مترو باريس

fanda · 17-01-2015, 10:37 PM

اغلب محطات المترو تخدم عدة خطوط من خلال منصات قطارات مختلفه في المحطة الواحده. للعثور على طريقك الى المنصة الصحيحه عليكم التركيز في اللوحات الارشادية للمسارات داخل المحطة.

في كل نقطة مفرق في محطة المترو بتلقون رقم الخط الي يسلكه القطار مع اسماء المحطات الي راح يمر عليها . هذي اللوحات راح تدلكم اي رصيف تنزلونه عشان تلقون القطار الي يناسبكم.

بعد ما تنزلون الى الرصيف الصحيح .. راح تلقون لوحات الكترونيه تبين كم باقي من وقت عشان يوصل القطار . هذي اللوحات تساعدكم للتاكد من اذا كنتوا في الاتجاه الصحيح او لا لانه راح يبين اسم الخط الي بيسلكه المترو ( اخر محطة)

وطبعا اول ما توصلون محطتكم المقصوده راح تلقون اسم المحطة مكتوب بخط واضح على جدران المحطة.

الخروج

لما توصلون محطتكم المطلوبة كل الي عليكم تتبعون العلامات الزرقاء للمخارج “Sortie” المحطات الي يكون فيها اكثر من مخرج وقريبة من الاماكن السياحه راح يكون اسم المعلم مكتوب مع كلمة المخرج للدلاله انه هذا هو اقرب مخرج للمعلم .

للخروج نهائيا من المحطة راح تعبرون مرة ثانيه من خلال الحواجز / البوابات الالكترونيه. كل الي عليكم التوجه الى بوابة مفتوحه او بوابة مضاءه بالاخضر واعبروا منها .

وبجذي نكون خلصنا شرحنا المختصر للمترو وطريقة استخدامه اتمنى يكون الشرح واضح و مفيد

تحياتي

أبن السلطنة, محمدويوسف و Eng1Basem معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن مترو باريس ، واسعار التاكسي	be nice	بوابة فرنسا	11	03-04-2015 09:00 PM
سؤال عن مترو باريس واتمنى ماتخذلوني نفس المرة الي فاتت	india	بوابة فرنسا	6	04-03-2015 01:56 AM