اخواني خواتي مشكلة الارقام مادري ليش ماتكون واضحه لكم يمكن لاني استخدم برنامج التابتولك من الايفون عموما بس القى وقت ادخل من جوجل واعدل بالارقام
فارس يمكن لعدم وضوح الارقام صارت القطعه مكسره هنديه ومافهمت والله العتب موعلي ع البرنامج ولسرعة الكتابه لتدارك تطاير وتشتت المعلومات والتفاصيل
للعلم عندي سفره لتركيا سابقه للحين تحت قيد الانتظار وكتابتها ولانه صارت سفره قديمه صار في كسل للاسف عشان جذي هالمره قلت اكتب وانزل التقرير والتفاصيل اول باول

بالنسبه للسكن اخذته من زميل معي في الكويت ملك خاص له ليست للايجار ولكن من باب العرفان والحياء وطبع فيني ما احب احد يكون علي فضل او او قد وضعت مبلغ من المال في ظرف وسأضعه في الشقه عند خروجي وبعدها ارسال مسج له

لذلك لم اصور مكان السكن ولا حتى تفاصيل السكن احترام لخصوصيه الشخص ربما السكن مكان راحة الاشخاص والغالب يعشق الخصوصيه فيه

لكن سأعطيكم مكان الشارع والحته والمكان وشنو قريب منه وشنو فيه اغلب المكان فيه مطاعم عربيه وتركيه وشاميه ويمنيه وقريب من المحطه

الشقه الي انا فيها غرفتين وصالة وغرفة طعام وحمام واحد عزكم الله ومطبخ مؤثثه طبعا والدور الاول وتحت العماره بقاله ومطعم ومقهى ويستري شارع يمين يسار كله مطاعم لكن ما تمشيت ولا رحت لذلك الشارع الا اول ماوصلت لاني يوعانه كنت وثاني يوم اخذت تاكسي لذلك الشارع لاشتري تعبئة شحن رصيد للشريحه الي عندي لانها راح الي كان فيها والريوق مستلزماته اخذتها من بقاله العماره الي انا فيها واغلب البقالات اسعارهم قريبه من بعض ومتشابهه
المطعم والكافيه الصباح يكون مطعم لذيذ ع كلام راعي الشقه والناس الي ساكنين بالعماره خو ليمونه حزينه ماتخلي تسولف مع الاتراك والانجليز وبليل يصير كافيه شيشه وارجيله وبار

عموما من وصلت للحين الثلج لم يقف لحظه ياسعادة حظي وموناي الي انا فيه والبرد جميل وممتع واكتشفت اذا الجسم اخذ ع البرد ودرجة الحراره خلاص الامور بخير وبالتمام وبالسلك السليم وعادي تتمشى والثلج يترنح فوق راسك وبين اكتافك ثلج والله قمة الوناسه والبرد والمغامره وعادي مره وحده تفصل من الثلج وتصرخ وتقووووول ايدي تجمدت هههههه