| | |||||||
مـواضـيـع مـمـيــزة
7الاعجاب |
| | LinkBack  | أدوات الموضوع | انواع عرض الموضوع |
24-11-2015, 02:00 PM
| #1 |
| مميز المملكة المتحدة   تاريخ التسجيل : Jan 2015 رقم العضوية : 1299 الجنس : ذكر المشاركات : 454 |  الفيزا البريطانية لمدة 5 سنوات خلال ساعات
  المواضيع كثير ولكن احب ان اطرح التجربه بأسلوبي وبالتفصيل الممل واخذ الشخص معي كأنه هو مقدم علشان الي اول مره يقدم يعرف وين يروح و ايش يسوي ويتطمن ان الوضع سهالات بأذن الله تم التقديم على المركز الموحد للتأشيرات بالرياض يوم الخميس 19 نوفمبر وتم تعبأة الابلكيشن يوم 16 نوفمبر  كعادتي المواعيد عندي مضروبه افكر وعلي السريع انفذ  ولم اجد موعد قريب خلال ذلك الاسبوع لاني كنت متواجد فالرياض وما بيكون لي رجعه للرياض الا بعد فتره وكانت جميع المواعيد فل فأضطريت اني احجز موعد برايم بزيادة 308 ريال وكان قبل اخر نص ساعه دوام للمركز حجزته الساعه 16.30 وكنت مقدم على 5 سنوات بقيمة 938 دولار يعني 3523 ريال كنت مقدم مرتين قبل هالمره 6 شهور و سنتين وصلت المركز قبل الموعد بنص ساعه  تمر على تفتيش تسليكي بعدها للدور الثاني لاخذ رقم وبعدها تتبع الخط الازرق للتقديم للبريطانيه والاستراليه  فيه فالصوره الي فوق كرسي وطاوله المفروض يكون شخص جالس ويتآكد من الموعد وان اسمك موجود ومن الرقم اذا معك ويعطيك ختم على ورقة الموعد وبعدها يفتحلك الباب وتدخل قسم لمملكة المتحدة واستراليا  واول ما تدخل على اليمين قسم لاستلام الجوازات المخلصه  ولقيت المركز شبه فاضي والموظفين خلاص شطبو يبغون يمشون دخلت قسم المملكة المتحده وبما انه اخر موعد ما كان فيه ارقام ولا شي وفيه قسمين عوائل و رجال   كان قدامي شخص واحد معاه كم ست مقدمين دقيقة ومشى   جا دوري الموظف استغرب قال ليش حاجز برايم ؟ مافيه زحمه ومافيه ضغط قلت على الموقع مالقيت الا برايم ( ممكن لاني حجزت فنفس الاسبوع فحركة من الموقع نفسه ) وقال طيب ليش ما جيت الصبح عادي برايم اي وقت تعال مو لازم على نفس الوقت الي حددته ( ممكن علشان مافيه ضغط عندهم الفتره الحاليه ومو موسم) الزبده ان الشخص كان محترم وقال وش عندك من اوراق اعطني حبه حبه بديت اعطيه الاوراق التاليه : ورقة الموعد الابلكيشن تعريف بالراتب من العمل ونسيت اصدقه من الغرفة التجارية توني تذكرت قبل كتابة التقرير انه مو مصدق  كشف حساب اخر 6 شهور  صورتين شخصيه  ومن عندي اظفت صوره للماستر كارد الي معي مع العلم اني ما استخدمها  والموظف كان جدا محترم و يسولف معي ومفروض نخلص ف 3 دقايق بس الرجال مسك خط سواليف وانا ما عندي شي و قلت هذي جلسه وسواليف خصوصا ان ما وراي شي بعدها قال تبي اجرائات سريعه او عاديه قلت خليها عاديه قال خلال 15 يوم تستلم جوازك قلت اوكي قال تجي تستلمه من الرياض قلت لا ارسله للمدينه الي ساكن فيها عن طريق ارامكس والظاهر بزياده 67 ريال لان فالفاتوره زاد المبلغ 67 ريال ومكتوب للخدمات بعدها قال رح للتبصيم رحت لغرفة التبصيم  فيه كاميرتين فالسقف قال طالع فوق صوره وبعدها كاميرا اماميه وصوره ثانيه وبعدها بصمت وطفشت وانا ابصم 2 جالسين يتدربون فيني وفالجهاز المسكين وسألني عن تاريخ الميلاد بعدها مشيت وقفلو وكل شخص راح في حال سبيله    يوم الاحد 23 نوفمبر الساعه 12 الظهر جاني ايميل انو طلب الفيزا تحت الاجراء يوم الاثنين الساعه 11:53 وصلني ايميل انو الفيزا خلصت ورجعوها لمكتب التاشيرات الموحد بالرياض وخلال نفس اليوم الاثنين 23 نوفمبر الساعه 3 للعصر اتصلو علي المكتب الموحد وقالو جوازك عندنا تبغى تستلمه من الرياض او نرسله للمدينه الي حددتها قلت ارسلوه قالو كم جواز قلت عدد 2 جديد وقديم قالو اوكي يومين عمل من ارامكس والجواز عندك انا استغربت وش هالسرعه خلال يوم واحد خلصو منه ؟  بديت اوسوس انو انرفضت الفيزا  لاني نسيت حاجتين المعروف عنها انها مهمه 1: تصديق من الغرفة التجارية لتعريف الراتب 2: فيه عمليات تحويل صارت بين حساباتي يوم كنت فبريطانيا اول شهر نوفمبر بس بمبالغ لا تتعدى ال 5 الاف ريال سعودي وما ذكرتها فالابلكيشن وقلت انتظر و اشوف والله يسهل مع اني مقدم على 5 سنوات و ب 938 دولار بس غلطت الشاطر ب 10 و اليوم تاريخ 24 نوفمبر جاتني رساله من ارامكس واتصلو فيني قالو تعال استلم الارساليه ورحت و استلمت الارساليه وقلت خلاص مو فارقه ما بفتح الارساليه الا فالبيت واشوف رفضو او وافقو الحمدلله على كل حال راضي بالمقسوم واذا انرفضت اكيد بسبب غلط مني وهنا الاجابه  الحمدلله فيزا لمدة 5 سنوات دخول متعدد   رسوم فيزا 5 سنوات 3523 ريال رسوم ارساليه مع ارامكس 67 ريال رسوم موعد برايم 308 ريال المجموع 3898 ريال ولو نحسب الوقت الي استغرقته عندهم تقريبا 8 ساعات تقريبا ما كان عندهم ضغط الفتره هذي واحسهم يوم شافو من كثر م رحت بريطانيا قالو لا تدققون فالاوراق هذا من ربعنا اعطوه 5 سنوات  الي يروح للموعد حقه يكون كاشخ افضل لان الصوره الي بتنحط فالفيزا بتكون الصوره الي بيصورنه في غرفة التبصيم جراء التنويه ما يحتاج اقول ليش .gif "(39)") حجز طيران وحجز فندق وتامين طبي ليست مطلوبه مواضيع بتفيد المتقديمن فيزا بريطانيا خطوة بخطوة 2015 UK VISA STEP BY STEP http://www.arabtrvl.com/vb/t1482.html فيزا بريطانيا متطلبات و نماذج 2015 http://www.arabtrvl.com/vb/t5855.html اي استفسار كالعاده فالخدمه تحياتي 
|
|  |
|
24-11-2015, 02:25 PM
| #2 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,791 |
|
|
| |
.gif "(50)")
|
24-11-2015, 03:44 PM
| #3 |
| مميز المملكة المتحدة تاريخ التسجيل : Jan 2015 رقم العضوية : 1299 الجنس : ذكر المشاركات : 454 |
وياك يالغالي وتسلملي وبالفعل خلال الدوشه الي صاايره ومع ذلك الوضع عادي البريطانيين يبون فلوس .gif "(56)") وبيني وبينك يوم سولفت مع الموظف تهورت و قلت شف انت عارف الاحداث الي صايره فباريس هل في احتمال الاجرائات تطول ولا وش الوضع قال لا من يوم صارت الاحداث والوضع زي السابق ما تغير شي .gif "(35)") وقصدي 9 ساعات ( جالس احسب انهم بدو الشغل يوم الاحد الساعه 1 الظهر ان الفيزا تحت الاجراء لان الايميل وصل الساعه 12:52 الظهر وانتهى الدوام الساعه 5 العصر هنا 4 ساعات عمل اليوم الثاني وصلني ايميل الساعه 11:56 الصبح ان الجواز فمكتب التاشيرات الموحد بالرياض اقدر اروح واستلمه ولو نحسب من 8 لى 12 الظهر هنا كمان 4 ساعات يعني الشغله كلها 8 ساعات استغرقت من السفاره لمركز التاشيرات والعكس طبعا مو كل ال 8 ساعات تدقيق فالفيزا حقتي يعني اجرائات طبعا فاضي وقلت اقعد احسب .gif "(37)") ومع ذلك الحسبه غلط قلت 9 ونص  ويعطيك الصحه والعافيه منور .gif "(125)")
|
|
| |
|
24-11-2015, 08:53 PM
| #4 | ||
| مميز العرب المسافرون  تاريخ التسجيل : Dec 2014 رقم العضوية : 620 الدولة : المملكة العربية السعودية الجنس : ذكر المشاركات : 7,228
|
| ||
|
| |
|
24-11-2015, 09:08 PM
| #5 |
| مميز المملكة المتحدة تاريخ التسجيل : Jan 2015 رقم العضوية : 1299 الجنس : ذكر المشاركات : 454 |
بصراحه انا ما كنت عارف السعر قبل اقدم ويوم خلصت الابلكيشن وجاء اختيار الموعد وحطيت برايم طلع السعر 938 دولار  قلت اكيد فيه غلط فالموضوع رجعت وغيرت الموعد لعادي وللاسف نفس السعر .gif "(57)") وبصراحه ترددت لحظات لكن عشقي لبريطانيا خلاني اكمل عمليت السداد .gif "(3)") الحين خلاص حصلت االتروفي البلاتيني .gif "(155)") وتقدر تقدم على اقل وهذا الي ينصح فيه الشخص انه يقدم على الاقل ثم يتدرج للاعلى فيه 6 شهور وبعدها تجي سنتين ثم 5 سنوات ثم 10 سنوات والله يعافيك يابعدي منور .gif "(114)")
|
|
| |
|
25-11-2015, 02:47 AM
| #6 | ||
| خبير بريطانيا تاريخ التسجيل : Dec 2014 رقم العضوية : 178 المشاركات : 1,441
|
| ||
|
| |
|
25-11-2015, 03:59 AM
| #7 |
| مسافر متميز  تاريخ التسجيل : Dec 2014 رقم العضوية : 388 الدولة : الرياض الجنس : ذكر المشاركات : 148 |
|
|
| |
|
25-11-2015, 06:49 PM
| #9 |
| مميز المملكة المتحدة تاريخ التسجيل : Jan 2015 رقم العضوية : 1299 الجنس : ذكر المشاركات : 454 |
هلا ابو عبدالله تامر آمر لو انك معطيني خبر كان جبته لك كنت عندكم من ٢٤ اكتوبر الى ٣ نوفمبر  تمشيه على السريع كان وقت وجو جميل الخريف بس كنت فاضي وقلت خلني اقدم قبل الزحمه  منور العفو اخوي  وفعلا فرصه ما فيه زحمه والتصوير ما يهم ايش لابس اهم شي ما يكون على راسك شي يعني لو لابس شماغ بتشيله وتتصور ما فهمت اي مدنيه ؟ اذا تقصد التقديم قدمة فالرياض الله يعافيك ويبقيك والله يبارك بعمرك
|
|
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تجربتى مع الفيزا البريطانية والتى لم تنتهى بعد. | سامح سياحة | فيزا بريطانيا | 34 | 02-12-2021 10:50 PM |
| تجربتي مع الفيزا البريطانية .. | HASSAN | فيزا بريطانيا | 14 | 02-12-2021 10:49 PM |
| تجربتي مع الفيزا البريطانية | PrinceOfPersia | فيزا بريطانيا | 20 | 21-06-2017 11:33 PM |
| الفيزا البريطانية | ساعدوني أهل الشرقية | Ashwaq | فيزا بريطانيا | 8 | 06-03-2015 01:19 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
