العرب المسافرون سياحة

‎السلام عليكم ورحمة الله وبركاته

‎مساكم الله بالخير..

‎انا واعوذ بالله من كلمة أنا

‎باذن الله عندي رحلة سياحية لأوربا.. بس ابغى اخذ رايكم واقتراحاتكم وتوجيهاتكم.. بصراحة ما نستغني عن اهل الخبرة.. لأن هالمدن ما قد رحتها من قبل..

‎طبعا الرحلة راح تكون الرياض - زيورخ.. والمدة بتكون 11 يوم تقريبا..

‎باكون مستاجر سيارة من المطار باذن الله

‎وطبعا بما ان الرحلة بتكون تقريبا عشر ساعات اذا حسبناها مع الترانزيت.. فأنا قلت اول شي اخذ يوم في زيوريخ عشان اريح وانام..

‎وفي اليوم التالي بعد الفجر مباشر على زيل آم سي وبتكون لمدة 4 ايام..

‎بأطلع من زيل آم سي على ميونخ لمدة 3 ايام.. طبعا يوم من الثلاثة راح اطلع لغارمش تمشية ونشوفها من قرب.. ويومين في ميونخ نفسها..

‎بعدها بأطلع على انترلاكن.. طبعا انا عارف ان المسافة من ميونخ الى انترلاكن تقريبا 500 كيلو مرورا بزيوريخ.. بس راح اخذها تمشية من بعد الفجر.. طبعا بآخذ في انترلاكن ثلاثة ايام..

‎وبعدها بأطلع من انترلاكن عالمطار مباشرة اسلم السيارة واطلع على الرياض باذن الله..

‎ارجو التكرم باعطائي ارائكم واقتراحاتكم لأني ناوي اسوي الحجوزات الاسبوع الجاي باذن الله تعالى..

‎وطبعا بنطمع تتكرمون فينا باقتراحاتكم للأماكن السياحية اللي نزورها في كل مدينة*

‎لكم تحياتي..