مخيم ليالي الصحراء 3


عقب ما ريحنا اخذنا جولة في المخيم و شفنا الصور في الجزء الاول من موضوع المخيم عجبني انه في مكان خاص بلعب الاطفال .. المساحة الواسعة بين كل وحدة و الثانية تعطي خصوصية اكبر رغم ان توقعت المخيم بكون فاضي بسبب انه صيف مو موسم تخييم لكن فيه زوار من عدة دول اول برنامج سويناه كان استئجار السيارات الصغيرة ( يمكن ناس يسموها دراجات - يمكن بانشي ) نص ساعة ب 11 ريال عماني ، السياقة تكون خارج المخيم و لازم يكون هناك
مرافق


حلو نتعمق داخل الصحراء و نشوف الرمال الذهبية .. المرتفعات .. ..الخ




ثاني برنامج كان تصوير غروب الشمس و تكون الرحلة مجانية شاملة مكسرات - حلوى عمانية - ماء - مشروبات غازية يتم توصيلنا لمرتفع خارج المخيم ، الرحلة تبدأ قبل الغروب بنص ساعة تقريبا في هذي الرحلة فعلا اولادي استانسو ، الرمل نااااعم و حلو انه ما يوسخ ولدي من فرحته ظل يتدحرج و هذي
صور الرحلة







صورة جوية للمخيم













الصور واايد .. احترت شنو احط

مخيم ليالي الصحراء 4


لما خلصنا من رحلة غروب الشمس .. رجنا و ريحنا شوي و صار وقت العشا نجوف المطعم : المطعم من الخارج



و فيه صوب المطعم منطقة شواء لو كنت حاب تشوي بنفسك و يكون له سعر



وجبة العشاء فيها شواء بس يختلف عن الشواء الخاص لو بغيته ، الشواء كل ليلة تختار القطعة الي تبيها و الجرسون يشويها لك المطعم من الداخل ( الصور غير واضحة)



الصبح ممكن تحصل وافل - بيض - بانكيك

الباحة الي خارج المطعم فيها كراسي و غناء شعبي و الشواء

مخيم ليالي الصحراء 4


في اليوم الثاني كان البرنامج من بعد الافطار : الذهاب للتزحلق على الرمال .. نسيت السعر بكم .. و ركوب الجمل و يكون مجاني الترزحلق على الرمال ايضا أحد اجمل التجارب التي مرت على أطفالي .. استمتعوا كثيرا بها





ركوب الجمال .. يكون هناك جمّال مع جمل ليأخر الضيف لفة داخل المخيم




انهينا برنامج اليوم ، تجهزنا للخروج من المخيم .. و توديع أحد اجمل التجارب لنا في مسقط عاد اطفالي ب ذكريات جميلة .. كان برنامجنا التالي هو التوجه الى وادي بني خالد و الذي يعتبر احد اجمل الوديان في مسقط .. عند وصولنا لمحطة الواصل من اجل ركوب سيارتنا لاحنا أن أحد الاطارات تحتاج الى نفخ .. ساعدنا سائق المخيم للذهاب الى محطة لتصليحه .. وتم الامر .. او هكذا خُيل لنا ..

رديت مدري وين طار ردي
الرمال تمتص النشاط الزائد لدي الأطفال
وكذلك مهم جدا بحياتنا اليوميه المشي علي الرمال
الف شكر لك أختي علي التقرير

تقرير روعه

الرمال شكلها جميل تطعيس كعابي

يعطيك العافيه

اقتباس:
المشاركة الأصلية كتبت بواسطة فيصل
رديت مدري وين طار ردي
الرمال تمتص النشاط الزائد لدي الأطفال
وكذلك مهم جدا بحياتنا اليوميه المشي علي الرمال
الف شكر لك أختي علي التقرير

لان طلبت مسح الموضوع عشان بالغلط صار ترتيب الرحلة ناقص ..
كان سؤالك عن الطاولا المحجوزة .. و فعلا كانت محجوزة بس حق اشخاص مو نزلاء بالمفندق يبين عليهم موظفين شركة


و فعلا مذل ما ذكرت الرمال جدا مفيدة للاطفال للنشاط و لتفريغ الطاقات السلبية ..

روووووووووعه وعمان الدرة الغير مكتشفة فالخليج

يسلمووووا على الموضوع ماقصرتي

ـــــــــــــــــــــــــــــــــــــــ

العرب المسافرون

هولمز

تقرير في منتهى الروعه
تصوير جدا مميز
ربي يحفظلك ابنك ويخليه لك
سلمت يداك