استفسار

فتاة الدمى · 13-12-2015, 12:16 PM

اقتباس : المشاركة الأصلية كتبت بواسطة ابو ماجد

السلام عليكم
صباح الخير للجميع
محدثكم زار جده كثيررررررر لكن ولا مره اعجبني فندق شكل وسعر
بكل مره يكون سعر الفندق مبالغ فيه حاب اجرب فندق سعره مناسب
ونظيف والاهم الاثاث نظيف جدا
وحاب تعطوني اسماء مطاعم اكلها لذيذ
جربت مطعم القلزم اللي في ابحر الشماليه وكان جميل اذا فيه احلا منه للاسماك ياليت تدوني خبر
وشكرا

وعليكم السلام

تبغى سعر مناسب وأثاث نظيف هوليدي إن طريق المدينة فتح جديد وأسعاره حلوة وموقعه حلووو يطلعك على طريق المدينة وعلى شارع الأمل وشارع الأمير سلطان

وفي صاري في مجمع أسكوت فتحت شقق فندقية راااائعة وموقعها مميز خصوصا إنها جنب ستارز أفينيو وبنفس المجمع في مجموعة مطاعم جديدة فتحت من ضمنها أهواك ومطعم روسوبومودورو الإيطالي في أكبر حديقة معلقة بجدة وعندك مطعم أم شريف ومطعم سلطان ستيك هاوس هدول أجد مطاعم في جدة ولذيذين بس أسعارهم شوية غالية وطبعاً بالإضافة للمطاعم اللي ذكرتها طوق الياسمين

بالنسبة للسمك عندك ناجل البحر بشارع الأمير سلطان للان أنا أعتبره أفضل مطاعم السمك في محيط جدة ومو حابب تطلع ثول

ورحلة سعيدة

الجوكر, آخـــرفـــرصـــة و طوق الياسمين معجبون بهذا.