وعليكم السلام ورحمة الله وبركاته ....
ماقصروا اللي سبقوني واحب اشارك باللي عندي يمكن يفيد بشي :

-
- سبق زرتها من سنتين لمدة 16 يوم وكانت مره ممتعه ولله الحمد .
- الحجز كان عن طريق شركه اخذو اعتقد ربع المبلغ والباقي بالمطار وحجزوا لنا الفنادق اللي اخترنا + سياره فان . ولازم قبل السفر تكونون مرتبين السكن + السيارة بسواقها لان ماراح يمشي الوضع بدون سواق
- بعض الاماكن احس مهم تزورونها وتسكنون فيها مثل ( هوناس فولز ) تعتبر جنة من جنان الارض وجلسنا فيها 4 ايام وما ملينا منها بس مشكلتها لازم تحجزون بدري لان الاوتيل صغير نسبيا ( وهذي ميزة ان المنطقة ماتكون زحمة ) بس الحجز للمواسم بدون مبالغه يفضل قبل السفر بكم شهر والا بتفوتكم الفرصه .

- فيه منطقة اسمها هابرانا قريبة من صخرة سيجريا ولو سكنتوا امايا ليك ( ارشحه لكم ) ممكن تطلعون سفاري من باب التمشية ليس الا والا مافيه ذاك الزود بالنسبة للحيوانات . بس المكان جدا حلو كتمشية .

- حديقة البهارات احس انها مافيها شي جديد ونفس الاشجار عندهم موجوده بالشارع بس يتكلمون لكم عنها ويحاولون يبيعونكم منتجاتهم ( طبعا غاليه ) .

- حاولوا بالحجز تكون اوتيلات زينه لان الاسعار اجمالا منطقية ومطاعم الفنادق نظيفه وطبخهم لذيذ .. وكان معي اطفالي وعادي ياكلون منها ( اقصد موب حار ) .

- كولمبوا مافيها شي يسوا والدولة عموما غير مناسبة تقريبا للتسوق . بس ممكن تلقون ماركات بسوق الجاكيتات في نوراليا .
- سريلانكا دولة فقيرة ولا يوجد سياحة ليلية فيها .يعني مع غروب الشمس ينتهي كل شي وتصلون العشاء وتنامون وتصحون من الفجر .

- سريلانكا مناسبة جدا لمن يحب الطبيعه وغير مناسبة لمن يحب حياة الصخب والاسواق .

- اتمنى لكم سفرا سعيد بحول الله وقوته .