ابوسعد يعجبني صدقك

بس متوقع تغيرت كثير عن أول

راعي هوشات ومشاكل

الرنق للي ما يعرفه

الحين ان شاء الله راح انزل لكم جزء جديد
وذكرت ببدايه موضوعي ان هذا الموضوع مكس للمواقف
يعني سلبيات وايجابيات وصدف ومواقف حلوه ومواقف شينه

وكنت مبتدي في موضوعي على اساس ان ابتدي فيها بالترتيب الى اليوم
يعني الموقف الاقدم الى الاجدد
لكن بعض المواقف حاب اذكرها قبل الاخر
لكن با الاخير راح اذكرها كلها ان شاء الله

وهالجزء حصل لي قريب

واشوف ان هالمثل ينطبق عليه ( لاتبوق ولاتخاف ) + نصيحة

معظم يعرف عن سفرتي الاخيره اني رحت لندن الشهر الفائت

وكانت سفرتي للندن انا وبنتي بس
وكانت هالسفره مخصصه لها

وصلت مطار هيثرو
ورحت لمكان ختم الجوازت
ولما وصل دوري
جلس الشرطي يشوف جهازه ويناظر فيني وانا ساكت

ودار هذا الحوار :

في هالوقت انتظرت تقريبا ساعه ونص
وبعدها

جاو عندي اثنين من الشرطه غير عن الموظف الي اخذ جوازي

وجرى معي التحقيق البسيط :

الشرطي : وين جوازك القديم ؟
انا : في الدوحه ماجبته معاي لان منتهي وسويت جواز جديد
الشرطي : انت في سنه 2013 كنت في لندن ؟
انا : اي نعم كنت موجود
الشرطي والمده الي جلست فيها ؟
انا: بالظبط لا اذكر بس مابين 14 الى 16 يوموتوزعت مابين مانشستر ولندن
الشرطي : لا انت جلست 6 شهور
انا : قلت له انا عمري ... ولا عمري ماطلعت برع بلادي شهر كامل على بعضه
الشرطي : اوكي اجلس انتظر
انا : اوكي

وبعد ماراحو دار هذا الحوار بيني وبين بنتي

بنتي : يبا ليش ماقلت له اي انا جلست 6 شهور وخلص الموضوع ونروح
انا : لو قلت لهم جلست 6 شهور ماراح تشوفيني سنه ههههههه
بنتي : هاااا ليش
انا : قلت لها اذا انا تكلمت معاهم لاتدخلين ولاتقولين شي
لان اكيد في شي صاير ومشتبهين بناس و وشافيفينهم بالكاميرا
وقلت لها وهذا الموضوع اتوقع صاير بالوقت الي انا خارج لندن
يعني انا كنت في لندن بشهر 8 2013
والموضوع صار بعد شهر 8 من جذي يبغون يتأكدون اني انا وقتها كنت موجود او رجعت
فهمتي !!

بنتي : اي يبا فهمت
انا : تطمني الامور طيبه وبعد اشوي بنطلع لاني اعرف نفسي امشي سيده ولله الحمد

انتهى الحوار بيني وبين بنتي

وبعد ربع ساعه رجعو الشرطيين مره ثانيه

قال ممكن تروح الكاونتر الفاضي الي هناك وتختم جوازاتكم ويلكم تو لندن


انتهى الموضوع على خير بفضله سبحانه وتعالي

لاحظتو بكلامي شي !!!!!!!!

ان في مناقشتي معاهم ماقلت لهم ليش وشنو صاير ولاتدخلت بهالموضوع صح !
فقط اجاوبهم على قد سؤالهم
بدون ماتطرق للاشياء الاخرى الي مالي علاقه فيها والي هي من صميم عملهم

تحسبا لأي هفوه مني ويمسكونها علي
او عشان ما اطول مده التحقيق
او عشان ماثير الشبهات حولي اكثر واكثر

وهي النصيحه كلامي الي فوق :

1- لاتجادل
2- جاوب على قد السؤال
3- لاتدخل في التفاصل
4- لاتسأل ( ليش - شنو صاير - شنو المشكله - وغيرها )


تحياتي للجميع

نصائح مهمه فعلا وتريح البال
والحمد لله أن الموضوع مر سلامات بدون عطله و تضييع وقت

ماشاءالله عليك
انا لو مكانك ومتأكده اني ماسويت شي بموت رعب

لكن الرجال مواقف

تذكرت حلقة من طاش ماطاش

صادق

الحكمه لها دور في ضبط النفس

يالله موقف لا تحسد عليه

الحمد لله مر بسلام .. حليلها بنتك اكيد تروعت

نصائح حلوه اكيد افضل شي تجاوب على قدر السوال ولا تتكلم بالتفاصيل

احلى شي انك تجاوب وبثقه وبدون ارتباك