العرب المسافرون السعودية

كنا هنا (5) مطعم كابوريا جدة


يسعد أيامكم


اليوم اخترت لكم مطعم مأكولات بحرية كنوع من التغيير

يقع على نفس الشارع و في مجمع فلسطين مقابل ستاربكس

مساحة المطعم رائعة و يغلب عليه الطابع المصري

أول ما دخلت بديت أصور و اذا بـواحد منهم يجيني يقول

بتصور ليه ؟
قلت له أنا من موقع العرب المسافرون و راح أكتب عنكم تقرير
دقايق و المدير العام عندي و يقول راجع الادارة في الصناعية

أنا اعتبرت الهليلة دي نوع من البهارات للتقرير و كنت مستمتع فيها

قلت له راح أصور و بكره اراجع الادارة و أتفاهم معاهم بطريقة

الاستقبال هذي
عدلوا البدل مضبوط و قالوا تفضل يا افندم
قلت يعني الحساب عليكم قالوا ازاي ياباشا
قلت لما تقول تفضل يعني بتعزمني وفي أصول العرب
الضيف ما بيدفعش حاجة
قال يعني أقول ايه
قلت له تقول مرحبا ، ويلكم ، حاجة زي كذا




رحت للسمك عشان اختار و كان نفسي في حاجة مشوي
فاخترت الحريد الكيلو كان بـ 120 ريال
و بالعافية لقينا وحدة حول 700 جم
مع أني أشوف 500 جم كافية للفرد الواحد




تقريباً كل أنواع السمك متوفرة بس الهامور كله من الحجم الكبير



المطبخ



ضيافة المطعم






واضح اللمسات المصرية بالديكور



طبعاً لا يوجد أحد غيري بالمطعم



اخترت الطاولة هذي



قهوة و تمر



المطعم نظيف و مرتب






وصلت شوربة السي فود و طعمها جداً رائع



لا يمت للصيادية بصلة على الاطلاق



طلبي كان مشوي و اللي جاء صينية بالفرن



اللي أزعجني صحيح كثرة البصل بالأكل



ماتكلمت معهم عن ملاحظاتي أبداً



حاولت اتغلب على السلبيات و قمت بعمل لا بأس به






الأسعار لا بأس بها بس مقارنة بالطعم ما تستاهل








تقييمي للمطعم :

الطعم : 5 من 10
السعر : 7 من 10
الخدمة : 7 من 10
النظافة : 9 من 10
الموقع : 10 من 10

البصل كان غالب على الطعم و أنا أصلاً ما أكله كمان الصيادية لون بس
لذا السعر يعتبر مبالغ فيه مقارنة بالطعم

رحت لستاربكس مقابل له بس الوقت كان متأخر و هم يقفلون
الساعة 1 صباحاً و غالبية الشارع يقفل بنفس الوقت

أول ما دخلت قال لي للاسف الدوام انتهى
قلت أخذ لكم كم صورة على أمل زيارته لاحقاً
















برجر كنج بين كابوريا و ستاربكس



و هذا المطعم الفرنسي مدري من سألني عنه لازال موجود
و هو مقابل كابوريا تماماً من ناحية الشمال



رحت لـ كوفي بين جنبهم برضه لقيته مقفل




الله يسعدكم