22 سبتمبر



اليوم هذا خصصناه للمستشفيات

وماراح اذكر شي بناء على قرارات ادارة المنتدى

لها كل الاحترام والتقدير

لكن حابه اذكرلكم اني رحت لايسكريم ماغنوم في شارع بغداد

وهذا موقعه

https://www.here.com/turkey/istanbul...0752,16,normal





وهذا داخل المحل راسمين الشكل هذا بأعواد الآيسكريم



اول مادخلنا المحل قالولنا حاسبوا اول وبعدين تختار نوع الايسكريم

كان الايسكريم الواحد ب7 ليره

بعد كذا تختار 3 انواع من المكسرات

كانت الخيارات كثيرة وتحير



يجمعو المكسرات الي اخترتها بكاسه وبعد كذا يغمسو ايسكريم الفانيليا بالشوكولاته (شوكولاته سوده او شوكولاته بالحليب او فانيليا)




بعد كذا يرشوا المكسرات عليها من الجهتين

وبعدها يصبو عليها شوكولاته على شكل خطوط



كان طعمو لذيذ الصراحه

وهذا ايسكريمي





رجعنا الفندق ع الساعه 8 العشا

طلبت تاكسي عن طريق البرنامج وجاني بعد 10 دقايق تقريبا

رحنا لاخر فندق في الرحله

ديلوكس قولدن هورن السلطان أحمد

كان المشوار ب15 ليره

وصلنا الفندق وكان استقبالهم سيء

كان قبلي ع الرسبشن رجال ومرته وطفًّشوا الموظف من كثر طلباتهم

ولما جا دوري يتأفف في وجهي

والعامل الي يشيل الشنط لكيع ودمه ثقيل مو راضي يشيل الشنط

الين قلتله متى حتشيلها

ولما طلعنا كانت مو نفس الغرفه الي تمنيتها

كان ودي بوحده زي هذي



والي كانت من نصيبي هذي




بعدين سألت العامل الي طلع معانا قلتله هذي مو ديلوكس

قال ايوه سوبريور لكن مع بلكونه

قلتله انا ابغى ديلوكس وياريت ديلوكس مع بلكونه

صار يقولي فين البلكونه شوفي في ورقة الحجز في بلكونه

يقولها باستهزاء

بعدين قالي تعالي اوريك الديلوكس

قام وراني غرفه صغيره جدا وقالي هذي دلوكس

تبغيها ولا تبغي السوبريور

قلت خلاص ابغى غرفتي

الي رغبني فيها البلكونه كانت تغيير عن كل الفنادق الي سكنتها



وهذا المطل





وهذا التلفون عجبني شكله





بس مره ماعجبتني اخلاق العامل مره اخلاقه سيئه ومتنرفز

حتى عشان زعلت من معاملتهم مالي نفس اصور الغرفه

ونزل زوجي يجيبلنا سندوشتات شاورما كان الواحد ب9 ليرة بس يشبع

ونزلت علينا شويت مطره طيبت خاطري شوي



والحمدلله على كل حال




تقييمي لايسكريم ماغنوم

يستاهل تكرار الزيارة اذا كنت قريبه من المكان فقط لاغير