مغامراتي البحريه في الكروز MSC للأراضي النروجيه - الصفحة 22

q8ya metnaqla · 30-11-2015, 03:10 PM

يا ام عيسى وينج

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هداوه · 30-11-2015, 09:37 PM

اقتباس : المشاركة الأصلية كتبت بواسطة q8ya metnaqla

ليش جذي هاليوم حسيته ميت يعني مافي الا الاوشن ؟

اقتباس : المشاركة الأصلية كتبت بواسطة q8ya metnaqla

مووووجووودين ومتابعين

هيه والله انه ميت وكئيب ويلوع بالجبد في هاليوم

فديتكم الله لايحرمني من طلتكم

اقتباس : المشاركة الأصلية كتبت بواسطة q8ya metnaqla

يا ام عيسى وينج

كاني موجوده

أدري اني تأخرت عليكم بس كنت مشغوله بموضوع وممحصله وقت ولا ودي أخلصه

اليوم ان شاءالله بنزللكم جزء جميل

هداوه · 30-11-2015, 09:59 PM

اليوم التاسع

اليوم رحلتنا بتبدا من HELLESYLT

الى GEIRANGER

مقدمه

اليوم غير

اليوم من أجمل الرحلات اللي بنقوم فيها

اليوم رحلتنا طويله وايد تقريبا 7 ساعات

تكلفة الرحله للشخص = 135 يورو شامله الغداء

ولأنه الرحله طويله خذينا معانا هاندباك فيها بعض الاشياء الضروريه اللي ممكن نحتاجها

في رحلتنا هاي مرينا ع وايد أماكن

ونزلنا في كم مكان

وبعض الاماكن كانوا يعطونا 10 دقايق ننزل ونتصور

وبعضها نص ساعه وبعضها أكثر من ساعه

طبعا ع حسب المكان اللي بننزل فيه

تفاصيل هاليوم

اليوم الجو مشمس مثل باقي الايام

قومت البنات من الساعه 5 ونص الفجر

كانوا بيذبحوني البنات

كل ما أوعيهم يعصبون ويقولون

ليش من الحين ماما بعده عندنا وقت

وعقب وأكتشفت اني مخربطه في الوقت

ههههههههههههههههه

عادي تحصل في أحسن العائلات

هههههههههههههه

عقب نشينا وتريقنا وسرنا مكان التجمع في السفينه واستلمنا الستيكرات

وطلعنا برع السفينه عند تجمع الباصات

وسفينتنا اليوم رست في مرسى HELLESYLT

وهنيه صارلنا موقف طيح قلوبنا

لما سرنا مكان التجمع شفنا كم باص بس ماشفنا باصنا
تجننا

كيف وين باصنا نحن ممتأخرين

معقوله راح عنا

وعقب شفنا ناس عندها نفس رقم باصنا ويدورون مثلنا

شويه ارتحت لأني حسيت انه حد ويانا في نفس المشكله معناته في أمل

وانتشرنا مثل المجانين ندور ونسأل

وعقب اكتشفنا انه موقف الباصات مب هالصوب ونحن مغلطين في المكان ويوم وصلنا عندهم

لقينا وايد باصات متجمعه

اااااااااااااه ردت فينا الروح

وهذا خط سيرنا

في البدايه زرنا الشلال اللي كان قريب من موقف الباصات

والمكان جميل ويباله وقت أطول نتيلس عداله

انطلقنا في الباص ونحن نمشي نشوف مناظر جميله حوالينا

وعقب وصلنا عند منطقة HORNINDAL LAKE

وهاي البحيره تعتبر أعمق بحيره في اوروبا وعمقها 514 متر

قبل البحيره نزلنا في هالمكان وكان فيه حمامات عزكم الله وقالوا

اللي يحتاج يسير من الحين لأنه عقب بنكون مده طويله بدون حمام

المكان جميل

نحن يلسنا نتمشى ونتصور وماسرنا صوب الحمامات لانه الطابور طويل

عقب كملنا طريجنا

وصلنا عند البحيره العميقه

نزلنا نصور ونتصور

بعدها زرنا قريه جميله أسمها

Stryn

نزلنا وتمشينا فيها

وعقب ركبنا الباص ومشينا نزلنا عدال مطعم عشان نتغدى فيه بس المكان وااايد حلو

هاي صورة المكان ، كانوا حاطينها لوحه في المكان

جوله حوالين المكان

والكفار نزلوا تسبحوا في البحيره البارده

ههههههههههههههههههههه

بصراحه المكان جميل ويباله برزه

دخلنا المطعم

يلسنا مكس

ويابولنا أول شي شوربه

وعقب الوجبه الرئيسيه

وآخر شي الحلو

بالاضافه للمشروبات البارده والحاره

الاكل كان أقل من عادي وبناتي ماطاعوا يتغدون وانا تهبشت شوي

حشى أكل مرضى

الحمدالله ع النعمه

يتبع

مقدام, q8ya metnaqla, مجدي و 4 آخرون معجبون بهذا.

آخـــرفـــرصـــة · 30-11-2015, 10:12 PM

البحيرة جميلة جداً

و المنطقة رائعة و أحسها منطقة تخييم و لا أروع

أكل مستشفيات المفروض خلوه بوفيه مفتوح

كل واحد يختار اللي يرتاح له

بس أعتقد المنطقة مقطوعة ولا فيها أحد

عشان كذا أكلهم محدود

بس كيف أكلتوا بعدين الجوع كافر
لو غطستوا شوي في البحيرة الباردة كان اكلتوا زين

الله يسعدك أم عيسى

هداوه · 30-11-2015, 10:51 PM

اقتباس : المشاركة الأصلية كتبت بواسطة آخـــرفـــرصـــة

البحيرة جميلة جداً

و المنطقة رائعة و أحسها منطقة تخييم و لا أروع

اقتباس : المشاركة الأصلية كتبت بواسطة آخـــرفـــرصـــة

أكل مستشفيات المفروض خلوه بوفيه مفتوح

كل واحد يختار اللي يرتاح له

بس أعتقد المنطقة مقطوعة ولا فيها أحد

عشان كذا أكلهم محدود

بس كيف أكلتوا بعدين الجوع كافر
لو غطستوا شوي في البحيرة الباردة كان اكلتوا زين

الله يسعدك أم عيسى

ههههههههههههههههههههههه

هيه والله لو غطسنا في الماي يمكن حصلنا أكل أفضل

وفعلا أكل مستشفيات

بناتي فديتهم ماتغدوا وأنا عصرت عليه ليمون وحطيت فوقه تباسكو وضبطه وكلته

والشوربه كانت زينه والحلو ماكلته

تدري لو كان الجو مغيم جان استمتعنا ع الآخر لنه هالمناطق اللي مرينا عليها جدا جميله

بس الشمس

q8ya metnaqla · 30-11-2015, 10:57 PM

اي جذي الايام الحلوه اللي فيها حركه وسباحه بس بعض الناس ما اسبحوا ترا الماي البارد زين يسوي شد للبشره
تعبوا عمرهم على الغدا الله يهداهم جان بس حطوا خضار سوتيه
الحمدلله على النعمه
وناطرين يتبع

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

الايمان · 03-12-2015, 11:27 AM

لا ام عيسى ماعاش اللي يقصف الجبهه
لكن والله هذا شعورنا كلنا المشاركات قليله بالتقارير
وبصراحه شي محبط نتعب وايد بالتقرير واللي يشاركونج قليلين ونفس الاشخاص
ان شاءالله برجع التقرير وبكمله على رواق

ربيع123 · 06-12-2015, 05:04 AM

الصراحة تقرير متعوب عليه ومجهود تشكرين عليه و أسلوب كتابي جدا راقي وفيه معلومات مهمه جدا ويصلح يكون مرجع.
كوني جديد بالمنتدى وهذي أول مشاركة لي فيه إلا اني الصراحة أستمتعت بقرايته كله وما مافوت ولا جزء من تقريرك الرائع والمميز ومن قبل قريت تقريرك اللي بلندن وعجبني كثير الف شكر وجزاك الله الف خير وننتظر الباقي منه وعساك ع القوه

هداوه · 06-12-2015, 09:34 AM

اقتباس : المشاركة الأصلية كتبت بواسطة q8ya metnaqla

اي جذي الايام الحلوه اللي فيها حركه وسباحه بس بعض الناس ما اسبحوا ترا الماي البارد زين يسوي شد للبشره
تعبوا عمرهم على الغدا الله يهداهم جان بس حطوا خضار سوتيه
الحمدلله على النعمه
وناطرين يتبع

ههههههههههههههههه

بعض الناس لو يدرون انه فيه سبوح وشد بشره جان يابوا المايو الاسلامي

بس تخيلي دخلنا نتسبح أنا وبناتي

والله لانسوي فضايح من صراريخنا من الماي البارد المثلج

اييه وحليلهم من الفجر وهم يطبخون

مالت عليهم وع اكلهم بس مايهمج عوضنا في السفينه

يتبع ...

اتأخرت بسبب الهياته والدواره برع البيت

بس اليوم بنكمل ان شاءالله

اقتباس : المشاركة الأصلية كتبت بواسطة الايمان

لا ام عيسى ماعاش اللي يقصف الجبهه
لكن والله هذا شعورنا كلنا المشاركات قليله بالتقارير
وبصراحه شي محبط نتعب وايد بالتقرير واللي يشاركونج قليلين ونفس الاشخاص
ان شاءالله برجع التقرير وبكمله على رواق

انا عارفه حبيبتي ومعاج حق

ومايدرون اللي يتابعون شكثر نفرح يوم نشوف مشاركات

ياليت بس يحسون فينا

اقتباس : المشاركة الأصلية كتبت بواسطة ربيع123

الصراحة تقرير متعوب عليه ومجهود تشكرين عليه و أسلوب كتابي جدا راقي وفيه معلومات مهمه جدا ويصلح يكون مرجع.
كوني جديد بالمنتدى وهذي أول مشاركة لي فيه إلا اني الصراحة أستمتعت بقرايته كله وما مافوت ولا جزء من تقريرك الرائع والمميز ومن قبل قريت تقريرك اللي بلندن وعجبني كثير الف شكر وجزاك الله الف خير وننتظر الباقي منه وعساك ع القوه

أنا أول مشاركه لك

هذا من حظي الحلو

أسعديتني والله بمشاركتك

والحمدالله اني أقدم شي يفيدكم وينور طريجكم في السفر

ولاتنسوني من دعواتكم لي ولاسرتي بظهر الغيب

الايمانمعجبون بهذا.

هداوه · 06-12-2015, 07:36 PM

نتابع معاكم أحداث هذا اليوم

كملنا جولتنا عقب الغداء

تجولنا ع جبال سترين وشفنا شلالات ووبحيرات

لين وصلنا لمرتفع dalsnibba

ويرتفع 1500 متر عن الارض

وهو مكان جميل وخلاب ويطل ع جرنجيير

تعالوا ويايي وعيشوا معانا هاليوم

أول شي مرينا ع شلالات

نزلنا عشان نصور ونتصور

المكان فيه نزله تقربك من الشلالات

أنا نزلت شويه وبناتي تعمقوا شويه

شوفوا النزله اللي تقربكم من الشلال

وعقب كملنا فوق الجبال

أرتفعنا لقمم جبال كلها ثلوج وبحيرات

مكان جميييل والجو حلو وايد

بس الشمس ياليتها مغيمه

الجو المغيم يدخل في قلبي سعاده وشعور غير

نزلونا واستمتعنا بالمشي ع الثلج واللعب فيه شوي

وتصورنا وصورنا

من هاي النزله أنا نزلت وبناتي يقولولي

ماما لاتنزلين عن تطيحين

شوفوا الزمن كيف تغير

لما كانوا صغار كنت أخاف عليهم يطيحون

والحين هم كبروا وخايفين انا أطيح

بس امهم بعدها شباب ماعيزت هههههههههههههههه

نزلت منها مثل القطوه

عقب ركبنا الباص والصراحه ماشبعنا من المكان

وارتفعنا لفوق

ويلست اصور الطريج

عقب وقفنا ويلسنا نصور من فوق الجبال

الحافه خطيره

وبعدها رجعنا لجرانجيير وشفنا مناظر جميلهوتوقفنا عند نقطة

FLYDAL

فيها مطل جميل ومشهور

نزلنا وصورنا وتصورنا

عقب نزلنا لميناء جرانجير بس السفينه ماتقدر توقف قريب من المرسى

يمكن عشان كبيره

سفينتنا وقت في البحر بعيده عنا ولكن طرشولنا قوارب خاصه تاخذنا للسفينه

وكل قارب يشيل 150 شخص

الامور كلها قمة في الامان والتنظيم

ولأنه أعدادنا كبيره والشمس مب راضيه تودرنا قلت للبنات نحن

مابنوقف في الطابور بنكون آخر الناس

ويلسنا نتمشى ونتفرج ع المكان اللي كان فيه الكثير من المحلات

والمطاعم والكوفيهات وسوبرماركت واشياء ثانيه

تجولنا لين تعبنا وعقب يلسنا ع الكراسي في الظله نتريا لين يخف الطابور وندخل القوارب

صور للمكان

أخيرا وقفنا في الطابور وركبنا قاربنا

دقايق ووصلنا لسفينتنا

طبعا قبل الدخول للقارب يتأكدون من هويتكم من خلال بطاقة غرفتهم

لأنه فيها كود وفيها كل المعلومات عنكم

انتهت رحلتنا واللي أعتبرها من أجمل رحلاتنا في النرويج

تابعوني في آخر محطة لنا في النرويج

في بيرجن

الايمان, مقدام, q8ya metnaqla و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الأحلام المتوسطيه في الكروز EPIC	وجهات أوروبية	رحلات الجزر والكروز	157	05-08-2019 04:10 PM
رحلات الكروز cruise Tasik فى بحيرة بوتراجايا الرائعة	أبوعبدالله (الاسفار )	ماليزيا	16	07-12-2017 05:40 PM
رحلة فردية للأراضي الامريكية ...	Tamem	بوابة امريكا	108	20-11-2015 08:37 AM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM