بعد الجولة فى نوتردام خدت الباص تانى الشانزليزيه
الشارع زحمة جدا و بشر كتير ماشاء الله و أجواء روعة جدا

https://vimeo.com/151277376






نزلت من الباص و مشيت فى شارع الشانزليزيه من ميدان الكونكورد إلى قوس النصر فى أجواء رائعة جدا محلات جميلة و كرنفالات رائعة لكن الجو كان برد جدا جدا جدا و أكاد اتجمد .

قابلت بعض الشباب المصريين طلبوا التصوير معايا عشان زى الزمالك . كانوا جايين من مصر لتغطية مؤتمر المناخ و سألتهم هل واجهوا أى مشاكل فى الجوازات عند الدخول قالوا ما كانش فيه أى مشاكل إطلاقا مجرد ختم الدخول فقط رغم إنهم حضروا لفرنسا قبلى بخمس أيام.

طبعا سألتهم عن مطاعم حلال لأن الجوع وصل بى إلى مرحلة صعبة جدا حيث اليوم التالت عل قطعة كرواسون و شوكولاته و نسكافيه. تتابع الرحلة و ضيق الوقت و عدم وجود مطاعم حلال فى طريقى كانت مشكلة . الشباب دلونى على مطعم فى نوتردام لكن للأسف أنا لسه جاى من نوتردام.

التوقف لدقائق في البرد القارص خلى إيدى ترتعش بشكل مرعب خوفنى جدا كأنها متكهربة [emoji15] رغم إنى لابس جوانتى. حطيت إيدى فى جيوبى وكملت الجولة للأسف المحلات مليئة بال hot wine لا و يترجموها كمان للعرب كحول ساخن و طوابير عليه لكن الحمدلله ما كان فى طابور على القهوة [emoji3] شربت قهوة ساخنة للتدفئة.

المنيوهات في المحلات كلها بالفرنسية [emoji17] آخر مازهقت سألت فى أحد المقاهى عن أكل نباتيين و أمرى لله و اخدت بيتزا مارجريتا و كافيه اوليه و ماء كلفت 33 يورو . باريس غالية شوية لكن الجرسونات فى منتهى المرح و يرحبوا بك جدا و يرحبوا بالعرب جدا منها لله الميديا. استمتعت جدا بالدفاية في الكافيه [emoji23] و الهواء فى الخارج يكاد يشيل الكافيهات .

كملت السير حتى قوس النصر و اخدت بعض الصور. لازم تزور الشانزليزيه و تتصور فيه بالليل و بالنهار
بعد كده خدت المترو مرة تانية لتروكير لتصوير ب برج إيفل بالليل كان منظره رائع .

https://vimeo.com/151278187










قعدت شوية للراحة و الاستمتاع بالمكان الجميل و توديع باريس لأنى كنت مسافر فى الصباح إلى فينيسيا.

ركبت المترو و نزلت محطة Passay محطة واحدة فقط تروكير و رغم إن الفندق قريب جدا مشى لكن كنت تعبت جدا من التجول و وصلت الفندق حوالى الساعة 12 بالليل رتبت شنطتى عشان الصبح بدرى أعمل check out و أروح مطار beauvais

اليوم التالى كان مغامرة مش فى الحسبان خالص . يتبع




Sent from my SM-N915F using Tapatalk