوه انه عندهم النهار طويل واليوم مايخلص



من الأشياء الي حصلتها في قوقل ماب واحنه في البحرين محل آيسكريم، يصير في Yaletown اسم المحل Mister artisan ice cream شفت حسابهم في انستقرام، شكل الآيسكريم عجيب وقلت لازم اجربه






7.35 دولار كندي











توقف المطر و طلعت الشمس





ورجعنا للشقه ناخذ قسط من الراحة

بعد الصلاة و الراحه طلعنا حق نروح جزيرة قرانفيل








طريقة الوصول للجزيرة من الداون تاون عن طريق الرصيف البحري وكل 10 دقايق في قارب/عبارة صغيره Aquabus تمر بالداون تاون للتوصيل، سعر التذكرة 12 دولار



في انتظار العباره ...







جسر Burrad






وصلنا Granville island فيها السوق و مطاعم و محلات تحف













انواع الشاي






مصنع اسمنت قديم الرسومات الي عليه جذبت عدد وايد من السياح










يوم كنت ادرس الرحلة عن كندا كنت اشوف فيديو عن فانكوفر على اليوتيوب، وفي الفيديو جربو برجر السالمون طبعا لازم انه بعد اجربه، 19.90 دولار هذي اول محل في كندا صادفني يقبل كاش فقط



و زوجتي طلبت بوريتو مكسيكي، بس الصورة زعلانه وماتنرفع !!، سعر البوريتو 6.89 دولار



تحذيرات في الجزيره عدم اطعامهم




لأنهم متوحشين، اول مره اشوف نورس ياكل حمامة




رحنه للرصيف حق نرجع، في اكثر من رصيف للذهاب و العودة وتختلف الأسعار حسب المسافة، و سألنا عن اقرب رصيف يكون من Yaletown


مباني فانكوفر خصوصا Yaletown كلها زجاجية



نزلنا عند رصيف David Lam




Yaletown






نهاية اليوم الثاني


يتبع..

 

ali pontiac غير متواجد حالياً   رد مع اقتباس
غير مقروء 12-07-2018, 01:12 PM   #5

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 6,880



أوسـمـة: الايمان
وسام الحضور المميز


مـجـمـوع الأوسـمـة:1 (الـمـزيـد»)
افتراضي

أخيرا راح نتابع تقرير جديد ودسم عن كندا
ماشاءالله الشقة وايد حلوه وموقعها ممتاز
الحمدلله ان الجنطه وصلت وماضاعت
الايس كريم باي نكهه شكله غريب
بورغر بالسلمون اول مرة اسمع عنها اتوقع الطعم لذيذ لاني من محبي السلمون

 

الايمان متواجد حالياً   رد مع اقتباس
غير مقروء 12-07-2018, 03:54 PM   #6

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : Cardiff
الجنس : انثى
المشاركات : 8,559



أوسـمـة: q8ya metnaqla
وسام المشرف المميز

وسام المركز الثالث


مـجـمـوع الأوسـمـة:2 (الـمـزيـد»)
افتراضي

الله شنو هالجمال يا كندا الشوارع والجو يقولك امش لا تقعد
الحمدلله وصلت الجنطة ..
الايس كريم اعتقد ماتشا ؟؟
حلووه رسومات مصنع الاسمنت
سؤال ما يستعملون كاش بالدفع يعني لازم بالكرت ؟؟
واو قرانفيل شكلها عجيب من السوق
هذول بالكاياك شكلهم يتدربون حق الاولمبياد 2020 في اليابان

 

توقيع : q8ya metnaqla


لي صخرة علقت بالنجم اسكنها طارت بها الكتب قالت تلك ( لبــنــــان )


سـكــة سفــر فيهـا مشـاويـر العمــر ( امـريكــا ديسمبــر 2017 )

q8ya metnaqla متواجد حالياً   رد مع اقتباس
غير مقروء 13-07-2018, 07:11 AM   #7

مسافر متميز

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 341



افتراضي


الله شنو هالجمال يا كندا الشوارع والجو يقولك امش لا تقعد
الحمدلله وصلت الجنطة ..
الايس كريم اعتقد ماتشا ؟؟
حلووه رسومات مصنع الاسمنت
سؤال ما يستعملون كاش بالدفع يعني لازم بالكرت ؟؟
واو قرانفيل شكلها عجيب من السوق
هذول بالكاياك شكلهم يتدربون حق الاولمبياد 2020 في اليابان

عليج نور الأيسكريم عليه طبقة ماتشا والأطراف creme brulee

يستخدمون كاش و كرت، بس انه دائما كنت استخدم الكرت، وهذي اول مره استخدم الكاش في الرحلة، الأماكن الي تقبل بس كاش جدا جدا قليلة

 

ali pontiac غير متواجد حالياً   رد مع اقتباس
غير مقروء 13-07-2018, 05:32 PM   #8

مراقب العرب المسافرون

الصورة الرمزية فارس من خيال
 
تاريخ التسجيل :  Dec 2014
رقم العضوية : 54
الدولة : K.s.a - الرياض
الجنس : ذكر
المشاركات : 3,699



أوسـمـة: فارس من خيال
وسام الحضور المميز


مـجـمـوع الأوسـمـة:1 (الـمـزيـد»)
افتراضي

الشقة ماشاء الله رائعه وموقعها كذلك


الصور جميلة جدا وشوارع فانكوفر تفتح النفس



برايك ياعلي كم تستحق يوم زيارة فانكوفر


متابعين

 

فارس من خيال غير متواجد حالياً   رد مع اقتباس
غير مقروء 13-07-2018, 10:42 PM   #9

عميد العرب المسافرون

الصورة الرمزية مقدام
 
تاريخ التسجيل :  Dec 2014
رقم العضوية : 129
الدولة : الامارات
الجنس : ذكر
المشاركات : 1,898



أوسـمـة: مقدام
وسام الاتقان


مـجـمـوع الأوسـمـة:1 (الـمـزيـد»)
افتراضي

جميلة فانكوفر بس الامطار تخرب االجدول بعض الأحيان

اغلب الطيران الأمريكي الداخلي ياخذون 25 دولار على الشنطة واعتقد 35 دولار للشنطة
الثانية .. وبالعادة اذا تأخرت شنطتكم يدفعون لكم عشان تشتري ملابس واحتياجاتك لليوم الأول

موقع Airbnb ممتاز ودائما الأفضل تختارون سكن تقييمه عالي .. وزين سويتوا يوم راسلتوا صاحب الشقة قبل الحجز لان بعض الأحيان تجد في الموقع انه يوجد حجز بالشقة ولكن لما تحجز وبعد ما تجفع يردون عليك برساله انه لايوجد حجز في التواريخ اللي حجزتوها ويرجعون المبلغ بعد كم يوم

موقع الشقه حلو

عجبتني الخريطة اللي سويتها لفانكوفر .. والخرائط دايما تكون مفيدة للسائح




يعطيك العافيه على المعلومات والصور الجميلة

ومتابعين معاك

 

مقدام غير متواجد حالياً   رد مع اقتباس
غير مقروء 15-07-2018, 04:14 PM   #10

مسافر متميز

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 341



افتراضي


الشقة ماشاء الله رائعه وموقعها كذلك


الصور جميلة جدا وشوارع فانكوفر تفتح النفس



برايك ياعلي كم تستحق يوم زيارة فانكوفر


متابعين

بصراحة في رايي اهم شي مده لا تقل عن 3 ليالي وعلى حسب البرنامج و مخطط الرحلة

 

ali pontiac غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
معلومات عن مدينة تورونتو بقلم omarmukhta فريق التطوير بوابة السفر الى كندا CANADA 16 20-06-2018 07:59 AM
^^^ موسوعة فانكوفر ^^^ بقلم samer1 فريق التطوير بوابة السفر الى كندا CANADA 5 09-03-2016 02:01 PM