ماليزيا ... با احلى الذكريات - الصفحة 6

opera_kw · 18-01-2016, 04:28 AM

اليوم التاسع:

21 ديسمبر 2015

اليوم ثاني ايامنا في ليغو لاند

واليوم مخصص للسباحه

اول شي نعرفكم على مطعم الفندق

المطعم ممتاز شامل كل الاصناف وكل شي فيه

حتى الوان الطاولات والاطباق مناسبه جدا للفندق

بس الفتره اللي احنا رايحين لها زحمه كانت

حتى في ايام ماكنت محصله حجز بالفندق

هذا التاريخ الوحيد اللي ناسبنا وغير جذي الغرفه اللي كنا نبيها ماحصلناها لانه الفندق زحمه

فتخيلو بالريوق شنو الوضع

زحمه وااايد وازعااااج واصوات اطفال

وبعد وانت تمشي معاك قهوه او شايل بيدك شي لازم تنتبه لانه عاااادي جدا الاطفال يركضون بالمطعم وممكن يطيح منك

المدخل

قبل الزحمه

وبعد ما خلصنا

رحنا الووتر بارك

الووتر بارك واااااايد حلو

واستمتعنا فيه جداااا

والى اللوكرات

نحط اغراضنا باللوكر مقابل مبلغ بسيط

واللي مايعرف يسبح وللاطفال

ضروري

وفي الخيمه تتأجر بالساعات

و الستاره الي فيها تتسكر للي يحب يرتاح

يتبع....

ali pontiac, فيصل, قصة حب و 5 آخرون معجبون بهذا.

فيصل · 18-01-2016, 05:10 AM

ماقصرتي
بس كل لعبه وعامل وسعر التذكره عالي مقارنه بالأنشطع في ماليزيا

ما فيه باس يدخلني بدون انتظار

كانت توقعاتك عن الخدمات أكبر ؟؟؟؟؟

توبليرونمعجبون بهذا.

opera_kw · 18-01-2016, 08:31 AM

اقتباس : المشاركة الأصلية كتبت بواسطة فيصل

ماقصرتي
بس كل لعبه وعامل وسعر التذكره عالي مقارنه بالأنشطع في ماليزيا

ما فيه باس يدخلني بدون انتظار

كانت توقعاتك عن الخدمات أكبر ؟؟؟؟؟

اي والله التوقعات كانت اكبر للخدمه لانه شرق اسيا معروووفه بالنظام والترتيب والخدمات

ابد مافي باس

الكل ناطر

فيصل و توبليرون معجبون بهذا.

opera_kw · 18-01-2016, 08:30 AM

تابع الجزء التاسع:

وهذا مطعم للي يحب ياكل ويكمل سباحته بعدين

من رايي الشخصي:

الوتر بارك وااايد احلى من الثيم بارك

ومن رايي وكل واحد له وجهة نظر تختلف لاي حاب يزور ليغو يوم واحد كااافي و زايد عليها

الصبح لي الظهر الوتر بارك وباقي اليوم بالثيم بارك وخلاص..

بس حجزو بالفندق بس بروووحه سياحه

عقب ماخلصنا وتعبنا اصلا من السباحه لي الظهر عالساعه 3 طلعنا

رحنا المول او الساحه اللي مقابل البارك نبي نتغدا

شفنا هذا المطعم

قعدنا وطلبنا

3 اطباق بس

كل طبق يوصل ناكله وننطر الطبق اللي وراه

مادري الظاهر شيف واحد بس داخل المطبخ

يطبخ طبق طبق

البطاط باين انه مقلي بدهن صارله اسبوع مو مغيرينه

اما هذا الطبق لذيذ

شي شي

عيش و بطاط وربيان وفوقه باشميل مادري شنو الخلطه بس شي لذيذ

الحمدلله عالنعمه

عقب دخلنا مره ثانيه الثيم بارك

بس الشمس كانت حاميه

هذا المكان عند المدخل واهو المكان الوحيد اللي فيه ظل

اغلب الناس قاعده هني

وهذي وحده من الالعاب اللي مادخلو ولدي الصغير لانه طوله مايسمح

واللعبه ترا مافيها شي بس تدور كانها لعبه الاكواب

وهذي يدخلون داخل ويطلعون راسهم بالكره البلاستيكيه

ما طولنا بسرعه طلعنا

لانه اصلنا تعبانين من السباحه

والشمس صدعتنا زياده

رجعنا الفندق

قعدنا لي بالليل بالغرفه

تخيلو ان كلش ما ملينا من كثر ما الفندق والغرفه فيها اشياء حلوه

و بالليل بوبدر طلع ياب لنا عشا من برجر كينج وتعشينا بالغرفه

فيصل, |القحطاني|, Al-Hajri VIP و 4 آخرون معجبون بهذا.

عاصي القلوب · 18-01-2016, 08:39 AM

بصراحة تقرير وصور في غاية الروعة والجمال ..
الله لايحرمنا من عطاء قلمك المميز ..

توبليرونمعجبون بهذا.

opera_kw · 20-01-2016, 08:07 AM

اقتباس : المشاركة الأصلية كتبت بواسطة عاصي القلوب

بصراحة تقرير وصور في غاية الروعة والجمال ..
الله لايحرمنا من عطاء قلمك المميز ..

شكرااا

توبليرونمعجبون بهذا.

fanda · 18-01-2016, 08:41 AM

جربنا ليغولاند المانيا وفرق عن وصفج
وايد استانسو فيها عيالي مع انه المكان كان زحمه بس مافي طوابير وإذا كان طابور يمشي بسرعه
عموما تجربة حلوه للاطفال
متابعين

قصة حب و توبليرون معجبون بهذا.

opera_kw · 20-01-2016, 08:08 AM

اقتباس : المشاركة الأصلية كتبت بواسطة fanda

جربنا ليغولاند المانيا وفرق عن وصفج
وايد استانسو فيها عيالي مع انه المكان كان زحمه بس مافي طوابير وإذا كان طابور يمشي بسرعه
عموما تجربة حلوه للاطفال
متابعين

اي والله كانت تجربه حلوه بس التنظيم لو يتم عدل بيكون كل شي تمام

توبليرونمعجبون بهذا.

قصة حب · 18-01-2016, 09:56 AM

وايد حلو بارت الليقو لاند

لكن صج ملاقه ان الدخول الساعه 4

ما اردي شنو الحكمة ؟؟ ما سألتيهم ؟؟؟؟؟؟؟؟؟

الله يخليلكم الكتكوتين بدوري وحمودي يارب

اكيد استانسوا وايد بهالمكان

غريبة ان الموظفين شوية واللعب يتأخر والتنظيم بطئ

لو تشوفين سيام بارك في تايلند اتونس عججججججججيبة

وبمستوى الصن واي

متابعينك اكيد والتشجيع مستمر

عاااااااااااااااااشت مس اوبرا

يسلمو الديات اللي صورت وكتب هالتقرير الونيس

تحياتي لك بنت الديرة

اختك

قصة حب

توبليرونمعجبون بهذا.

opera_kw · 20-01-2016, 08:14 AM

اقتباس : المشاركة الأصلية كتبت بواسطة قصة حب

وايد حلو بارت الليقو لاند

لكن صج ملاقه ان الدخول الساعه 4

ما اردي شنو الحكمة ؟؟ ما سألتيهم ؟؟؟؟؟؟؟؟؟

الله يخليلكم الكتكوتين بدوري وحمودي يارب

اكيد استانسوا وايد بهالمكان

غريبة ان الموظفين شوية واللعب يتأخر والتنظيم بطئ

لو تشوفين سيام بارك في تايلند اتونس عججججججججيبة

وبمستوى الصن واي

متابعينك اكيد والتشجيع مستمر

عاااااااااااااااااشت مس اوبرا

يسلمو الديات اللي صورت وكتب هالتقرير الونيس

تحياتي لك بنت الديرة

اختك

قصة حب

صح انا وايد استغربت من ماليزيا هالمره كل مره اروح بدون الاطفال والوضع تمام ماعندي اي مشاكل ودايما اشوفهم نظاميين ومرتين

الا هالمره مادري ليش ... يمكن معاي يهال و وحركتي صارت اثقل معاهم

اي ليغو يدخلون الساعه 4 لانه يقولون الفندق دايما زحمه و الناس على ما تسوي جيك اوت ما يمديهم ينظفون الغرف وتجهز

علشان جذي حاطين روحهم بالسيف سايد انه 4 الدخول

من صجج بدوووري طااااير من الفرحه طاااير للحين يسولف عن الفندق .. وكل الاماكن اللي سافرها للحين يتغزل بليغولاند لانه يحب الليغو اهو

وتبين الصج انا بعد عندي احلى من فنادق ديزني .. اقصد الغرفه نفسها فكرتها حلوه وكل شي بالفندق

امبلا رايحه تايلند وشايفه عاااد تايلند الحب بس همن رايحه بدون الاطفال يمكن لو اروح معاهم تتغير نظرتي لها

قصة حب و توبليرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احلى بوسة من مصرالمحروسة	الشمس الساطعة	بوابة مصر	9	21-05-2016 01:17 PM
احلى سفرة الى اندونيسيا	علاء الغامدي	بوابة اندونيسيا	13	12-11-2015 09:31 AM
ابحث عن فندق في السلطان احمد	mahmood	تركيا	6	19-09-2015 03:44 PM
مسجد السلطان احمد	F.A.H.D	بوابة الكاميرات	13	07-04-2015 02:32 PM