السلام عليكم
حابه استفسر عن اسعار التذاكر في بعض الاماكن السياحيه
وطريقة شراء تذاكر الميترو

ابغى اعرف سعر الشخص البالغ لي
متحف مدام توسو
ايز لندن
الباص السياحي والي سمعتو وقراتو انها انواع ايش افضل نوع وكم سعر التذكره

وياليت لو فيه مكان ثاني يستاهل الزياره تفيدوني
وشكرا مقدما.....

وعليكم السلام ورحمه الله وبركاته

ياهلا ومرحبا مميزتنا

بالنسبه لشراء تذاكر المترو


وبطاقه الاويستر تشترينها يا للمترو فقط او للباص فقط او المترو مع الباص في بطاقه واحده

بطاقه الاويستر للمترو تقدرين تاخذينها يوم او اسبوع
والافضل لج تاخذينها لزون 1
لان هالزون يغطي وسط لندن كلها

بطاقه الاويستر للبالغ لزون 1 لمده اسبوع تقريبا 32 باوند
وسعرها ليوم كامل تقريبا 12 باوند

وسعر تذكره الباص باليوم 5 باوند
وبا الاسبوع 21 باوند

طريقه شرائها :

الافضل شرائها

1- عن طريق بعض المحلات او شباك التذاكر في محطات المترو

اذا ممكن تعطيني مكان السكن
واقولج اقرب مكان لشراء البطاقه من المحلات

2- الطريقه الثانيه عن طري المكينه في محطات المترو
ومكائن محطات المترو تدعم اللغه العربيه
يعني سهله جدا تحولين للغه العربيه وراح تكون البيانات واضحه


بالنسبه للباص السياحي :

افضل لونين الاحمر او الازرق

الاحمر :
يوصلج لأغلب الاماكن السياحيه وممتاز جدا

الازرق :
نفس الاحمر بالضبط لكن الخط اطول ويوصلج اماكن اكثر من الاحمر
مثل النايتسبرج ( هارودز - متحف مدام توسو - محطه قطارات بانديغتون ) وهالمناطق مايوصلها الخط الاحمر

سعر التذكره ليوم واحد 24.5 باوند
سعر التذكره 24 ساعه 26 باوند
سعر التذكره 48 ساعه 33 باوند


بالنسبه لتذاكر متحف توسو ولندن اي

تقدرين تاخذين تذكره مدام توسو لوحدها
وتقدرين تاخذين بكج متحف توسو مع لندن اي
وتقدرين تاخذين متحف توسو مع لندن اي مع الاكواريوم
وفيهم غيرهم من البكجات

تذكره متحف مدام توسو 23 باوند
مدام توسو مع لندن اي 40 باوند
بكج مدام توسو مع لندن اي مع الاكواريوم 51 باوند

تقدرين تحجزين اون لاين وهو الافضل ونصيحه مني
اجباري تاخذينها اون لاين
لان زحمه طابور التذاكر لايحتمل ويضيع عليكم اوقات كثيره
اذا تبغين اي مساعده بالشراء انا حاضر
وبعد الشراء اون لاين تقدرين من تلفونج الموبايل يشوفون الحجز به مايحتاج تطبعين التذكره

بالنسبه للأماكن الثانيه الي تستحق الزياره
لي رجعه ان شاء الله

بس ياريت اعرف مكان السكن تقريبا وين !!
وابغي اعرف تفضلون المترو او المترو مع الباص في تنقلاتكم
عشان اقدر افيدكم اكثر


بالتوفيق

ربي يسعدكم والله ماقصرتو وباذن الله راح احجز اون لاين مثل مانصحتني بس لسه حايسه في السكن لو عندك شقق ممتازه ياليت تنصحني ويكون سعرها جيد غرفتين لي6بالغين وطفل عمره سنتين لمدة 5ليالي من تاريخ20سبتمبر
ويجزاكم الله كل خير


أرسلت بواسطة iPhone بإستخدام Tapatalk

ويسعدج يارب

يجزاج بمثله يارب

شقق لندن مزعجه اشوي وحرب اسعار عند اخوانا العرب
وطبعا تقدرون تحجزون عن طريقهم
لكن معظمهم يرفعون الاسعار بالسما

اذا اعجبتج هالشقه احجزيها عن طريق الموقع افضل

شقق اسكوت في المايفير
عندهم غرفتين نوم لــ 6 اشخاص

بسعر 9100 ريال لخمس ايام

Booking.com: ط´ظ‚ظ‚ ط¢ط³ظƒظˆطھ ظ…ط§ظٹظپظٹط± ظ„ظ†ط¯ظ† - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©


للحجز اون لاين لمدام توسو وباقي الاماكن

ملاحظه :
في بكجات تختارينها
يعني تشترين التذكره لمكانين او ثلاثه او اربعه

التذكره من تشترينها صالحه لمده 30 يوم
يعني سفرتكم 20 سبتمبر
تشترينها بعد تاريخ 20 اغسطس اون لاين

الملاحظه الثانيه:

خذي التذاكر منفرد يعني مكان adult حطي 6
لاتاخذين تذكره فاملي
وبالنسبه للطفل مجانا

الرابط

https://www.madametussauds.co.uk/london/en/tickets/

واذا تبغين هالشقه وموقعها زين
والمكان نفسه حلو حق التمشي فيه وفيه بحيره اصطناعيه

جنب فندق هيلتون متروبول

Thumbnail photos of Merchant Square, Paddington, W2. Apartment to rent (Property to rent) through Foxtons Estate Agents


3 غرف نوم بسعر 1750 باوند با الاسبوع


ممكن تتصلين فيهم وشركه فوكستون مشهوره
واقرب فرع للمكتب جنب فندق غروفنر هاوس في البارك لين

الله يعطيك العافيه مره حبيت الشقه الثانيه وسعرها حلوو اتصل بشركه واحول لهم المبلغ وله كيف طريقتهم معليش غلبتك
وايش افضل خطوط من سالزبورغ للندن وخاصة موضوع الوزن حق العفش


أرسلت بواسطة iPhone بإستخدام Tapatalk

الله يعافيج يارب

اي الشقه الثانيه ممتازه والمنطقه الي حولها هاديه جدا

اي تكلمينهم وترتبين معاهم وهم يقولون لج الطريقه
انا كنت مره بتعامل معاهم وقعد معاهم بالمكتب
بس ماحصلت الي ابغيه من جذي ماقد تعاملت معاهم


بالنسبه للرحله من سالزبورغ الى لندن

في تاريخ 20 سبتمبر
في رحلتين دايركت من مطار سالزبورغ الى مطار جاتويك في لندن

الرحله الاولى :

للطيران البريطاني ايبرتش اير
الرحله طبعا دايركت تقلع الساعه 6:35 مساء
ومده الرحله ساعتين

وسعرها 370 ريال تقريبا

والرحله الثانيه :

لطيران برلين ( برلين اير )

تقلع بنفس التوقيت الساعه 6:35 من سالزبورغ
مده الرحله ساعتين
وتنزل بنفس المطار جاتويك
وسعر التذكره 530 ريال

ارشح لج الطيران البريطاني

السبب الاول انها ارخص

السبب الثاني لانها طيران غير اقتصادي
يعني شروطهم بالشحن افضل من ان يكون طيران اقتصادي ( اير برلين )

وان شاء الله بشوف موضوع الشحن واخبرج


بالتوفيق

الطيران البريطاني

Book Flights, Holidays & Check In Online | British Airways


برلين اير

https://www.airberlin.com/prepage.php