مساء الخير لكم جميعا
سأنتهز وقت جلوسي بالباص واكتب لكم بعض التفاصيل
تاريخ اثنان وعشرون من يناير يو ميلادي المجيد والسعيد وكان من حظ امي انها اولدتني وشافتني وصرت بنتها احم احم وزاد من عمري عمر




‏ومضى من عمري أعوآم .. وزآد عآم
‏يآ عسى أعوآمي مديده وأعيش أيامي سعيده‍ [emoji177]


اتصل علي السائق علاوي التركي المتحدث اللغه العربيه وقالي ها ياليمونه متى تبين اخذكم ع الباخره قتله تعال الحين طبعا الحين يعني بعد ساعه ع ما نقوم ونبدل ونصحصح ناخذ ساعه كويتين بدمنا التأخير والله عاد انا ما اتأخر وايد اشويات

ع الساعه الحاديه عشر صباحا الضحى العود عندنا بالكويت شرف علاوي واخذنا الى الباخره وبالسياره عطيته حساب الايام الي كان معاي حسبلي الليله ع مئة دولار بعد ما كاسرته ونزلت بالسعر طلب مني بالبدايه مئه وثلاثون دولار لليوم حصيلة ثلاث ايام تسعمائة ليرة اي ثلاثة مئة دولار وليلتين سفنجه حسبها لي مئه وعشرون دولار الليله عطيته ستمائة ليره سفنجه الاجمالي الف وخمسمائه ليره البانزين ع قولتهم الباترووول علي انا دفعت له مئه وخمسون اول ما مشينا لسفنجه والبدايه اخذ مني يوم وصولي لاسطنبول طلب مني مئة ليره هذي حسبتها مع فلوس يوميته العشرين دولار وزياده ماخذ المهم

نظام السائق الخاص يا انه عليه الباترول والتوصيل طول اليوم معاكم او عليكم انتم الباترول وهو ياخذ منكم فقط يوميته

في اسعار مختلفه انتو والي يناسبكم واختيار سيارتكم

عند وصولي لمكتب حجز التذاكر لبورصه اغلب الباخرات متكنسله لسوء الاحوال الجويه هواء بارد شديد الرياح والسرعه وتساقط رداذ الثلج امطار
ماحصلت الا اقرب توقيت لي الساعه الحادي عشر وخمسة واربعون اخ تها من دون تردد الى يلوا طبعا مافي بورصه الا الساعه الخامسه عصرا التذكره للكبير ثلاث وعشرون ليره والطفل عشرون ليره اجمالي سته وستون ليره يابلاش
يا انت بطل وبطله وسوبرمان ومن تسحبين وتشيلين وتحملين حقيبتج او تخلين حمالي مع العربانه ينقل ويوصل الحقائب لي الباخره ع عشرون ليره يابلاش طبعا اخذت حمالي يوصل حقائبي لي الباخره عطيته اربعون واكراميه لتسهيل مسيرنا عشرة ليره اجمالي خمسون عليه بالعافيه ولاتقلدوني تراه اخذ زياده لانه التركي قالي نو نو قتله نوبربلم اكراميه مني

بعدها صعدنا وجلسنا مقابل البلكونه لروعة المنظر ومن حظي المكان استراتيجي داخل الباخره الكبينه لانه برد مستحيل احد يقوى الجلوس بالبلكونه وامطار ورذاذ ثلج وطلبنا كوفي نتروق مع جمال المنظر والبحر والطيور المتطايره اخذ الوقت تقريبا ساعه بعدها اخذنا نفسنا واخدم نفسك بنفسك الى كشك حجز تذاكر الباص الي ياخذكم الى بورصه الشخص تذكرته للباص خمسة عشر ليره الكبير والطفل اجمالي خمسه واربعون ليره ويامهلل يا سعيد بلاش والله مع العلم كنت ابي اخذ تاكسي واريح نفسي وطلب مني واحد مئتان وخمسون قتله يو ار كريزي ما انت صاحي يحسبني غشيمه الشيبه
سألت واحد ثاني وبالاصح اهو ياني وقالي وين بتروحين قتله بورصه قال مئه وخمسون قتله نوونونونونوو مئه قال نووووو قتله مئه وعشرون قال نونونوونو قتله يارافس النعمه براحتك انت الخسران ورحت وحجزت باص شنو فيها الباص حلو وسيع ونظيف ومرتب وتنظيم حالي حال باقي البشر التواضع صفة المؤمن وصفه جميله والتواضع لله سبحانه

خمسون دقيقه الى بورصه مسافة الطريق


وسلامتكم يا اعزائي وانا سعيده بتواصلي معاكم بصباح يوم عيد ميلادي كل عام وانتم سعيدين في تواصلي وياكم وعسى عمري طويل واتواصل وياكم وافيدكم وتفيدوني ربي مايحرمني منكم اخوان وخوات